Professional Documents
Culture Documents
May Jane (Malikhaing Pagsulat) Module
May Jane (Malikhaing Pagsulat) Module
Gregorio
BSED-III/Filipino
MODYUL 1
Ngunit bago tayo dumako sa ating talakayan, kailangan mo munang isagawa ang panimulang
gawain. Handa ka na ba?
1. Ano ang tula?
Ang tula ay isang anyo ng sining o panitikan na naglalayong maipahayag ang damdamin at
saloobin sa malayang pagsusulat. Binubuo ang tula ng saknong at taludtod. Ang tula ay nagtataglay rin ng
tugma, na maaaring tugmang ganap o tugmang di-ganap o isang malayang taludturan.
Ang pagkakatulad ng mga tula sa Pilipinas sa mga tula mula sa ibang bansa ay parehong may nilalapatan
ng musika ang ilang uri ng mga tula gaya ng ambahan at iba pa mula sa Pilipinas at oda naman mula sa
ibang bansa. pareho ring itinatanghal ang mga tula natin mula sa Pilipinas at mga tula ng mga taga ibang
bansa. Dagdag pa rito mayroon ding pagkakatulad ang mga paksain ng tula ng Pilipinas sa mga paksain
ng mga tula ng ibang bansa. Ilan sa mga paksaing ito ay tungkol sa kamatayan, papuri at iba pa. Pareho
rin itong kapupulutan ng aral ng sinumang makaririnig o makababasa nito.
Dumako na tayo ngayon sa mga katanungan upang lubos mong maunawaan ang mga nakapaloob
na detalye sa modyul na ito.
Basahin nang may pag-unawa ang sumusunod na tanong. Ilahad ang sagot nang maikli subalit
makabuluhan.
1. Bilang tulang tradisyonal, ano-ano ang mga pinapaksa ng mga tanaga batay sa mga naging
halimbawa sa aralin?
Ang mga pinapaksa ng mga tanaga batay sa mga naging halimbawa sa aralin bilang paksang tradisyonal
ay tungkol sa karanasan sa buhay na maaaring kapulutan ng aral. Nagpapakita ito ng magagandang
katangian gaya ng kabutihang-asal, kababaang loob at iba pa na maaaring tularan ng mga mambabasa.
2. Ano ang dahilan kung bakit mahalagang maitala at matalakay ang mga tulang laji at ambahan?
Ang dahilan kung bakit mahalagang maitala at matalakay ang mga tulang laji at ambahan ay
upang malaman ang mga katangian at mga karaniwang paksain nito upang sa ganoon ay maging pamilyar
ang mga mag-aaral tungkol dito. Gaya ng laji na karaniwang nagpapaksa ng 1) pag-ibig at kasal; 2)
panlipunang protesta, pagkaawa sa sarili, panawagan; 3) papuri sa isang tao; 4)katalinuhan; 5)
panlipunang awit, pamamaalam o pasasalamat; 6) kamatayan at pagdadalamhati; 7) ritwal; 8) siste o
pangangantiyaw; 9) pag-inom; at 10) relihiyosong awitin. Sa kabilang banda, ang ambahan naman ay
may sumusunod na mga katangian: 1) kalipunan ng mga pahayag na patula; 2) may sukat na pipituhin; 3)
may dulong tugma; 4) inihahayag sa paraang paawit; at 5) walang kaalinsabay na instrumentong musikal.
3. Paano naiiba sa paksa at anyo ang tulang tradisyonal sa tulang moderno? Ano-ano ang mga
pinapaksa sa mga tulang tradisyonal? Sa tulang moderno?
Naiiba sa paksa at anyo ang tulang tradisyonal sa tulang moderno sapagkat mas mahigpit ang
tulang tradisyonal pagdating sa sukat at tugma. Bukod pa rito'y mas matalinghaga at matayutay ang mga
tulang tradisyonal kumpara sa tulang moderno. Ang kadalasang pinapaksa ng tulang tradisyonal ay
tungkol sa tradisyon at kultura nating mga Pilipino noon. Samantalang sa tulang moderno naman ay
tungkol sa kasalukuyang nagaganap ngayon o sa mga pagbabagong nagaganap sa ating paligid na ating
nararanasan ngayong moderno na ang panahon.
5. Ilan ang bilang ng tulang soneto? Ano ang kaibahan ng tulang Petrachan sa tulang
Shakespearean?
Ang bilang ng tulang soneto ay may 14 na taludtod o linya na may pormal at sistematikong
tugmaan. Nagpapahayag ito ng iba‟t ibang aspekto ng isang ideya, o damdamin na karaniwang nilalagom
sa pinakahuling linya. Ang kaibahan ng tulang Petrachan sa tulang Shakespearean ay ang sonetong
Petrarchan o Italian ay may octave, o saknong na may walong taludtod at sestet, o saknong na may anim
na taludtod. May dalawang quatrian o saknong na may apat na taludtod, ang octave na may tugmang
abba, abba. Ang unang quatrian ay nagpapahayag ng tema at pauunlarin ito ng ikalawa. Ang sestet ay
maaaring may magkakaibang tugma na inayos nang cdecde o cdcdcd, o cdedce; ang unang tatlong linya
ay nagmumuni ukol sa tema at ang huling tatlong linya ay naglalagom sa nais sabihin ng tula.
Samantalang ang sonetong Shakespearean o English naman ay naiiba sa pagkakahati nito sa tatlong
quatrain. May iba‟t iba itong tugma na may couplet (dalawang magkasunod na taludtod na may tugma) sa
dulo na may ibang tugma sa nauna. Epektibo nitong ipinahahayag ang rurok ng tula. Ang sistema ng
tugma at abab, cdcd, efef, gg.
6. Ano ang kahalagahan ng paglinang ng mga tulang nasa ating wika ngunit nasa anyong banyaga?
Ang kahalagahan ng paglinang ng mga tulang nasa ating wika ngunit nasa anyong banyaga ay masusubok
natin ang ating kakayahan sa paglikha ng tula anuman ang uri o anyo nito. Sa ganitong paraan mas
mapapaunlad natin ang ating Panitikang Pilipino, dagdag pa rito ang ating pakikiisa o pakikibahagi sa
tinatawag na Globalisasyon.
7. Saan nagmula ang tulang tuluyan? Paano nito naimpluwensiyahan ang mga tula ni Mike
Bigornia?
