Harana

O Maria Clara, ikaw ang hanap ko

Ang galaw mo’y kay yumi, nakakabighani
Dalisay at malinis, tunay na katangi-tangi
Dungawin mo o irog, ang ginoong sumasamo.

O Crisostomo, akoy binihag mo

Ang iyong harana’y, tila ba mahikang
Tumutulak sa pihikan kong puso
Patungo sa iyo, o aking hirang.

Chorus:

Kay sarap mabuhay ng may tayong dalawa

Ikaw at ako, ako at ikaw , tayo’y isa
Nagsimula sa harana, tungo sa dambana
Dininig ang hiling , dalangin kay Bathala.

Sa duyan ng iyong pagmamahal, ihele mo ako

Ikaw ang ligaya, ang aking santuwaryo
Ikaw ang kanlungan sa magulong mundo
Ang noon, ngayon, at kinabukasan ko.

Harana

Sa gabing marikit,
Naulinigan ang iyong magandang tinig,
Saliw ng gitara’t ritmo ng musika
Puno ng pagsuyo’t, pahayag ng pagsinta.

O Crisostomo, akoy binihag mo

Ang iyong harana’y, tila ba mahikang
Tumutulak sa pihikan kong puso
Patungo sa iyo , o aking hirang.

Chorus:

Kay sarap mabuhay ng may tayong dalawa

Ikaw at ako, ako at ikaw , tayo’y isa
Nagsimula sa harana, tungo sa dambana
Dininig ang hiling , dalangin kay Bathala.
Sa duyan ng iyong pagmamahal, ihele mo ako
Ikaw ang ligaya, ang aking santuwaryo
Ikaw ang kanlungan sa magulong mundo
Ang noon, ngayon, at kinabukasan ko.