Siete Palbras 2024

PASIUNA
COMMENTATOR:
Mga katawhan nga tinubos ni Kristo, karon ato na usab panimawon

ug pamalandongan ang KATAPUSANG PITO KA PULONG sa atong
GINOONG JESUKRISTO samtang Siya nagbitay didto sa Krus.
Pasalamatan ta ang Dios niining Mahal nga Adlaw kay nagkahiusa
kita sa pagsanong sa iyang tawag alang sa pagpamati ug
pagpamalandong sa Katapusang Pito ka mga Pulong ni Jesus. Bililhon
kaayo kining taknaa kay atong mabati karon ang pagpadayag sa mga
panamilit ni Jesus nga puno sa gahum, makapalig-on sa atong pagtoo
ug makapahingpit sa atong paghigugma. Pangayoon ta diha sa atong
mga pag-ampo nga mahimo unta kitang abli sa atong kaugalingon nga
andam sa pagbag-o pinaagi sa paglikay sa pagpakasala.
Dinhi ato usab masinati dili lamang ang mga Pulong sa mga pag-
antus ug mga kasakitan ni Jesus kondili labaw sa tanan ang mga Pulong
sa walay kinutubang gugma ug kalooy sa atong Ginoo. Ang Pito ka
Pulong sa atong Ginoo, motuhop unta sa matag-usa kanato ug mobag-o
sa atong mga panglantaw sa kinabuhi sumala sa huna-huna ug
kasingkasing sa Dios.
Karon atong ibutang ang atong kaugalingon diha sa presensiya sa
Dios aron magmabungahon ang iyang mga pulong dinhi sa atong
kinabuhi. Palihog manindog ang tanan alang sa pasiunang awit.
COMMENTATOR: Palihug manluhod ang tanan (human sa awit)
PARI O SEMINARIAN: Mag-ampo Kita
Makagagahum ug mahigugmaon namo nga Dios, Imong gitugutan

nga ang Imong Anak mamatay diha sa makaluwas nga kahoy sa Krus.
Ug tungod niini, Imong gipadayag ang kalawom sa Imong paghigugma
kanamo nga imong katawhan.
1 SIETE PALABRAS 2024

Niining among pagpamalandong sa Katapusang Pito ka mga
Pulong nga gilitok ug gibilin ni Jesus nga Imong Anak, ihatag kanamo
ang grasya, nga mudulot unta kini sa kinahiladman sa among kasing-
kasing, ug maghagit kanamo sa pag-bag-o sa among kinabuhi.
Ang Iyang mga Pulong maglig-on unta kanamong tanan ug
magpalahutay sa among pagpuyo luyo sa mga suliran. Tanduga ang
among kasingkasing ug bag-oha ang among galamhan. Kini among
gipangayo pinaagi ni Kristo among Ginoo. Amen.
COMMENTATOR: Palihog manindog ang tanan.
AWIT:
COMMENTATOR: Palihog manglingkod.

UNANG PULONG
COMMENTATOR: “AMAHAN, PASAYLOA SILA KAY WLA SILA

MASAYOD SA ILANG GIBUHAT” kini pagabatbaton ug hatagan ug
kahulugan ni ________________________.
KAABAG: ANG PAGBASA SA EBANGHELYO SUMALA NI SAN LUCAS

(Lk. 23:13-14, 18-21, 23-24, 33-34)
Unya gipatawag ni Pilato ang kadagkoan sa mga Pari u gang mga

tawo ug giingnan sila, “Inyong gidala kanako kining tawhana ug miingon
kamo nga nagpasalaag siya sa mga tawo. Giimbistigar ko Siya dinhi sa
iyang atubangan apan nakaplagan ko nga dili Siya sad-an sa bisan
unsang mga dautang butang nga gisumbong ninyo batok Kaniya.” Apan
misinggit ang tibuok pundok sa mga tawo, “Patya Siya! Si Barabas maoy
buhii! Ilansang Siya sa krus!” Nagpadayon sila pagsinggit ug kusog kayo
nga si Hesus kinahanglan gayud nga ilansang sa Krus ug milampos
gayud sila sa katapusan.
Sa pag-abot nila sa dapit nga ginganlag “Ang Kalabera,” gilansang

nila si Hesus ug ang duha ang kriminal – ang usa diha sa iyang tuo ug
ang usa sa Iyang wala. Miingon si Hesus, “AMAHAN, PASAYLOA SILA
KAY WALA SILA MASAYOD SA ILANG GIBUHAT.”
ANG EBANGHELYO SA GINOO
Tanan: Daygon Ikaw, O Kristo
COMMENTATOR: Palihog manglingkod.
PAMALANDONG:
“AMAHAN PASAYLOA SILA KAY WALA SILA MASAYOD SA

ILANG GIBUHAT”
Ang pulong “pasaylo” usa ka pulong nga dali litukon apan lisud
buhaton. Reyalidad sa kinabuhi sa tawo kung dili man tanan, pipila
kanato adunay kalisdanan sa pagpasaylo sa uban labi na ang tawo nga
nakahatag ug grabi nga kasakit kanato. Ug pipila usab kanato kung dili
man tanan, aduna sab ang kalisdanan sa pagpangayo ug pasaylo sa
uban labaw na kung nasayod kita na nakasala ug nakapasakit kita
kanila. Siguro ang uban kanato adunay kataha sa pagduol sa mga tao
nga atong na sad-an, kay basin dedmahon kita o ebaliwala lang.
Unsa man gayud ang nakababag sa tawo nga mupasaylo o
mangayu ug pasaylo?
Usa ka dakung babag sa tawo nga mupasaylo sa uban tungod sa
GARBO. Ang garbo sa tawo mao ang makahatag ug kasamok,
pagkabahin-bahin, ug makapabungkag sa relasyon sa Ginoo ug sa tawo
ug ang atong relasyon sab sa atong isigka-ingon. Ang garbo ang
nagatulak kanato sa pagpaminaw lamang sa atung kaugalingon ug
pagbaliwala sa tingog ug pagbati sa uban. Garbo ang nagapahilayu
kanato diha sa atung pakigrelasyon sa Dios ug nakapasaag kanato sa
tinuod nga dalan nga mao si Jesukristo ug nagatintal kanato pagpuyo sa
dautan.
Kung kita masakitan ang normal natong ginabuhat ang pagpangita
ug kaayuhan sa atung kaugalingon. Sagad kanato mangita hustisya,
kaangayan ug maghuna-huna dayun kita ug balos sa mga tawo nga
nakapasakit ug nagbugal-bugal kanato. Naay sikat nga panultihon
“walay sukod ang pagbalos” ug kining maong panultihuna ang
kasagaran nga mahuna-hunaan sa tawo sa panahun nga siya masakitan.
Kining maong panglantaw sa kinabuhi ang paghuna-huna ug balos dili
gayud maayu, dili binuhatan sa usa ka kristiano ug labaw sa tanan dili
bihunatan sa Dios.
Tinuod, sa tawhanon na panlantaw, dili gayod sayon ang
pagpasaylo ug pagpangayo ug pasaylo sa uban apan dili usab kini
imposible. Si Kristo mismo diha sa iyang misyon dinhi sa kalibutan ug sa
unang pulong nga atung pamalandungan karun mao ang buhing
ehemplo niini. Si Hesus miingon “Amahan pasayloa sila kay wala sila
masayod sa ilang gibuhat.” Kini nagsaysay ug nagpadayag sa
intimate relationship of the Father and Son sa bisaya pa mao kini ang

SUOD nga relasyon sa Amahan ug sa Anak, kay sa mapaubsanon
misampit ug mihangyo si Hesus sa iyang Amahan nga kita pasayloon sa
atong mga sala.
Ug ato usab mabantayan ang paghigugma ni Hesus diha sa iyang
mga tawo. Sayod kitang tanan nga ang paghigugma ni Hesus mihalad sa
iyang kaugalingon aron sa kapasayloan sa atong mga sala ug aron
matagamtaman nato ang kaluwasan, ug maka angkon sa kinabuhing
walay katapusan. Wala lang kini nagbayad sa kapasayloan sa sala apan
usab sa iyang dakong gugma kanatong mga tawo. Mao nga kung tinuod
kita nga nahigugma sa Ginoo mapakita nato kini sa pagpasaylo sa atong
isig-kaingon. Ug kung tinuod gayud kita nga nahigugma sa Ginoo andam
ug abli kita mupsaylo sa uban. Love forgives. Kay ang tao nga
mahigugmaon, mapasayloon. Ang Ginoo mipasaylo kanato tungod sa
iyang dakong gugma kanato.
Ang Ginoo wala lang niya gipakita ug gipadayag ang iyang gugma
sa pagpakatawo sa kalibutan apan iyaha sab gayod kining konkreto nga
gipadayag sa Krus. Si Hesus nga anaa sa Krus iya gayud gisampit ang
Amahan na pasayloon kita sa atong sala. Si Hesus nga nagpalansang sa
Krus mao ang hingpit nga nagpadayag sa pagkamapaubsanon. Pero
nagpabilin si Hesus sa pagpaubos sa iyang kaugalingon. Si Hesus diha
sa krus mapaubsabnon nga misangpit sa iyang Amahan alang kanato.
Klaro ug tataw kaayo ang pagkamapaubsanon ni Hesus. Pangutan-on
nato ang atong kaugalingon, nagpabilin ba kitang mapaub-sanon kung
kita nakabuhat ug dili maayo sa atong isig-kaingon? Usahay bitaw diha
sa atong kasinatian, kung makasala kita imbis nga muangkon kita sa
atong nabuhat nga dili maayo atong ginabuhat ginapasa nato sa uban.
Common kaayo nga expression “siya man gud.” Instead of
accepting our fault, we blame it to others. Ug usahay kung dili man nato
ipasangil sa uban, imbis nga mu-angkon ta nga nakasala masuko man
hinuon ta. Lahi na ang kalibutan karon kay kung kinsa patong nakasala
sila pa ang masuko. Dili kita kabalo nga mu-angkon ug magpaubos sa
atong kaugalingon kay wala pa naghari ang Dios sa atong kinabuhi.