Nagmula ang tulang tuluyan noong ika-18 dantaon sa Pransiya bilang paghihimagsik sa mga
tulang tradisyonal. Ang tulang tuluyan o tulang prosa ay uri ng tula na may estruktura ng prosa subalit
ang estilo at wika ay tulad ng sa tula. Itinuturing nga itong alanganin, at may dugong “French.” Ayon kay
Virgilio Almario, si Baudelaire, ang dakilang ama ng pandaigdigang modernismo, ang nagbinyag nito sa
kaniyang serye ng mga tulang poemes en prose noong 1855. Naimpluwensiyahan nito ang mga tula ni
Mike Bigornia dahil isa siya sa naging mapaghimagsik o eksperimental pag dating sa pagtula.
Paglinang sa Pagkamalikhain
1. Suriing mabuti ang sukat ng tanaga. Gumawa ng isang tanaga na may paksang tradisyonal.
Tradisyonal na panliligaw
Ang tinig at gitara
Ang gamit na sandata
Nang tuluyang makuha
Ang puso ng dalaga
2. Suriing mabuti ang ginawang tanagang tradisyonal. Gumawa ng isang tanagang moderno na
taliwas sa paksang tinalakay sa tanagang tradisyonal
3. Suriin at tingnan kung paanong nagiging katawa-tawa ang tono ng isang awit na pinalitan ng
subersibong mensahe. Gumawa rin ng sariling parodya ng isang tanyag na sulatin. Tiyaking may
tinuturol na ideya o tesis ang iyong parodya.
At itong karpintero
Gumagawa ng panibago
Upang tumibay naman
Ang bahay ni Lolo Pablo
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul. Tapos na tayo sa modyul na ito.
Sa mga kasunod na kahon, ilahad ang iyong natutuhan sa kabuoan ng aralin at maging ang iyong
naging pagninilay.
Sa modyul na ito, ang aking natutuhan ay ang iba't ibang uri ng mga tula. Ang katangian at
kahalagahan ng mga tulang ito. Ito may ay tula mula sa Pilipinas o tulang banyaga o mga tula mula sa
ibang bansa. Nalaman ko rin kung ano ang pagkakatulad at pagkakaiba ng mga tulang sariling atin sa
mga tulang likha ng mga taga ibang bansa, gayun din ang pagkakaiba ng tulang tradisyonal at tulang
moderno. Sa modyul na ito natutuhan ko ring lumikha ng aking sariling tula gaya ng tanaga dahil na rin
sa mga aktibidad na nakapaloob dito.
Mula sa modyul na ito, napagtanto ko bilang isang OLSHConian na tungkulin kong pag-aralan,
tangkilikin, mahalin at pagyamanin ang ating literatura o sining gaya ng mga tula at awiting bayan
sapagkat ito ay isa sa ating pagkakakilanlan at batid nating lahat na napakalaki ng tulong o ambag ng
literaturang ito sa ating kasaysayan. Kaya nararapat lamang na mas higit nating ipagmalaki ang ating mga
sariling akda at pagyamanin pa ito gamit ang ating sariling wika. Napagtanto ko rin bilang isang
OLSHConian na tungkulin kong mas pag-igihan pa ang aking pag-aaral upang sa ganoon ay walang
anuman pandemya o sakuna ang maging hadlang upang makamit ko ang aking mga pangarap o mithiin sa
buhay.
MODYUL 2:TALINGHAGA
Bago mo basahin ang susunod na detalye, gusto kong maging tapat ka sa iyong sarili sa pagsagot sa
katanungang ito na hindi nakabatay sa nilalaman ng modyul.Ano ang Pagwawangki o Simile?
Isulat ang iyong sagot sa kasunod na kahon.
Ang Pagwawangki o Simile ayon sa aking natatandaan na kahulugan nito ay isa itong uri ng
tayutay na kung saan pinagtutulad o pinaghahambing ang dalawang magkaibang bagay. Ginagamitan ito
ng mga salitang gaya ng, parang, tulad ng, at iba pa. Halimba nito ay "ang dalagang si Anna ay parang
isang bulaklak." Ibig sabihin ang dalagang si Anna ay nagtataglay ng kagandahan kaya naman
inihambing sya sa isang bulaklak.
Batay sa tulang iyong binasa, tukuyin mo kung ano ang mga bahagi nito na nagtataglay ng
pagwawangki o simile. Ilahad ang iyong sagot sa kasunod na kahon.
Batay sa tulang aking nabasa na may pamagat na (A)lamat ng Alaala ni W.P. Ortiz ang unang
dalawang taludtod ng kanyang tula ang nagtataglay ng Pagwawangki o Simile. Ito ay ang linyang:
Tulad ng salamin
Ang (a)lamat ng alaala
Pinaghambing ang "salamin" at "alaala" sa mga linyang ito at gumamit ng panghambing na tulad kaya
naman ito ay nagpapakita o nagtataglay ng pagwawangki o simile.
Batay naman sa tulang ito, tukuyin mong muli kung ano ang mga bahagi nito na nagtataglay ng
pagwawangki o simile. Ilahad ang iyong sagot sa kasunod na kahon.
Batay naman sa tulang may pamagat na "Salamin" ni Jema Pamintuan ang mga bahagi na
nagtataglay ng pagwawangki o simile ay ang unang taludtod sa ikalawang saknong. Ito ay ang linyang:
Tulad ng mga mata mong nagniningning.
Sa linyang ito ipinaghambing ng may akda ang "salamin" na "tulad ng mga mata mong nagniningning."
Gumamit siya ng panghambing na tulad kaya naman ito ay nagpapakita at nagtataglay ng pagwawangki o
simile.
Ano ang maaaring maging kongkretong simbolo ng lungkot? Pumili ng isang salitang maaaring
maging simbolo nito at ilarawan ang salitang ito na gagamitin sa paglikha ng mga taludtod.Ilahad
ang iyong sagot sa kasunod na kahon.
Halimbawa:
Pumapaso sa balat
Lumulukob sa katauhan
Ngayon naman ay gumamit ka ng bahgai ng katawan upang ilarawan ang nais sabihin. Sinekdoke
ang gamiting talinghaga.Halimbawa, “Kailangan ko ng mga mata upang magmasid sa mga
babala.”
Kailangan ko ng pusong dalisay upang maging payapa ang aking kalooban at masaya ang aking buhay
Ngayon naman ay dumako tayo sa susunod mong gagawain. Ano-ano ang mga katagang maaaring
gamitin upang tukuyin ang isang kilalang lugar? Gumamit ng metonomiya.
Halimbawa, sa pamahalaan: Nasa Malacañang ang puno ng bansa. Ano ang lugar na maaaring
sumagisag sa kasakiman? Sa kalungkutan?
