Makabagong Balagtasan sa Modernong Panahon

Isang pananaliksik na ipapakita

kay Gng. Carina R. Sancon
sa assignaturang Filipino sa Iba’t-ibang Disiplina
sa Laguna State Polytechnic University
Siniloan, Laguna

Gamayao, Cyruz James R.

Isleta, Rain Justine R.
2024
 Chapter 1

Panimula

Sa patuloy na pagbabago ng mundo, ang tradisyonal na balagtasan ay

patuloy na lumalago at tumutugma sa mga modernong pangyayari at kagustuhan ng

mga tao. Sa pagusbong ng teknolohiya at pagbabago sa ating lipunan, nagkakaroon

ng bagong pagkakakilanlan at kahulugan ang sining ng ating tradisyonal na

balagtasan. Sa makabagong panahon, masasabi natin na nagkaroon ng mga

bagong istilo sa pakikipag-balagtasan kagaya na lamang ng mga paglalaro sa salita

at konsepto ng balagtasan, pati na rin ang nakasanayang plataporma ng balagtasan

mula sa tradisyonal na entablado na ngayon ay maari na rin na mapanood sa online

o internet. Sa pananaliksik na ito, ay aming tatalakayin ang kasalukuyang kalakaran

ng makabagong balagtasan sa modernong panahon.

Ayon kay Janice A. Fernandez (2018) Sa pagsasaliksik tungkol sa Pinoy rap

battle o Flip top, Ginamit ang 12 nangungunang trending na laban sa Flip top mula

sa YouTube channel bilang batayan ng pananalisksik. Natuklasan na ang mga laban

sa Fliptop ay naglalaman ng iba't ibang morpo-semantikong katangian tulad ng mga

akronim, affixation, borrowing, compounding, at reduplication. Sa aspeto ng sintaksi,

nabanggit ang paggamit ng mga parirala, sugnay, at uri ng pangungusap ayon sa

kahulugan at estruktura. Tinukoy din ang mga pangyayari sa laban sa Fliptop

kabilang ang pagpapakilala ng mga emcee, pagkuha ng laban, at ang mga iba't

ibang pangyayari tulad ng mga atake sa iba't ibang aspeto, paggamit ng mga laro sa

salita, at pagtatapos ng laban sa pamamagitan ng pagpapahayag ng mga panalo.

Ang balagtasan ay isang tradisyunal na uri ng pagsasalitaan sa Pilipinas kung

saan ang mga kalahok ay nagtatalo sa pamamagitan ng pagbigkas ng tula.

Karaniwan, may dalawang panig ang balagtasan, at bawat isa ay naglalabas ng mga

tula upang ipagtanggol ang kanilang pananaw sa isang partikular na isyu. Ang mga

tula ay karaniwang sinusundan ng sukat at tugma, at ang mga kalahok ay

nagpapalitan ng mga taludtod upang patunayan ang kanilang mga argumento.

Sa balagtasan, hindi lamang ang galing sa pagtula ang mahalaga, kundi pati

na rin ang kakayahan sa pagpapahayag ng mga argumento at opinyon. Ang mga

paksa ng balagtasan ay maaaring tumalakay sa iba't ibang aspeto ng pulitika,

kultura, lipunan, at iba pang mga kasalukuyang isyu. Ito ay isang mahalagang

bahagi ng sining at kultura sa Pilipinas na patuloy na pinahahalagahan at minamahal

ng mga mamamayan, na nagpapakita ng kanilang katalinuhan at kahusayan sa

pagpapahayag.

Bakgwrand ng Pag-aaral

Ang pag-aaral na ito ay naglalayong suriin ang papel at implikasyon ng

makabagong balagtasan sa kasalukuyang panahon ng Pilipinas. Sa paglipas ng

mga taon, ang balagtasan ay patuloy na nag-evolve, anupat nakikisabay sa mga

pagbabagong pangkultura at teknolohikal. Ang pagsusuri sa mga elemento ng

makabagong balagtasan, tulad ng format, nilalaman, at implikasyon, ay magbibigay

ng masusing pag-unawa sa kanyang potensyal na kontribusyon sa kasalukuyang

lipunan.

