e

Republic of the Philippines

DEPARTMENT OF EDUCATION
Region VII, Central Visayas
Division of Bohol

Ikatlong Markahang Pagsusulit

FILIPINO VI

Pangalan: ________________________________________ Iskor: ________ Petsa: ___________

Panuto: Basahing mabuti ang bawat bilang at sagotan ang mga tanong pagkatapos nito. Piliin ang titik ng
tamang sagot.

Basahin at unawain ang tekstong pang-impormasyon. Pagkatapos sagutan ang mga sumusunod na
tanong.

Ang Moriones sa Marinduque ay isang uri ng paggunita sa pagsasadula ng karanasan ni Longhino,

ang matapang na paganong kawal na umulos ng sibat sa tagiliran ni Panginoong Hesukristo na namatay
na nakabayubay sa krus. Tumilamsik ang dugo mula sa tagiliran ni Kristo at ito ang mahimalang nagbigay-
liwanag sa mata, isipan, at pagkatao ni Longhino, kaya’t siya ay nagbagong-loob. Nagalit ang mga
Hudyong kawal sa kanya; tinugis siya ng mga ito at pinugutan ng ulo.

Ang Moriones ay hindi sa entablado ginaganap kundi sa mga lansangan sa buong bayan. Ito’y
idinaraos taon-taon, ilang araw pagkaraan ng Biyernes Santo o Mahal na Araw.

1. Tungkol saan ang tekstong binasa?

A. Moriones B. Pista C. Pasko D. Pasyon ng Krus
2. Saang lalawigan ginaganap ang Moriones?
A. Cebu B. Kalibo, Aklan C.Marinduque D. Mindanao
3. Bakit nagalit ang mga Hudyo kawal kay Longhino?
A. dahil nagbagong-loob na ito
B. dahil pinatay niya si Hesus
C. Dahil pinasaya niya ang mga tao
D. Dahil matapang ito.
4. Paano nagbagong-loob si Longhino?
A. Nang tumilamsik ang dugo ni Jesukristo at ito ang mahimalang nagbigay-liwanag sa mata,
isipan, at pagkatao nito
B. Nang inaway niya ang mga tao
C. Sa pamamagitan ng pagbibigay abuloy sa mga tao
D. Sa pamamagitan ng pagdaos nito tuwing Mahal na Araw.
 EPEKTO NG SOCIAL MEDIA SA MGA KABATAAN

“Hindi yan mananalo dahil gusto ng mga kabataan ngayon ay mga kandidatong gawapo’t
magaganda!” narinig kong komento ng aking ama sa isang kandidato habang nanunood ng telebisyon. Sa
katunayan, hindi ko rin gusto ang kandidato, ngunit hindi katulad ng dahilan ng aking ama. Ang nakapukaw
sa akin ng pansin at agad naman nagpakulo ng aking dugo ay sa mismong komento nito sa mga kabataan.
“‘Di rin!” pabulong na sagot ko. Aaminin ko, gusto kong makipagtalo, ngunit dahil sa respeto, ‘wag na lang!

Facebook, Twitter, Youtube, Instagram, tumblr pati na rin Blogger. Ito lamang ang iilan sa mga
social media sites na tinatangkilik ng mga kabataan. Isa ako sa kanila. Adik ako sa internet, pero di sa
paraang masama. Gusto ko sanang idahilan ito sa aking ama at ipakita na mas mulat na ang mga
kabataan ngayon. “Baka sa henerasyon n’yo lang ‘yun, iba na ang mga kabataan ngayon!” kung wala sana
akong respeto’t di makapagtimpi ay ganitung-ganito ang aking isasagot. Iba na nga ang mga kabataan
ngayon. Pihikan na sila sa pagpili at proud akong kabilang ako sa henerasyong ito. Marami akong nila-like
sa Facebook at pina-follow sa Twitter. Sa mga nakikita ko, kritikal nang mag-isip ang mga kabataan sa
tulong ng social media at internet sites. Isang magandang balita para sa ating bayan. Napansin ko rin na
hindi lang sila bastang pumipili ng kandidatong popular dahil sa endorser at commercials. Pati mga
independent candidates ay sinusuri na rin nila. May pakialam na ang kabataan ngayon. Sa pamamagitan
ng camera ay ini-ispatan na nila ang mga loko-lokong kandidato at ipinapadala sa medya. Marami rin
akong nababasang mga artikulo galing sa blog sites ng mga kabataan at natutuwa naman akong basahin
ang mga ito. Isa pang ikinaka-proud ko ay ang liberal na isip ng kasalukuyang kabataan. Sariwa ang
kanilang ideya di tulad ng mga nakatatandang tradisyunal na kung mag-isip. Dahil sa teknolohiya,
napapalawak ang mga ito. Ilan rito’y paggawa ng short videos ukol sa eleksyon o panghihikayat sa kapwa
kabata na maging matalino sa pagpili. Karamihan ng mga botante ay may edad na 18-25 mga kabataan.
Kaya naman, kampante ako sa resulta ng botohan (kung walang mangyayaring pandadaya). Maituturing ko
na magiging progresibo at matagumpay ang eleksyon na ito sa tulong ng matalino at mapanuring pagiisip
ng mga kabataan. Totoo nga ang sinabi ng ating bayani, at sana naman ay mapagtanto ng mga kabataan
at ng susunod na henerasyon na, Kabataan ang pag-asa ng bayan.