Sa kasakiman:
Nasa China ang pinagdamot na yaman ng bansa
Sa kalungkutan:
Nasa Simenteryo ang luha ng mga tao
Bago tayo muling magpatuloy, naritong muli ang ilang katanungan ukol sa binasa mong tula.
Halimbawa, kumakaway ang ligaya; ngumingiti sa balana; humahalik sa umaga. Ilahad ang iyong
sagot sa kasunod na kahon.
Lumalagablab na pagsinta
Humahalakhak na ligaya
Yumayakap na tuwa
Lumilipad sa saya
Narito muli ang ilang katanungan bago tayo magpatuloy sa susunod na akda.
1. Ano ang naging ambag ni Scott sa ating kasaysayan kung kaya‟t gayon na lamang ang papuring
ibinigay ng makata?
Ang naging ambag ni Scott sa ating kasaysayan ay lubhang napakalaki sapagkat siya ay kilala sa
pagiging mahusay sa larangan ng pananaliksik kaya naman ganoon na lamang ang mga papuring
ibinibigay sa kaniya. Siya ay isang iskolar at historyador noong panahong pre-kolonyal at nagsagawa
rin ng pag-aaral ukol sa Cordillera. Ang kaniyang mga naging ambag sa kasaysayan ay ang kaniyang mga
akda na nagpapatibay ng sandigan ng ating pagiging magiting na lahi bago dumating ang mga
mananakop. Nakilala si Scott sa kasaysayan hindi lamang dahil sa pagiging mahusay nito sa pananaliksik
kundi maging sa kaniyang paglahok sa buhay at kultura ng mga Pilipino. Kaya nararapat lamang na siya
ay bigyang papuri at ikarangal ng ating bansa.
2. Sa mga binanggit na tauhan ng may-akda, sino sa kanila ang maituturing na totoong makata?
Bakit?
Sa mga binanggit na tauhan ng may-akda. Ang maituturing kong totoong makata ay ang lalaking
makatang ketongin sapagkat sa lahat ng kinapanayam siya lamang ang tanging taong hindi pinagmalaki
ang kaniyang pagiging makata. Patunay na siya ay may kababaang-loob at nagpapakita ng labis na
pagmamahal at pagpapahalaga sa tula at hindi naghahangad ng anumang kasikatan o papuri mula sa
iba.
Narito ang ilang katanungan na kailangan mong sagutin bago ang pagpapatuloy sa sumusunod na
akda.
1. Ano-ano ang mga linya sa loob ng tula na nagpapakita ng pagmamalabis? Ilahad ang mga ito.
Ang mga linya sa loob ng tula na nagpapakita ng pagmamalabis ay ang sumusunod;
“ginugugol ko ang lahat ng libong liwanag-taon ng buhay”
“kahapon pa ako namatay”
“naubos ang lahat ng hangin”
Ang pinakamatindi sa lahat ng pagmamalabis na ginamit sa tula ay ang paggamit ng mga salitang “sisirin
mo ako hanggang buto.” Ipinahahayag ng persona ang kaniyang pagiging “bukas” sa kaniyang
mangingibig upang higit siyang kilalanin nito, hindi lamang sa panlabas na kaanyuan o pisikal ngunit
hanggang sa sinasabi ng persona ang kaniyang kahalagahan bilang isang babaeng nag-iisip at may mga
opinyon na kailangang marinig at limiin ng kaniyang kausap. Kung gayon, wala sa pisikal na anyo at
balat lamang ang sarili ng persona kung hindi nasa utak din. Nasa buto at utak ang laman, ang pinakabuo
ng persona at hangga‟t hindi ito naaabot ng kaniyang kausap, hindi niya makikilala nang husto ang
pagiging babae at kabuoan ng pagkatao ng persona. Ibig sabihin binigyan ng babae ang kanyang
mangingibig ng pahintulot upang siya ay kilalanin ng lubos. Hindi lamang sa pisikal na anyo nito kundi
maging ang kanyang ugali at mga katangian.
Pagkagutom
Nagwawala na ang aking mga alaga rito sa aking sikmura
Pagkauhaw
Tigang na ang aking lalamunan
Ano ang nakapaloob na parikala sa tula? Ilahad ang iyong sagot sa kasunod na kahon.
Ang nakapaloob na parikala sa tula ay hindi nakatatawa sapagkat ipinahahayag nito ang kahungkagan at
kawalan ng mga manggagawa sa loob ng mga usong coffee shop. Sa umpisa ng mga taludtod, tila
inaasahan natin na may magandang buhay ang serbidora sa loob ng coffee shop na naghahatid ng
kaniyang mga isinisilbi sa paraang “magiliw.” Madetalye rin ang paglalarawan ng mga pagkaing isinisilbi
ng serbodora at tila nakatatakam din ang mga ito na sinuhayan pa ng mga salitang “ngangatain” at
“nanamnamin.” Sa huli, malalaman ng mambabasa na ang serbodorang tagasilbi ng masagana, mabango at
mainit-init pang mga pagkain ay kumakain ng “malamig at matigas na pandesal/na isasawsaw sa kapeng
walang walang asukal.” Matindi ang parikala ng tula na nagpapakita ng hindi pagkakapantay-pantay ng
tao sa loob ng ating lipunan.
Sa pang-araw-araw na buhay, maraming parikalang makikita sa ating lipunan.
Halimbawa,mga karpinterong walang bahay, mga batang nagsasaya sa gitna ng baha at kawalan
ng tirahan, mga taong nagtitinda ng sapatos ngunit may sirang sapin sa paa. Magmasid; ano pa
ang mga parikalang makikita sa lipunan? Matapos ang pagmamasid, isulat ito bilang mga taludtod
ng tula.
Maganda na pangit
Pangit na maganda
Bata na asal matanda
Matanda na asal bata
Ngayon naman ay dumako tayo ilang gawain pampinali. Isagawa ang sumusunod:
1. Ang buwan ay lagi nang ginagamit na talinghaga sa ating lipunan at maging sa ibang bansa.
Tinatawag nga itong arketipo o mga imaheng paulit-ulit na nakikita sa ating mga sining. Gamitin
ang talinghaga ng buwan sa pagsulat ng tula, kasama ang katagang karagatan.
2. Ihambing ang isang mahal sa buhay sa isang bagay na may katulad na katangian sa minamahal.
Bigyan ito ng pagpapaliwanag kung bakit gayon ang ginamit na kataga upang ihambing ang
minamahal.
Bituin ang katagang aking ginamit na maihahambing ko sa aking Ina sapagkat tulad ng mga bituin sa
langit na nagsisilbing tanglaw sa dilim ganoon din ang aking ina, siya ang nagbibigay o nagsisilbing
liwanag namin sa dilim. Tunay nga na ang mga ina ang syang ilaw ng tahanan sa pamilya.