Si Hesus gitamas-tamasan ug gipasakitan sa mga tawo apan
nagbilin gihapon sa kinaiyang mapasayloon. Nagpatigbabaw gihapon ang
iyang pagkamahigugmaon ug pagkamaloloy-on.
Mga igsoon, nindot ug gaan ang pamati kung kita makapangayo ug
pasaylo sa uban. Gipahimangnoan kita sa pagpaubos sa atong
kaugalingon sama ni Hesus nga nagpaubos sa iyang kaugalingon diha sa
krus aron pagtubos kanatong mga tawo. Ipaubos nato ang atong
kaugalingon ug dili ipataas ang garbo. Kay ang tawong mapaubsanon,
pasayloon.
Kung aduna ang presensya ug naghari ang Ginoo diha sa atong
kasing-kasing, maghari usab ang gugma, kay ang Ginoo gugma man.
Ang buhat sa pagpasaylo mutabang kanato sa pagpalambo sa atung
pagtoo. Karun, kinsa man kadtung mga tao nga kinahanglan natu
pasayluon? Kinsa man kanato ang nakapasaylo na sa mga tawo nga
nakasala kanato? Ug kinsa man kanato ang miduol sa tawo nga atong
napasakitan, gipa-asa, gibiyaan ug nasad-an? (Hamubong kahilom)
COMMENTATOR: Palihug mangluhod ang tanan ug mosabat sa pag-ampo.
O Ginoo, among Dios, among Amahan nga mapasayloon, ania kami

nagkatigum karon isip imong mga pinalangga nga mga anak. Nakighiusa
kami sa imong Bugtong Anak sa pagpanagyo ug kapasayloan sa among
mga kalapasan batok Kanimo ug sa among isigkatawo. Kay dali lang
alang kanamo ang litukon ang imong pasaylo, apan lisod alang kanamo
ang pagbuhat niini.
Himoa kami, nga sama Kanimo, nga kami usab unta daling
makapasaylo sa mga tawo nga nakahimo ug sala ug nakasala kanamo.
Humuka ang among kasingkasing ug hatagi kami sa grasya sa kinabuhi
nga mapasayloon. Kini among gipangayo, pinaagi ni Kristo among
Ginoo. Amen

AWIT:
COMMENTATOR: Palihog manglingkod ang tanan.
IKA-DUHANG PULONG
COMMENTATOR: “SULTIHAN KO IKAW, KARONG ADLAWA ADTO
KA SA PARAISO UBAN KANAKO” kini pagabatbaton ug hatagan ug
kahulugan ni ________________________.
KAABAG:ANG PAGBASA SA EBANGHELYO SUMALA NI SAN LUCAS

(Lk. 23:43)
Miingon si Jesus kaniya, “Sultihan ko ikaw, karong adlawa adto ka

sa Paraiso uban kanako.”
PAMALANDONG:
Kini ang masaarong mga pulong sa atong Ginoong Jesus ngadto sa

kawatan nga gilansang sa krus uban Niya. Sa dihang mihangyo kini sa
paghinumdom kaniya kon si Jesus adto na sa iyang gingharian, si Jesus
misaad diha-diha dayon: “Sultihan ko ikaw, karong adlawa adto ka
sa Paraiso uban kanako.” Pagkaanindot paminawon, nga ang Paraiso
gisaad gikan sa tawo nga karon pa niya ikahibalag ug diha pa gayod
ikahibalag sa dihang nagbitay na sila sa krus. Usa ka matahom nga saad
nga bisan pa sa pagpakasala adunay nagpa-abot nga kasiguruan. Mao
kini ang buhat sa Dios ang pagluwas sa iyang katawhan. Angay ba
gayod nga makasinati si Jesus sa kamatayon aron kita luwason? Unsa
ug kinsa man diay kita alang Kaniya? Ug kinsa man si Jesus diha
kanato?

Luyo sa kaayo ni Jesus sa mga tawo, ngano gilutos ug gipatay man
Siya? Angayan ba gyud nga Siya patyon? Unsa man gayud ang rason
ngano lutoson ug patyon si Jesus? Kini tungod kay nagdahom sila nga
usa ka Mesiyas, motungha ug mopukan sa Roma. Ang Mesiyas
“magaluwas” kanila gikan sa Roma.
Ang Mesiyas, pinaagi sa kusog, gahom, ug kapintasan kon
gikinahanglan isalikway ang mga Romano ug sugdan ang paghari sa
Diyos. Mao kini ang ilang gipaabot. Mao kini ang ilang gipangita. Ang
tinuod nga Mesiyas dili malansang sa Krus. Ang tinuod nga Mesiyas
maoy mutabang kanila.
Gisaysay sa atong Ebanghelyo karun nga dunay duha ka tulisan
nga gilansang sa krus tupad kang Jesus: ang usa sa tuo ug ang usa sa
wala. Apan gisugilon ni San Lucas ang panaglahi sa duha ka tulisan. Ang
usa ka kawatan - gihinganlan sa tradisyon og Aestas nag naghunahuna
gihapon sa pagbahandi sa iyang kinabuhi labaw sa kaluwasan sa iyang
kalag. Nakapangahas pa gani siya sa pagtawag kang Jesus nga Mesiyas
kabahin sa iyang pagbiaybiay. Ang iyang tumong mao ang pagluwas sa
iyang yutan-ong kinabuhi. Ang laing kawatan gihinganlan sa tradisyon
og Dimas nga daw angayan nga sulondon sa mga Kristiyanos. Bulahan
siya nga nakakaplag sa pagpaubos nga labing kinahanglanon nianang
nahibilin nga gutlo sa iyang kinabuhi. Bulahan siya nga nakakita og
bahandi sa iyang kiliran, ang Dios nga gisakit alang sa atong kaluwasan.
Bulahan siya nga wala maglimod sa hustisya ug katarong nga
gipahamtang diha kaniya. Siya mao ang nagbadlong sa iyang kauban
nga miingon, “Wala ka ba mahadlok sa Dios?” Ang mahinulsolon nga
kawatan nahadlok sa Dios. Ang mahinulsulon nga kawatan miangkon
nga siya nakahimog sayop: “Kita nakadawat sa angay nga ganti sa
atong mga buhat.” Wala na siyay tinguha sa pagluwas pa. Gibuksan niya
ang iyang kaugalingon atubangan sa Dios nga iyang gikahadlokan ug
walay paagi nga matago ang iyang sala.
Ang mahinulsulon nga kawatan wala lamang siya miangkon nga
sayop ug sad-an, iyang gidawat ang iyang silot nga angay kaniya. Kini

ang tinuod nga pagsulay sa pagpaubos atubangan sa Diyos. Daghan ang
mosulti sa pagsugid sa sala: “Kaloy-i kami O Dios, nga maloloy-on sa
mga makasasala,” apan sa diha nga moabut ang pipila ka kasamok, sila
masuko kaniya.
Ug kini nga kasuko nagpadayag nga wala gayud sila mobati nga dili
takos atubangan sa Diyos. Gibati gihapon nila, sa kahiladman, nga sila
adunay katungod atubangan sa Dios.
Unsa may atong bation kon kita karon ingnan ni Jesus, “Sultihan
ko ikaw, karong adlawa adto ka sa Paraiso uban kanako.” Kalipay
ba? Kalibog? o kaulaw? Kining tulo maoy natural nga bation sa tawo
apan tingale mas molabaw ang atong kaulaw tungod sa atong dautan
nga binuhatan. Pero tan-awa ang atong katilingban karon, pipila nalang
ang adunay kaulaw nga mobuhat ug kasal-anan. Pipila dili na gani
makaila unsay maayo ug unsay dautan. Ang subo pa palandungon nga
ang mga dautang binuhatan nahimo nang normal ug gidawat sa
katilingban.
Angayan pa bang mo-ingon si Jesus kanato karon, “Sultihan ko
ikaw, karong adlawa adto ka sa Paraiso uban kanako?” Takus ba
kitang modawat sa iyang gidalit nga paraiso? Dili! Dili gayud kita
angayan ug dili gayud takus. Apan pagkabulahan sa usa ka tawong
makasasala nga makakuyog kang Jesus didto sa Paraiso. Atong masinati
nga walay sukod ang gugma ug kalooy sa Dios. Ang Dios dili
magdumdum sa mga kasal-anan nga nabuhat sa tawo kon siya adunay
mapaubsanon ug mahinulsulon nga kasingkasing. Busa, sa matag
higayon nga kita magpaubos sa atong kaugalingon, magbasol sa atong
mga sala ug mudangop ngadto sa Dios diha sa Sakramento sa
Pagkumpisal, sigurado gayud nga si Jesus moingon kanato, “Sultihan
ko ikaw, karong adlawa adto ka sa Paraiso uban kanako.”
Mga igsuon, si Jesus karon nag-awhag kanato: “Karong adlawa
adto ka sa Paraiso uban kanako.” Apan ang pangutana: andam ba kita
nga modawat ug mosulod sa Gingharian sa Dios?” Nasayod kita unsa
ang atong kinabuhi. Nasayod kita giunsa nato pagpuyo ang atong

