PAGKAKAIBIGAN

ni Kingston Mahlcolm A. Maniquez (Grade 10 - St.Matthew)

Sa paglipas ng araw, kaibigan ay sagana,

Sa bawat yakap, ang puso'y nagpapasalamat,
Sa tuwing nagkikita, ligaya'y umaalon,
Sa tibok ng damdamin, tila walang hanggan.

Sa paglalakbay ng buhay, ikaw ang tanglaw,

Sa dilim ng gabi, kaibigang walang sawa,
Sa bawat hirap at lungkot, ika'y karamay,
Kaibigan, sa puso't isip, 'di kita iiwanan kailanman.

Sa bawat tagumpay, ika'y aking kasama,

Sa pagtahak ng landas, ika'y patuloy na gabay,
Kapag ako'y naliligaw, ika'y nagbibigay ng direksyon,
Kaibigan, sa iyong suporta, lakas ko'y walang pagkalaho.

Sa mga alaala ng nakaraan, at sa hinaharap na darating,

Ikaw ang kasama sa bawat yugto ng aking buhay,
Sa pag-ibig at pagkakaibigan, tayo'y magkasama,
Kaibigan, hanggang sa dulo, ang ating samahan ay magtatagal.