Aralin 6: Siklo ng Pagpaplanong Pagtuturo

Tulad ng maraming bagay, ang pagpaplano at dumadaan din sa masalimuot at

komplikadong proseso bago tuluyang mabuo sa kasalukuyang anyo niyo. Ang prosesong
iyo at paulit-ulit na nagaganap taglay ang pagpapayaman at pagpapabuti sa mga natukoy
na kahinaan o kakulangan mula sa naunang pagpaplano. Lumilikha ito ng isang padron
para sa guro upang matutuhan ang siklo o cycle na nabuo. Mapapansin natin sa aktuwal o
praktikal na pagtuturo, mayroon ding siklo o sariling proseso ng ng pagpaplanong
pagtuturo:

1. Ganap na Kabatiran sa Kurikulum

Ito ay binubuo ng tatlong mahahalagang bahagi: (1) Pamantayang Pangnilalaman. (2)

Pamantayan sa Pagganap, at (3) Tatas. Tinutugon ng mga bahaging iyo ang mga bagay na
dapat isagawa ng isang guro sa kaniyang pagtuturo sa klase. Halimbawa, sa pamantayang
pangnilalaman nakahanay ang mga principal na kaalaman o kasanayang dapat matutuhan
ng mga mag-aaral, sa pamantayan sa pagganap nakahanay ang mga principal na kasanayan
o kakayahang dapat maipagkaloob sa mag-aaral upang maisakatuparan ang mga gawaing
itinakda ng bawat aralin, samantalang sa bahaging tatas isinasaad ang pamantayan ng
katangiang dapat taglayin ng mga mag-aaral mula sa nilalamang aralin at kasanayang
ipinalilinang. Ang laman at sustansiya ng pagtuturo ay nakasalig sa pinakapuso ng Sistema
ng edukasyon, ang kurikulum.

2. Kabatiran ng mga Kagamitan sa Pagtuturo

Matapos maisapuso ng guro ang kurikulum, dapat bigyang-kaisipan naman niya ang
mga kagamitang kaniyang gagamitin. Ang bawat paksa sa klase, performance task na
isasagawa, at layuning nais ng guro ay magagawa nang mahusay kung may sapat na gamit.
Sa kasalukuyang panahon, hindi nakapagtataka na ang mga paaralan ay nag-invest na sa
mga computer-based lesson na umaangkop sa mga mag-aaral na millennial, at mahilig sa
Internet bused-learning packages.

3. Angkop na Estratehiya sa Pagtuturo

Ang paggamit ng angkop na estratehiya sa klase ang nagbibigay-lakas ng loob sa guro

upang maisagawa niya ang kaniyang ninanais sa klase. Tha-ibang pangkat at uri ng mga
mag-aaral, iba-iba rin ang estratehiyang gagamitin ng guro. May mga mag-aaral na
mabuting gamitan ng top-down na metodo sa pag-aaral o iyong tinatawag noon sa
deductive method at ang iba naman aygumagamit ng bottom-up o inductive method kung
saan hinihimay-himay ng guro ang bawat detalye bago tumungo sa pinakamahalagang
paksa ng aralin.

4. Aktuwal na Pagtuturo sa Klase

Lahat ng kaisipan o inaasahan ng guro ay mababalewala kapag nabigo siya sa

pinakamahalagang bahagi ng pagkaklase at ito ay ang akwtuwal na pagtuturo sa mga mag-
aaral tungkol sa isang aralin. Mayroon ding mga hakbang na dapat sundin ang guro para sa
epektibong pagkaklase.

5. Pagtataya

Paano mo malalaman na epektibo ang iyong mga paghahanda, estratehiya, at aktuwal na

pagtuturo? Ang pagtatayao assessment ang nagsasabi sa guro kung dapat ba niyang ituloy
ang kanyang mga hakbangin o itigil sandal ang proseso upang ayusin ang
pinakamahalagang bagay na makikinabang sa kaniyang mga gawa at ito ay ang kaniyang
mga mag-aaral. Dapat ba niyang ulitin ang kaniyang pagtuturo o reteaching o dapat na
siyang magpatuloy sa susunod na kabanata ng kanyang gawain? Masasagot lamang ito
kung mayroong sapat na impormasyon ang guro kaugnay ng kalagayan ng kaniyang mga
mag-aaral at maibibigay ito sa kaniya ang pagtataya.
 Aralin 7: Modelo sa Pagpaplanong Pang-Estratehiya

