May inaasahang tagumpay at mga mithiin Ngunit hindi maiiwasan ang hirap at pasanin, Presyon sa inaasam na tagumpay, at mga gampanin
Tambak-tambak na mga libro at gawain,
Walang oras na aaksayahin Laging naghahabol, sinusubukan na maging pinakamahusay Baon ay determinasyon upang makamit ang tagumpay
Ang kaalaman ay kapangyarihan, ika nila
Ngunit iiyak at magdudusa muna para makuha Ang bigat ng mga inaasam na pangarap ay nakakapanghina Taas ng hangarin ay nakakapanglula
Nawa'y ito'y maging inspirasyon, hindi isang hadlang
Sapagkat sa bandang huli, kaalaman ang mananaig Ang mga alaala na ating ginawa, ang paglago na ating natamo, Para sa tagumpay na gustong makamit, sa Diyos lamang manalig
Katutubong Kababayan
Nagsisilbing ilaw sa ating bayan,
Mga katutubong kababayan. Yaman ng kultura, kwento't bantayog, Para satin, ito’y handog
Katutubo kung kayo’y tawagin,
Kababayan kung kayo’y tratuhin, Kayumanggi ang kulay, tatak ng ating lahi, Ang inyong mga kwento ay wagas at natatangi
Mahalaga ang inyong boses, ang inyong mga salita
Pangalagaan ang lahi, dugo’t lupa. Sa bawat awit, tula't gunita, Mabuhay ang mga katutubo sa bawat araw at simula
Ipagpatuloy ang laban,
Ang inyong tagumpay ay aming sinusundan Sa bawat henerasyon, inyong pamana'y nabubuhay, Inyong kahalagahan ay walang kapantay
Mga katutubong Pilipino, inyo ang kinabukasan,
Kayo ang ilaw sa gitna ng dilim at kadiliman. Tumindig, magdiwang, mga katutubo, Lupang sinilangan, ating pagsilbihan Sa inyong mga kamay, mundo’y maalagaan, Tradisyon at kagandahan, inyong ipamalas. Ipaglaban ang karapatan, damhin ang kasiglahan, Mga katutubo, kapit bisig para sa kasaganaan