kinabuhi. Nasayod kita sa atong kaugalingon kung kinsa kita panahon sa
kalipay ug sa kahayahay nga usahay mahikalimot kita sa Dios. Nasayod
usab kita nga sa panahon sa mga kasakit sa kinabuhi usahay ato pa
kining ebasol diha sa Dios. Aduna kitay mga kahuyang ug kakulangon
apan dili unta kini ang mamahimong rason nga mahilayo kita sa Dios.
Mao unta kini ang mamahimong instrumento nga mahiduol kita sa Dios.
Ang saad kanato nga Paraiso tinuod lisod kini apan dili imposible nga
atong kab-uton. Pagka-sayang sa saad sa Dios kanato ug nagpabilin
gihapon kita sa pagpakasala. Batunan nato ang pagpuyo nga
mapaubsanon aron sultihan usab kita ni Jesus:
“Karong adlawa adto ka sa Paraiso uban kanako.” Pangutan-on
nato ang atong kaugalingon, unsa may atong himuon aron makauban
kita ni Jesus diha sa gisaad niya nga Paraiso. (Hamubong kahilom)
O Ginoong Jesus, kami nga imong gitawag nga mga katawhan

nangayo sa kapasayloan sa among mga sala. Mga sala nga among
nabuhat batok sa among isigka-tawo, ug pail na usab sa kinaiyahan.
Nangaliyupo kami nga imo kaming pa-amgohon sa imong presensya nga
nagdala’g kalinaw ug gugma. Hatagi kami sa grasya nga maka-ambit ug
makasulod kami sa Paraiso nga imong giandam kanamo.
Tabangi kami sa pagtuman sa among mga katungdanan isip imong

mga pinangga nga mga anak nga nangandoy nga makasinati sa tinuod
nga Paraiso diha sa imong gingharian sa langit. Lig-ona ang among
pagsalig kanimo kanuany pinaagi sa giya sa imong Balaang Espirito,
aron kami, ugma damlag, makaabot nianang pantalan sa himaya – ang
Paraiso sa langit. Kini among gipangayo pinaagi ni Kristo, among Ginoo.
Amen.
AWIT:

IKA-TULONG PULONG
COMMENTATOR: “BABAYE, ANIA ANG IMONG ANAK, ANIA ANG

IMONG INAHAN” kini pagabatbaton ug hatagan ug kahulugan ni
________________________.
KAABAG:ANG PAGBASA SA EBANGHELYO SUMALA NI SAN JUAN

(Juan 19:25-27)
Duol sa krus ni Jesus nagbarog ang Iyang Inahan u gang igsoon sa

Iyang inahan, si Maria nga asawa ni Cleofas, ug si Maria Magdalena. Sa
pagkakita ni Jesus sa iyang inahan ug sa tinun-an nga iyang gimahal
nga nagbarog didto, miingon Siya sa Iyang inahan, “Babaye, ania ang
imong anak.” Unya miingon Siya sa iyang tinun-an, “Ania ang imong
inahan.” Sukad niadto gipatipon si Maria didto sa tinun-an.
PAMALANDONG:
Samtang si Jesus nagbitay sa krus, ang Bibliya nagsaysay nga
siya misulti og pito ka mga katapusang pulong. Ang ikatulo nga pulong,
nga anaa nahisulat sa Juan 19:26–27, nagpahayag sa pag-amuma,
gugma, ug kabalaka sa atong Ginoo alang sa iyang inahan: “Sa
pagkakita ni Jesus sa iyang inahan ug sa tinun-an nga iyang gihigugma
nga nagtindog duol sa iyang tiilan, siya miingon kanila, ‘Babaye, ania
ang imong anak,’ ug ngadto sa iyang tinun-an, ‘Ania ang imong
inahan.’ Kini nagtumong sa dakong gugma ug pagsalig ni Jesus ngadto
kang Santa Maria ug sa iyang Disipulo. Bisan pa sa pisikal nga kasakit
nga nasinati ni Jesus niadtong higayona sa dihang nagbitay siya sa krus,
siya nabalaka pag-ayo.
Uban sa iyang huna-huna sa umaabot nga kasigurohan ug
proteksyon sa iyang inahan, gitugyan siya ni Jesus ngadto sa pag-
atiman ni Juan, ang iyang hinigugmang tinun-an. Niining higayona usab
si Kristo miila kang Santa Maria, dili lamang isip iyang yutan-ong inahan,
kondili ingon nga inahan sa tibuok Simbahan–ug sa matag tawo nga
kabahin sa maong Simbahan.
“Babaye, ania ang imong anak”, usa ka dakong katungdanan
ang paghatag og tahas ni Hesus sa iyang inahan ngadto sa iyang
minahal nga disipulo. Diha sa pagkamasinugtanon sa iyang inahan nga
si Maria, nagbilin siya og katungdanan dili lamang sa iyang inahan ug sa
usa sa iyang mga tinun-an, apan kini naglangkob sa tibuok katawhan
nga kabahin sa tibuok simbahan. Ang paghatag ug tahas ni Hesus
ngadto kang Maria usa ka dakong pagpadayag sa iyang tinuoray nga
gugma ngadto sa katawhan, dili lamang sa iyang mga hinigugmang
disipulo. Ang maong tahas nga gipadayag ni Hesus nagpasabot sa
madaugong kaluwasan.
Ang atong Ginoo nagbilin og katungdanan sa bag-ong kamatuoran
kanatong tanan isip iyang mga hinigugma – kini nagpasabot nga
mamahimo kitang kabahin sa paghari sa iyang dakong gugma sa
kalibutan ug sa katawhan. Ang dakong gugma nga gipadayag ni Kristo
alang gayud sa tanan, nga kitang tanan mamahimong
magmasinugtanon kaniya diha sa paghigugma sa uban. Kitang mga
tinugyanan niini, kinahanglang ipadayag usab nato kini nga kinasing-
kasing ngadto sa uban. Nga kining gugma maoy magdala kanato diha sa
kinabuhi nga malungtaron ug malipayon.
“Ania ang imong inahan”, pulong nga naghatag og katungdanan
ngadto sa iyang minahal nga disipulo. Si Juan nga apostol

nagmasinugtanon diha sa tahas nga gihatag ni Hesus nganha kaniya ug
Siya mihatag og dakong pagsalig ngadto kaniya nga matuman ug
mabuhatan niya ang katungdanan isip iyang sumosunod ngadto sa iyang
inahan. Ang pag dawat niya sa katungdanan timaan usab sa iyang
dakong gugma ngadto kang Hesus.
Dili lamang kini kabahin sa paghigugma sa iyang inahan, apan lakip
na niini ang paghigugma sa tanang katawhan nga gihigugma ni Hesus.
Diha sa atong kinabuhi usahay dili nato mabuhat ang katungdanan
nga gitahas kanato kung wala kini gugma. Mamahimo kitang dili
magmalampuson sa atong gustong tinguhaon kung kini walay gugma sa
pagsunod. Sa pagdawat ni Juan nga apostol sa tahas nga gihatag ni
Hesus nganha kaniya, nagpabilin siya nga masinugtanon, malipayon, ug
masaligon. Nasayod siya nga sa iyang pagpadayon sa kinabuhi taliwala
sa kasakit nga iyang nabati ug nasinati samtang naglantaw siya kang
Hesus sa Krus, masaligon gihapon siya nga dili siya pasagdan ni Hesus.
Sa atong kinabuhi ug diha sa pagdawat nato sa tahas nga gisangon
kanato, usahay makasinati kita og mga kabalaka, kakapuy, ug kahadlok.
Sama kang Santa Maria ug Juan nga Apostol, nga gibati nila ang kasakit,
kabalaka, ug kahadlok samtang naglantaw kang Hesus diha sa Krus.
Ang mga kabalaka ug kahadlok nga atong nasinati tungod kini sa mga
butang nga usahay dili nato masabtan. Butang nga wala kita mahibalo
kung unsaon nato kini pagbuhat ug pagtuman nga usahay maoy
hinungdan sa atong kapakyasan. Usahay sa atong kaugalingon dali
lamang kaayo ang pagdawat og katungdanan apan diha sa atong
kinabuhi lisod kini buhaton tungod sa atong mga kakulian ug limitasyon
sa kaugalingon. Usahay dili nato kini mabuhat tungod adunay mga
butang nga diha sa atong huna-huna usahay dili nato gusto buhaton
tungod dili uyon sa atong kagustohan. Kini matawag nato og babag diha
sa kinabuhi.
Diha sa atong kinabuhi, makahuna-huna kita nga dili nalang
mopadayon sa atong mga tinguha kay tungod adunay daghang babag
ug kasakit nga atong nahimamat ug kini usahay dili nato masabtan