Ang iba't ibang guro ay may iba't ibang paraan ng pagpaplano. Maraming salik ang
nakaimpluwensiya sa isang guro bago makagawa ng Sistema na bagay sa kaniya. Ano pa
at ang bawat estilo ay masasabi nating dumaan sa proseso. Dapat pag-aralan ng isang mag-
aaral sa pagiging guro ang iba-ibang modelo na ginagamit bilang planong pang-
instruksiyon upang sa gayon ay makagawa siya ng sariling estilo na bagay sa kaniya kapag
siya ay nagtuturo na. Ngunit hindi roon dapat nagtatapos ang lahat. Kapag siya ay ganap na
isang guro na, makabubuting ipagpatuloy ang pagtingin sa mga available na planong pang-
instruksiyon sapagka ito ay batayan ng kaniyang patuloy na pag- unlad bilang guro. Wika
nga, ang propesyon ng isang guro ay "walang katapusang pag-aaral."

Mararanasan at makikita ng isang guro na ang pagdidisensyo ng epektibong

banghay-aralin ay masalimuot at di-simpleng gawain. Ang pagtuturo ay isang gawaing
"nakapananabik" at nangangailangan ng mayamang imahinasyon. Ang mga guro ay nasa
posisyon upang magdisenyo ng mga planong pang-instruksiyon na gagamitin sa pagtuturo
sa klase.

Hindi rin natatapos sa pagpaplano ang gawain ng isang guro. Higit na mahalaga sa
lahat ng ito ang aktuwalisasyon ng lahat ng kaniyang plano. Dito makikita ng isang guro
ang tunay na epekto, kung mayroon man, ng lahat ng kaniyang mabubuting iniisip para sa
kaniyang mga mag-aaral. Ang anumang pinakamagandang banghay-aralin ay
mababalewala kapag ito ay kulang sa ehekusyon. Ang bahay-aralin ang pinakakaluluwa ng
propesyon sa pagtuturo. Ang pagsasakatuparan nito sa loob ng silid-aralan ang
pinakakatawan nito.

Naririto ang isang modelong banghay-aralin na ang pormat ay kalimitang ginagamit

sa Pilipinas batay sa DepEd Order No. 42, series of 2016:

I. Layunin
A. Pamantayang Pangnilalaman
B. Pamantayan sa Pagganap
C. Mga Kasanayan sa Pagkatuto (Isulat ang code ng bawat kasanayan)

Nilalaman

 Paksa

II. Kagamitang Panturo

A. Sanggunian
 Mga Pahina sa Gabay ng Guro
 Mga Pahina sa Kagamitang Pang-Mag-aaral
  Mga Pahina sa teksbuk.
 Karagdagang Kagamitan mula sa portal ng Learning Resource

B. Iba pang Kagamitang Panturo

III. Pamamaraan
A. Balik-aral sa Nakaraang Aralin at/o Pagsisimulang Aralin
B. Paghahabi sa Layunin ng Aralin
C. Page-ugnayan ng mga Halimbawa sa Bagong Aralin
D. Pagtatalakay ng Bagong Konsepto at Paglalahad ng Bagong Kasanayan #1
E. Pagtatalakay ng Bagong Konsepto at Paglalahad ng Bagong Kasanayan #2
F. Paglilinang sa Kabihasnan (Tungo sa Formative Assessment 3)
G. Paglalapat ng Aralin sa Pang-araw-araw na Buhay
H. Paglalahat ng Aralin
I. Pagtataya ng Aralin

IV. Mga Tala

V. Pagninilay
A. Bilang ng mag-aaral na nakakuha ng 75% sa pagtataya
B. Bilang ng mag-aaral na nangangailangan ng iba pang gawain para sa remediation
C. Nakatulong ba ang remedial? Bilang ng mag-aaral na nakaunawa sa aralin
D. Bilang ng mga mag-aaral na magpapatuloy sa remediation
E. Alin sa mga estratehiyang pagtuturo ang nakatulong nang lubos? Paano ito
nakatulong?
F. Anong suliranin ang aking naranasan na nasolusyonan sa tulong ng aking
punongguro at tagamasid?
G. Anong kagamitang panturo ang aking dinisenyo na nais kong ibahagi sa mga
kapwa ko guro?