Pangalan: _____________________________________
Panuto: Basahin ang teksto at ibigay ang paksang
pangungusap.
1. Maaga pa ay gising na lahat ang mga tao sa
bahay ni Mang Isidro. Ang bawat isa ay
abalang nagbibihis at naghahanda papunta sa
simbahan. Nakasuot ng magandang puting
damit si Eloisa. Ito ang araw ng kanyang kasal.
Paksa:
____________________________________________________
____________________________________________________
2. Malalaki at matataas na gusali ang
matatagpuan sa Ayala Avenue, Makati City.
Kilalang-kilala ang lungsod na ito dahil na rin
sa mga subdibisyong magagara at
malapalasyong bahay ng mga milyonaryo.
Narito rin ang iba`t ibang mga hotel at
restawran na tanyag. Ang Makati ay isa sa
pinakamayamang lungsod ng bansa.
Paksa:
____________________________________________________
____________________________________________________
3. Ang isang pagdiriwang na pinakahihintay ng
karamihan ay ang Kapaskuhan. Ang lahat ng
tao ay abala sa paghahanda sa araw na ito.
Mga bagong damit at sapatos naman ang
kinasasabikan ng mga paslit. Ang pagpunta at
pagbibigay- galang nila sa kanilang ninong at
ninang ay kinakikiligan din. At higit ay ang
pagpapasalamat sa Diyos para sa araw na ito.
Paksa:
____________________________________________________
____________________________________________________
4. Isang mabait na bata si Joy, Lagi siyang
kinagigiliwan ng kanyang mga kalaro. Hindi
siya nakikipag-away sa kapwa niya kaya
naman marami siyang kaibigan
Paksa:
____________________________________________________
____________________________________________________
5. Sa umaga pagkagising ni Lena ay nagliligpit
siya ng kanyang hinigaan. Natutuhan na din
niya ang paliligo at pagbibihis ng damit pang-
eskwela. Pagkakain naman ng almusal ay
hinuhugasan na din niya ang kanyang
pinagkainan. Si Lena ay batang masipag.
Paksa:
____________________________________________________
____________________________________________________
Pangalan: _____________________________________
Panuto: Basahin ang teksto at ibigay ang paksang
pangungusap.
1. Si Langgam ay palaging nag-iipon ng kanyang
pagkain. Wala siyang sinasayang na panahon.
Masipag si Langgam. Lalo pa siyang sinisipag
kung maganda ang sikat ng araw at banayad
ang simoy ng hangin. Sa panahon ng tag-ulan,
hindi nagugutom si Langgam.
Paksa:
____________________________________________________
____________________________________________________
2. Ipinagmamalaki ko ang pagiging isang Iskawt.
Sa pagiging iskawt, natututuhan namin ang
sumunod at gumalang sa nakakatanda,
tumulong sa kapwa, maging
kapakipakinabang at higit sa lahat mahalin
ang sariling bayan. Ganyan ang batang iskawt!
Paksa:
____________________________________________________
____________________________________________________
3. Pinagyaman ng mga Ifugao ang kanilang
kabundukan. Binungkal nila ang gilid nito at
nakalikha sila ng makikitid na taniman sa
paligid ng bundok na parang hagdan patungo
sa langit. Tinataniman nila ito ng palay. Ang
hagdan-hagdang palayan ng mga Ifugao ay
isang kahanga-kahangang tanawin.
Paksa:
____________________________________________________
____________________________________________________
4. Pinakaaabangan ng mga tao sa Pilipinas ay
ang kapistahan sa bawat lugar. Iba't ibang
tradisyon ang iyong makikita. Hindi mawawala
ang paghahanda ng masasarap na pagkain.
Ang iba ay dumarayo pa upang makikain at
makipiyesta. May mga palaro at palabas na
inihahanda upang maging masaya ang
Kapistahan.
Paksa:
____________________________________________________
____________________________________________________
5. Mahalaga ang bitamina sa ating katawan. Ito
ay nagbibigay lakas at sustansya. Ang mga
pagkaing may taglay na bitaminang ito ay ang
pagkain ng gulay at prutas, Kaya kung gusto
mong malayo sa sakit kumain ka ng gulay at
prutas upang ang iyong katawan ay lumakas.
Paksa:
____________________________________________________
____________________________________________________