3. May mga tao o bagay na dinarakila. Isipin ang mga tao o bagay na ito at gawin ang sumusunod:
a. Sumulat ng isang tula upang dakilain ang isang taong matagal nang hindi nakikita o
namayapa na.
Ang Tubig
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay hindi lamang ang paglikha ng isang tula, kundi pati na rin
ang magbigay papuri sa isang bagay o mga taong pumanaw na. Dito ko nakita ang kanilang halaga at
nalaman kung gaano sila kaimportante para sa akin. Natutuhan ko rin sa modyul na ito ang paggamit ng
iba't-ibang uri ng tayutay, katulad ng paghahambing ko sa aking ina na tila ba'y isang bituin sa langit
dahil sa liwanag na dulot nito sa aking buhay. Gayundin natutuhan ko ang kahalagahan ng pagkakaroon
ng sukat at tugma ng isang tula at nalaman ko Rin Ang tunay na katangian ng isang mahusay na makata.
Ito ay ang pagmamahal at interes sa pagtula, hindi upang makatanggap ng papuri Mula sa iba bagkus,
upang ilahag Ang kaniyang damdamin at saloobin at magbigay aral o leksyon buhay ng mambabasa.
Mula sa modyul na ito, napagtanto ko bilang isang OLSHConian na tungkulin kong magbigay
halaga sa mga tao at mga bagay na nasa aking paligid. Napagtanto ko Rin kung gaano ako kapalad dahil
mayroon ako ng mga bagay na ito. Gaya ng buhay, pamilya, edukasyon at marami pang-iba.
MODYUL 3: PERSONA
Narito ang ikatlong modyul na gagabay sa iyo sa iyong lubusang pag-unawa tungkol sa
Persona. Ito ay magiging sandigan mo upang magkaroon pa nang mas malalim na kaalaman na
makatutulong upang mapagyaman mo ang iyong kakayahan sa mga bagay-bagay na maaari mong
magamit sa iyong sariling pag-unlad.
Ngunit bago tayo dumako sa ating talakayan, kailangan mo munang isagawa ang paunang gawain.
Bigyang ng kahulugan ang bawat titik na bumubuo sa salitang Persona.
Ngayon naman ay iyong babasahin ang tula at sabihin kung sino ang persona o nagsasalita sa loob
ng tula. Basahin ito sa pahina 55 na may pamagat na May Lungkot ang Buwan Ngayong
Hatinggabi ni Vladimeir Gonzales.Pagkatapos basahin, sasagutan mo ilang katanungan ukol dito.
Suriin mo naman ngayon ang tula na may pamagat na Mahina ni Lilia F. Antonio upang
makilatis kung mayroon bang tiyak na kasarian ang persona. Basahin ito sa pahina 56. Pagkatapos
basahin, sasagutan mo ilang katanungan ukol dito.
Ngayon naman ay iyong paglimian ang sipi ng tulang Ang Pag-ibig sa Anyo ng Pelikula ni
Eugene Y. Evasco sa phina 57. Pagkatapos basahin, sasagutan mo ilang katanungan ukol dito.
1. Ano ang kinahihiligan ng persona sa tula?
Ang kinahihiligan ng persona sa tula ay ang pelikula na kung saan ay nabubuhay siya sa mundong ang
taong nagmamahalan ano man ang pagdaanan, pinaglayo man ay pagtatagpuin din ulit upang Ipagpatuloy
ang pag-iibigan nila.
Basahin mo naman ngayon ang karanasan ng isang personang labis ang dinanas na
kahirapan sa araw-araw na pakikipagsapalaran sa lungsod. Basahin sa mga pahina 57-58 ang
tulang Iginigisa Ako Tuwing Umaga ni Eugene Y. Evasco. Pagkatapos basahin, sasagutan mo ilang
katanungan ukol dito.
Sa tulang Kaarawan ni Kahel sa pahina 59, makikita ang tiyak na persona at tiyak na kausap ng
persona. Pagkatapos basahin, sasagutan mo ilang katanungan ukol dito.
May mga makatang nagbibigay rin ng tinig sa mga taong walang tinig sa loob ng lipunan.
Pagmunihan mo ang tula na may pamagat na Himig ng Pulubi sa Overpass ni Elyrah L. Salonga sa
pahina 60. Pagkatapos basahin, sasagutan mo ilang katanungan ukol dito.
1. Ano ang gustong iparating ng tula?
Ang gustong iparating ng tula ay kung gaano kahirap ang buhay ng isang pulubi. Ito ay kumakanta para
makalimos ng pera ngunit parang hindi naman ito naririnig ng mga tao. Bukod dito ay makikita na parang
nagsusumamo ang makata na sana ay huwag bumaba ang tingin sa kanya na tulad ng pagbagsak ng barya
sa lata.
Basahin mo naman ngayon ang tulang Dandansoy sa mga pahina 60-61 na ang persona ay
isang ina, kausap ang kanyang anak na ipinaghehele. Pagkatapos basahin, sasagutan mo ilang
katanungan ukol dito.
1. Ano-ano ang mga patunay sa tula na ang persona na isang ina ay walang iba kundi ang Inang
Bayan?
Ang makapagpapatunay na ang persona sa tula ay ang "Inang Bayan" ay ang sinasabi ng persona na siya
ang "tagahugas ng dugo ng bayan" ang kaniyang pawis. Ang kaniyang dibdib ay lupang sagana sa likas
na yaman, luntian at tubig sa parang na siyang magkakandili sa kaniyang bunsong anak. Sa mga linyang
ito makikita na ang persona ay ang inang bayan nga sapagkat ito ay sagana sa likas na yaman na siyang
bumubuhay sa ating. Ang inang bayan ang nag-aaruga sa atin upang tayo ay lumakas at patuloy na
mabuhay.
Basahin mo ang tulang Sahig ni Will Ortiz sa pahina 61. Pagkatapos basahin, sasagutan mo ilang
katanungan ukol dito.
1. Sino ang nagsasalita sa loob ng tula?
Ang nagsasalita sa loob ng tula ay ang sahig na tila kausap ang mga sapatos o anumang sapin sa paa.
2. Ano-ano ang sinisimbolo ng sahig?
Ang sahig ay sumisimbolo sa mga taong "api" at "aba," mga taong madalas ay inaapak-apakan lang at
hindi kinikilala tulad ng lipunan.
