"Kinsay Nag-usab sa Adlawng Igpapahulay gikan sa ika-7 Ngadto sa Unang Adlaw sa semana?

"

Pasiuna:

1. Usa sa mga sayup nga pasangil sa pipila nga nagbantay sa Adlaw nga igpapahulay nga kuno adunay
nag-usab niini gikan sa ikapito ngadto sa unang adlaw sa semana.

2. Niana kini na usab atong hatagan og panahon sa pagtuon sa kon unsay gitudlo sa Biblia kabahin niini
pinaagi sa pagpamalandung niining mga kamatuoran nga mosunod :

I. Ang ikapito nga Adlaw ingon nga Igpapahulay kini gisugo ngadto kanila nga mga Israelitas nga
nabilango gikan sa Egipto.

1) Kini wala isugo ngadto sa ilang mga Amahan ingon nga maoy pasangil sa uban nga kuno daan na daw
kining gisugo sukad daw sa sinugdan (Deut.5:1-3, 14).

2) Kini aron sa paghinumdum sa mga Israelitas nga sila giluwas sa Dios gikan sa pagkaulipon didto sa
yuta sa egipto (Deut.5:15).

3) Niana kini nahimong timaan tali sa Israel ug sa Dios (Exo.20:10-12).

4) Kini nga balaod lakip ang tanang mga kabalaoran sa Daang tugon kini gihatag sa Dios alang lamang sa
Israel ug walay labut ang ubang mga nasud (Salmo 147:19-20).

II. Ang Ikapito nga Adlaw ingon nga igpapahulay gitagna ng daan nga kini pagapahunongon.

1) Kini gipahibalo ng daan sa Dios (Oseas 2:11).

2) Tungod kay gilapas sa Israel ang unang tugon niana ang Dios mismo daang nagpahibalo nga siya
magahimo og usa ka bag-ong tugon nga dili na sama niini (Jer.31:31-32).

3) Tungod sa kanunay nga paglapas sa Israel niini sa usa ka higayon gilaglag sa Dios ang iyang
tabernakulo ug naghimo nga hikalimtan didto sa sion ang adlaw nga igpapahulay (Lam.2:6).

4) Ug kining Adlaw nga igpapahulay lakip ang ubang mga kabalaoran sa daang Tugon kini gitapos ni
Cristo didto sa cruz (Efe.2:11-16; Rom.10:4).

III. Kinsay nag-usab sa Adlaw nga Igpapahulay gikan sa ikapito ngadto sa unang adlaw sa semana?

1) Ang Tubag: WALAY NAG-USAB kondili gipahunong kini sa Dios lakip na niini ang ubang mga
kabalaoran ug mga tulomanon sa Daang Tugon (Col.2:14-16).

2) Kumusta ang Unang Adlaw sa semana?Ang unang adlaw sa semana dili kana adlaw nga igpapahulay
kondili adlaw kana sa panagkatigum sa mga cristohanon (Adlaw sa Pentecostes-ikasingkwenta ka adlaw
nga kon sumahon kini unang adlaw sa semana,Lev.23:16)niini nga adlaw ang unang mga tinun-an
nanagkatigum (Buh.2:42; 20:7; 1 Cor.16:1-2).
3) Sa 2 Cor. 3:7-14, si Pablo misulat nga ang ministeryo sa kamatayon (Daang Tugon nga balaod) nga
gisulat ug gikulit diha sa mga bato (tan-awa sa Ex. 31:18) mahimayaon kaayo nga ang nawong ni Moises
misidlak samtang iyang gipahibalo kini ngadto sa Israel. Tan-awa ang Ex. 34:29-35. Apan kini nga himaya
pagawagtangon, 2 Cor. 3:7. Ang himaya sa Bag-ong Tugon milabaw sa karaan (v. 9-11). Kana nga gikan ni
Moises giwagtang, milabay na (vs. 13).

4) Ang mga cristohanon gidid-an na sa pagtuman tuman sa kasugoan aron sila dili mahimulag kang Cristo
(Gal.5:4).

Panak-op:

1. Klaro kayo ang pagtulon-an sa Biblia nga walay nag-usab sa ikapito nga adlaw ingon nga adlawng
igpapahulay kondili kini gipahunong sa Dios sumala sa daan na niyang gipahibalo sa Daang Tugon.

2. Niana ang unang adlaw sa semana kini adlaw nga panagkatigum sa mga cristohanon sa Bag-ong Tugon
ug kini dili sama sa ikapito nga adlaw ingon nga igpapahulay sa mga Israelitas sa Daang Tugon nga
gipagunong na sa Dios .

Rickley Lumapay pero para sa akoa lang sad nga pagtuon brod huh, kanang Daniel 7:25 dili na mao nga
pasangil sa mga SDA nga adunay miusab sa balaod .

Kay ang tagna sa daniel 7 wala pa gyud na nahuman,

gani kung atong basahon ang Daniel 12:9

"Ug siya miingon: Padayon sa imong panaw, Daniel, kay ang mga pulong himoong tinago ug tinakpan
hangtud sa panahon sa katapusan." So sa akong nasabtan pag-abot sa bag-ong tugon kini reveal, ug
mabasa kini sa Pinadayag 13..... Kining daniel 7:25 matuman lang kini kung kining mapintas nga
mananap o anticristo muabot sa katapusang panahon... Mao sad nay nasabtan nako bro...