Sa pag-aaral na ito, layunin ng mga mananaliksik na maunawaan kung paano

nakaaapekto ang makabagong balagtasan sa pagpapalawak ng kaalaman,

pagpapalakas ng kritisismo, at pagpapayaman ng kultura sa Pilipinas. Tinitingnan

din ang mga posibleng implikasyon nito sa pagkalat ng impormasyon, pagpapalawak

ng pag-iisip, at pagpapalakas sa pagtutol sa mga isyung panlipunan.

 Ang pananalisik na may pamagat na Makabagong Balagtasan sa Modernong

Panahon ay susuportahan ng batas na Republic Act No. 10066 o mas kilala bilang

“National Cultural Heritage Act of 2009”

AN ACT PROVIDING FOR THE PROTECTION AND CONSERVATION OF

THE NATIONAL CULTURAL HERITAGE, STRENGTHENING THE NATIONAL

COMMISSION FOR CULTURE AND THE ARTS (NCCA) AND ITS AFFILIATED

CULTURAL AGENCIES, AND FOR OTHER PURPOSES

Ang mga mananaliksik ay isasagawa ang pag-aaral na ito sa Lalawigan ng

Laguna na kinasasangkutan ng 50 kalahok upang mangalap ng mga kinakailangang

impormasyon at datos na kailangan sa pag-aaral.

Ang layunin na pananaliksik na ito ay tukuyin natin ang mga elemento, tema,

at implikasyon nito sa lipunan, pati na rin ang pag-unlad at pagbabago ng paraan ng

pagsasagawa nito sa kasalukuyang henerasyon. Sa pamamagitan ng pag-aaral na

ito, layon naming na maunawaan ang papel ng balagtasan sa kasalukuyang

panahon at ang patuloy na pag-iral nito bilang isang mahalagang bahagi ng kultura

at panitikan.

Theoretikal Framework

Ang pananaliksik na ito ay ginagabayan ng makabuluhang teorya ni Émile

Durkheim: Structural-functional theory.

Batay sa teoryang structural-functional ni Émile Durkheim, ang lipunan ay

tinitingnan bilang isang magulong sistema na binubuo ng magkakaugnay na bahagi

na nagtutulungan upang mapanatili ang katatagan at organisasyon. Binibigyang-diin

ng pananaw na ito ang ugnayan at interdependensiya sa pagitan ng iba't ibang

institusyong panlipunan, tulad ng pamilya, ekonomiya, pulitika, edukasyon, at

relihiyon. Nagpapahiwatig ito na bawat institusyon ay naglilingkod sa isang tiyak na

tungkulin o layunin na nag-aambag sa kabuuang pagpapatakbo ng lipunan.

Sa ilalim ng teoryang ito, ang mga institusyon sa lipunan ay nagtutulungan

upang mapanatili ang kalakaran ng kabuhayan at kaayusan.

Ang pamilya ay ang pangunahing grupo sa ating lipunan na unang

naaapektuhan sa pagbabago sa ating paligid. Sa pag-aaral ng Makabagong

Balagtasan sa Makabagong Panahon, ang pamilya ang unang maaapektuhan nito

dahil maaaring ang bawat isa sa isang pamilya ay maimpluwensyahan ng

makabagong balagtasan na maaaring makaapekto sa pang araw-araw na

pamumuhay ng isang pamilya.

Ang sistema ng edukasyon ay nagtuturo ng kaalaman at nagtataguyod ng

pag-unlad ng indibidwal. Sa pag-aaral na ito ay maaaring madagdagan ang mga

kaalaman tungkol sa balagtasan kagaya ng mga bagong paraan sa pagsulat o

pagbuo ng mga pangungusap, mga bagong paraan sa pakikipagbalagtasan, at mga

makabagong plataporma na maaaring pagtanghalan at panooran ng mga tao na

maaaring maituro o maibahagi sa mga estudyante

Ang relihiyon ay maaaring magbigay ng moral na gabay at pananampalataya.

