Republic of the Philippines

Region V
Division of Camarines Sur
MUNICIPALITY OF SAGÑAY
BARANGAY STO. NIÑO
OFFICE OF THE SANGGUNIANG BARANGAY

Katitikan ng Pulong ng SK Unang Sesyon

Petsa: Disyembre 9, 2023
Oras: 1:00 PM
Lugar: Barangay hall
Bilang ng dumalo: 10
Bilang ng hindi dumalo: 0

Agenda:
• Pagtalaga ng SK Treasurer at Secretary
• Mga Patakaran at Regulasyon
• Mga Gawain sa Disyembre

Nagsimula ang pulong sa pamamagitan ng dasal na pinangunahan ni SK Chairperson,

Antonette Mababao, ganap na 1:00 ng hapon. Lahat ng sampung miyembro ay dumalo, walang
kahit isa na hindi nakadalo.

Ipinresenta ni SK Chairperson ang mga planong pag-uusapan sa pulong sa lahat ng

miyembro. Pagkatapos nito, nagsimula siyang magbigay-pugay at magpasalamat sa lahat ng
dumalo sa pulong. Pinakilala ng tagapamuno ang napiling SK Treasurer at SK Secretary sa mga
miyembro at tinanong kung mayroong hindi sumasang-ayon. Agad na sumang-ayon si Kgwd.
Eddie B. Fernandez Jr., at sumunod dito ang iba pang miyembro. Nagbigay rin ng maikling
mensahe ng pasasalamat ang SK Secretary at SK Treasurer matapos ang kanilang pagkilala.

Matapos ang introduksiyon ng SK Secretary at Treasurer, ipinanukala ni SK Chairperson

ang pagtatatag ng mga alituntunin at regulasyon upang maiwasan ang kaguluhan at hindi
pagkakaintindihan. Nagbigay ng suhestiyon si SK Treasurer, Niña Villano, na kung mayroong
mga opinyon o komento, ito ay dapat iparating sa SK Chairperson o pag-usapan ito nang opisyal
sa bawat sesyon, at hindi sa labas ng miyembro ng council. Hinimok din ni SK Secretary,
Juliana Faith Conmigo, na iwasan ang pagiging late sa mga pulong. Binigyang diin naman ni
Kgwd. Clydel Kate B. Sere ang paggalang kapag may naglalahad ng kanilang opinyon sa
pulong. Inirekomenda rin ni Kgwd. Jelly C. Potenciano Jr. na ipagbawal ang paggamit ng
cellphone tuwing sesyon, maliban na lamang kung kinakailangan. Ang paglabas ng anumang
impormasyon tungkol sa mga pinag-usapan sa sesyon ay ipinagbawal, maliban na lamang kung
ito ay opisyal na inilalabas sa publiko. Lahat ng ito ay pinagtibay ng council.

Pagkatapos, tinanong ni SK Chairperson ang mga kagawad kung ano ang kanilang mga
proyektong nais isakatuparan para sa Pasko. Nagbigay ng ideya si Kgwd. Eddie B. Fernandez Jr.
na magkaruon ng gift-giving activity para sa mga kabataan. Isinalaysay naman ni Kgwd.
Sherwin Roy B. Celestial ang plano ng paglagay ng Christmas lights at Christmas tree. Iniharap
naman ni Kgwd. Jelly C. Potenciano Jr. at Kgwd. John Julius G. Tabaco ang ideya ng pagtatayo
ng rebulto ni Maria at sanggol na si Hesus Kristo. Napagkasunduan na magkaruon ng dalawang
Christmas tree, maglagay ng Christmas lights sa bawat poste sa kalsada at ang pagkakaroon ng
gift giving para sa kabataan.

Ang pulong ay nagtapos ng 4:00 ng hapon.

Inihanda ni:

JULIANA FAITH B. CONMIGO

SK Secretart
 ANTONETTE B. MABABAO
President Officer/ SK Chairperson

CLYDEL KATE B. SERES JOHN ERICK C.

BUENAFE
SK Kagawad SK Kagawad

JUSTINE EARL C. CARBONEL JOHN JULIUS G. TABACO

SK Kagawad SK Kagawad

SHERWIN ROY B. CELESTIAL JELLY C. POTENCIANO JR.

SK Kagawad SK Kagawad

EDDIE B. FERNANDEZ JR. NIÑA T. VILLANO

SK Kagawad SK Treasurer