Mainam na sa pagsulat ng persona, paglimiang mabuti kung sino o ano ang persona upang
makatulong sa pagbibigay ng malikhaing paglalarawan sa atludtod ng tula.
Pag-aralan mo pa ang isang haiku ni Rogelio Mangahas sa ibaba na may salin sa Ingles ni
Marne Kilates:
Lingkaw ko’y pigil: I hold back my sickle:
may gagamba sa uhay, spider on stalk has locust
bilot ang balang. wrapped in its web.
1. Sino ang may hawak ng lingkaw?
Ang may hawak ng lingkaw ay isang magsasaka na maggagapas sana. Nangyayari ang ganitong paggapas
tuwing anihan.
3. Ano ang nasa isip ng persona kung bakit ayaw na niyang gamitin ang kaniyang lingkaw?
Ayaw na niyang gamitin ang lingkaw sapagkat nasa isip niya kung isasakripisyo niya nga ba o hindi ang
buhay ng gagamba? Iyan ang bagay na nagpatigil sa kanya sa paggamit ng lingkaw
2. Mag-isip at lumikha ng isang personang walang buhay tulad ng walis, agiw, pader,
dingding, basurahan. Kung sila’y makapagsasalita, ano ang kanilang sasabihin, paano nila
ito sasabihin at kanino ito sasabihin? Buoin ito sa loob ng iyong tula na may apat na
taludtod.
Modyul
3. Maraming tao sa lipunan ang hindi nabibigyan ng pansin at tinig. Sino-sino sila?
Kumatha ng isang tula tungkol sa isang persona na walang tinig sa ating lipunan. Ano ang
sasabihin niya at kanino niya ito sasabihin? Buoin ang tula sa loob ng limang taludtod.
Kapansanan
Bakit kaya ganito ang buhay ng isang katulad kong may kapansanan
4. Mag-isip ng limang salita upang ilarawan ang sapot na siyang magiging persona ng tula.
Gamitin ang mga salitang ito sa bawat taludtod upang buoin ang tula. Sino ang kausap ng
sapot?
Sapot
5. Narito ang limang salita: suklay, bahay, patpat, basura, tatay. Pagtagni-tagniin ang mga
salitang ito (sa anumang ayos) at buoin ang iyong persona sa loob ng isang tula.
Pagtanaw sa nakaraan
Ako'y di kilala
7. Kung may sasabihin sa iyo ang iyong salamin na laging nakakikita sa iyo araw-araw, ano
ang maaari nitong ipaalala sa iyo na maaaring matagal mo nang nakalimutan? Buoin ito sa
loob ng tula.
8. Mayroon bang taong matagal mo nang hindi nakikita ngunit nais na makausap? Kung
makapagsasalita ang unan (na may ugnayan sa iyo) sa kaniyang kama habang nakahiga,
ano ang sasabihin ng personang ito?
Kamusta ka na?
Kasama sa saya,
9. Kung makapagsasalita ang isang bahagi ng iyong katawan, at kakausapin ang isa pang
bahagi ng iyong katawan, ano ang sasabihin nito? Halimbawa, ano ang sasabihin ng puso sa
baga? Ano ang sasabihin ng sikmura sa utak? Ano ang sasabihin ng utak sa puso? Ano ang
sasabihin ng kuko sa buhok? Buoin ito sa loob ng isang tula. Lagyan ito ng angkop o may
talinghagang pamagat.
Ano ba talaga?
Pero gusto mo pa
Pero tinuloy mo pa
Kalimutan ko siya ?
Aba, iba!
Isipin mo muna kung paano mo bubuuin yang sarili mong dinurog niya.
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.Tapos na tayo sa modyul na ito. Sa mga
kasunod na kahon, ilahad ang iyong natutuhan sa kabuoan ng aralin at maging ang iyong naging
pagninilay.
Sa modyul na ito, ang aking natutuhan ay maging malikhain sa paggawa ng tula. Gayondin ang
paggamit ng ibat ibang persona, ito man ay tao, hayop, bagay at iba pa. Natutuhan ko rin sa modyul na
maging mapagmasid sa aking paligid at nahasa rin ang aking kakayahan pagdating sa malalim na pag-
iisip.
Mula sa modyul na ito, napagtanto ko bilang isang OLSHConian na tungkulin kong gawin ang mga
gawaing nakaatang saakin, tungkulin kong mag-isip, maging malikhain at maging mapagmasid, tungkulin
ko ring obserbahan ang nangyayari sa aking paligid. Upang sa ganoon ay maging maalam ako sa mga
bagay-bagay.
Narito ang ikaapat na modyul na gagabay sa iyo sa iyong lubusang pag-unawa tungkol
sa Tugma: Ang musika ng Tula. Ito ay magiging sandigan mo upang magkaroon pa nang mas
malalim na kaalaman na makatutulong upang mapagyaman mo ang iyong kakayahan sa mga
bagay-bagay na maaari mong magamit sa iyong sariling pag-unlad.
Ngunit bago tayo dumako sa ating talakayan, sagutin mo muna ang kasunod na tanong nang maikli
subalit makabuluhan.
Tipunin
Alanganin
Lisanin
Layunin
pasanin
Hangarin
Gisingin
Yakapin
Landasin
Bagtasin
Damhin
Lagim
Dilim
Lihim
Siniil
Makapipigil
Anting-anting
Patalim
Bitin
Tipunin
Ilibing
Alanganin
Lisanin
Kawing-kawing
Panimdim
Labagin
Buwagin
Dinggin
Usigin
Ibigin
Bilugin
Patulugin
Patagin
Din
Rin
Tahakin
Umaangil
Pangil
Nanggigigil
Sirain
Tiisin
Patuluyin
Layunin
Mithiin
Arugain
Pagdating
Natin
Gunitain
Baklasin
sasalubungin
angkin
angkinin
Purihin
Tunguhin
5. Balikang muli ang mga karagdagang tayutay. Alin sa mga ito ang ninanais na gamitin sa
pagtula? Bakit?
Sa mga karagdagang tayutay na nabanggit ang aking ninanais na gamitin sa pagtula ay ang Anapora
sapagkat ang karagdagang tayutay na ito para sa akin ay mas kaaya-ayang basahin at ang pag-uulit sa
mga salita o linya na ginagawa sa tula ay nakatutulong upang mas mabigyan nito ng diin ang mga
salitang mahalaga sa tula.
Sa bahaging ito‟y, isasagawa mo ang sumusunod upang mas malinang ang iyong pagagiging
malikhain.