Ang relehiyon ay isa sa mga naaapektuhan ng makabagong balagtasan sa ating

panahon na kung saan madalas itong mapasama sa mga laban sa kadahilanan ng

ilang tao na sumasali sa mga balagtasan na malapit sa Diyos. Sa pamamagitan ng

kanilang pagsali nagkakaroon ng dahilan ang kanilang kalaban na pagusapan ang

kanilang relehiyon upang gamitin itong angulo upang makabuo ng mga parirala at

mga pangungusap. Sa kabilang banda ay may Maganda rin itong naidudulot dahil sa

pamamagitan ng pakikipag balagtasan ay mas napapakila o naipapaalam sa ibang

tao ang tungkol sa iba’t-ibang relehiyon na mayroon tayo sa ating bansa.

 Ekonomiya at Pulitika, ang ekonomiya ay nagbibigay ng mga serbisyo at

produkto, at ang pulitika ay nagtataguyod ng pagpapatupad ng mga batas at

regulasyon para sa kapakanan ng lahat. Dahil sa pagunlad ng balagtasan sa ating

bansa maraming produkto ang nagagawa ng mga negosyante kagaya ng mga

sumusnod, damit, sombrero, sticker, at marami pang iba. Sa kabila ng pagunlad ng

balagtasan sa Pilipinas mas pinaghihigpitan ng gobyerno ang mga ito dahil sa mga

malalaswa o hindi kaayayang tema na nababanggit dito.

Ang teoryang Structural-Functional ay nakatuon sa pag-alam at pag-unawa

kung paano nakakatulong ang iba’t-ibang institusyon sa lipunan upang mapanatili

ang kaayusan at katatagan ng ating bansa.

Konseptwal Framework

Ang teorya ni Richard Schechner na Performance Theory ay naglalaan ng

malawakang pamamaraan sa pag-unawa sa pag-uugali ng tao at mga kultural na

pangyayari sa pamamagitan ng pagtatanghal. Ito'y tumitingin sa buhay bilang isang

serye ng mga pagtatanghal, kung saan ang mga indibidwal at grupo ay nakikilahok

sa mga pagtatanghal na mayroong kahulugan. Nanggagaling sa antropolohiya,

sosyolohiya, sikolohiya, at pag-aaral ng teatro, sinusuri ni Schechner kung paano

ang mga pagtatanghal ay humuhubog at nagpapakita ng mga social norms,

identidad, at dynamics ng kapangyarihan.

Ang pananaliksik na ito ay nakatuon sa pag-unawa at pagsusuri sa dynamics

at implikasyon ng makabagong balagtasan sa kasalukuyang panahon. Sa

pamamagitan ng pag-aaral sa mga elemento tulad ng format, nilalaman, at

implikasyon ng mga modernong balagtasan, layunin nitong maunawaan ang papel

nito sa pagpapalawak ng kaalaman, pagpapalakas ng kritisismo, at paghubog ng

kultura sa lipunan.
 Sa pag-aaral na ito, pag-uusapan ang mga potensyal na epekto ng

makabagong balagtasan sa pagpapalaganap ng impormasyon, pagpapalawak ng

pag-iisip, at pagtataguyod ng pakikibaka sa mga isyu ng lipunan. Susuriin din ang

mga aspeto ng teknolohiya tulad ng online platforms at social media at kung paano

ito nakakaapekto sa paglaganap at pagbabago ng anyo at nilalaman ng balagtasan.

Sa pamamagitan ng pagsasaliksik sa mga ito, layunin nito na magbigay ng malalim

na pag-unawa sa kahalagahan at epekto ng makabagong balagtasan sa modernong

panahon, pati na rin ang potensyal nito bilang isang kasangkapan sa pagpapalawak

ng kaalaman at pagpapahayag ng mga opinyon at ideya.