5. Tungkol saan ang nabasang teksto?

a. Tungkol sa epekto ng edukasyon sa kabataan
b. Tungkol sa epekto ng droga sa kabataan

c. Tungkol sa epekto ng social media sa kabataan

d. Tungkol sa epekto ng gadget sa kabataan

6. Alin sa nabanggit ang isa sa epekto ng social media sa kabataan?

a. Hindi lang sila bastang pumipili ng kandidatong popular dahil sa endorser at commercials
sinusuri nila itong mabuti
b. Pumipili sila ng sikat at maraming perang kandidato

c. Wala silang pakialam sa mga nangyayari sa bansa

d. Tradisyunal sila kung mag isip
7. Alin sa mga sumusunod ang TAMANG argumento na makikita sa nabasang teksto?
a. Dahil sa teknolohiya, napapalawak ng mga kabataan ngayon ang paggawa ng short
videos ukol sa eleksyon o panghihikayat sa kapwa kabata na maging matalino sa pagpili.
b. Facebook, Twitter, Youtube, Instagram, tumblr pati na rin Blogger. Ito lamang ang iilan
sa mga social media sites na tinatangkilik ng mga kabataan.

c. Maituturing na hindi magiging progresibo at matagumpay ang eleksyon dahil pag-iisip ng

mga kabataan.
d. Sa mga nakikita ko, hindi na nag-isip ang mga kabataan dahil sa social media at internet
sites.
8. Bakit kritikal nang mag-isip ang mga kabataan ngayon?
a. Dahil sa tulong ng social media at internet sites.
 b. Dahil sila ay bata pa ang pag-iisip.

c. Dahil aktibo pa ang kanilang pananaw sa buhay

d. Dahil sila ay makabago.
9. Ano ang katawagan sa gawain kung saan pinaikli at pawing kinukuha lamang ang mga
importanteng punto sa isang teksto, sulatin, o talumpati.
a. lagom b. teksto c. balangkas d. opinion
10-13. Punan ng wastong pang angkop ang bawat patlang.Piliin ang sagot sa loob ng kahon.

ng, na, g
10. Mayaman ang bansa___ Pilipinas sa mga likas na yaman.
11. Isang maunlad ____pamayanan ang isang lugar kung may pagtutulungang maganap.
12. Nakita ko ang ibon__dumapo sa punongkahoy ng mahogany.
13. Pabago- bago____ klima ang naranasan sa ating bansa.
14. Malusog_______malakas ang katawan ni Bryan.
a. ngunit b. at c. pagkat d. dahil
15. Kailangan ang regular na ehersisyo _________manatili sa kondisyon ang katawan.
a. at b. upang c. dahil d. subalit
16. ____________kumakain siya ng wastong uri at dami ng pagkain, siya’y laging
nasa kondisyon.
a. Dahil b. palibhasa c.kaya’t d. kasi

