Beiruol 2021 Program

0
SAKACHEP CHRISTIAN BIBLE CHURCH
2021 BEIRUOL PROGRAMME
INTHIENGA OM RANGA KOI

EI NI
Pu Lalliensuon Saithuvai
Published by - Sakachep Christian Bible Church

1
SAKACHEP LITERATURE COMMTTEE

NORTH EAST INDIA
HQ: Halam In, New Garampani, Umrangso (Assam), Pin – 788931.
No. SLC/Gen.Corres/2021-22/5, Dated,the 9th May, 2021.
Sakachep Christian Bible Church ngeiin 2021 September tha Beiruol

Bu an sin hi Sakachep Literature Committee kuta rietpui rang le en
mindik ranga an hong pêk chu thei dôra en mindika sinsiem ruo om murdi
sinsiempui suo nûkin mangthei rangin a Bua sin rangin phalna Sakachep
Literature Committee renga pêk ani.
2021 kuma September Beiruol subject Bu sin ranga lei be Pu L.
Suana Saithuvai khom hin a sintho rang tamtak a omlâi khomin ite sêlna
dônloiin takintâi taka hong sinin hongzoi theia a om sikin a chunga khom
râisân chong ei ril sa ani. Pathien'n satvurna tamtakin vur senla sûn
matona khom ei jât le ram ta rangin mi mangruo om tak la changpat
rangin midikna ei hong dôn.
Hi 2021 kuma Sakachep Christian Bible Church (SCBC) September
tha Beiruol Thupui “INTHIENGA OM RANGA KOI EI NI” (I-Peter
1:16) ti hi Pathien'n satvur senla, Taksa le Rathaa satvurna tamtak ei
changpak theina rangin, keini Sakachep Literature Committee’n
miditpuina insangtak nangni kin pêk.
Pathien'n subject misîr rangpu le anngâi rangpu ngei min rengin sat
nan vur rese.
Yours’
faithfull
Pu
Ningsuambul Sumtinkha
2
Secretary
Sakachep Literature Committee,
North East India.
A MUSUOKPU BOARD COMMITTEE CHONGMARUOI

Sakachep Christian Bible Church moton taka Roijêkna 2019 Diker
Khelma, Nagaland a chang lâ i renga 2021-a ei ‘Beiruol Thupui’ sinsiem
rangin Pu Lalliensuon Saithuvai thang a ni a. Ama hi ei Sakachep Bible
taka Translator sintho lai a ni a. A sinthona khom sin rang tam tak aom a,
Bible-ngei le lekha dang dang sintho rang tam tak aom laiin, inpol le injêl
tel loiin ei Beiruol Thupui ‘INTHIENGA OM RANGA KOI EI NI’ti
chong sa tak mi sinsiem pê thei sikin a chunga râ isâ n chong ei mintung a
ni.
Kumin a ei Thupui a lei chuong “Inthienga Om Ranga Koi Ei Ni”(I
Pet 1:16) ti hi Christian ngei ei inthieng a ná ng sa bak a. Sakachep
Christian Bible Church-a an loi member tinin ei sakhuo nina inthieng na
ngei le a mi sinpu inthieng a midit angin ei nun, ei mulung, ei chengna in
le loi, ei khuo le tui ngei inthieng ranga ei in ngen nuom a ni. Hi ei thupui
hi Pathien Ratha Kairuoina ei chang pak theina rangin ei chubeithona riet
pak ei ti u. Hi chong a pore le a rangâ ipu ngei murdi ei Pumapa Jisua
Krista satvurna nangni pek rese. Amen.
(UPA NEILALIEN)
Moderator
Sakachep Christian Bible Church
3
A MIZIEKPU CHONGMARUOI
Hi chonglupuia Beiruol programme sin rangin ibe’in ko oma
hannisenla sin dang tho rang kên pol sikin abonglam takin ki
miziek ania, masikin chonglupui a misîrpu ngeiin rachâng
adadang lâk khômin thei lalamin misîr sa rangin ko hong ngên ani.
Pathienin hi programme taka chonglupui apore le arangâi
murdi satvur rese.
Pu L.L.Suon
Saithuvai
Sakachep
Bible Translator
Ph. No.
8974523823
4
September: 1 (Sûnthumni)
Chonglupui:- Pathien chu ânthieng ani (Och. 11:44,45).
Chairman:- ...........................................
Aphut rang:- ..................................................
Amisîr rang:- .....................................
Pathien chu ânthieng ania masikin ama anga ânthienga om
rangin dânde ei ni. Ama chu ânthieng sikin ite ânnim le
ânthiengloi leh mun khatin lêng thei mak. Miriemngei ringnun
mangna rangin khom inthiengna ei nâng ani. Inthiengna hih
Pathien ziepui ani. Inthiengna hih Pathien angna ani. Pathienin
imo ei sâk le ei nêk thei rang Bible-a mi ril let ani. Sâk le nêk ei
sâk ngei hih ânthieng chu ani mo? Taksa rang khomin ânthiengloi
neinun sâk hih samaka taksa rangin natna ri tamtak a kaikuoi thei
ani. Na taksa khom nên thieng nônchu dam theino tinih. Taksa
rangin khom inthiengna hih anâng sabak ani.
1. Anîngtina na sâk ngâi ngei hah ânthieng let mo?
2. Imo ânthiengloi na sâk aom?
Chubai thona abi
1. Ei sâk ngâi murdi lâia imo ânthiengloi aom ei rietminthâr
theina ranga chubaithona.
2. Sâk inthieng vai ei sâk theina ranga chubaithona
5
____________________________
September: 2 (Sûnminlini)
Chonglupui:- Pathien chu mun inthiengna vai ke a om

Thei (Jôk. 3:5; 26:33).
Chairman:- ............................................
Aphut rang:- ..................................................
Amisîr rang:-.................................................
Tienlâia han khom Pathien chu mun inthiengna vai aom ngâi
ti ei mu ani. Pathien omna chu ite ânthiengloi leh inkaina nei thei
mak. Ama chu mun Inthiengtakna vai aom thei ani. Jerusalem
Temple thurchi khom ei riet sa ani. Ochaisingei han mun inthieng
dan khatna tena an se theia male mun Inthiengtak Pathien omna
han chu Ochai Inlaltak khomin akuma voikhat kêng a se thei ngâi
ani. Pathien inthiengna chu madôra ânrît ani. Pathien omna mun
Inthiengtaka lût rangin chu Ochai Inlaltak khomin abai timak ani,
achâi rieka anîn chu a thi kelen rang ani. Ochai Inlaltak han sa
thisen chôiin dabor mor leh puondûng hah anama a mo-onga
asûnga alût rang ani. Thisen domna dabor morin puon hah tôn
masa loiin akutin puon hah atôn masa duoia anînchu Ochai
Inlaltak hah khom a thi kelen rang ani. Ma ochai Inlaltak hah
asûnga athi le aring rietna rangin a kea han salnieng makhâi ania,
salnieng miring aomin chu ala ringa asûnga han Pathien rangin sin
6
a tho ania, salnieng miring aom nôa a thi duoia anînchu tute
asûnga lût theiloi ani sikin a kaina rangin a konga rûi an thung
masa, masuole kêng Ochai Inlaltak hakhom mahan a lût ngâi ani.
Asikchu Muninthiengtaka a lûtpu hah a thi duoia midang a lûtpu
tak chu a thi rang ani sikin.
Tienlâia ei pi le pungei zora lâia ochaingei le dêipungei khom
hah mirmil biek an lei ni nâka chu rovo, sâk le nêk, tôn ruo le
tônloi ruo asân an lei thîm ngâi ani. Eini ei Pathien vâng chu nuoi
le vân le asûnga iringngei le neinuntin sinpu ani sikin Ânthieng
sabaka ânthieng ani.
1. Pathien hih kho angtaka ânthieng mo ani hi?
2. Tungei mo Pathien makunga ânding thei ngâi?
Chubaithona abi
1. Pathien ânthienglam ei rietminthâr theina ranga chubai
thona.
_____________________________________
September : 3 (Sûn ranngani)
Chonglupui:- Pathien sintho Ochaingei (Jôkna 19:22).