Paglalahad ng Suliranin

Ang layunin ng pananaliksik na ito ay alamin at unawain ang mga pagbabago

sa tradisyonal na balagtasan at alamin ang reaksyon ng mga tao sa makabagong

balagtasan upang mas mapaintindi sa iba ang mga pagbabago sa ating kinagisnang

balagtasan. Ang pinaka kang layunin ng pag-aaral na ito ay sagutin ang mga

sumusunod na katanungan:

1. Ano-ano ang mga pagbabago sa tradisyonal na balagtasan sa mga tuntunin

ng:

1.1 Pagsulat; and

1.2 Pakikipagbalagtasan

2. Ano ang reaksyon ng mga tao sa makabagong balagtasan?

3. Ano ang pagbabago sa pagtatanghal nito sa mga tao?

Saklaw at Limitasyon

Ang pangunahing layunin ng pag-aaral na ito ay alamin ang mga pagbabago

sa ating balagtasan at alamin ang mga implikasyon nito sa Lipunan. Ang mga

mananaliksik ay isasagawa ang pag-aaral na ito upang alamin at unawin ang mga
epekto ng makabagong balagtasan sa mga tao. Ang pag-aaral na ito ay

kinabibilangan ng mga kalahok na kasalukuyang nakatira sa probinsya ng Laguna.

Bukod doon, 50 na katao ang pipiliin upang maging bahagi ng pag-aaral na

ito na walang panghuhusga, bias, at diskriminasyon. Ang pag-aaral na ito ay

gagawin sa probinsya ng Laguna sa buwan na Mayo taon 2024.

Kahalagaan ng Pagaaral

Ang pag-aaral na ito ay makakatulong sa mga sumusunod:

Mamamayan. Ang magiging resulta ng pag-aaral na ito ay makakatulong sa

mga mamamayan na maintindihan kung ano ba ang nangyayari sa makabagong

balagtasan.

Makata. Ang magiging resulta ng pag-aaral na ito ay makakatulong sa mga

makata at sa mga naghahangad maging makata upang mas mapabuti pa nila ang

kanilang mga pagsulat.

Mananaliksik. Ang magiging resulta ng pag-aaral na ito ay makakatulong pa

sa ibang mananaliksik upang magkaroon sila ng mga bagong inpormasyon tungkol

sa balagtasan.

Depinisyon ng mga Salitang Ginagamit

Upang mapadali ang pag-unawa sa pag-aaral, ang iba't ibang termino ay

binibigyang kahulugan.

Balagtasan. Ang balagtasan ay ang pakikipagtalastasan sa isang tao.

Edukasyon. ay ang proseso ng pag-aaral at pagtuturo na nagaganap sa paaralan o

anumang institusyon na naglalayong magbigay ng kaalaman, kasanayan, at pag-

unawa sa mga mag-aaral.

Ekonomiya. Ang ekonomiya ay tungkol sa paraan kung paano ginagamit at

pinapamahalaan ang mga pinagkukunang-yaman o resources upang matugunan

ang mga pangangailangan at kagustuhan ng tao.

Emcee. Ito ang tao na nakikipagbalagtasan

Entablado. Isang plataporma na kung saan isinasagawa ang isang balagtasan.

Implikasyon. Nagbibigay dahilan tungkol sa isang pangyayari.

Layunin. Bagay na gustong makamit ng isang tao.

Makata. Ito ang tao na nakikipagbalagtasan.

Mamamayan. Ito ang tawag sa mga tao na nakatira sa isang lugar.

Mananaliksik. Tao na gumagawa ng pag-aaral tungkol sa isang bagay.

Pagtatanghal. Ang pagpapakita o pagpapalabas ng isang entablado, palabas, o

kaganapan sa paraang madaling maintindihan o simpleng pananalita.

Pamilya. Pangunahing grupo sa komunidad o lipunan.

Pulitiko. Ang politika ay ang proseso ng pagbuo ng mga desisyon at paggawa ng

mga hakbang para sa pamamahala ng isang bansa, rehiyon, o komunidad.

Relihiyon. Ang relihiyon ay isang sistema ng paniniwala, ritwal, at mga gawain na

may kaugnayan sa isang pinaniniwalaang espirituwal na puwersa o mga diyos.