ngano nahitabo kini dinhi kanato. Nagkinahanglan nga lig-on kita og
pundasyon. Mamahimo natong mapalig-on ang atong pundasyon diha sa
Diyos kung kita mismo mamahimong magmasinugtanon ug
magmasaligon diha sa mga pulong sa Diyos sa atong kinabuhi.
Sama ni Santa Maria ug San Juan nga Apostol, nga ang ilang
pundasyon mao ang pagtuman ug pagsalig sa kabubot-on ni Hesus
nganha kanila nga sila mopadayon sa kinabuhi taliwala sa kasakit ug
kahadlok nga ilang nasinati.
Sa katapusan, diha sa pagkahimo natong masinugtanon sa mga
pulong sa atong mga hinigugma kini usab ang dalan nga mamahimo
kitang masaligon sa atong mga tinguha padulong sa kinabuhi sa
kadaugan. Nasayod kita nga ang pagtuman maoy magdala kanato nga
mamahimo kitang masaligon diha sa mga plano sa Diyos dinhi sa atong
kinabuhi. Diha sa atong pagpadayon, mapadayonon kitang maga-ampo
ug maninguha nga mamahimo unta kita nga sama kang Santa Maria ug
Apostol Juan nga kinasing-kasing nga gidawat ug gituman ang mga
pulong ni Kristo diha sa tagsa-tagsa nila ka kaugalingon. Ug sila
nahimong abli sa mga butang sa umaabot. (Hamubong kahilom)
Amahan namong langitnon ug tuboran sa tim-os nga gugma,

nagapasalamat kami sa imong paghatag kanamo kang Maria isip among
inahan sa pagtoo. Tudloi kami kanunay sa pagtahud ug paghigugma
kang Maria sama sa gibuhat ni Jesus nga iyang anak ug among Ginoo.
Sa among pagbuhat niini, amo untang mapuy-an ang pagdebosyon sa
among Inahan sa pag-ampo sa rosaryo matag-adlaw.
Sa among paghigugma sa among inahan sa pagtoo, ang inahan ni
Jesus nga si Maria, amo usab unta nga higugmaon ang among mga
kaugalingong mga inahan nga kanunay andam mo-sakripisyo alang sa
kaayuhan sa ilang mga anak. Kining tanan among gihangyo ug
gipasalamatan pinaagi ni Kristo nga among Ginoo. Amen.
AWIT: (Subay sa Panahon sa Kwaresma)
IKA-UPAT NGA PULONG
COMMENTATOR: “DIOS KO, DIOS KO, NGANONG GIBIYAAN MO

AKO?” kini pagabatbaton ug hatagan ug kahulugan ni
________________________.
COMMENTATOR: Palihug manindog ang tanan.
KAABAG: ANG PAGBASA GIKAN SA EBANGHELYO SUMALA NI

SAN MARCOS (15:33-37)
Sa pagka-udto na, nalukop sa kangitngit ang tibuok yuta nga

milungtad ug tulo ka oras. Ug sa pagka-alas tres mitu-aw si Jesus sa
makusog nga tingog: “Eloi, Eloi, lema sabactani?” nga sa ato pa, “Dios
ko, Dios ko, nganong gibiyaan mo ako?”
Dihay mga tawo nga nakadungog kaniya ug miingon sila, “Pamati

kamo, nagtawag siya kang Elias!” Unya midagan ang usa kanila ug
nagdala ug espongha nga iyang gihumod ug suka ug gitaod sa tumoy sa
usa ka lipak. Ug iya kini nga giisa ngadto sa mga ngabil ni Hesus ug
miingon, “Abi, tan-awon ta kon manaog ba si Elias aron pagkuha niya
gikan sa krus!” Si Hesus misinggit ug kusog ug namatay.
ANG EBANGHELYO SA GINOO.
Daygon Ikaw O Kristo.
COMMENTATOR: Palihug manglingkod ang tanan.
PAMALANDONG:
Kung ang “kahibalo” nagpasabut nga “kasiguroan,” nan ang pagtoo

dili bahin sa pagkahibalo. Ang pagtuo dili parehas nga butang nga
adunay hingpit nga kasiguruhan; hinuon, kini nagtumong sa usa ka
butang nga mas mubo, usa ka butang nga dili masukod o mapakita
pinaagi sa siyentipikanhong mga paagi. Bisan unsa pa ka lig-on ang
atong pagtoo o unsa ka duol ang atong relasyon sa Diyos, kanunay
kitang makigbisog sa pagduhaduha sa panahon sa krisis, sa panahon sa
pagsulay sa atong kinabuhi.
Tinuod kini bisag unsa ka suod ang atong relasyon sa Diyos, ang
maong mga kasaypanan dili kalikayan tungod sa kinaiya sa kaliwatan sa
tawo.
Si Jesus adunay tawhanon nga realidad nga mahinungdanon.
Tungod sa atong pagtutok sa Iyang diosnong kinaiya, kita adunay
kalagmitan nga ibaliwala ang tawhanong bahin ni Jesus. Ang
pagkatawhanon ni Jesus tin-aw nga gipakita sa krus, labaw pa kay sa
bisan unsang dapit. Ang paglansang sa krus nagsilbi nga labing
hinungdanon nga panig-ingnan kung unsa ang gipasabut sa tinuud nga
pagtugyan sa Dios samtang gipadayon usab ang pagkatawhanon.
“DIOS KO, DIOS KO, NGANONG GIBIYAAN MO AKO?” Ang
labing makapaguol nga kasinatian nga kinahanglang agian ni Jesus mao
ang pagkaputol sa iyang relasyon sa iyang Amahan, nga mitultol sa
iyang pagbati nga nag-inusara. Ang bugtong walay kataposang silot nga
mas grabe pa kay sa uban mao ang pagkahimulag sa Diyos. Si Jesus
nagplano daan alang niining gutlo sa kasaysayan tungod kay ang Dios
nga Amahan dili makahimo sa pagpasaylo sa sala nga gipas-an sa iyang
Anak.
Kita nga mga tawo nga naminaw kang Jesus makasabut unta nga
ang pagsunod kaniya, tinuod dili kini sayon apan makahuluganon. Ang
atong mga kasakit, mga suliran ug mga kalisdahan mao unta ang
makapaduol kanato sa Dios. Ang salmo naghatag ug dakong pagtagad
diha sa pag-ingon: “Ako anaa sa panahon sa pagduhaduha, pag-antos,
panginahanglan, desperasyon, ug kamatayon, UG AKO NAGSALIG SA
DIOS.”
Si Jesus kinsa nag-antos ug nagbitay diha sa krus gibungat ang
mga tawhanong pulong nga nagkanayon: “DIOS KO, DIOS KO,
NGANONG GIBIYAAN MO AKO?” Si Hans Urs Von Balthasar, usa ka

experto sa Bibliya, nagsulti nga kining maong mga pulong dili lamang
pulong kasubo o pinasagdan, apan labaw sa tanan kini mga pulong nga
nagtimaan sa dili matungkad o walay sukod nga paghigugma sa Amahan
nga nagpuno sa kahaw-ang sa tagsatagsa ka kasingkasing. Ang Ginoo
anaa haduol kanato sa mga panahon sa atong mga pag-antus, pagsulay
ug mga kasubo.
Ang kasingkasing nga naga-antus ug masulob-on dili lamang
tawhanon ug ordinaryo nga pagbati apan pagbati nga Diosnon. Ang
Ginoo nakighiusa kanato sa atong mga kalisdanan. Siya nahigugma sa
mga nag antus Niyang katawhan nga nagapadayon sa pagsangpit
kaniya. Kung tinud-anay tang nahigugma, andam ba tang masakitan?
Diha sa krus gipahayag ang dili matungkad nga paghigugma sa Ginoo sa
iyang katawhan. Sa matag pas-an nato sa atong mga krus, gipahayag
usab nato ang gugma sa Ginoo diha sa uban. Kini nga krus maoy
nagluwas sa tanan ug padayon nga magluwas isip buhing timaan nga
wala kita gibiyaan ug gipasagdan.
Dinhi nahitabo ang hingpit nga pakighiusa ni Jesus kanatong mga
makasasalaa. Dinhi nasinati ni Jesus ang sangputanan nga ang epekto
sa sala mao ang pagkahimulag sa tawo gikan sa Dios. “Siya nga walay
sala gipakahimong makasasala aron kita nga nahiusa kaniya makabaton
sa iyang pagkamatarong.” Dinhi gibati ni Jesus ang dakong kahaw-ang
nga pagbati sa katawhan nga nahimulag sa Dios. “Dios ko, Dios ko,
nganong gibiyaan mo ako?” kini nga pagtuaw nagpadayag usab sa
dakong misteryo sa kasakit ug pag-antos nga nahiaguman sa kinabuhi
sa mga tawong inosente ug walay sala. Panahon sa iyang pagbisita
Pastoral dinhi sa Pilipinas, si Papa Francisco natandog pag-ayo sa
pangutana sa usa ka inosenteng bata nga nag-ingon, “Nganong mitugot
man ang Dios nga biyaan sa ilang mga ginikanan ang daghang mga
bata? Nganong mitugot man ang Dios nga kining gagmayng mga bata
mag-antos bisan kun sila walay sala? Dili ba susama ra usab kini sa
pangutana ni Jesus sa iyang pag-ingon didto sa krus, “Dios ko, Dios
ko, nganong gibiyaan mo ako?” Midugang si Papa Francisco sa pag-