Chairman :- .......................................
Aphut rang:- ...........................................
A misir rang:-.....................................
Pathien kôma se rang le inding rang ochaingei luo hah

Pathienin Moses kôm han, mipuingei khu rikung khêlin mi en
7
rangin hong no rese ngei, an honga anîn chu mi tamtak an thi rang
ani. Ochaingei mi hongnâi ngei luo hah an inthieng ngêt rang,
aninônchu ke sep ngei rang ani, a ti. Pathien chu ânthienga, Bible
hin Pathien ânthieng lam hih ei riet sabak zoi. Eini chu ama le
munkhata lêng rang le munkhata Jerusalem thara khin ei om rang
ani, iti ei riet sikin Pathien inthiengna inrît riet pumin ei
inthiengvar ngêt rang ani. Bible a, ”Mitin leh inngeia lêng rangin
pût ungla male inthiengna nei sa roi, ma inthiengna boiin tutên
Pathien mu thei noni ngei”, a ti
ani.
Chubaithona abi
1. Pathien ânthieng lam ei riettheina ranga chubaithona.
2. Inthiengna ei nei theina ranga chubaithona.
________________________________________
September : 4 (Sûnrukni)
Chonglupui :- Sâ inthieng le inthiengloi (Och 11: 1-47).

Chairman .............................................
Aphut ..................................................
Amisîr rang:- ...................................
Pathienin rammuol asin lâi han iring parân jâtin tuia le tânga
om jât telsuoloi dôr a sina aniatachu an rêngin sâk rangin sin
maka, senkhat chu sâk rang niloiin miriem le iring adadang ngei
sapuina ranga a sin ania, senkhat iring murdi ranga asaloi ngei
8
renga jôkna rang le eini ranga inlâpna sin an tho rangin a sin ani.
Sângei le tuia iringngei khom khu Pathienin ânthieng le
ânthiengloi a sensâi let ani. Pathienin asâk niloiin ei tôn korongin
khom innimna ani iti khom a ti sa ani. Mahin asadimin vâr anâng
Sinthongei Bung 11na han Pathienin sâk murdi ânthieng, a ti ei ti
thei, hannisenla 11: 8 na han Peterin, ”Nimak Pumapa!
Ânthiengloi le ânnim ite ka bâia lût ngâi mak, ki ti” a tia. Hanchu
that loi, sâk loiin invâna lâkpai ani nôk zoi. Mahin ei rietthei chu
Peter hih ruoisingei ngei lâia ânlâr tak ania, ei Pumapa Jisua leh
asûn ajâna inruoia sâk le nêk munkhata lei sâka lei nêk ngâi ani.
Jisua hin ma-anga inthiengloi anga lei bêngei murdi a lei sâkpui
ngei ngâiloi ani hih ânthârlak ani.
Mi koipu ânthieng sikin ânthiengloi anga ânlang le
ânthiengloi anga rila ei omngei hih theidôra indîn taka sâkloi le
tônloi hih asa ani. Adam le Eve ha khom Pathienin sâkloi rang a ti
hah an sâk sikin Eden ruhuon renga a notpai ngei ani. Sâkruo sâk
hih indînthei anâng ani.
Chubaithona abi.
1. Khojât mo sâk ruo le koijât himo sâk theiloi ei riet minthâr
____________________________________
September : 5 (Pathienni)
Chonglupui :- Khopui inthieng Jerusalem (Chph 21:27;

22:14).
Chairman ..............................................
Aphut ....................................................
9
Amisîr rang ............................................

Tholom .........................................
Ei lei misîra ei riet angahan Pathien chu ânthienga male a
mingei omna ranga a sin Khopui hah khom ânthiengliei ani, male
ma muna om ranga mingei hah khom an inthieng ngêt rang anâng
ani. Tute ânthiengloi sin tho ngei le sâklenêk ânthiengloi asâka
anêk pungei ta rangin chu lût theina rangin phalna omak iti ei riet
zoi. Bible’n ”Ringna thingkung renga thei marangei an sâk theina
rang le mokotngei renga Khopuilien sûnga lût theina ranga an
puon rusûkminsâi ngei chu an vân asa” a ti. Isaiah 1:18 Nin
nunsiena chu sen khom senla, rodokang angin nangni rusûk minsâi
ka ta, senduk angin kop rese khom belrimul angin chek nin tih.
Masikin ei sietnangei senduk anga akhoso alût khom nirse ei
Pumapa Jisua Christa thisena inbuola ama thisen leh ei inrusûkin
chu rodokang le belrimul angin ei sâia ei chek rang ani. Ei
nunsienangei Christa thisen leh ei rusûk mo nizoi?
Mi koipu Pathien chu ânthienga, male ei omna rang khopui
khom ânthieng ani sikin ma muna om rang ei tiin chu ênthiengvar
ngêt anâng ani.
Ei nunsienangei ei rusûk minsâi mo ani zoi?
Chubaithona abi
1. Ei nunsienangei ei rusûk minsâi theina ranga chubaithona.
_____________________________________
September : 6 (Sûnkhatni)
Chonglupui :- Nunchan inthiengna (Mat 5:8; Heb 12:14;
1Tim 5ː2).
Chairman .............................................
10
Aphut rang .................................................

