Professional Documents
Culture Documents
Chapter-1-Rationale Pananaliksik
Chapter-1-Rationale Pananaliksik
Chapter-1-Rationale Pananaliksik
Names: Dadiz, Dela Cruz, Demetillo, Garcia, Magallanes, San Jose, Staggs
Rationale:
Ayon sa pananaliksik ni Chung Kwan Lo (2023), malaki ang nahaharap na hamon ng ChatGPT sapagkat
kasabay ng pag-unlad nito sa larangan ng edukasyon ay ang pagkabuo ng mga banta nito sa maraming mga
tagapagturo. Ang mga tagapaguro ay naghayag na ng kanilang pag-aalala dahil sa posibilidad na pag-outsource ng
ChatGPT sa kanilang trabaho. Ang ChatGPT ay nakapagbibigay ng mga partikular na kasagutan kaya naman
maraming tagapagturo ang nangangamba na maaaring dumepende na lamang ang mag-aaral sa paggamit ng
website na ito. Ang mga pang-akademikong gawain ay posibleng kanilang ipaubaya sa nasabing website at
malaking kawalan ito hindi lamang sa mga tagapagturo kung hindi maging sa mga mag-aaral sa kadahilanang
maaapektuhan ang kanilang academic performance. Malaking problema ito sa mga paaralan hindi lamang sa
posibilidad ng pagdepende ng maraming mag-aaral sa ChatGPT kung hindi marahil maaari ring mabawasan ang
magandang kalidad ng edukasyon na handog ng paaralan sa kanilang mga mag-aaral.
Sa kabuuan, ang paggamit ng Aritificial Intelligence gaya ng ChatGPT sa larangan ng edukasyon ay mahalaga
upang mapabuti at mapadali ang karanasan sa pag-aaral at pagpapaunlad ng mga kasanayan ng mga mag-aaral.
Malaki ang naitutulong ng ChatGPT sa pag-aaral ng mga estudyante, ngunit, sa kabila ng mga positibong epekto
ng artificial intelligence gaya ng pagkakaroon ng access sa impormasyon, pagpapabuti at pagpapadali ng mga
gawain, ito rin ay nagreresulta ng mga negatibong konsekwensya gaya ng pagiging reliant ng mga mag-aaral sa
teknolohiya at ang maaaring pagbaba ng kalidad ng edukasyon. Dahil sa mali at labis na paggamit ng Aritificial
Intelligence, nagdudulot ito ng pagdepende ng mga kabataan sa paggawa ng mga kasulatang pang-akademiko
kaysa aralin, intindihin, at sagutan ang mga ito. Gayunpaman, ang ChatGPT ay nakatutulong sa pagpapaunlad at
pagpapalawak ng kaalaman ng mga mag-aaral at nararapat na gamitin ito nang angkop at wasto.
Sa ilalim ng Republic Act 10175, kilala rin bilang Cybercrime Prevention Act of 2012, ang plagiarism ay
itinuturing na isang uri ng krimen sa cyber. Ang plagiarism, ayon sa batas na ito, ay ang hindi awtorisadong
pagkopya o pag-angkin ng gawa, ideya, o pahayag ng ibang tao at pagpapakilala sa mga ito bilang sariling gawa.
Ito ay hindi lamang lumalabag sa karapatan sa pag-aari ng isipan kundi nagpapahina rin sa integridad ng
edukasyon sa pamamagitan ng pagbabawas sa kakayahang mag-isip nang kritikal, pagpigil sa tunay na pag-aaral,
at pagpapalaganap ng kultura ng di-tapat na akademikong gawain. Samakatuwid, ang mga estudyante na sangkot
sa ganitong mga gawain ay maaaring masaklawan ng mga parusa sa ilalim ng probisyon ng Cybercrime
Prevention Act, partikular na sa mga paglabag sa karapatan sa intelektwal na pag-aari, na maaaring magdulot ng
mga legal na kahihinatnan na maapektuhan ang kanilang estado sa edukasyon at mga hinaharap na oportunidad.