De VII verbis Christi in cruce

Beda Venerabilis

saeculo VIII

Exported from Wikisource on May 1, 2024

1
Migne Patrologia Latina Tomus 94

De VII verbis Christi in cruce (Auctor incertus (Beda?)), J. P. Migne

ORATIO.

(0561B) Benedictum sit dulce nomen Domini Dei nostri Jesu Christi, et dulcissimae
virginis Mariae matris ejus in aeternum et ultra. Amen.

Domine Jesu Christe Fili Dei vivi, qui septem verba ultimo vitae tuae in cruce
pendens dixisti, ut semper illa sanctissima verba in memoria habeamus, rogo te, per
virtutem illorum septem verborum, ut mihi parcas et indulgeas, quidquid peccavi et
commisi per septem peccata mortalia, vel ex eis procedentia, scilicet de superbia,
avaritia, luxuria, invidia, ira, gula et acedia. Domine Jesu Christe Fili Dei vivi, sicut
tu dixisti, Pater, ignosce crucifigentibus me, fac ut ego amore tuo parcam cunctis
mihi mala facientibus; et sicut tu dixisti matri tuae, Mulier, ecce filius tuus, deinde
dixisti discipulo tuo, Ecce mater tua, fac ut matri tuae me societ amor tuus et charitas
vera: et sicut tu dixisti latroni, Hodie mecum eris in paradiso, fac me ita vivum, ut
(0561C)in hora mortis dicas mihi, Hodie mecum eris in paradiso. Et sicut dixisti,
Heli, Heli, Lamma Sabachtani, (0562B)hoc est, Deus meus, Deus meus, ut quid
dereliquisti me, fac me dicere in omni tempore angustiae et tribulationis meae, Pater
mi Domine, miserere mihi peccatori, rege me Rex meus et Deus meus, qui tuo
proprio sanguine me redemisti. Et sicut tu dixisti, sitio, scilicet salutem animarum
sanctarum, quae in limbo erant, adventum tuum exspectantium, fac ut ego semper
sitiam te diligere, fontem aquae viventis, fontem aeternae lucis, et ut toto corde
desiderem te. Et sicut tu dixisti, Pater, in manus tuas commendo spiritum meum, fac
ut in hora mortis meae perfecte et libere possim dicere tibi, Pater, in manus tuas,
commendo spiritum meum. Recipe me venientem ad te, quia non constituisti certum
tempus vitae meae, et sicut tu dixisti, Consummatum est, quod significat et dolores,
quos pro nobis miseris peccatoribus susceperas, jam finiri: fac ut in egressu animae
meae audire valeam illam dulcissimam vocem tuam, Veni anima mea dilecta, quia
jam disposui penurias tuas consummare: Veni ut mecum conscendas cum sanctis
(0562C)et electis meis in regno meo epulari, jocundari, et commorari per infinita
saecula saeculorum. Amen.

2
About this digital edition
This e-book comes from the online library Wikisource[1]. This multilingual digital
library, built by volunteers, is committed to developing a free accessible collection of
publications of every kind: novels, poems, magazines, letters...

We distribute our books for free, starting from works not copyrighted or published
under a free license. You are free to use our e-books for any purpose (including
commercial exploitation), under the terms of the Creative Commons Attribution-
ShareAlike 3.0 Unported[2] license or, at your choice, those of the GNU FDL[3].

Wikisource is constantly looking for new members. During the realization of this
book, it's possible that we made some errors. You can report them at this page[4].

The following users contributed to this book:

Mizardellorsa

1. ↑ https://wikisource.org
2. ↑ https://www.creativecommons.org/licenses/by-sa/3.0
3. ↑ https://www.gnu.org/copyleft/fdl.html
4. ↑ https://wikisource.org/wiki/Wikisource:Scriptorium