Amisîr rang ...............................................
Inthiengna boiin tuten Pumapa mu thei noni ngei iti ei rieta
hin inmo ei mindon? Inmo inthienga ei om thei rang. Rammuol
mingei chu rammuol neinunngei, hoi inhâina ngei, taksa ôinangei
hin khom mi minnim thei neinun saloi tamtak a om ani. Neinun
inthiengloi, hurna, ngalna asaloi ngei murdi renga ei inkêm rang
anâng ani. Iempungei khom senkhat ânthienga ânbea, hannisenla
asûngtieng chu ânnim thei dôra ânnim an om ani, a ti. Mi senkhat
chu apên rangkachak asûng muzu-êk an om thei ani. Eini
iempungei chu sûngtieng le pêntieng ei inthieng anâng ani.
Jôk 19:22 Pathienin ochai mi hongnâi ngei luo an inthieng
ngêt rang ani, aninônchu ke sep ngei rang ani a ti. Ei inthieng
nônchu Pathien hah nâi luo nâi thei no-ih. Pathien makunga ei
inding theina rangin ei inthieng var mo ani zoi?
Chubaithona abi
1. Pathien makunga demna boia ei inding theina ranga
chubaithona.
______________________________
September : 7 (Sûnnikni)
Chonglupui:- Mulungrîl inthiengna (Mat 5:8, Mk 7:20-

23,
2Kor 7:1).
Chairman ...........................................
Aphut rang ................................................
Amisîr rang ..........................................
11
Mulungril inthieng ngeiin Pathien ei mu rang ani iti ei rieta,

Mulungril inthiengloi ngei chu hi nuoi rama khom midang leh
inngêina tatak khom om thei maka, Pathien leh vâng chu ite
inmanna om thei mak ani. Miriem minnin ngâi neinunngei chu ei
mulungrîl bôkna renga hongjôk ania mangei hah ei mulungrîl
bôkna saloi, inruna, mithatna, inrena, inruokna, saloi murdi tho
nuomna, huongna , hurna, narsana, êrona, inpâkna, male adang
ngei hin mi minnim ngâi ani
Masikin takpum le ratha min nim thei ngâi neinunngei murdi
renga inkêm ei ta male Pathien rin puma omin inthiengna mikhip
phar ei tih-u.
Chubaithona abi
1. Mulungrîl inthienga ei om theina ranga chubaithona
_______________________________
September : 8 (sunthumni)
Chonglupui :- Ei mulungrîl Pathien Biek-in (1Kor 3:16-17)

Chairman ...................................
Aphut rang .......................................
Amisïr rang ................................................
Ei mulungrîl hih ânthieng nôn chu Pathien omna thei chang
no nia, soitanin kêng mun a lua rang ani. Ei mulungril hin
inthiengloina aomin chu Pathien ratha om thei no nia soitan ratha
rathasaloi kêng a om rang ani. Bible’n ”Pathien in nin nia
tukhomin ma in hah a sieta anîn chu ama hah khom sietchit a tih,”
a ti. Inmo a sieta anînchu ai ti hah, inthiengloiin a dara a minnima
anînchu a tina ani. Ei mulungrîl ânnima anînchu Pathien In sietpu
12
ei ni tina ani. Ei mulungrîl ânthieng noa, ei mulungrîla mintuona

saloi, bôkna saloi, bôkna inthiengloi, hurna, narsana, huongna,
milak, insongna, inpâkna, omlienna, esêlna, mumâkna, le asaloi
adadang ngei aom anînchu ei mulungrîl ei minnima, ei siet ani. Ei
Pumapa Jisua Christa’n Jerusalem Biek-in a minthieng anga han
eini khom ei mulungrîl chita koilût ei ta, asaloi murdi khâipaiin
minthieng ei ta, ei mulungrîla Christa ratha mun minluo ei tih-u.
Christa ratha chu ei sûnga aom theina mun achang mo zoi?
Chubaithona abi:
1. Ei mulungrîla Christa ratha’n mun aluo theina ranga
Chubaithona
________________________________
September : 9 (Sûnminlini)
Chonglupui : Christianngei ringnun. (Rome 12:2)

Chairman ............................................
Aphut rang ...............................................
Amisîr rang:- .....................................
Inthiengna hih Christian ngei ringnuna uniform ani. Ralmi
sipai, inchulâingei, lampui jêkpungei (Trafic Police) le adadang
ngei khu ei riet le ei mungâi ani. An duty/sintum an tho zorân rovo
boiin tel ni ngâi mak ngei. Inchulâingei khom rovo akipin an se
nônchu class sûnga insung rangin phal ni ngâi mak ngei.
Râlmingei, police ngei khom rovo akipin an invo nônchu duty tho
phal ningâi mak ngei. Ma angdên han eini Christian ngei khom ei
uniform le identity/ rietna chu inthiengna hih ani.
13
Ei juong misîr sai angin ei ringnun hih ânthiengna akip mini,

ei mimal chit inphuol ei tih u.
Chubaithona abi:
1. Ei ringnun inthienga ei mang le mangloi ei inriet chit theina
ranga chubaithona.
2. Ringnun inthienga ei lêng theina ranga chubaithona.
3. Inthiengna hih christian ngei ringnuna ei uniform anga ei
minlang theina ranga chubaithona.
__________________________________
September : 10 (Sûnrangani)
Chonglupui:- Miriem minnin ngâi ngei (Mark 7:14-23;

Mat.
15: 10-20)
Chairman:- ........................................
Aphut rang :.........................................
Amisîr rang .....................................
Saloina murdi tho nuomna ngei hih kho renga hongsuok mo
ei mu angin, hima ngei murdi hih ei bôkna saloi ei mulungril
renga ani. Saloina murdi, inruna, mi thatna, inrêna, inruokna, sâk-
inrûk, huongna, hurna, ngalna saloi, narsana, erona, inpâkna
insongna le saloi murdi tho nuomna. Ei mulunga ei ôia male
manthei mak mea, masikin neinun saloi tamtak ei tho ngâi ani. Ei
mulungbôkna ânthiengloi han mi minnim ngâi ani.
Chubaithona abi:
14
1. Mulungbôkna inthieng tak ei dôn theina ranga chubaithona.

2. Ei mulungbôkna ânthienga ei sin le chuonngei murdi ânthieng
theina ranga chubaithona
Chonglupui:- Mulung inthieng ngeiin Pathien an mu rang

ani. (Mat. 5:8)
Chairman :- ...............................................
A phut rang :............................................
Amisîr rang ............................................
Ei mulung ânthieng nônchu Pathien omna nithei noni, masikin
ei mulung ei minthienga Pumapa male ama ratha ei min oma ei
ringnun murdi ei minjêk rang anâng ani. Ei mulungrîl ânthiengloi
chu saloipa inkhatin mun aluoa male ama han ke ei ringnun a jêk
tina ani, Pathien chu ânthieng ania ânnimna muna aom theiloi iti ei
riet zoia, masikin Pathien nâi moroi tak ngei ei hongni zoia
Pathien om theina le Pathien ei mua ama leh munkhata ei lêng
theina rangin ei mulungril minthiengin ama phuo rangin ei pût
ngêt rang ani. Eph 5;1.
Chubaithona abi:
1. Pathien leh munkhata lêng theina rangin inthiengna ei dôn
theina rangin chubaithona.
2. Ei mulung sûnga Pathien roi a jêk theina rangin ei chuk theina
ranga chubaithona.
15
Chonglupui: Inthienga, Pathien mi ni ranga koi ei ni.