17. ____________umuunlad ang siyensiya, lalong maraming karamdaman

ang natutuklasan.
A. sapagkat b. at c. habang d. ngunit
18. (akyat)____si Lou sa bundok ng Makiling kahapon kasama ng kanyang mga kamag-aaral.
A. um- B. –an C. –in D. in-,-an
19. Dali-daling (kuha)___ ni Trisha ang kanyang bag upang makahabol sa susunod na byahe
ng eroplano patungong Surigao
A. -in B. –um- C. –an D. –in-
20. Sa salitang naglaba sa aling posisyon nakalagay ang panlapi?
A. Unlapi b. gitlapi c. hulapi d. kabilaan
21. Ano ang salitang ugat ng salitang “ BUMALIK”?
A. balik B. buma C. malik D. umalik
22. Anu-ano ang panlaping ginamit sa salitang “ NAGKWENTUHAN”?
A. nag-tu B. nag-han C. nag-en D. nag-an
23. Ang sabi ni Mr. Cruz: “Magkakaroon tayo ng pagsusulit bukas.” Anong uri ng pangungusap ito?
A. padamdam B. pasalaysay C. patanong D. pautos
24. Ang sabi ni Aling Toyang: “Marami ka na bang benta?” Anong uri ng pangungusap ito?
A. padamdam B. pasalaysay C. patanong D. pautos
25. Naku! Nasunog ang bahay nila. Anong uri ng pangungusap ito?
A. padamdam B. pasalaysay C. patanong D. pautos
26. “Magluluto ka ng pagkain mamaya para sa tanghalian dahil may pupuntahan lang ako.” Anong
uri ng pangungusap ito?
A. padamdam B. pasalaysay C. patanong D. pautos

Basahin nang mabuti ang talata. Piliin ang tamang sagot.

Maraming siyentipiko ang naniniwala na may 250,000 taon na ang nakaraan, bumaba ang
tubig sa dagat at lumitaw ang malalaking bahagi ng kalupaan. Ang mga lupaing ito ang naging tulay na
nag-ugnay sa Pilipinas sa kontinente ng Asya. Sa paglipas ng maraming taon, nagbago ang klima sa
buong mundo. Natunaw ang yelo sa matataas na bundok at ang mabababang lupain ay napuno ng tubig.
Lumubog ang mga tulay na lupa at napahiwalay namuli ang Pilipinas sa kontinente ng Asya.

27. Anong nangyari sa malaking bahagi ng kalupaan noong 250,000 taon na ang nakaraan?
A. lumitaw C. nawala
 B. naging malawak D. naging maliit

28. Ito ay mga pangyayari sa ating mundo paglipas ng maraming taon. Maliban sa isa.
A. Nagbago ang klima sa buong mundo.
B. Natunaw ang yelo sa matataas na bundok at ang mabababang lupain ay napuno ng tubig.
C. Lumubog ang mga tulay na lupa at napahiwalay namuli ang Pilipinas sa kontinente ng Asya.
D. Nawala ang bansang Pilipinas.

28. Naranasan mo bang nanalo sa palatuntunan? Ano ang naramdaman mo?

A. kinakabahan
B. kampanti
C. malungkot
D. masaya

29. Ikaw ay inutusan ng iyong ina na bumili ng pagkain sa tindahan. Pag-uwi mo kulang ang isinukli
ng tindera sa iyo. Ano ang iyong gagawin?
A. Bumalik sa tindahan at sasabihin sa tindera na kulang ang kanyang isinukli.
B. Hindi sa sabihin ni nanay ang nangyari.
C. Itatago na lamang ang sukli.
D. Dadagdagan mo nalang ang sukli para hindi mapagalitan ng Nanay.

30. May isang matandang lalaki na humihingi sa iyo ng pagkain sa daan. Ano ang iyong gagawin?
A. Bibigyan ko siya ng pagkain.
B. Ibalewala ko siya.
C. Sasabihin ko sa kanya na magtrabaho para may makain.
D. Wala sa binanggit

31. Naglalakad ka sa isang daan. May nakita kang isang batang may kapansanan na tumatawid sa
daan. Ano ang iyong gagawin?
A. Hindi ko siya papansinin kasi nagmamadali ako.
B. Maghahanap ako ang tutulong sa kanya.
C. Tutulungan ko ang bata na makatawid sa daan.
D. Wala sa binanggit
32. Ang _________ na pagbasa (scanning) ay mabilisang pagbasa tulad ng skimming ngunit
nakatuon ito sa paghahanap ng isang tiyak na impormasyon sa isang pahina.
A. pahapyaw b. Pagbasa c. pagsalita d. pagsulat

33. Alin sa mga salita ang nagpapahayag ng opinyon?

a. sa palagay ko b. sige lang c. ewan d. kasi
34. Alin sa sumusunod ang katotohanan?
A. Kapag may kapatid kang mayaman,yayaman karin.
B. Kahit di ka magtatrabaho ay di ka gugutumin.
C. Si Manuel L. Quezon ang Ama ng Wikang Pambansa.
D. Ang swerte ng tao ay bigla nalang darating.