1. Maglista ng tiglimang salita na nagtatapos sa malumay, mabilis, malumi, at maragsang bigkas.
Gamitin ito sa paglikha ng tula na may limang taludtod.
malumay Mabilis malumi maragsa
Malumay
Napakasakit ng aking damdamin
Bakit ganito na lamang Kung puso ko'y sirain
Pananakit lang ba ang iyong layunin?
Kung gayong, relasyon nati'y Kailangan ng putulin
Ngunit maaari ba munang, ikaw ay yakapin
Mabilis
Kaygandang pagmasdan ng kanyang pagkawáy
Tila ba'y katulad ito ng ganda niyang tagláy
makinis na balat, malambot na kamáy
Tila gawaing bahay ay hindi niya gamáy
Lahat ng katangian niyang ito, Diyos ang nagbigáy
Malumi
Sa isang lungsod may isang Binatà
Na binugbog ng isang dambuhalà
Sa kadahilanang siya ay dinayà
Ngayon ang binata tumulo ang luhà
Dahil sa sakit at sugat na sariwà
maragsa
Ang lahat ng tao'y may kakayahang lumikha ng tulâ
Babae o lalaki man, mayaman o dukhâ
Kahit saang lugar, sa gitna man ng bahâ
Animo'y isang bagyo ang mga salitâ
Na sa iyong utak, raragasang biglâ
2. Basahin ang tula. Lagyan ng marka ang tugma sa tula (Halimbawa, aaaa, bbb,axa, atbp.) at
sabihin kung ano ang uri ng tulang ito. Pagkatapos bumuo ng sariling tula na kauri ng tulang ito.
Ang uri ng tulang ito ay Villanelle. Ang Villanelle ay may 19 na taludtod na may limang triplet (o
berso na may tatluhang taludtod) at may quatrain bilang pagtatapos. Mayroon itong dalawang
refrain o inuulit na taludtod na may regular na interbal, na unang ginagamit sa umpisa at sa
ikatlong taludtod ng unang saknong, at salitang ginagamit muli sa hulihan ng bawat saknong
hanggang sa huling quatrain. Magtatapos ito sa dalawang refrain. Mayroon itong estruktura o
iskema ng tugma na aba aba aba aba aba abaa
Paghanga
Tala at Buwan
Ang uri ng tulang ito ay tulang soneto, isang sonetong Shakespearean. Naiiba ang sonetong
Shakespearean sa pagkakahati nito sa tatlong quatrain. May iba‟t iba itong tugma na may couplet
(dalawang magkasunod na taludtod na may tugma) sa dulo na may ibang tugma sa nauna.
Epektibo nitong ipinahahayag ang rurok ng tula. Ang sistema ng tugma nito ay abab, cdcd, efef, gg.
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay ang paglikha ng tula na may sinusundang sukat at tugma,
natutuhan ko rin ang ibat ibang uri ng salitang maaaring gamitin sa pagbuo ng tulang may sukat at
tugma. Gaya ng mga salitang mabilis, maragsa, malumay, malumi at maging ang mga salitang may
tuldik na magandang gawing tugma sa tula.
Mula sa modyul na ito, napagtanto ko bilang isang OLSHConian na tungkulin kong maging isang
masunurin, hindi lamang sa pag sagot sa mga modyul kundi pati na rin sa pagsunod bilang isang
estudyante, napagtanto ko sa modyul na Ito kung gaano kahalaga ang pagsunod sa mga alituntunin.
MODYUL 5: SUKAT
Narito ang ikalimang modyul na gagabay sa iyo sa iyong lubusang pag-unawa tungkol sa Sukat. Ito
ay magiging sandigan mo upang magkaroon pa nang mas malalim na kaalaman na makatutulong
upang mapagyaman mo ang iyong kakayahan sa mga bagay-bagay na maaari mong magamit sa
iyong sariling pag-unlad.
Ngunit bago tayo dumako sa ating talakayan, sagutin mo muna ang kasunod na tanong nang maikli
subalit makabuluhan.
2. Maaari kayang gumawa ng tula ang isang nagsisimulang makata nang hindi isinasaalang-alang
ang pagkatuto sa mga tradisyonal na anyo (sukat at tugma)?
Oo. Maaaring gumawa ng tula ang isang nagsisimulang makata nang hindi isinasaalangalang ang pagkatuto
sa mga tradisyonal na anyo, sapagkat may tinatawag naman na malayang taludturan at ito ay walang sukat
at tugma. Ngunit kailangan isaalang-alang ng isang nagsisimulang makata ang pagiging mabisa at mahusay
ng kaniyang tulang lilikhain kahit wala itong sukat at tugma. Kahit hindi niya isinasaalang-alang ang
pagkatuto ng tradisyonal na anyo kailangang isaalang-alang niya ang pagkatuto ng mga katangian ng
malayang taludturan upang maging mabisa ang tulang kaniya lilikhain.
3. Magiging mabunga at malikhain kaya ang mga tula ng isang makatang walang alam sa
kumbensiyonal na paraan ng pagtula?
Sa aking palagay ay depende ito. Hindi magiging mabunga ang tula kung walang alam sa kumbensyonal ng
tradisyonal na tula at sa kumbensyon ng malayang taludturan ang makata. Ngunit kung ang kumbensyonal
na sukat at tugma lamang ang mawawala at kung sisiguruhin ng makata na magkakaroon pa rin ng indayog
ang kaniyang tulang gagawin ay maaari pa rin itong maging mabunga.
4. Maaari kayang lumikha ng tula na may sukat ngunit walang tugma ang isang makata? O kaya
nama’y may tugma subalit walang sukat? Maaari kayang maging mahusay ang kalabasan ng mga
tulang ganito?
Oo maaaring lumikha ng tula na may sukat ngunit walang tugma o kaya nama’y may tugma subalit walang
sukat ang isang makata. Maaari ring maging mahusay ang kalalabasan ng mga tulang ganito sapagkat
taglay pa rin nito ang isa sa tradisyonal na anyo na nagbibigay ritmo at indayog sa tula. Kinakailangan
lamang na maging malikhain ang makata at kailangang siguruhin niya na kahit walang sukat o walang
tugma ang kaniyang gagawin ay magiging kaaya-aya pa rin ito sa mga mambabasa.
5. Maaari bang makalikha ng isang tulang may tradisyonal na sukat at tugma subalit ang laman ng
tula ay makabago?
Oo maaaring makalikha ng isang tulang may tradisyonal na sukat at tugma subalit ang laman ng tula ay
makabago. Halimbawa na lamang ang tulang "Sa Tabi ng Dagat" ni Ildefonso Santos. Isa itong tulang may
sukat at tugma subalit maituturing nang moderno dahil sa nilalaman o paksang mayroon ito.