(Eph 5:3-5)
Chairman : ..........................................
APhut rang :..................................
Amisîr rang ....................................
Tholom ː ...........................................
Pathien mingei nin ni zoi sikin, nin lâia inditnasaloi ngei,
inthiengloina ngei ........... Pathien rama rangtum nei noni ngei.
Pathien rama mun le rangtum man rang ngei ei ni sikin
rammuola inthiengloina murdi renga inkêma, avâra omngei
anghan ei om ngêta , satnangei, diknangei, male chongtak jâttin
satna mara tamtak musuoa ringnun inthiengna ei mang rang
anâng ani.
Ei ringnuna innimna koploi, demnaboi, minchâinaboi,
kôknaboi le chukloina reng omloia ei om theina rangin mitinin
ranak song tit ei tih u.
Chubaithona abi:
1. Ei ringnuna chukloina murdi ei inmu suoka ei thena
chukloina
reng omloia ei ringnun ei mang theina ranga chubaithona.
2. Pathiena kip dira ei om theina ranga chubaithona.
16
September : 13 (Sûnkhatni)
Chonglupui : Inthiengna akipphar (2Kor 7:1)

Chairman ..........................................
A phut rang : ...................................
Amisîr rang ..........................................
Ei lêngna rammuol hih innim le dikloina sipmatna mun ani
sikin takpum le ratha minnim thei neinunngei murdi renga ei
inkêm anâng ani. Pathien rinna neiloiin tutên inthiengna
mikhipphar om thei noni ngei. Rammuola neinunngei hih miditruo
le muduoruo taksa ôinangeia sipmat ani sikin, nîngtina ei ringnun
ei mangna hin indîn taka ei lêng rang anâng. Ei thena ei ranak
lehin theino uoa, Pathien rin puma ringnun mangpu ngei vaiin
saloi ngei an lôi thei rang ani. Masikin ei inloppui, champuingei
khomin saloina tieng min tuong thei ngâi ani, ei vârchonga an lei
ti angin, ”Asaloi leh inlopngei chu saloi an sin ngâia misa leh
inlopngei chu asa an sin ngâi. Junêk miriem leh nênlop anîn chu ju
khom ne nêk rang ani.” Ma saloi ngei murdi renga inkêm rang,
male Pathien rin puma indîn taka ringnun inthiengna mikhipphar
rang ei nâng ani.
Chubaithona abi:
1. Asaloi sin ngâi mingei renga ei inkêm theina ranga chubaithona.
2. Inthiengna akipphara ei ringnun ei mang theina ranga
17
chubaithona.
September : 14 (Sûnnikni)
Chonglupui: Pathienni inthienga ser rang (Isaiah 58: 13-14

Jer. 17: 21-24, 27).
Chairman :- ...................................
A phut rang :...................................
Amisîr rang:- .......................................
Pathienni ser inthienga mang rang anâng lam ei mu angin,
Pathienni hih ei ser minthieng ngâi mo? Pathienni mang minthieng
rang hih chongsômpêka han khom ei mu ani. Pathiennia serloi chu
lung leh dêngthat rang dôr balam a lei om ani. Pathienni serloi hih
khom khuo le ram innimna inkhat ani. Ei koiindang le ei khuo
sûnga hin Pathienni ser minthienga hi nikhuoa hin ama chong le
langei inrilna nikhuoa mang rangin minchu ei ni.
Bible-a, ”Pathienni inthienga nin sera, mania han nangni
nuomlam rujûlna nin mang noa, ku sûn inthieng hah nin minluta
male mirita khuolchaina nin mang noa anîn chu, sin nin tho noa,
rathaboi chier nia nin mang noa anîn chu, Keima renga râisânna
man nin tih. Rammuol pumpuia chôiminsângin om nin tia, male
nin richibul Jacob ke pêkna ram hih râisântakin luo nin tih,” a ti.
Pathiennin ei pi le pungei ram a lei pêkna atûna ei omna chita
phûkdâi le râisâna ei om theina rang le ama chongpêk ei jôm
mikhip theina rang le inthienga ei lêng theina rangin Pathienni hih
ei mang mindik ngêt rang anâng ani.
18
Chubaithona abi:
1. Pathienni ser inthienga ei mang mindik theina ranga
chubaithona.
September : 15 (Sûnthumni)
Chonglupui : Ringnun inthieng (Luk 1:35).

Chairman : ...........................................
A phut rang:...........................................
Amisîr rang :- .....................................
Ei Pumapa Jisua Christa nu Mary ringnun ei enin, ama

ringnuna hin inthiengna akipphara lêng mi ani iti ei riettheia, ama
ringnuna hin ite innimna le inthiengloina omaka, a mulungrîl
khom hih ite inthiengloi le asaloi bôkna ngei omak. Rammuola mi
mulungrîl inthiengtak chu ama hih ania masikin kêng Pathien
nâipasal inthieng khom a juong inzir thei ani. Atûn hin khom
Pathien Ratha Inthieng khom ei mulung sûnga omin ei ringnun hih
a jêk nuom ani. Bible-a ”Tukhom Pathien ratha dônloi chu ama mi
nimak, Pathien ratha iruoi ngei kai kêng Pathien nâingei an ni.” a
ti. Avienjân hin ei mimal chit inphuol ei tih-u. Pathien chu
ânthiengloina muna om thei ngâi maka, masikin ei mulung sûnga
inthiengloina, innimna tete ei la dôn aom duoi mini? Inphuol chit
ei ta ama omna thei rangin ei mulungrîl minthiengin ama omna
theia sinin ama ratha hin ei ringnun chit racham minnei ei tih-u.
Chubaithona abi:
1. Pathien ratha omtheina ei chang theina ranga ei mulungrîlngei
ei minthieng theina ranga chubaithona.
19
___________________________________
September : 16 (Sûnminlini)
Chonglupui: Mulungrîl minthieng rang (Mat 6:33).

Chairman .......................................
A phut rang: .......................................
Amisîr rang .....................................
Miriem mulungrîl bôkna hih sietna sip ania, rammuola ei la
lêng ani sikin rammuola neinun tamtak miditruo ngei hin ei
mulungrîl bôkna hih a minnim thei ani. Rammuola neinun le
rochonlutngei hin ei mulungsûnga racham ei min nei ngâi ani sikin
Pathien ratha omin ei ringnun le ei mulungrîla hin rachamneina
pêk thei mak me. Rammuol rochon le rammuol hoiinhâina hin mi
tuong minmanga ei mulungrîl bôkna a minnim ngâi ani. Masikin
ei mulungrîl inthiengloia misin thei rammuol neinunngei nûk song
ei nâng ani. Amoton taka ama ram le adikna hah ei zong masa
anânga, hanchu adang ngei murdi chu ama’n mi pêkdel sa rang
ani. Thing cross moton ei minsa rammuol nûk ei minta anâng ani.
________________________________
September : 17 (Sûn rangnani)
Chonglupui:Na rêngram juongtung rese(Mat 6:10 Luk

11:2).
Conduct: ....................................................
A phut rang :....................................................
20
Amisîr rang ..........................................

