Department of Education

Region VI – Western Visayas

Schools Division of Iloilo City
District I–City Proper
ILOILO CENTRAL ELEMENTARY SCHOOL
Gen. Luna Street, Iloilo City

Pangalan: _____________________________________ Petsa: _____________

Antas at Baitang: _____________________________ Iskor: _____________

Learning Activity Sheets (LAS) Filipino 5 Quarter 4 Week 3

Pamagat ng Aralin: A. Pagtukoy sa paniniwala ng may akda ng teksto sa isang isyu
B. Pagbibigay ng maaaring solusyon sa naobserbahang suliranin
Layunin: A. Natutukoy ang paniniwala ng may-akda ng teksto sa isang isyu. (F5PB-IVb-26)
B. Nakapagbibigay ng maaaring solusyon sa isang naobserbahang suliranin.(F5PS-IVe-9)

Konsepto:
Masusing tinatalakay ng may -akda ang paniniwala o paninindigan tungkol sa isang isyu.
Ang pananaw ng may akda ay inaasahang makakatulong sa mambabasa na maliwanagan sa isyu
at makabuo ng sarili niyang matalinong pagkukuro.
Basahin nang tahimik ang kuwento:

Pista sa Aming Bayan

Masayang- masaya ang lahat. Araw ng pista ngayon sa aming bayan.Maraming tao ang
nagsimba. Masigla at masaya ang kalembang ng kampana sa simbahan.Hindi magkamayaw sa
ingay ng pagbabatian at pagbabalitaan ang mga tagarito, sa mga balikbayan, at mga panauhin mula
sa ibang bayan.
Walang tigil ang masipag na banda ng musiko sa paglibot sa mga lansangan habang
nagbibigay ng masiglang tugtugin. Umaambag rin sa sigla at saya ang malakas na bunghalit ng mga
tugtugin sa mga perya at pondahan at maging sa mga tahanan man.
Nagpapagaraan sa ganda ang mga arko sa mga panulukan ng mga kalye. May mga arkong
kawayan na may makukulay na ginupit-gupit na papel. Ang mga banderitas na may iba’t ibang kulay
ay nakagayak sa mga hayag na lansangan at maging sa maliit na kalye man.
Naku, higit sa lahat kabi-kabila ang handaan. May mga naglilitson doon at dine. Malalaking
talyasi ng pagkain ang nakasalang sa kalan sa mga kusina at sa mga bakuran.Mula tanghalian
hanggang hapunan ay may pagsasalu-saluhan ang mga inihandang pagkain ng magkakamag-anak,
magkakaibigan,at mga panauhin. Kainang hindi matapos- tapos Ganyan ang pista. Nakakalungkot
tuloy isipin na ang pista ay tila kainan lamang at nawawala na ang diwang ispiritwal ng okasyon.
E, bakit nga ba may pista? Hindi ba’t nagdudulot lamang ito ng malaking gastos? Hindi ba’t
malaking pagaabala ito?
Pero sadyang hindi na maiaalis sa kulturang Pilipino ang pagpipista at pamimista.Ito’y isang
kaugaliang minana pa natin sa ating mga ninuno.
Ang pista ay araw ng pasasalamat sa Poong Maykapal sa mga biyayang ipinagkaloob Niya sa
mga tao. Ito ay araw ng pagdakila, papuri at pagpaparangal sa Panginoon. Kadalasan, ang pistang-
bayan ay itinatapat sa kaarawan ng patron ng bayan.
Gaya ng pista ng Meycauayan na ipinagdiriwang sa kaarawan ng patron nito na si San
Francisco de Asis, pista ng Santa Clara sa kaarawan ng Mahal na Brhen de Salambao, pista ng
Obando sa kaarawan ni San Pascual de Baylon,pista ng Malolos sa kaarawan ng Birhen ng
Immaculada Concepcion at iba pa.

PAGSASANAY 1: Sagutin mo ang mga tanong tungkol sa binasa.

1. Ano ang pista?
________________________________________________________________________________
2. Bakit may pista?
________________________________________________________________________________
3. Ilarawan ang pagdiriwang ng pista batay sa tekstong binasa.
________________________________________________________________________________
4. Sang-ayon ka ba na ipagpatuloy ang tradisyon ng pagdaraos ng pista? Ipaliwanag.
________________________________________________________________________________
5. Sa isyung nakapaloob sa teksto, Ano sa tingin mo ang paniniwala ng may akda nito sa tungkol sa
isyung ito?
________________________________________________________________________________

PAGSASANAY 2: Basahing mabuti ang talata tungkol sa napapanahong isyu ngayon ang Corona
Virus. Punan ang patlang ng tamang sagot: Pumili sa talaan sa ibaba:

Corona virus, sakit, pag-ubo, hayop, tao,

Ano nga ba ang corona virus?
Ang corona virus ay isang malaking pamilya ng mga virus na maaring magdulot ng sakit. Mula
sa karaniwang sipon, hanggang sa mas malubhang sakit tulad ng Middle East respiratory Syndrome (
MERS- Cov) at Severe Accute Respiratory Sindrome (Sars Cov). Ang bagong Corona virus (N-cov)
ay isang bagong uri na hindi pa nakikilala sa mga tao. Maraming mga coronavirus ang natural na
nakakahawa sa mga hayop, ngunit ang ilan ay maari ring makahawa sa mga tao. Ang mga
coronavirus ay naisip na kumalat sa hangin sa pag-ubo/ pagbahing at malapit na personal na
pakikipag-ugnay o paghawak ng mga kontaminadong bagay o ibabaw at pagkatapos ay paghawak
sa bibig , ilong o mata. Ang corona virus ay tumutukoy sa sakit sanhi ng virus.

Punan ang patlang ng tamang sagot:

1. Ang corona virus ay isang malaking pamilya ng mga virus na maaaring magdulot ng_________.
2. Ang bagong sakit na _________ ay dinaranas natin sa kasalukuyan.
3. Maraming corona virus ang natural na nakakahawa sa _________.
4. Ang ilan sa mga ito ay maaari ring makahawa sa mga _________.
5. Ang corona virus ay maiisip na kumalat sa hangin sa pamamagitan ng_________.

PAGSASANAY 3: Basahing mabuti ang talata. Lagyan ng tsek (/) kung isyu o paniniwala ang
pangugusap at ekis (X) kung hindi:

Bakit kailangang manatili sa loob ng bahay?

Sa yugto na ito ng pandemya kritikal na hindi dapat mawala ang pagsulong na makamit natin
sa pagkontrol sa pagkalat ng COVID 19. Tumigil na ang pagtaas ng naoospital ngunit mas marami pa
ang kinakailangang gawin upang ligtas na mabuksan ang komunidad.
Ang pandaigdigang pandemya ng COVID 19 ay nasa maagang yugto pa .Madaling kumalat
ang virus ang kapasidad ng pagsusuri ay limitado at lumalawak ng dahan-dahan kung masyadong
mabilis nating ipaluwag ang paghihigpit ay potensyal ng pagpapalawig ng pagkalalat ay maaring
magkaroon ng epekto sa kalusugan ng ating mga residente pati na rin sa ekonomiya.

______1. Manatili sa loob ng bahay.

______2. Pagsulong na makamit ang pagkontrol sa pagkalat ng Covid 19
______3. Madaling kumalat ang virus .
______4. Ang pandaigdigang pandemya ng COVID 19 ay nasa maagang yugto pa lamang.
______5. Kung mabilis nating paluluwagin ang paghihigpit ay may potensyal na pagpapalawig ng
pagkalat na maaaring makaapekto sa kalusugan ng tao.