ingon: “Walay igong tubag niini nga pangutana. Dili kini matubag
pinaagi sa mga pulong lamang kondili pinaagi sa mga luha sa atong
paghilak ngadto sa Dios.” Misumpay pa siya sa pag-ingon: “Dunay mga
realidad sa kinabuhi nga atong makita pinaagi lamang sa mga mata nga
gihinluan sa mga luha.”
Mao usab kini ang hagit kanatong mga katawahan diha atubangan
sa Dios. Dili nato ilimod kaniya ang atong mga pagduda ug
pagduhaduha. Dili nato ilimod sa Dios ang atong mga kahadlok ug mga
kabalaka. Ug dili usab nato ilimod ang atong mga kasubo ug pagmahay
ngadto kaniya. Kay sa pagkatinuod, wala kitay ikatago atubangan sa
Dios. Nahibalo na Siya sa tanan natong gibati ug sa tanan natong
nahiaguman. Luyo niining tanan, kita iyang gidawat ug gimahal. Busa,
gawasnon unta kita sa pagpadayag sa tinuod natong mga pagbati
ngadto kaniya. (Hamubong kahilom)
PARI O SEMINARIAN: Mag-ampo Kita:
O Ginoo, nag-andam ikaw sa pagtabang kanamo nga sibo sa

among kahuyang. Itugot nga madawat unta namo uban sa kalipay ang
mga bunga sa among kaluwasan, ug mapadayag namo kini diha sa
santos namo nga kinabuhi.
Naghangyo kami, O Ginoong Dios namo, sa Imong kalooy. Itugot

nga kaming imong mga alagad nga nagbag-o sa kinabuhi tungod sa
penitensiya ug natudloan sa pagbuhat ug maayo, magpadayon unta sa
kinasingkasing nga pagsugot sa imong mga sugo aron kami makadangat
sa mga kalipay sa Pasko sa Pagkabanhaw. Kini among gipangayo
pinaagi ni Kristo, among Ginoo. Amen.
COMMENTATOR: Palihug manindog ang tanan.
AWIT: (Subay sa Panahon sa Kwaresma)

COMMENTATOR: Palihug manglingkod ang tanan.
IKA-LIMA NGA PULONG
COMMENTATOR: “GI-UHAW AKO” kini pagabatbaton ug hatagan ug

kahulugan ni ________________________.

(Juan 19:28)
Human niini, si Jesus nga nasayud nga ang tanan natuman na, ug
aron pagtuman sa Kasulatan, miingon, “Giuhaw Ako”.
PAMALANDONG:
“GI-UHAW AKO”
Daghang posible nga mga rason aron ang tao mobati ug kauhaw.
Uhawon kita tungod sa kakapoy sa trabaho, o di kaha kakapoy sa
biyahe, o sa pipila kakapoy human sa pag-ehersisyo o sports. Sa laktod
nga pagka estorya, bation kitag kauhaw kung kita kapoyon. Ug diha sa
atong kauhaw kita mangita gayod ug limpyo ug luwas nga tubig ilimnon.
Si Jesus sa Ika-limang pulong, nasayod nga ang tanan natuman na
ug aron pagtuman sa kasulatan, miingon, “Giuhaw ako.” Si Jesus
pisikal nga giuhaw tungod sa kakapoy sa pagpas-an sa krus. Si Jesus
nangita ug mainom aron muhatag kaniyag kahupay sa kasakit nga iyang
giantus ug magdungag kaniya ug kusog samtang nagabitay siya sa krus.

Imbis nga tubig ang ihatag kaniya gitagaan hinuon siya ug espongha
nga gituslob sa suka nga gibutang sa usa ka sanga sa isopo ug giisa kini
ngadto sa iyang baba. Si Jesus giuhaw ug gitagaan lamang siya ug dili
maayong ilimnon; maaslom ug mapait nga ilimnon.
Si Jesus, sulod sa atong panahon, padayon nga gi-uhaw. Gi-uhaw

siya kanato. Gi-uhaw siya nga unta mo balik na kita kaniya. Gi-uhaw
siya sa atong gugma. Gi-uhaw siya sa atong pagpakabana. Gi-uhaw siya
sa atong pagsalig kaniya. Apan, wala nato panumbalingi ang kauhaw ni
Jesus. Sama sa mga sundalo, gihatagan hinuon nato siya ug maaslom
ug mapait nga ilimnon gumikan sa atong mga kasal-anan.
Dili nato mahatag ang makahupay nga ilimnon ngadto kang Jesus,
nga mao ang atong kaugalingon, kay kita mismo gi-uhaw usab. Apan
pipila kanato nangita ug ilimnon nga dili gayod makahupay sa atong
kauhaw, ilimnon nga magadala kanato sa kalautan. Usahay kung
mapuno kita sa problema imbis nga mo duol kita sa Ginoo mo padulong
man hinuon kita sa mga butang nga makahatag kanatog kalipay nga
lumalabay. Pipila kanato iagi sa ilimnon nga makahubog imbis nga
atubangon kini ug pangitaan ug solusyon. Pipila usab mo dangop didto
sa droga aron dili na mobati ug kasakit.
Ang kauhaw sa tao sa pagpadayon sa pagbuhat ug kasal-anan
maoy hinungdan nga nagapalayo siya sa Ginoo. Bisan pa man niaana,
ang Ginoo nagapadayon sa paghulat kanato nga unta mahibalik na kita
kaniya nga maoy atong tinuod nga kahupayan sa atong kauhaw. Tinuod
nga kita gikapoy tungod sa mga problema ug mga pagsulay sa kinabuhi
nga atong ginasagubang ug ginapas-an nga maoy hinungdan ngano kita
gi-uhaw sa pagsabot ug pagpakabana sa uban. Dili unta nato hikalimtan
nga kung kita gikapoy na sa atong kinabuhi, ang Ginoo nagpasalig
kanato, “duol kanako, kamong tanan nga gikapuyan ug gibug-atan sa
inyong gipas-an ug papahulayon ko kamo.” (Mateo 11:28-29)
Mga igsuon, bisan unsa pa man ang kalisod nga atong
ginasagubang dili unta kita mawad-an ug pagsalig ug paglaum sa atong

Ginoo. Ang katagbawan nga atong gihandom ug ginapangita mahatag
lamang kini sa Ginoo. Siya lamang ang buhing tubig nga motagbaw sa
atong kauhaw. Kini atong mabasa diha sa Juan 4:14, “apan ang moinom
sa tubig nga akong ihatag kaniya dili na gayod uhawon.
Kay ang tubig nga akong ihatag mahimo diha kaniya nga usa ka
tuboran nga mohatag ug buhing tubig ug kinabuhing walay katapusan.”
Ang Ginoo dili mo pakyas sa iyang mga saad sa mga tao nga mitugyan
sa ilang kaugaligon pinaagi sa pagsalig ug paglaum kaniya.
Karong mga panahona daghan sa atong mga igsuon nga uhaw sa
presensya, pagpaminaw ug pagsabot. Sa atong pamilya, nakahatag ba
kitag panahon aron kumustahon ang matag miyembro ug maminaw
kung unsa ilang gusto ipaambit kanato? Usa ka problema karon mao ang
walay abli nga komunikasyon sulod sa pamilya. Usahay mapasagdan
ang panginahanglan sa mga anak tungod kay busy kaayo ang ginikanan.
O kaha ang mga anak wala nay panahon nga makig estorya kay pokus
na pud sila sa ilang kaugalingon. Dako kaayo ug tabang ang presenya sa
mga ginikanan nga maminaw ug mo-sabot sa ilang mga anak.
Kasagaran sa issue sa mga batan-on karon mao ang “failed relationship”
ug “bullying” nga maoy hinungdan sa nagkadaghang kaso sa suicide.
Nahimo nila nga mo bugto sa ilang kinabuhi tungod kay napasagdan
sila, wala sila napaminawan o wala silay maduolan nga kasaligan nga
maminaw ug mo amping kanila. Dako kaayo ug responsibilidad ang mga
ginikanan sa pag susi ug pagkumusta sa ilang mga anak sa matag karon
ug unya. Dako usab ang epekto sa pag-gamit sa atong gadgets
hinungdan nga wala na kaayo kitay “close connection” nga mahimamat
ang mga tao sulod sa atong panimalay. Mas daghan pa kitag oras sa pag
gamit sa maong “gadgets” kaysa pag estorya ug pangumusta sa atong
mahal sa kinabuhi. Imbes kita ang mo control aning mga butanga,
nahimo na hinuon kitang mga ulipon niini. Luyo niining tanan dili unta
nato makalimtan ang Ginoo nga giuhaw usab kanato. Mo duol kita
kaniya, kay siya nga giuhaw kanato mao ang buhing tubig nga atong
gikinahanglan aron mahupay ang atong kauhaw. Mintras buhi pa kita,

