შაქრის შემცველობის აღმოჩენა სხვადასხვა სახის ღვინოში

ბაჩანა ხუცინაშვილი, სალომე მილაძე, ია ზირაქიშვილი

ნორჩ ქიმიკოსთა კლუბი „ეპისტიმა“, ქალაქ თბილისის 71-ე საჯარო სკოლა,

epistima71@gmail.com

ღვინო არის პროდუქტი, რომელიც ყურძნის ალკოჰოლური დუღილის შედეგად მიიღება.

მას, როგორც ცოცხალ ორგანიზმს აქვს განვითარების რამდენიმე სტადია: იგი იბადება,
ღვინდება, ვარგდება, ძლიერდება და ბოლოს კვდება. ღვინო ჩვენი ქვეყნისთვის
სტრუქტურულად მნიშვნელოვან პროდუქტს წარმოადგენს. ალკოჰოლური სასმელების
ექსპორტი მნიშვნელოვან როლს თამაშობს ქვეყნის ეკონომიკის განვითარებაში და ამავე დროს
ქართული ღვინო ქართული კულტურის განუყოფელი ნაწილადაც გვევლინება. სწორედ ამიტომ,
აუცილებელია მათი ხარისხობრივი მაჩვენებლების კვლევა რათა დააკმაყოფილოს არათუ
საექსპორტო ქვეყნის მოთხოვნა ბაზარზე, არამედ იყოს ვარგისი მოხმარებისთვის. ღვინის
ვარგისიანობისა და მაღალი ხარისხის დასადგენად მნიშვნელოვანი კომპონენტია მისი
შაქრიანობის დადგენა.

ბოლო პერიოდში ჩვენშიც გამოჩნდა ყურძნის შაქრიანობის საზომი ხელსაწყო —

„რეფრაქტომეტრი“ რომელიც მეტად მოხერხებულია და მორგებულია საველე პირობებს.
ამავდროულად მას მინიმალური ცდომილება აქვს. ჩვენი წინაპრები ყურძნის სიმწიფეს მისი
გემოს გასინჯვითა და მარცვლის ხელით გასრესით, წებოვნების მიხედვით იგებდნენ.
საერთოდ, უნდა აღინიშნოს, რომ ყოველი ქართული ვაზის ჯიში თავისი შინაარსით
უნიკალურია და მათგან საკმაოდ განსხვავებული პროდუქტები მიიღება. განსხვავებულია ვაზის
ჯიშების სიმწიფის პერიოდი და ქიმიური შემადგენლობაც. ამიტომ ყოველ ვაზის ჯიშს, როგორც
ერთმანეთისაგან განსხვავებული ბუნების მცენარეს, განსხვავებული მიდგომა ესაჭიროება, რაც
ზემოთ უკვე აღინიშნა. ასერიგად, ხალხში გავრცელებული აზრი იმის შესახებ, რომ
მაღალშაქრიანი ყურძენი ავტომატურად ნიშნავს მაღალხარისხიანსაც — მცდარია! ზოგ
შემთხვევაში პირიქითაც კია, რადგან რიგი ვაზის ჯიშების შემთხვევაში, მათგან მაღალშაქრიანი
ყურძნისგან დაყენებული ღვინო გამოდის ხისტი, დუნე, მეტად ძარღვიანი და
დაუბალანსებელი… ყურძენი მწიფედ და მეღვინეობაში გამოსაყენებლად ითვლება არა მაშინ,
როდესაც იგი შაქრიანობის მაქსიმუმს მოაგროვებს, არამედ მაშინ, როდესაც ყურძნის ტკბილში
შაქრიანობა და მჟავიანობა გარკვეულწილად დაბალანსებულია. ამრიგად საკვლევად ავიღეთ
სამი სხვადასხვა სახის ღვინო თითოელის შაქრის შემცველობა გავზომეთ 20გრადუსი C-ის
ტემპერატურის პირობებში და კვლევის შედეგები შევიტანეთ ცხრილში, დასკვნებსა და
შედეგებს წარმოგიდგენთ პოსტერული პრეზენტაციის დროს....

გამოყენებული ლიტერატურა:

„ღვინისა და თაფლის ანალიზის საერთაშორისო მეთოდები“ - ბათუმის შოთა რუსთაველის

სახელმწიფო უნივერსიტეტი

„ალკოჰოლურ სასმელებში საქაროზას განსაზღვრისას ინვერსიის ჩატარების ახალი

მეთოდის დანერგვა“ - თბილისის სახელმწიფო უნივერსიტეტი

სტატია agrokavkaz.ge-დან.