Atuntak hin ei mulungrîl chit inphuolin tumo racham ei min
nei chomolte inphuolsuok ei tih. Pumapa Rêngram ei mintung thei
mini? Ama rêngram atunga anîn chu rêngram sûnga chu rêngpa
racham takin roiajêk ngâi anga han, ei Pumapa han ei mulungrîl
sûnga hin, rammuol rêngrama rêngpa han roiajêk ngâi, ama
racham takin a rêngram sunga mingei ajêk ngâi angin ei Pumapa
khom hih ei mulungrîla hin racham minneiin roi ei minjêk anâng
ani. Ama om theina ala chang thei noa ama roijêkpu’n ala om
nônchu avien hin Jerusalem Biek-in a minthieng angahan ei
mulung sûnga minlûtin annim le asaloi murdi minthiengin ama
hah Rêng angin roi minjêk ei tih-u.
Chubaithona abi:
1. Ei mulungsûnga Pathien Rêngram ei mintung theina rangin
chubaithona.
______________________________________
Chonglupui: Mulungrîl inthiengna (Luk 11:34).

Chairman :- ....................................
A phut rang:.....................................
Amisîr rang:- .....................................
Jisua’n Pharesee ngei le saducee ngei a lei demna ngâi chu
pêntieng en rangin sakhuo mi diktak angin an inlanga, hannirese
an sungtienga an bôkna chu inthiengloina sipmat ani a ti ngâi.
Ma-anghan eini ringnun khom hih inphuol sabak rang anâng
ani. Ei sakhuo balam jûina hin, ’Apên rângkachak asûng muzu-
21
êk’, anga khom ei om duoi thei kêng. Apêntieng enin sakhuo mi

diktak angin ei oma ei sûng mulungbôkna ânnim anîn chu ei
thongei nurdi akâmboi achang rang, azoina chu thina kêng ei lût
rang ani. Pathien chu pêntienga ânlang hih niloiin mi mulungrîl
bôkna kêng avar ngâi, sûngtieng le pêntieng inthienga om rang ei
nâng ani. Masikin ei mulungrîl minthieng bak ei ta hanchu ei
nunchan khom adik le ânthiengin minlangsuok thei ei tih.
Chubaithona abi:
1. Pêntieng vai niloia sûngtieng khom inthiengvara ringnun ei
mang theina ranga chubaithona.
________________________________
Chonglupui:- Zu le Sâk saloi (Varch 20:1, 21:17, 23:20,

23:21, 23:31, 31:4-6).
Chairman:- ............................................
A phut rang .........................................
Amisîr rang:- .......................................
Tholom ː ..........................................
Zu chu mi ngâisie le athitir ngei rang ani, rêngngei chu uain
an nêk rang nimaka, zu khom nêk rang an ôi rang nimak. Zunêk
khom hih rammuola neinun saloi tak inkhat ani. Inrûithei neinuna
inruok chu mivâr nimak. Zunêk hih inriengna le muolinphoina ani.
Bible-a hin zunêk hih akhap ani asikchu zu inrûina hin nunsiena
aoma, mi atho ranga saloi le dikloi tamtak a mintho ngâia male mi
a minnim ngâi ani. Zu inrûi asaloi lam hih sût rang le misîr rang
tamtak aom ani. Zu hih saloina murdi bulphutna khom ani sa, zu
hin mi aminrienga, mi ringna khom a minbonga, insûngkhuo
22
asieta, ompuisangram le insûngkuo le mipui kârvâna buoina a

musuoka, miriem mindonna ruthuok le khuorietna (sense) khom
asiet ngâia, miriem ringnun asieta, miriem ringnun a minnima, zu
inrûi ngeiin roi hih Pathien nuomlam le adikin jêk thei ngâi mak
ngei. Masikin roijêkpungei le rachamneipu ngeiin zu an nêk rang
nimak, ati. Pathien le ei kârvân khom asiet ngâi ani. Ei Bible-a
khom, ”Zu inrûi no roi mahan sietna aom sikin.” Zu anêk raia athi
ngei chu ama le ama ânthat (suicide) an ni, asaloi ariet ngonga
mâkloia anêk tita ama ringna tena a minboi sikin. Masikin sâk
inthiengloi, zu le drugs saloi sâka mi inthiengngei omna muna
inchel thei rangin ei in sabei rang nimak.
Chubaithona abi
1. Zu le sâksaloi asâk le nêk ngeiin inrietsuokna an neia an
mâk
---------------------------------------------------
September ː 20 (Sûnkhatni)
Chonglupui:- Sum le puon ânthieng mang rang Mat 27:6,

Chvr 16: 8, 20:17, 28:6
Chairman :- ..............................
A phut rang ............................................
Amisîr rang:-........................................
Rammuola ei ringnuna hin sum le puon boiin chu nithei

maka, Hankhoma sum le pâi khom hih ei suona/ ei manna lampui
hih adik le dikloi hih ei en masa anâng ani. Mi senkhatin sum
23
manna pai anînchu tho ruo le tholoi ruo khom minsâp loia manna
rang anîn chu sin rang, tho rang ti hih aom ngâi hannisenla mahah
dikmak. Eini christian ngei chu sum manna/ lamna lampui hih
mindon sabaka sum le pâi hih suo rang anâng ani. Sum hih
ânthieng le ânthiengloi aom ani. Bible-a khom ei mua, Ei Rêngpa
Jisua minsûrna man hah ochaingei han sumdarna muna munkhata
dar rangin luo mindik mak ngei. Tûnlai ruoipungei le
rachamneipungei tamtakin inrieng sara changtum, huongna milak
saloi le neinun saloi tho in man rang lunghâng thôn an theidôr an
jêpa an vonga mi tum khom a sut ngâi khom tamtak an om zoi ani.
Ma sum le pâi dikloi lampuia alâk ngei murdi chu rammuol suma
an inthieng khâiloi ania, Pathien Rêngrama rangtum manloi rang
an ni.
Masikin sungsuok asadimin inphuol roh, nu sum lamna
lampui chu adik mo dikloi mo? Rammuol sumin vânram machân
rangin chu intuk maka, rammuol sumpuon chu chomoltea rang
ania, Invân Rêngram chu kumtuonga rang ani, masikin rammuol
sum le pâiin nang a minnim rang inphal no roh.
Chubaithona abi:- Sum le puon ei suona lampui adik le dikloi
ei riet sensâi theia male adika sum ei suo theina ranga
chubaithona.
------------------------------------------------
Chonglupui:- Ei dông le sûngkuo minthieng rang.
(Lk 21:34; Rom13:13; Eph 5:18)
Conduct:- ..........................................
Aphut rang ........................................
Amisîr rang:- .....................................
24
Ei dông le sûngkuo ânthiengin ei lêng mini? Ei in sûnga

