I.

Oh Mahal na aming Ina

Pintakasi ng aming buhay
Sa iyong kalinislinisang puso
Kami'y naghahandog ng masamyong bulaklak

Ikaw ang bituwin sa hating gabing madilim

na sa ami'y nagsisilbing liwanag
upang aming matahak
landas ng kabanalan sa piling ng Iyong Anak.

Buong pusong nagpapasalamat

sa Amang Siyang lumikha
sa pagkat ikaw Ina sa amin ay ibinigay
upang aming maging Ina dito sa lupa maging sa langit.

II.
Aming Ina ako’y dumadalangin
at sa iyong puso ay bumubulong
na yaring nilalaman ng aming mga puso
ay Iyong ibulong sa Bugtong mong Anak na aming panginoon.

Ina, aking dalangin na iyong gabayan at pagpalain

aking mga mahal na magulang at mahal sa buhay
biyaya ng magandang kalusugan at kalakasan ng isip
sa kanila'y Iyong ipagkaloob at yaring buhay nila ay tumagal.

Ina, ako ay Iyong gabayan

upang makamit ang ninanasang tagumpay
na nawa'y sa Iyong tulong
magandang propesyon aking makamtan

Puno man ng pagkatakot at pagkabigo sa buhay

ako'y sa iyo Ina ay dumadalangin
patuloy mong gabayan
sa landas na aking tinatahak.

III.
Akin ring sinasamo, panalangin bitbit
nang mga sagalang aking kasama
na nawa'y sa Iyong mahabaging puso
ibulong sa Iyong Anak na aming panginoong Hesus

Kasama rin mga Hermano at Hermana 2024

kanilang panatang gampanan
isang buwang pag-aalay ng bulaklak
na simbolo ng tunay na pag-ibig

Kanilang mga panalangin nawa'y Inyong dingging

sa inyo'y sumasamo at dumadalangin
na sila'y patuloy na biyayaan
magandang buhay at kalakasan.

Akin ding dalangin mga lingkod ng simbahan

patuloy Mo silang gabayan at pag-alabin
ang kanilang katapatan sa paglilingkod
sa gitna ng mga pagsubok

Iyo ring patnubayan mahal naming Baranggay Aplaya

nawa'y patuloy na maging masagana ang bawat pamumuhay
ang lawang pinagkakukunan ng pagkain ay Iyong basbasan
upang aming baranggay patuloy na maging masagana.

Oh Ina maraming salamat

Sa pagkakataong ikaw ay mahandugan ng tula
At mabigyan ka ng mataas na parangal
Sa abot nitong aming kakayahan

Mabuhay ang Flores de Maria 2024