ang atong kasingkasing padayon nga kapuyon hantod makapahulay kini
sa Ginoo (San Agustin).
Bisan asa kita moadto aduna gayod mga tao nga nagadala ug bug-
at nga palas-anon sa kinabuhi. Bisan kinsa kanato nanginahanglan nga
adunay maminaw ug mosabot kanato.
Sa atong panaw sa kinabuhi makita unta nato sa atong mga
kaigsuonan ang dagway ni Jesus nga giuhaw sa atong gugma ug
pagpakabana. Mobati unta kita ug gugma ug pagsabot sa ilang dili
madungog nga pag-tuaw, “Gi-uhaw ako!”(Hamubong kahilom)
O Ginoong Dios, Ikaw ang tuburan sa tubig nga naghatag ug

kinabuhi. Ug ikaw nagsaad kanamo sa paghatag niining maong tubig
aron dili na kami uhawon. Niining among pagpamalandong sa imong
Katapusang mga Pulong, kini unta mag-andam kanamo aron kami
mahimong angayan nga modawat sa Misteryo sa Pasko sa
Pagkabanhaw.
Tabangi usab kami Ginoo, nga kami mamahimong instrumento diha

sa pagsangyaw sa Maayong Balita sa imong pagluwas ngadto sa mga
tawo nga giuhaw sa imong mga Pulong. Tabangi kami, O Dios, sa
pagpangita ug pagsinati sa katagbawan sa among mga kauhaw diha
Kanimo lamang. Kining tanan among gipangayo pinaagi ni Kristo nga
among Ginoo. Amen.
AWIT:

IKA-UNOM NGA PULONG
COMMENTATOR: “NATAPOS NA!” kini pagabatbaton ug hatagan ug

kahulugan ni ________________________.

(Juan 19:29-30)
Didto may us aka panaksan nga puno sa suka ug nagtunlob sila’g

espongha sa suka ug gibutang sa us aka sanga sa isopo ug giisa nila kini
ngadto sa iyang baba. Human makatilaw si Jesus sa suka, miingon Siya,
NATAPOS NA! Unya miduko Siya ug namatay.
PAMALANDONG:
“NATAPOS NA!”
“NATAPOS NA!” Kini ang ika-unom nga pulong nga gilitok ni
Jesus diha sa Ebanghelyo ni San Juan. “NATAPOS NA!” Ordinaryo man
kini nga mga pulong nga sagad litokon sa tawo. Ang pangutana, ‘Unsa
man diay ang kahulogan niining mga pulonga,“NATAPOS NA?’ ‘Kanus-a
man kini nato malitok o mabungat?

Alang sa uban, “NATAPOS NA!” usa kini ka positibo nga
“expression” tungod kay kining mga pulonga nagkahulugan man sa
pagpadayag og kalampusan o fulfillment o accomplishment. Ug gani
tam-is kini bungaton ang pag-ingon, “NATAPOS NA!” ilabina kon luyo sa
maong kalampusan adunay nagkadaiyang kalisdanan, pagsulay, kasakit,
sakripisyo, paghago ug pagkugi nga unang naagian hangtod nga nakab-
ot ang kalampusan. Tam-is gayud kini litukon o ibungat ilabina ang mga
dili maayong kasinatian sa dihang nakab-ot na ang kalampusan.
Pananglitan, alang sa usa ka ginikanan nga nahimong OFW sa laing
nasud, nag-antos nga siya mahilayo sa iyang pamilya ug pipila ka mga
katuigan ug todo kayod sa pagtrabaho aron lamang makadawat og
dako-dako nga sweldo tungod ug alang sa tumong nga mapaeskwela sa
kolehiyo ang iyang anak. Ug sa paglabay sa mga katuigan, kon ugaling
mopaso na ang anak sa entablado aron sa pagdawat sa iyang diploma,
tam-is sa usa ka ginikanan nga mopadayag – “NATAPOS NA!” Natapos
na kay nahuman ra gayud ang iyang anak sa kolehiyo luyo sa iyang mga
pag-antos ug pagsakripisyo.
Ug sa laing bahin usab, ilabina sa atong panahon karon, ang mga
pulong “NATAPOS NA!” aduna usab kini lahi nga kahulugan ug lahi nga
mga termino. Alang sa uban, kini nga mga pulong pwede usab
mamahimong negatibong “expression”. Pananglitan, alang sa mga mag-
uyab, kung wala nila giplano nga sila gayod ang magdayon sa hangtod
usa ka gamay nga dili pagsinabtanay diha sa ilang relasyon ang
terminong “the end na, walay forever, dead na o finished na” ang
mahimo nilang mabungat sa ilang relasyon. Natapos na tungod kay dili
man klaro sa mag-uyab ang tumong sa maong relasyon mao nga
gitapos ra pud nila sa dili maayong kabubut-on. Lain-lain nga termino
apan pareho ra ang kahulogan nga “NATAPOS NA!” Negatibo ang
kahulogan sa maong mga pulong kay dili man maayo ang gisangputan
niini ug dili man klaro ang tumong niini. Apan diha sa pagbungat o
paglitok niining mga pulong sa baba ni Jesus, “NATAPOS NA!” alang
Kaniya usa kini ka positibo nga pagpadayag tungod kay pinaagi sa

maong mga pulong gipadayag Niya ang kalampusan ug kadaugan sa
misyon nga gitahas Kaniya sa Amahan didto sa Krus.
“NATAPOS NA!” Ang mga pulong nga gilitok sa atong Ginoo
Hesus. Si Hesukristo nga nagbitay diha sa Krus naglitok niini sa
pinakasubo nga pamaagi. Unsa man diay ang gitapos ni Jesus isip Iyang
misyon dinhi sa kalibutan? Nganong nakaingon man Siya nga,
“NATAPOS NA!” Ang unang rason nganong nabungat ni Jesus kining
pulong “NATAPOS NA!” atong mabasa sa mga basahon sa Daang Tugon.
Sa Daang Tugon adunay daghan nga nahisulat kabahin sa mga
panagna mahintungod sa moabot nga usa ka Mesiyas ug ang usa niini sa
mga nahisulat atong mabasa diha sa Salmo 22:16-18 nga nagkanayon:
“Gilibotan ako sa mga tawong daotan, nga daw mga iro nga mihasmag
kanako; ug gikuniskunis nila ang akong mga kamot ug tiil. Nakita nila
ang akong kabukogan. Gitutokan ako sa akong mga kaaway. Gibahin-
bahin nila ang akong bisti ug nagripa sila alang sa akong kupo”. Kini
nga mga pulong nagpadayag lamang sa usa ka pagpanagna nga aduna
gayud moabot nga Mesiyas. Ug ang maong Mesiyas makasinati nga Siya
pagalutoson ug pahamtangan og kamatayon. Kining Mesiyas nga
gitagna diin makasinati og paglutos ug kamatayon mao usab ang
gituman ni Jesus sa dihang gilansang Siya sa Krus. Ug ang pulong
“NATAPOS NA!” nga Iyang gibungat sa Krus usa diay ka pagtuman sa
panagna nga nahisulat diha sa Daang Tugon. Ug kini usa ka tin-aw nga
pagpadayag nga si Jesus gayud mismo ang maong Mesiyas nga gitagna
nga moabot ug mohalad sa Iyang kaugalingon isip sakripisyo didto sa
Krus.
Ang ikaduhang rason nganong gilitok ni Jesus ang pulong
“NATAPOS NA!” gawas sa Iyang pagtuman sa panagna sa Daang Tugon
mao nga ang paghukom sa sala “NATAPOS NA!” Sukad pa sa
sinugdan, sayod na si Jesus daan sa iyang misyon nganong gipadala
siya sa Amahan dinhi sa kalibutan. Ug kini gipamatud-an diha sa
ebanghelyo ni San Mateo (Mt. 1:21) nga nagkanayon: “Manganak siyag
batang lalaki ug nganli siyag Jesus kay luwason Niya ang iyang