neinun ânthiengloi le adikloi sin le sâk ei la om mini? Imo ei
sûngkuoa ei buoina tak, senkhat kuva, senkhat duma, senkhat zu le
inrûithei neinun, loisaloi, male adadang. Ma sâkruo le nêkruo ngei
murdi hih taksa le ratha ringnuna inthiengloina amintung ngâi chu
ani. Ma neinun ngei murdi hin mi aminrûi a saloina aminsina a
minnim ngâi ani. Neinun inthiengloi na sâk anînchu asâkpu chu
ânthiengloi nani ani zoi. Male ma sâk saloi sâkngei murdi hin an
inru ngâi, milak an tho ngâi ani. A puma omloi khomin a ôi sikin
an sâka an nêk ngâi, manna rang pai anînchu milak khom an tho
ngâi. Zunêk ngei vâng chu an dôngma le nulepa male
insûngmingei kôm huongna, thupna, milak an tho ngêt ngâi ani.
Insûngmi intelloiin sum tam tatak an minhek ngâia mahan dông le
mani taksa sietna, inriengna, puoloina asuok ngâi ani. Saloina
murdi aom sikin mani dôngle mimal khom inthiengna, inngêina,
dikna, iemomna, le miritna om ngâi mak.
Ei sâk le ei nêk ngei murdi hih Pathien kôm râisânchong ei ril
thei mo? Râisânchong ril theiloina sâk chu sâk inthiengloi loi le
sâk saloi ani. Ei dônga sâk saloi le sâk inthiengloi ei minlût
anînchu ei dông ei minnim achang rang ani. Christian dông chu,
dông inthieng, dông adik le dông inngêi le inruol dông ani rang
ani.
Chubaithona:-
1. Ei dông chit ei minthieng theina ranga chubaithona.
---------------------------------------------
25
September ː 22 (Sûnnikni)
Chonglupui:- Pathien chongjôm dôngpu le dôngpi

(Deut 11:19).
Chairman:- .........................................
Aphut rang ........................................
Amisîr rang:- ....................................
Bible taka ei mu angin chu, ei nâingei hih ei insung lâi, ei lôn

lâi, ei inngama ei jâl lâi khomin Pathien chong ril tit rangin a ti.
Eini te Bible taka Pathien chongjômin Zora tina ei nâi le tengei hih
Pathien chongjômin ei minchu ngâi mini? Pathien chong rilin ei
nâingei le tungei hih inthiengna lampui ei ril ngâi mini? Mo,
lampui dikloia nâi le tengei lampui ruoipu mo ei ni? Ei nâingei hih
lamdika ei ruoi mo? Eini ei thotho le ei sisin kêng ei nûk jûiin an
tho ngâi ani. Ei nâingei sena rang lampui minmupu chu nu le pa
ngei hih ei ni. Inthiengna lampuia ruoiin ei nâingei ringnun hih
inthiengna lampuia minpan ei tih-u.
Chubaithona abi:-
1. Ei nâingei lampui dik le lampui inthienga ei ruoi theina
ranga chubaithona. 2. Ei nâingei inthiengna lampui an rô
---------------------------------------------------
September ː 23 (Sûnthumni)
26
Chonglupui:- Inrena chungroia minchuna (Mat. 5:27-30).

Chairman :- .......................................
A phut rang ....................................
Amisîr rang:- ...................................
Ma taka minchuna hih mindonin chu ei mulungbôkna hin mi
minnim thei ani, iti ei riet. Masikin mingei intakna mini, sietna
mini, vânduoina an tongin anem riet khom hih saloi tak ani. Bible
khomin a ti sa, Chvr 17:5 Mi tumokhat vânduoina chunga
râiminsânpu chu dengminthei loiin om nonih. Miriemngei hih ei
takpuma abâkngei hin khom mi minnim theia meidîla mi mintung
thei ani iti hih riettit anâng ani. Aliekin ei mit le ei bôkna
mulungrîl hih adôn ântak ani. Ei mitin amua, ei mulungin aôia
hanchu ei takpuma abâkngei hin saloi mintho’in mi minnima
sietna tieng mi tuong minmang ngâi ani. Masikin mit inik dôna
meidîla nang pai nêkin chu inkhat vai dôna ringna lût asa-uol. Kut
inik dôna dûkmun meidîla se nêkin chu kut boia ringna taka lût
nata rangin asa-uol ani. Ei takpuma abâkngei hin mi minnim
rangin inphal no rei, Jocob lekhabua melei mintep theiloi a rilna
nêkin ei mit le ei mulungrîl hin thina mi tuong uol ngâi ani.
Takpuma anunuom lopu chu mit le mindona hih ani. Masikin
indîn taka lêngpuia inthiengna ringnun mang rang ei nâng ani.
Inthiengna boiin tutên Pathien mu thei mak ngei.
Chubaithona abi:
1. Ei takpuma abâkngei hin ei ringnun ânthienga mi ruoi
2. Ei takpuma abâkngei hih Pathien nuomlam an ro theina
ranga chubaithona.
September ː 24 (Sûnminlini)
27
Chonglupui:- Nunsie hih imo ani? (Jacob 1: 15, Roman

13:1)
Chairman:- .....................................
A phut rang ..................................
Amisîr rang:- ................................
Hanchu ei ôina saloingei hah ânrâia, sietna an neia; male
sietna hah tuon ahongtung tena chu thina hah anei ngâi ani. Asaloi
tho murdi hih nunsie ani 1John 5:17 (taksa ôina hih nunsie ani.
Miriem masa ngei thurchia han, nupangnu Eve han thingkung
enhoi tie le amara hah sâk rangin idôrmo tui nih ti a mua, mivâr
hongni rangin idôrmo kamâmom rang hah a mindona. Masikin
amara hah a khama, male a sâka. Hanchu amanu han a lômpa
Adam khom a pêka, ama han khom a sâk zoi. Chongjômloi murdi
khom hih nunsie ania, male nunsie ei ti murdi hih ânnim le
ânthiengloi ani. Pathien chongjômloi nunsie ani angin rammuol
rachamneipungei, ruoipungei, officer ngei, male sorkâr chongpêk
jômloi murdi khom nunsie le ânnim ani sa. Pathien iphun ninôn
tute ruoipu om ngâi mak ngei. Ruoipu adoipu chu aphunpu
Pathien ai doi ani. Masikin Sorkâr inpêlna lama khom chongjôm
rang hih ei nâng sabak ani.
Male nâi le tungei khomin ei nu le pangei mirit ei thoa an
chong ei jôm rangin chongpêk ei ni sa ti hih tiklâi khoma ei mingil
loi rang ani. Nu le pangei chongjômloi chu nunsie ania ânthiengloi
ani.
Chubaithona abi:-
1. Rampumpuiin chongjômna ei nei theina ranga chubaithona.
September ː 25 (Sûnrangani)
Chonglupui:- Taksônomna (Chvr 20:25,Ecc 5:2).
28
Chairman :- .....................................
A phut rang ....................................
Amisîr rang:- ................................
Taksônomna hi Pathien leh inmanna inkhat ani. Mi
taksônomloi chu Pathienin a mumâk ngâi ani. Avien jân hin
Pathiena taksôn ei om mini, inphuol rei u. Tho rang, pêk rang, se
rang, thuon rang, le adadang nênkhâm motona asadimin mindon
bak roh. Pathien kôm khom nênkhâm motona mindon sabak roh.
Ni sin thona, taksôn no om mo? Rammuola ei om kâr ei kôma om
mimu thei le munkhata ei lêngpui ngei kôma luo taksônomin ei
om thei nônchu, mutheiloi Pathien kôma taksônom rangin chu
nithei mak. Sintho ranga inkola no omna han iemom takin ni sin
ngâi mini? Ni sinmun, service, sinthona iemom takin ni sin ngâi
mini? Ni sinthona apuma ngei minpâk changna rang vaiin sinloiin
chunga Pathien mitmua asa le adika inlang rangin sin tho roh.
Atûnlâi mi tamtakin an sinmuna sum manna rang vai lungloa asin
takchang rang le iemoma sintholoi mi tamtak an om rang taksôn
aom ani. Ma-anga taksônomloi le iemomloia sinthopungei murdi
chunga Pathien râisân nonih. Ei sintho rang chita taksônomtak le
takintâi taka tho hih, thangsuona, manchangsuona, minpâk
changna le Pathien râisânna ani.
Chubaithona abi
1. Pathiena taksonom ei ni theina ranga chubaithona.
------------------------------------------------
September ː 26 (Sûnrukni)
Chonglupui:- Mana rochôk kêng nin ni zoi(1 Corinth