Sa bahaging ito’y, isasagawa mo ang sumusunod upang mas malinang ang iyong pagagiging
malikhain.
1. Gumawa ng bugtong tungkol sa makabagong buhay. Ang magiging sagot sa mga bugtong ay ang
sumusunod: MRT, Internet, computer, cellphone, at videocam. Gumawa ng bugtong na may
dalawang taludtod at ang iba nama’y may apat na taludtod.
MRT
Hindi naman ako isang lata,
pero pinagsisiksikan nila
Internet
Tumutulong sa mag-aaral,
Kaagapay sa pag-aaral.
Computer
Kung titignan ay parang kahon,
Punong-puno ng impormasyon
Cellphone
Parihaba ang sukat,
lagi mong buhat-buhat
Videocam
Kumakain ng eksena,
at masayang ala-ala
2. Kumatha ng tanaga. Isaalang-alang ang paggamit ng iba’t ibang persona, tulad ng kandila,
bintana, suklay, saklay, mata, at bubungan.
Kandila
Akoy handang mamatay
Masamahan ka lamang
Sa dilim ng 'yong buhay
Ako ang iyong linaw
Bintana
Ako'y munting silipan
sa munti n'yong tahanan
Sa pagbukas pa lamang
Tanaw ang kagandahan
Suklay
Ako ay munting suklay
Tutulong sa'yong buhay
Taga Tuwid ng gusot
Taga plantsa ng lukot
Saklay
Tagagabay sa pilay
Nagsisilbing alalay
Saklay ng iyong buhay
Ako ang iyong gabay
Mata
Nakita mo ang mundo
Dahil Ako'y narito
Matang gagabay sa'yo
Kukulay ng buhay mo
Bubungan
Nagsisilbi mong linong
Sa umaga at hapon
Umulan o umaraw
Ako'y inyong proteksyon
3. Gumawa ng isang awit. Tingnan muli ang tula ni Hernandez at putulin ang bawat gitnang
taludtod ng inyong saknong. Siguraduhing ang laman ng mga taludtod nito ay mga bahaging nais
idiin at bigyang pansin ng mambabasa.
Manatiling mabuti
4. Mag-isip ng isang larawan o imahen tungkol sa kalikasan. Halimbawa, larawan ng isang pakpak
ng mariposa, at panatilihin ito sa isipan. Ito ang ilarawan at gawan ng ng tulang haiku.
Rosas na pula
Ang daming humahanga
Matinik pala
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay maging maingat sa paglikha ng isang tula, lalo na kung ito
ay may sinusundang sukat at tugma. Natutuhan ko rin sa modyul na ito ang paggawa ng ibat ibang uri ng
tula gaya ng bugtong, tanaga haiku at iba pa.
Mula sa modyul na ito, napagtanto ko bilang isang OLSHConian na tungkulin kong sumunod sa
anumang alituntunin. At maging maingat aking mga gagawin, obserbahan ng mabuti ang mga aktibidad
na ipinagagawa sa akin, at tignang mabuti kung tama ba o mali ang aking ginagawa. Upang ito ay
maitama kaagad, at napagtanto ko rin bilang isang OLSHConian na tungkulin kong maglaan ng oras sa
paggawa ng aking mga responsibilidad bilang isang mag-aaral.
Narito ang ikaanim na modyul na gagabay sa iyo sa iyong lubusang pag-unawa tungkol sa
Malayang Taludturan. Ito ay magiging sandigan mo upang magkaroon pa nang mas malalim na
kaalaman na makatutulong upang mapagyaman mo ang iyong kakayahan sa mga bagay-bagay na
maaari mong magamit sa iyong sariling pag-unlad.
Ngunit bago tayo dumako sa ating talakayan, sagutin mo muna ang kasunod na tanong nang maikli
subalit makabuluhan.
Mag-isip ng mga paboritong makata. Sa iyong mga napiling makata, higit ka bang naaakit sa mga
tulang may malayang taludturan o sa mga tulang may mahigpit na pagsunod sa sukat at tugma?
Bakit?
Makata
-Francisco Balagtas Baltazar
-Virgilio S. Almario
Kung ako ang tatanungin ay mas higit akong naaakit sa mga tulang may mahigpit na pagsunod sa sukat
at tugma, sapagkat batid ko kung gaano ito mahirap gawin, at batid ko rin na mahabang oras ang ginugol
ng makata sa paglikha nito. Ngunit sa kabilang banda mas mahilig akong gumawa ng mga tulang may
malayang taludturan sapagkat mas nailalabas at naipapahayag ko ang aking saloobin at damdamin sa
anyo ito. Higit na kaakit-akit at kamangha-mangha ang mga tulang may mahigpit na pagsunod sa sukat at
tugma dahil sa mabusising paggawa rito, ngunit higit na mas malaman ang mga tulang may malayang
taludturan.
1. Sa malayang taludturan, kailangan bang maging malaya maging ang mga paksang tinatalakay?
Ang lahat ba ng bagay ay maaaring talakayin tulad na lamang ng seks, sekswalidad, kahirapan, at
karahasan sa loob ng lipunan? Bakit?
Sa aking palagay, hindi ibig sabihin na malayang taludturan ay malaya na rin maging ang mga paksang
tatalakayin sa tulang lilikhain ng makata. Kailangan parin ng matinding pag-iingat sa pagpili ng paksa
sapagkat ito ay nakadepende parin sa manunulat at mga mambabasa. Ang isang tunay na mahusay na
makata ay alam kung anong mga paksa ang angkop para sa kanyang mambabasa ito man ay nasa anyo ng
malayang taludturan o hindi.
2. May hangganan ba ang mga paksang maaaring talakayin kapag gumagamit ng malayang
taludturan?
Para sa akin ay oo, sapagkat hindi ibig-sabihin na malayang taludturan ang uri ng tulang iyong lilikhain
ay Malaya ka na rin sa pagpili ng mga paksa iyong tatalakayin. Oo sabihin na natin na may karapatan
kang mamili kung ano ang nais mong paksain. Pero dapat alam mo ang limitasyon mo sa bagay na ito.
Dapat mo rin isiping mabuti Ang paksang tatalakayin mo. Kung ito bang paksa ito ay akma sa lahat ng
mambabasa, kung ito bang paksang ito ay kayang unawain ng lahat at Kung ito bang paksang ito ay
walang natatapakang tao. Dahil aminin man natin o hindi may mga paksain na sadyang nakakatama o
nakasasakit sa iba. Tandaan mo na ang layunin mo bilang isang makata ay mapahayag ng saloobin,
damdamin at mag bigay aral. Hindi ang manakit at manira ng iba.
