“Ang Pagkakaiba-iba at Kakumplikadohan ng Wikang Filipino”

Likas na sa isang lugar o bansa ang pagkakaiba-iba ng wika. Dito makikita ang
sariling pagkakakilanlan ng isang tao base sa kanilang wikang ginagamit at dahil dito
madaling matukoy kung taga saan ang isang tao ngunit, hindi rin maiiwasan ang di-
pagkakaintindihan dahil iba’t ibang wika ang sinasalita ng mga tao sa isang lugar o
bansa.
Ang pagkakaiba-iba ng wikang Filipino ay naging isang basehan ng pagkakakilanlan
ng isang lugar o bansa. Halimbawa, ikaw ay taga-Maynila tapos napadpad sa Iloilo
masasabi mong ikaw ay parang nalilito pa dahil iba ang sinasalita nilang lengguwahe
ngunit, dahil ikaw ay bukas ang isipan sa iba’t ibang wika sa bansang Pilipinas ay mas
maiintidihan at madaling ma-adapt ang kanilang paraan ng pananalita at tono ng
pananalita. Dahil dito mas naging epektibo ang pakikipagtalastasan ka kapwa Filipino.
Sa kabilang banda, ang pagkakaiba-iba ng Wikang Filipino ay naging kumplikado
din sa paraang may mga panahong hindi naging epektibo ang pakikipagtalastasan o
may nangyayaring misinterpretasyon sa pagitan ng dalawang partido. Sa kung tutuusin
hindi madaling pag-aralan ang iba’t ibang Wikang Filipino ngunit, ito ay nararapat
bigyang pansin dahil maraming wika na ang nakakalimutan at namamatay.