6:20).
29
Chairman :- .....................................
A phut rang .........................................
Amisîr rang:- ................................
Bible’n ninta nikhâi mak choia mana rochôk kêng nin ni zoi a
ti ani. Eini khom neinun sampâr, suok le insûngsa ei nei ngei hih
ei ta ania. Ei nuomna le ei nângna muntin le zora tina minnâng
rang le mang ranga ei dar ani. Ei minnâng le mang rang zora le
muntina ei mang ngâia, hannisenla ei nâng zora le amangna muna
ei mang thei tit nônchu ei mulung chuk ngâi maka, ma-anga mang
changloi chu ei ningthik ngâi ani. Male dar rang nuom loiin ei
juora, nônchu ei pai ngâi ani. Christa Jisua Pathien ta ei nia, ama
rochôk sai le ama nuomna le nângna mun tina mang rang ei nina
hin, amang ei chang mini? Christa Jisua’n mirtana ei sietna murdi
a rusûk suole hin nunsie khura ei lân buol bang mini? Nunsiena
muna omin ama mangruo le a roiinpuina sin chu tho thei no ih.
Ânthiengloi le ânnim chu amân mang thei ngâi maka ama leh
inlop le ama chuonsin kop thei no ih. Ama chu ânthienga ânnim le
ite inkaina a nei thei ngâiloi sikin.
Ama rochôk sai le ratan sai ei ni zoi sikin ama racham le
lungdoa oma, ama mangruo ni thei rang ei nâng ani. Eini racham
taka lêng le sâk ngâi mo ei la ni? Ama mangruo le rachama lêng
rangin ei mulungrîl minthara omin hong inthûl rang pût chit ei tih-
u.
Chubaithona abi
1. Pathien racham taka ei lêmg theina ranga chubaithona.
2. Ama mangruo ei ni theina ranga chubaithona.
------------------------------------------------
30
September ː 27 (Pathienni)
Chonglupui:- Insûng le a revêl inthiengna.

Chairman :- .....................................
A phut rang ....................................
Amisîr rang:- ................................
Tholom ː..................................
Ei juong misîr sai angin, inthiengna hih Christian ringnuna
uniform’a mang rang ei ni. Ei insûng le sâk le nêkna khom
ânthieng anâng ani. Inthiengna hih damna ani sa, masikin ei dônga
ei mang ngâi bêl le bûrngei inmo ei mang ngâi ennôk chit ei tih.
Christian insûng chu midangngei rangin ei inthieng uol anâng ani,
asikchu ei Pathien biek khom hih ânthiengtak Pathien ani sikin.
Christian insûng inkhat nia ei kepinreloi chu enhoi mak, neinuntin
ei mang suo harenghan amuna dar kelena inthiengtak le inrêl-ira ei
dôn tam le tamloi neinuntin aomna rang mun chita aoma, ânthieng
anînchu ei phûksân khom ahoia, male ei ratha khom atâi rang ani.
Idôr ei sâk le nêkngei tui senla khom anêkna le asâkna ânthieng
nônchu ei sâkruo khom inthieng thei mak. Ei insûng le a revêl tena
khom inthieng le enhoi taka sinsiem anâng ani. Ati rang khatin ei
in le ei revêl ânthieng nônchu ei Pathien Inthieng le Ratha
Inthieng khom ei kôm om thei no nih, asikchu ânthiengloina muna
om theiloi anni sikin.
Ei dông chit inthieng bak ila hanchu ei koiindang le khuo
khom inthiengna kip ata male ei nâingei ringnuna khom hong
inthieng tîr an tih.
Chubaithona abi
1. Insûngkuo inthiengtak le kepinre ei ni theina ranga
31
chubaithona.
------------------------------------------------
Chonglupui:- Nu le pangeiin ei nâingei inthiengna

lampuia ruoi rang (Chph. 19:18, 22:6, 23:13).
Chairman :- .....................................
A phut rang ...................................
Amisîr rang:- ................................
Avienjân hin ei insûng chit ei inruoi lam le ei nâingei ei
kairuoi lam mindon chit ei tih. Ei nâingei chu inthiengna lampuia
ei kairuoi ngei mini? Sâk le nêk ânthieng ngei vai sâka nêk rang ei
minchu ngei mini? Mo, sâk le nêk inthiengloi ei sâka ei nêkpui
ngen mini? Eini nu le pangei hin, Kuva, duma, kâni, kânja, zu,
drug le asaloi dadangngei ei sâka, ei nâingei sâk ngâi makme, nêk
ngâi makme, ei ti thei rang mini? Ti khom reia rangâiin ei
chongjôm thei ningei mini? Asâkloi le anêkloi nâingei luo a sâk an
om ngâi inte, eini asâka anêk ngâi ngei ei nâingei vâng chu ântak
ok rang ani. Nâipangngei hah i-angin mo an ring rang lampui ril
inla, hanchu an dam sûngin mingil noni ngei, riettit an tih. Ei
kairuoina lampui taka an lôna an damsûnga an jûi rang ani.
Masikin ei nâingei le ei nuoia ngei hih eini ke nûk hi kêng an jûi
rang ani, ti riettitin ei sâk le nêk asaloi ei sâk le nêk ngei hih indîn
takin lêng ei tih-u. Ei ni ei sâk sika ei nâingei sâk inthiengloi an
sâk chu eini theiloi-intum rang ei ni. Sâk inthiengloi sâk pumin
christian inthieng kini ti rang hih nithei mak, ânthienga om ranga
koi kêng ei ni, iti rietin ei sâk inthiengloi murdi rênga inkêm ei tih-
u.
32
Chubaithona abi:
1. Sâk ânthieng le ânthiengloi riet sensâi theina ei nei theina
ranga chubaithona.
2. Sâk le nêk asaloi murdi renga ei inkêm theina ranga
chubaithona.
--------------------------------------------------
September ː 29 (Sûnnikni)
Chonglupui:- Khopui inthieng Jerusalem thar(Chph 21:9-27).