35. Alin sa sumusunod ang opinyon?

A. Ang pambansang watawat ng Pilipinas ay may kulay bughaw, pula, puti, at dilaw.
B. Ang paboritong kulay ko ay bughaw.
C.Sa taong 2015, si Benigno S. Aquino III ang pangulo ng Pilipinas.
D.Ang sigarilyo ay may tar, nikotina, at iba’t ibang kemikal na nakasasama sa kalusugan.

36. Alin sa mga sumusunod ang HINDI kabilang sa uri ng teksto?

A. Informativ B. Argumentativ C. Persweysiv D. Deklarativ
37-40.Ibigay ang mga impormasyong hinihingi sa nakalarawang balangkas. Gawing papaksa ang
pagsulat.

Mahal kong Eunice,

Maraming dahilan ang pagkakalbo ng buhok. Halimbawa ay ang mga taong may kanser na
sumailalim sa chemotheraphy. Ang gamot na ito sa mga may kanser ay nakakakalbo ng buhok.
Mayroon ding mga kaso ng “pansamantalang pagkakalbo’ na maaaring dulot ng ilang sakit,
mga gamut, malnutrisyon o sobrang tensiyon, pisikal man o emosyonal. At dahil nga pansamantala
lamang, muling tumutubo at kumakapal ang buhok sa loob ng ilang buwan matapos na magamot
ang pangunahing sanhi ng pagkakalbo. Baka ito ang kaso mo, kaya mabuting sabihin mo sa mga
magulang mong patingnan ka sa doktor upang malaman ang sanhi ng sobrang nipis ng buhok mo.
Masama ring ugali ang laging pagbe-braid o pagsasalabid ng buhok o paggamit ng
ponytails o curlers dahil nababanat nang husto ang buhok at pwedeng magdulot nang pagkalagas
ng buhok na maaaring mauwi sa pagkakalbo.
Para maiwasan ang sobrang pagkalagas ng buhok, dapat nating matutuhan ang wastong
pangangalaga nito. Kailangang nasuklay natin ito ng 25 pasada o higit pa. Bakit kailangan ang pag
ba-brush ng buhok? Sapagkat ang “brushing” ay mahusay sa pag-alis ng dumi sa buhok at
tumutulong na ikalat ang natural na langis na nasa anit sa mga puno at katawan ng buhok.
Nagpapalambot at nagpapakintab ng buhok ang natural na langis. Kapag kumapit ang dumi, usok
ng mga sasakyan at alikabok, nawawala ang kintab ng buhok at naninigas ito.
Ang madalas na paggamit ng hair dye, hair spray net na usong-uso sa kababaihan, losyon
at mga produkto sa pagkukulay ng buhok; pagkukulot o pag-uunat ng buhok ay nakakaapekto rin
sa kintab ng buhok. Nagpapatuyo rin ito dahil sa nawawala ang natural oil o likas na langis ng
buhok.
Hindi rin maganda ang madalas na pagsashampoo o paghuhugas ng buhok lalo na kung
may kapinuhan at kanipisan ang buhok. Tuklasin ang tamang shampoo na hiyang sa buhok mo.
Gamitin ang suklay at hindi brush kung basa pa ang buhok.
Kung gagamit ka naman ng hair dryer, timplahin lamang sa tamang init at huwag masyadong
ilalapit ito sa buhok. Alalahanin mong ang sobrang init ay maaaring magdulot ng pagkatuyo at
pagiging marupok ng buhok.
Hanggang dito na lamang at salamat sa pagtangkilik mo sa aking kolum.

Sumasainyo,
Ate Lydia

* Sanhi ng Pagkalagas ng Buhok

37.
38.
39.
40.