Isang napakagandang hapon sa inyong lahat, ako si Princess Jamaica Senina
na magbabahagi sa inyo ng buhay sa SPSTE. Ano nga ba ang mga karanasan sa pag- aaral sa SPSTE, mahirap ba o madali lang? Sinasabi nila na ang buhay sa highschool ay isa sa pinakamasaya at hindi malilimutang karanasan. Alam kong marami sa inyo ang sasang-ayon sa aking mga sasabihin dahil kayo mismo ay naranasan na ito.
Mahirap ngunit magpapatuloy para sa pangarap, iyan ang mailalarawan sa mag-
aaral ng Special Program in Science Technology and Engineering. May pagkakataong magsusunod-sunod ang lahat ng gawain at pagsusulit, dagdagan pa nito ng mga dapat ipasa na mga scores at grado at mapapa-isip ka na lang na tama bang nag-ste ako? Mararanasan mo din ang sobrang gabi na matulog at maaga pa gigising upang maiwasan ang traffic. Bilang ste, hindi lamang tayo natuto sa mga aralin, natututo din tayo sa ating mga pagkakamali. Humuhugot tayo ng lakas at inspirasyon sa Panginoon, magulang, at mga guro. Lahat ng hirap sa pag-aaral ay haharapin at gagawin para mapasaya at kahit papaano ay pawiin ang pagod ng ating mga magulang. Ngunit sa kabila ng mga pagsubok na ito andiyan ang ating mga guro na handang alalayan at gabayan tayo. Makakakilala din tayo ng mga bagong kaibigan na maaaring hanggang sa pagtanda ay kasama pa rin natin at ang iba naman ay maaaring maging parte na lamang ng ating mga alaala sa hinaharap.
Sa buhay junior highschool sa SPSTE ay parang roller coaster, mayroong
kasiyahan, kalungkutan, kabiguan, at tagumpay. Kung pag-iisipan ng mabuti ang lahat ng ating mga sakripisyo ay hindi walang kabuluhan kundi upang maihanda tayo para sa hinaharap. Kaya kapit lang at ipatuloy ang sinimulan, ste.