Chairman :- .....................................
A phut rangː ..................................
Amisîr rang:- ................................
Ei sabei tak Jerusalem thar, ei hongchuon rang le kumtuonga
ei hong omna rang khopui thurchi hih ei riet minthâr khet anâng
ani. Abong lamin ma khopui khi chu ahoina le a satna ril zoi loi, a
lampui, rukul, lûngphûm, le mokotngei le asûng omlam hoina ngei
chu misîr zoiloi ani. Thina, natna, vonchâm, tuiinrâl, lungjîng,
jâmzal, beidong, ngâisiet, meithei, tangkhong, kholra, kuorsêt,
mitcho, rathatâk, insamna, chapna om khâiloina, nisavâr le thavâr
nâng khâiloi kum le tha telna omkhâiloina ei kumtuong khopui
inthieng ani. Ma khopuia om rang ahoi rang lam nu mulungrîlin ni
mindonin nu sût sabak ngâi mo? Ahoina le phûkdâina rang lam ni
mindon ngâi mo? Avienhin asadimin mulungrîl tatakin mindon
thar nôk ei tih. Khi muna hong om rang khi ei insiem mo nizoi?
Chubaithona abi
1. Jerusalem thar khi ei iemna mitin ei mu minthâr theina
ranga chubaithona.
33
2. Ei iemna mitin ei mmua lungngamna dêttak ei nei theina

ranga chubaithona.
--------------------------------------------------
September ː 30 (Sûnthumni)
Chonglupui:- Khopui inthienga lûtna ranga inthiengna

(Chph. 22:14-15).
Chairman :- .....................................
A phut rang ː ................................
Amisîr rang:- ................................
Mizana ei lei misîr Khopui inthienga lût ranga ânsiem murdi
chu ei sietna ngei murdi Christa Jisua thisen leh inrusûk inthieng
anâng khêt ani. Christa thisena insûk minsâi loi ngei murdi chu
khopui pêntieng han ei om rang ani. Khopui pêntienga han nunsie
tho murdi, uingei, dôitheingei, inditnasaloi thongei le mithatngei,
mirmil biekngei le chong le sinthoa milak thongei murdi om an
tih. Avienjân hih hi kuma Beiruol thupui, Inthienga om rang koi ei
ni, ti ei juong rangâi ania, inthienga om ranga koi ei nina hin, ei
inthiengloina murdi renga inthieng rangin mindonna inthûk ei nei
thei mini? Rammuola a juong inzir miriem murdi hih nunsie saia
inzir eini sikin ei sietna ngei murdi renga ei inthieng theina rang
chu ei Rêngpa Christa Jisua thisen vai hih ani. Ei sietna ngei hih
senduk angin kop senlakhoma, Christa thisena inbuolin rodokang
achek dôra sâia chek thei ei ni. Masikin Khopui inthieng
Jerusalem thara lûtna rangin ei sietna ngei murdi renga insûk sâiin
Jerusalem Khopui thara lût rangin insiem ei tih-u.
Chubaithona abi
34
1. Ei sietna ngei ei inrieta ei inthiengloina ênmusuok theina

rang le ei sietna ngei ei rusûk minsâi theina ranga ngênna.
2. Kumina ei thupui ei rangâina renga satvurna ei changa ei
ringnun hih inthiengna lampuia ei lôn theina ranga
chubaithona.
3. Programme zoi theia ei omna sika râisânchongrilna.
4. Kumnôk programme ei phâk theina ranga le Pathienin
SCBC satavura ei pungtîrna ranga chubaithona.
35

Beiruol 2021 Program

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Beiruol 2021 Program

Uploaded by

Copyright:

Available Formats

0

SAKACHEP CHRISTIAN BIBLE CHURCH

2021 BEIRUOL PROGRAMME

INTHIENGA OM RANGA KOI

Published by - Sakachep Christian Bible Church

SAKACHEP LITERATURE COMMTTEE

Sakachep Christian Bible Church ngeiin 2021 September tha Beiruol

A MUSUOKPU BOARD COMMITTEE CHONGMARUOI

Chonglupui:- Pathien chu mun inthiengna vai ke a om

September : 3 (Sûn ranngani)

Chonglupui:- Pathien sintho Ochaingei (Jôkna 19:22).

Pathien kôma se rang le inding rang ochaingei luo hah

Chonglupui :- Sâ inthieng le inthiengloi (Och 11: 1-47).

Chonglupui :- Khopui inthieng Jerusalem (Chph 21:27;

Amisîr rang ............................................

Aphut rang .................................................

Chonglupui:- Mulungrîl inthiengna (Mat 5:8, Mk 7:20-

Mulungril inthieng ngeiin Pathien ei mu rang ani iti ei rieta,

Chonglupui :- Ei mulungrîl Pathien Biek-in (1Kor 3:16-17)

ei ni tina ani. Ei mulungrîl ânthieng noa, ei mulungrîla mintuona

Chonglupui : Christianngei ringnun. (Rome 12:2)

Ei juong misîr sai angin ei ringnun hih ânthiengna akip mini,

Chonglupui:- Miriem minnin ngâi ngei (Mark 7:14-23;

1. Mulungbôkna inthieng tak ei dôn theina ranga chubaithona.

Chonglupui:- Mulung inthieng ngeiin Pathien an mu rang

Chonglupui: Inthienga, Pathien mi ni ranga koi ei ni.

Chonglupui : Inthiengna akipphar (2Kor 7:1)

Chonglupui: Pathienni inthienga ser rang (Isaiah 58: 13-14

Chonglupui : Ringnun inthieng (Luk 1:35).

Ei Pumapa Jisua Christa nu Mary ringnun ei enin, ama

Chonglupui: Mulungrîl minthieng rang (Mat 6:33).

Chonglupui:Na rêngram juongtung rese(Mat 6:10 Luk

Amisîr rang ..........................................

Chonglupui: Mulungrîl inthiengna (Luk 11:34).

êk’, anga khom ei om duoi thei kêng. Apêntieng enin sakhuo mi

Chonglupui:- Zu le Sâk saloi (Varch 20:1, 21:17, 23:20,

asieta, ompuisangram le insûngkuo le mipui kârvâna buoina a

Chonglupui:- Sum le puon ânthieng mang rang Mat 27:6,

Rammuola ei ringnuna hin sum le puon boiin chu nithei

Ei dông le sûngkuo ânthiengin ei lêng mini? Ei in sûnga

Chonglupui:- Pathien chongjôm dôngpu le dôngpi

Bible taka ei mu angin chu, ei nâingei hih ei insung lâi, ei lôn

Chonglupui:- Inrena chungroia minchuna (Mat. 5:27-30).

Chonglupui:- Nunsie hih imo ani? (Jacob 1: 15, Roman

Chonglupui:- Mana rochôk kêng nin ni zoi(1 Corinth

Chonglupui:- Insûng le a revêl inthiengna.

Chonglupui:- Nu le pangeiin ei nâingei inthiengna

Chonglupui:- Khopui inthieng Jerusalem thar(Chph 21:9-27).

2. Ei iemna mitin ei mmua lungngamna dêttak ei nei theina

Chonglupui:- Khopui inthienga lûtna ranga inthiengna

1. Ei sietna ngei ei inrieta ei inthiengloina ênmusuok theina

You might also like