katawhan gikan sa ilang kasalanan.” Ug gani sa mga panahon nga dinhi
pa Siya sa kalibutan nga nakig-uban sa iyang mga Apostoles, Iya naman
usab silang gipasidan-an mahitungod sa iyang dangatan aron lamang
maluwas ang tanang tawo sa kasal-anan. Ug ang pamaagi aron ang
tawo maluwas “kinahanglan nga Si Jesus mag-antos pag-ayo, isalikway
Siya sa mga pangulo sa mga Judio, sa mga kadagkoan sa mga pari ug
sa mga magtutudlo sa Balaod ug hangtod nga Siya pagapatyon ug unya
banhawon sa ikatulo ka adlaw” (Lk. 9:22).
Kining tanan kinahanglan nga mahiaguman ni Jesus aron

mamahimo Siyang malampuson ug madaugon sa misyon nga gitahas
Kaniya sa Amahan. Subo pamalandongan kay kita unta kadtong ibitay
sa Krus kay kita man ang nakasala ug angayang silotan. Walay sala
Jesus. Ang iyang kamatayon mao ang magdala kanato ngadto sa
pagkabanhaw ug kaluwasan sa atong kalag.
Ug ang ikatulong rason nganong gilitok ni Jesus ang pulong
“NATAPOS NA!” tungod kay ang kapasayloan sa sala mamahimo lamang
kung kini kapaagasan ug dugo. Kini ang giingon diha sa sulat alang sa
mga Hebreo nga nagkanayon: “Sumala sa Balaod, ang tanang butang
kahinloan pinaagi sa dugo ug mapasaylo lamang ang sala kon kini
kapaagasan ug dugo” (Heb. 9:22). Pinaagi sa kamatayon ni Jesus sa
Krus ug ang pag-ula sa Iyang dugo nahimong posible nga ang tanang
tawo mapasaylo gikan sa sala ug makapuyo uban sa Langitnong
Amahan. Ug busa sa kamatayon sa Krus ug sa pag-ula ni Jesus
malampuson siyang miingon, “NATAPOS NA!”
Seguro nindot pamanlandongan nga ang tanan gisugdan tungod sa
dakong gugma sa Dios. Ug gitapos ni Jesus sa Krus kining tanan, nga
gugma gihapon ang nahimong pamaagi ug hinungdan. Giunsa ba nato
pagbalos ang maong dakong gugma sa Dios kanato? Unsa man ang
atong mga kongkretong gibuhat nga masuklian kining gugma sa Dios
pinaagi sa gugma usab? Kumbinsido ba ikaw molitok niining mga pulong

ugaling ikaw pangutan-on kung “Gihigugma ba nimo ang Dios?”, ug diin
ikaw moingon, “NATAPOS NA!” (Hamubong kahilom)
Langitnon ug makagagahum nga Amahan, nagadayeg kami sa

Balaan mong ngalan. Ang among kasingkasing nagmaya tungod sa
imong dakong gugma nganhi kanamo ilabi na sa Imong pagpadala sa
Imong Bugtong Anak, si Jesukristo nga among Ginoo. Pasayloa kami sa
panahon nga nagmagahi ang among kasing-kasing.
Pasayloa kami sa panahon nga wala namo makita ang imong

Balaang presensya. Pasayloa usab kami sa wala namo pagbuhat sa mga
angayng buhaton.
Nangaliyupo kami kanimo, Amahan, ipakunsad ang Balaan mong

Espirito nganhi kanamo aron maglig-on ug magdasig kanamo. Hugot
ang among pagsalig uban sa among pagtuo diha kanimo nga dili Mo
kami pasagdan ug biyaan.
Kining among gipangayo ug gipasalamatn pinaagi ni Kristo, Imong

Anak ug among Ginoo. Amen.
AWIT:

ANG IKA-PITO NGA PULONG
COMMENTATOR: “AMAHAN, ITUGYAN KO SA IMONG MGA KAMOT

ANG AKONG ESPIRITU!” kini pagabatbaton ug hatagan ug kahulugan
ni ________________________.
KAABAG:ANG PAGBASA SA EBANGHELYO SUMALA NI SAN LUCAS

(Lucas 23:44-49)
Mga alas dose na kadto ang takna sa dihang mihunong pagdan-ag

ang Adlaw ug mitabon ang kangitngit sa tibuok kayutaan hangtud sa
alas tres ug napikas ang tabil nga nagbitay didto sa Templo. Unya sa
kusog nga tingog misinggit si Jesus: “Amahan, itugyan ko sa imong
mga kamot ang akong espiritu! Human Siya makasulti niini, namatay
Siya.
PAMALANDONG:
“AMAHAN KO, SA IMONG MGA KAMOT ITUGYAN KO ANG AKONG

ESPIRITU”
“PATER IN MANUS TUAS COMMENDO SPIRITUM MEUM” sa
pinulongang Latin. “FATHER, INTO YOUR HANDS I COMMEND MY
SPIRIT” sa English. Sa Bisaya: “AMAHAN KO, SA IMONG MGA
KAMOT ITUGYAN KO ANG AKONG ESPIRITU.”
Mao kini ang katapusang pulong ni Hesus sa wala pa siya namatay
diha sa Krus. Pulong nga nagpadayag sa iyang masaligong pagtoo sa
Dios Amahan. Pulong nga nagsilbing pag-ampo. Pulong nga gikan sa
tinigum nga kusog aron ipaambit sa kadaghanan nga ang Dios lamang
ang labawng masaligan sa atong kinabuhi.
Sa orihinal, kining pulonga “Amahan ko, sa imong mga kamot
itugyan ko ang akong Espiritu” makita ug mabasa diha sa basahon
sa Salmo 31:5. Ang maong pulong usa ka pag-ampo ni haring David
diha sa Ginoo nga iyang gi-ila isip iyang kusog ug dalangpanan. Busa sa
pag gamit ni Hesus sa maong pag-ampo ni David, iyang gipadayag
kanatong tanan nga ang Ginoo usab iyang kusog ug dalangpanan sa
kinabuhi.
Kung atong buot huna hunaon, dili lang kay basta gigamit ni Hesus
ang maong pulong ni David. Apan, iya kining gihimong iyang
kaugalingong pulong. Gani sa kadaghan sa mahimong iingon, iya
mismong gipili kining pulonga aron mag silbing iyang katapusang
pulong. Dugang pa niana, gihatagan niya kinig mas lawom nga
kahulugan.
Ngano kahang mao kini iyang gilitok nga katapusang pulong? Si
Hesus, bisan diha sa katapusang panahon niya sa kalibutan,
nagpadayag gihapon sa iyang dako ug lawom nga pagsalig, pagpaubos,
pagkamasinugtanon, ug malaomong pagtahan sa iyang kaugalingon
ngadto sa iyang Amahan. Mas gipili niya nga musunod sa pagbuot sa
Amahan bisan diha sa iyang katapusang panahon sa krus. Busa, ang
mga pulong nga “Diha sa imong mga kamot” ug “Diha sa imong
kabubut-on” parehong nagpadayag lamang sa usa ka dakong pagsalig
sa Amahan. Thy Will be Done matod pa sa English.

Ato karong sabton ang ika-pitong pulong isip usa ka pulong sa
Masaligong Pagtahan sa kaugalingon ngadto sa Amahan. Ato kining
sabton pinaagi sa atong tawhanong kasinatian. Kung atong mabantayan,
ang mga bata adunay dakong pagsalig sa ilang mga ginikanan ,sa ilang
amahan o inahan. Daw dili mahimutang ang bata kon wala sa iyang
kiliran ang iyang ginikanan. Gani, kung ang bata adunay bag-ong
panghitabo sa kinabuhi, kinahanglan gayod niya nga makita ang
presensya sa iyang ginikanan. Pananglitan, sa unang adlaw sa bata sa
eskwelahan, maghilak ug magpinugsanay pag pasulod sa bata sa
classroom kon wala ang presensya sa iyang ginikanan. Kung adunay
kalihokan sa eskwelahan sama sa “song or dance presentation,”
mangulba ang bata sa stage kon dili niya makita iyang ginikanan.
Ug kung adunay kaaway ang bata, ang natural nga response sa
bata kay mudagan dayon sa ginikanan aron magpalaban.
Mga igsuon, mao kini ang kinaiya ni Hesus samtang siya nagbitay
sa krus. Si Hesus malaomon ug masaligong nagtahan sa iyang kinabuhi
sa plano sa Amahan susama sa usa ka pagsalig sa bata ngadto sa iyang
ginikan, usa ka pagsalig nga nagagikan sa lawom nga relasyon niya sa
Amahan. Ang maong pagtahan ni Hesus pagtahan tungod wala nay laing
mabuhat. It is not a hopeless and helpless surrender. Dili kini
pagsurrender kay tungod kay wala nay laing paagi o wala nay laing
padulngan. Dili kini susama sa pag surrender sa usa ka dula o diba kaha
sa usa ka giyera. Apan ang pagsurender ni Hesus sa kamot sa Amahan
diha sa kataposang oras niya sa kalibutan, usa ka pagtahan nga
nagpadayag sa buot ug kinasing kasing na paghatag sa kinabuhi diha sa
kabubut-on sa Amahan. Mao kini ang tibuok kinabuhi ni Hesus, usa ka
kinabuhi nga masaligon, mapaubsanon, masinugtanon, ug adunay
dakong pagsalig sa Amahan susama sa usa ka bata.
Unsa may mensahe niini alang kanato? Ang katapusang pulong ni
Hesus nag-awhag kanato nga mahimong masaligon sa Amahan. Ihalad
nato diha sa mga kamot sa Amahan ang tibuok natong kinabuhi, ang
atong mga kalipay, ang atong mga pangandoy, ang atong mga kasakit,

