EDUKASYON SA PAGPAPAKATAO

- Bawat tao ay binigyan ng Diyos ng angking talino at kakayahan.

Dapat mong tuklasin at alamin kung ano ang iyong talino at
kakayahan. Sa sandalling malaman mo kung saan ka magaling,
dapat mo itong pagyamanin at paunlarin upang ikaw ay maging
isang kapaki-pakinabang na mamamayan. Upang maisagawa
ang pagpapaunlad ng talino at kakayahan, may mga katangiang
dapat mong taglayon tulad ng sipag, tiyaga, tiwala sa sarili, at
lakas ng loob.

- Iba’t iba ang talino at kakayahan ng bawat tao. Dapat tayong

magpasalamat sa Diyos sa ibinigay Niyang biyayang ito. Dapat din
nating ipagmalaki ito at gamitin para sa ikasisiya at
kapakinabangan ng ating kapwa.

- Masarap ang pakiramdam ng taong nagbabahagi ng kanyang

kakayahan o talino lalo na kung nagdulot ito ng kaligayahan sa
mga tao.
- Ang kasiyahan o kaligayahan na naibibiay mo sa tao ay kasiyahan
mo rin. Iba’t ibang paraan ang maaari mong gawin upang
makapagpasaya ng tao. Maaaring ito ay material o hindi material
na bagay. Ang pagbabahagi ng sariling kakayahan o talino ay isa
sa mga paraan na makapagbibigay ng kasiyan sa tao.

Maaaring itanong sa bata: Ano ang iyong gagawin sa sumusunod

na mga sitwasyon?
a) Mahusay kang tumula. Nais kang isali ng guro mo sa isang
paligsahan sa pagbigkas ng tula na gaganapin sa
pagdiriwang ng Buwan ng Wika sa Agosto.
 b) Niyaya kang maglaro ng chess ng iyong matalik na kaibigan.
Alam mong hindi ka masyadong bihasa sa larong ito.

- Mapaglalabanan ang takot sa taong nambu-bully o nang-aapi

kung lalakasan ang loob na kausapin nang masinsinan ang
taong ito. Maging mahinahon at mapagkumbaba sa pakikipag-
usap. Magkaroon ng tiwala sa sarili na malalabanan ang takot at
magiging maayos ang lahat para sa ikapapanatag ng loob ng
mga taong sangkot dito.

Maaaring itanong sa bata: Ano ang gagawin mo upang

maipakita ang kakayahang labanan ang takot sa nambu-bully o
nang-aapi sa iyo.
a) Hinarang ka sa labas ng inyong paaralan ng kaklase mong
hindi mo pinahiram ng lapis kanina.
b) Tinutukso ka ng iyong kalaro dahil sa katabaan mo.

- Bigay ng Diyos sa atin ang ating katawan. Ito ay regalo Niya sa atin
kaya dapat lamang na alagaan at mahalin natin ito. Sa ganitong
paraan natin maipapakita ang pagpapasalamat sa Kanya.

Maaaring itanong sa bata: Paano natin pangangalaagan sa

kalinisan at kalusugan ng katawan?

- Magpasalamat tayo sa pagkakaroon ng isang masayang pamilya.

Sa pagtutulungan at pagkakaisa sa mga gawaing-bahay ng mga
kasapi ng pamilya, nagiging maayos, malinis, at masaya ang
tahanan. Ang mga tuntunin at pamantayang itinakda sa loob ng
tahanan ay nakatutulong din sa pagiging maayos, malinis, at
payapa ng tahanan. Ang pagganap ng bawat kasapi sa kanyang
 tungkulin ay mahalaga parta sa isang masayang pamilya. Sa
ganitong paraan ng pag-uugnayan ng pamilya, mas lalong
nagiging malapt ang baawat kasapi sa isa’t isa.

Maaaring itanong sa bata: Ano ang iyong gagawin sa sumusunod

na mga sitwasyon?
a) Inihagis ng iyong bunsong kapatid sa sofa ang t-shirt na
kanyang hinubad.
b) Gagamit ka ng banyo pero Nakita mong marumi ito.
c) Nadatnan mong abalang-abala sa pagluluto ng tanghalian
ang tatay at nanay mo.

- Mahalaga ang oras para sa taing may disiplina sa sarili. Wala

siyang inaaksayang oras. Ginagawa niya ang magagawa ngayon
at hindi na ipinagpapabukas pa ito. Inaayos ang mga dapat gawin
at kailangang tapusin. Inuuna niya ang mga Gawain sa takdang
oras para sa lahat ng gawin. May oras na siya sap ag-aaral,
paglalaro, paglilibang, pagpapahinga, pagtulong sa mga
gawaing-bahay, paglilipigpit ng mga gamit at pagdarasal.

Maaaring itanong sa bata: Ano ang iyong gagawin sa sumusunod

na mga sitwasyon?
a) Nagbabasa ka ng iyong leksiyon para sa pagsusulit Ninyo
kinabukasan nang bigla kang tinawag ng inyong kapitbahay
para maglaro.
b) Nanonood ka ng iyong paboritong palabas sa telebisyon kahit
dapat ka nang matulog dahil malalim na ang gabi.
c) Uwian na Ninyo sa klase nang bigla kang niyaya ng iyong
kaklase sa bahay nila upang maglaro ng basktebol. Alam
mong naghihintay ang iyong nanay.