Ang pag-aaral tungkol sa pandiwa ay mahalaga dahil ito ay
nakakatulong sa pakikipag-usap sa wikang Filipino. Ang pandiwa ay mga salita na nagsasabi ng mga kilos. Araw-araw ginagamit natin sa pakikipag- usap sa ibang mga tao ang mga pandiwa. Sa bahay ay karaniwan itong ginagamit sa pag-utos o pagbigay ng mga gawain. Mahalaga na maintindihan natin kung ano ang kahulugan ng mga pandiwa upang magawa natin ng mabuti ang mga gawain sa bahay.
Ang pandiwa ay may tatlong panahunan. Iyo ay ang naganap,
nagaganap, at magaganap. Ang naganap ay mga kilos na nangyari na. Halimbawa: Nagluto si Inay ng isda kagabi. Ang nagaganap ay mga kilos na nangyayari pa sa kasalukuyan. Halimbawa: Ngayong gabi ay nagluluto si Inay ng manok na may sabaw. Ang magaganap ay mga kilos na mangyayari pa lang o gagawin pa lang. Halimbawa: Magluluto si Inay ng pancit bukas ng gabi.
Dapat na sa wastong panahunan ang mga pandiwa na ginagamit natin
tuwing tayo ay nag-uusap. Kapag nag kamali tayo ay mali rin ang maiintindiha ng ating ka-usap. Upang tayo ay maging bihasa dapat tayong magsanay sa paggamit ng pandiwa sa wastong panahunan. Para tayo ay magiging magaling sa wikang Filipino pwede tayong manood ng mga palabas at makinig ng mga kanta na nasa wika natin. Sabi nga ni doctor Jose Rizal, “Ang hindi magmahal sa sariling wika ay mas malansa pa sa nabubulok na isda.”