o diba kaha ang atong mga sakripisyo. Kining tanan atong isalig dili
tungod kay wala natay mahimo, kundi tungod atong saligan ang mga
plano sa Ginoo kanato. Kita mahimong mas gawasnon kung kita kabalo
motahan sa atong mga ginadala nga mga kabalaka. Gani, mas
makahuluganon ang pagsalig kon kita mismo anaa diha sa kalisod nga
kahimtang. Mamahimo ba kitang mosalig kaniya kung anaa kita sa
sitwasyon sa grabi na kasakit? Grabi na pag panamas-tamas? Grabi nga
kasubo? Kining tanan, gibuhat ni Hesus. Gihatagan ta niyag ehemplo.
Dili lang sa panahon sa kalipay apan sa panahon sa grabi nga kasakit ug
kasubo, gihalad gihapon niya ang iyang kinabuhi sa Amahan.
Apan, unsaon nalang tong nagdako nga wala ang amahan sa ilang
kiliran – nagdako nga wala tong figure nga masaligan ug madaganan?
Masabtan ba kaha nato ang pagsalig nga gipakita ni Hesus kung ang
atong kinabuhi mismo walay presensya sa amahan? Makat-onan unta
nato ang lawom nga kahulugan niini sa atong kinabuhi. Mapanaminan
unta nato ang ehemplo nga gipakita ni Hesus alang kanato. Ehemplo sa
usa ka pagsalig ug pagtahan sa tibuok kaugalingon sa Amahan.
Sa adlaw-adlaw natong pagkinabuhi, sa adlaw-adlaw natong
pagpaningkamot, sa mga kaguol, kalipay, og kasakit, mamahimo unta
nga atong sundugon ang kinaiya nga gipakita ni Hesus isip usa ka
masaligong anak. Atong puy-an sa atong kinabuhi ang iyang mga pulong
nga sa matag-adlaw kita makahalad sa atong kinabuhi sa pag-ingon:
“AMAHAN KO, SA IMONG MGA KAMOT ITUGYAN KO ANG AKONG
ESPIRITU.”(Hamubong kahilom)
O Ginoong Jesus, salamat sa Imong pagsakripisyo sa Imong

kaugalingon aron kami maluwas. Salamat sa Imong kabuotan tungod
kay wala kami nimo pasagdi sa tanang kadautan nga among nahi-
aguman, anaa gayud Ikaw kanuany nag giya ug naglig-on kanamo.

Tabangi kami, nga sama ni Jesus, mamahimo usab kaming
masaligon ug malaumon diha sa pagtugyan sa among kaugalingon
nganha Kanimo. Pun-a kami sa imong Espirito aron magiyahan kami sa
imong kahimayaan. Kini among gipangayo pinaagi ni Kristo, among
Ginoo. Amen.
AWIT:
PANAPOS
COMMENTATOR:
Mga igsoon, nadungog nato ang Katapusang Pito ka Pulong nga

gilitok sa atong Ginoong Jesus diha sa Krus. Ang mga pamalandong nga
atong nadungog mopukaw unta sa atong galamhan ug magpahigmata sa
atong nahikatulog nga mga pagbati aron sa maka-usa pa, madasig kita
sa pagbag-o sa atong kinabuhi ug maningkamot kitang magpaduol
ngadto sa Dios. Hinaut usab unta nga kining mga Pamalandong,
makatabang kanato sa pagsa-ulog sa mas maka-huluganon nga pag
handum sa Iyang pagpasakit ug pagpakamatay sa Krus. Diha ni Kristo,
ma-angkon unta nato ang kadaugan sa kinabuhi diha sa Pagkabanhaw.
COMMENTATOR: Palihog mangluhod ang tanan.
Makagagahum ug tunhay nga Dios, amo nang nabati ang mga

mahinungdanong mga Pulong nga imong gilitok ibabaw nianang Krus.

Dasiga kami sa pagsunod sa mga pagtulon-an nga among nabati karong
adlawa. Lig-ona ang among huyang nga kinabuhi.
Ihatag kanamo ang grasya sa pagpuyo ug paglahutay diha sa

among matag adlaw nga pagkinabuhi luyo sa mga kalisod ug mga hagit
nga among masugatan sa kinabuhi. Kini among gipangayo pinaagi ni
Kristo, among Ginoo. Amen.
COMMENTATOR: Palihog manindog ang tanan alang sa Katapusang

Awit.
KATAPUSANG AWIT
COMMENTATOR: Palihog manglingkod ang tanan ug magpadayon kita

sa pagpamalandong samtang atong gipaabot ang
sunod nga mga kalihukan.

Siete Palbras 2024

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Siete Palbras 2024

Uploaded by

Copyright:

Available Formats

PASIUNA

Mga katawhan nga tinubos ni Kristo, karon ato na usab panimawon

COMMENTATOR: Palihug manluhod ang tanan (human sa awit)

PARI O SEMINARIAN: Mag-ampo Kita

Makagagahum ug mahigugmaon namo nga Dios, Imong gitugutan

1 SIETE PALABRAS 2024

COMMENTATOR: Palihog manindog ang tanan.

COMMENTATOR: Palihog manglingkod.

2 SIETE PALABRAS 2024

COMMENTATOR: “AMAHAN, PASAYLOA SILA KAY WLA SILA

COMMENTATOR: Palihog manindog ang tanan.

KAABAG: ANG PAGBASA SA EBANGHELYO SUMALA NI SAN LUCAS

Unya gipatawag ni Pilato ang kadagkoan sa mga Pari u gang mga

Sa pag-abot nila sa dapit nga ginganlag “Ang Kalabera,” gilansang

ANG EBANGHELYO SA GINOO

Tanan: Daygon Ikaw, O Kristo

COMMENTATOR: Palihog manglingkod.

“AMAHAN PASAYLOA SILA KAY WALA SILA MASAYOD SA

4 SIETE PALABRAS 2024

5 SIETE PALABRAS 2024

COMMENTATOR: Palihug mangluhod ang tanan ug mosabat sa pag-ampo.

PARI O SEMINARIAN: Mag-ampo Kita

O Ginoo, among Dios, among Amahan nga mapasayloon, ania kami

COMMENTATOR: Palihog manindog ang tanan.

6 SIETE PALABRAS 2024

COMMENTATOR: Palihog manglingkod ang tanan.

COMMENTATOR: Palihog manindog ang tanan.

KAABAG:ANG PAGBASA SA EBANGHELYO SUMALA NI SAN LUCAS

Miingon si Jesus kaniya, “Sultihan ko ikaw, karong adlawa adto ka

Tanan: Daygon Ikaw, O Kristo

COMMENTATOR: Palihog manglingkod ang tanan.

Kini ang masaarong mga pulong sa atong Ginoong Jesus ngadto sa

7 SIETE PALABRAS 2024

8 SIETE PALABRAS 2024

9 SIETE PALABRAS 2024

COMMENTATOR: Palihug mangluhod ang tanan ug mosabat sa pag-ampo.

PARI O SEMINARIAN: Mag-ampo Kita

O Ginoong Jesus, kami nga imong gitawag nga mga katawhan

Tabangi kami sa pagtuman sa among mga katungdanan isip imong

COMMENTATOR: Palihog manindog ang tanan.

10 SIETE PALABRAS 2024

COMMENTATOR: “BABAYE, ANIA ANG IMONG ANAK, ANIA ANG

COMMENTATOR: Palihog manindog ang tanan.

KAABAG:ANG PAGBASA SA EBANGHELYO SUMALA NI SAN JUAN

Duol sa krus ni Jesus nagbarog ang Iyang Inahan u gang igsoon sa

ANG EBANGHELYO SA GINOO

Tanan: Daygon Ikaw, O Kristo

COMMENTATOR: Palihog manglingkod ang tanan.

12 SIETE PALABRAS 2024

13 SIETE PALABRAS 2024

PARI O SEMINARIAN: Mag-ampo Kita

Amahan namong langitnon ug tuboran sa tim-os nga gugma,

AWIT: (Subay sa Panahon sa Kwaresma)

COMMENTATOR: Palihog manglingkod ang tanan.

IKA-UPAT NGA PULONG

COMMENTATOR: “DIOS KO, DIOS KO, NGANONG GIBIYAAN MO

COMMENTATOR: Palihug manindog ang tanan.

KAABAG: ANG PAGBASA GIKAN SA EBANGHELYO SUMALA NI

Sa pagka-udto na, nalukop sa kangitngit ang tibuok yuta nga

Dihay mga tawo nga nakadungog kaniya ug miingon sila, “Pamati

ANG EBANGHELYO SA GINOO.

Daygon Ikaw O Kristo.

COMMENTATOR: Palihug manglingkod ang tanan.