3. Sa iyong palagay, gaano kahalaga para sa mga taong tumuligsa sa kumbensyonal na taludturan
ang pagkatha ng tulang may naiibang paksa?
Sa aking palagay, lubhang napakahalaga para sa mga taong tumuligsa sa kumbensyonal na taludturan ang
pagkatha ng tulang may naiibang paksa, sapagkat ganito na lamang ang kanilang pagnanais na
mapaganda ito. Nakikitaan ang mga taong ito ng labis na pagmamahal sa pagtula dahil sila ay tumuligsa
pa sa kumbensyonal na taludturan isang patunay lamang na sila ay tunay ngang mga makata.
Sa bahaging ito’y, isasagawa mo ang sumusunod upang mas malinang ang iyong pagagiging
malikhain.
1. Basahin ang talata sa ibaba na sinipi mula sa nobelang Anina ng mga Alon ni Eugene Y. Evasco.
Ang bida/persona sa nobela ay isang batang babaeng Badjao na nagngangalang Anina.
Lagi’y sinigurado kong anak nga ako ng dagat.kapag pilak ang liwanag ng gabi habang
nakalutangako sa dagat at nakatanaw sa hanay ng mga bituin,sabay kaming umaawit ng mga alon.
Ginagabayanako ng mga alon sa tamang himig at inadayog. Tinatangay nito an gang aking tinig sa
ia pang mga pook. Hindiko man batid kung saan ito patungo. Ang tiyak kolamang, mahal na mahal
ng dagat ang aking mga awit. Kinakalong niya ito, inaangkas, inihahagis, at binabasag sa pinung-
pinong mga piraso.
a. Ayusin ang talatang ito sa anyo ng isang tulang may malayang taludturan.
Magpasya kung saan puputuluin ang mga taludtod. Siguraduhing ang pagputol ng taludtod ay may
kinalaman kung saan nais ipakita sa mambabasa ang diin ng tula.
Ang tiyak ko lamang, mahal na mahal ng dagat ang aking mga awit.
Ang tiyak ko lamang, mahal na mahal ng dagat ang aking mga awit.
c. Tukuyin sa loob ng akdang Anina ang mga bahagi nito na may ritmo o indayog.
Ang ritmo o indayog sa tulang ito ay ang linyang sumusunod:
pilak ang liwanag ng gabi
sabay kaming umaawit ng mga alon.
Ginagabayan ako ng mga alon sa tamang himig at inadayog.
Tinatangay nito ang aking tinig
mahal na mahal ng dagat ang aking mga awit.
binabasag sa pinung-pinong mga piraso.
Kakkak
Sa kakkak tunay na ako'y nahahalina
Ang angking itsura ng mga ito napakaganda
Kakkak na may iba't ibang uri at makukulay pa
Sa mga harden ko sila nakikita
Sa pagtingala ko sa dahon,
Wala na pala ang tutubi doon.
Nang aking hanapin ako'y napatigil
Pagkat may narinig akong boses
"Huwag mo ng pilitin kung ayaw talaga"
Hayaan mo na lang siyang maging masaya.
Boses ito ng isang lalaking pinapayuhan ang sawi sa pag-ibig niyang kaibigan.
Sa sinabing ito'y mayroon akong napagtanto
Yan ay umuwi na
at hayaan ang tutubing maging malaya.
4. Mag-isip ng kilalang awit na paborito mo. Sumipi ng apat na taludtod at dugtungan ito na gamit
ang malayang taludturan.
" Binalewala"
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay ang paglikha ng mga tulang may malayang taludturan,
gayondin ang pagdurugtong ng tulang may malayang taludturan sa iba pang uri ng tula gaya ng tanaga,
musika at iba pa.
sa modyul na ito, napagtanto ko bilang isang OLSHConian na tungkulin kong maging isang matiya,
hindi lamang sa paglikha at pagsagot sa mga gawain kundi pati na rin ang pagsuri sa kahalagahan ng mga
ito.
MODYUL 7: IMAHEN
Narito ang ikapitong modyul na gagabay sa iyo sa iyong lubusang pag-unawa tungkol sa Imahen.
Ito ay magiging sandigan mo upang magkaroon pa nang mas malalim na kaalaman na
makatutulong upang mapagyaman mo ang iyong kakayahan sa mga bagay-bagay na maaari mong
magamit sa iyong sariling pag-unlad.
Ngunit bago tayo dumako sa ating talakayan, sagutin mo muna ang kasunod na tanong nang maikli
subalit makabuluhan.
Kapag ang inilarawan ng makata ay malinaw na nakita ng mambabasa, ngunit hindi naman
“naranasan” ng iba pa niyang pandama, mahusay pa rin ba ang paggamit ng imahen sa tula?
Hindi mahusay ang paggamit ng imahen sa tula, kung ito ay hindi nadama ng mambabasa
sapagkat ang imahen ay hindi lamang ang detalye ng larawan sa loob ng isang tula kundi ito ay anumang
pandamang pisikal na kailangan madama ng mambabasa. Upang masabing mahusay ang paggamit ng
imahen sa tula mahalaga ang pagpapakita at hindi paglalahad lamang. Kailangan kongkretong madama ng
mambabasa ang isinusulat ng makata upang sa ganoon ay malinaw na maipakita at maiparama ang
imahen sa tula.
Adobo
Adobo hindi pwedeng iluto kung wala ang ikaw at ako,
Ako ang iyong suka at ikaw ang aking toyo.
Kagat, kurot, hampas at sipa yan ang ginawa ni toyo kay suka
Sa tuwing susumpungin na marahil nasobrahan na naman sa pagbuhos ng tuyo
At hindi natansya, kawawa na naman si suka, marami ka na naman pasa sa mukha
Sa bahaging ito’y, isasagawa mo ang sumusunod upang mas malinang ang iyong pagagiging
malikhain.
Mang-inasal
Oh napakasarap talaga.!
b. Pumili ng isang bato. Hawakan ito. Sa loob ng tatlong araw, salat-salatin, sa tuwing may
pagkakataon. Pagkatapos, ipikit ang mga mata at ilarawan ang hawak-hawak na bato.
-Ang batong hawak-hawak ko ngayon ay isang makinis na bato, na may katamtamang laki at bilog na
hugis. Animo'y isang makinang na perlas dahil sa dulas at kinis nito, dagdag mo pa ang maganda nitong
hugis at katamtaman na laki.
c. Titigan ang isang taong laging kasama. Karaniwang hindi natin pinapansin ang detalye ng
mukha ng madalas nating kasama. Sa pagkakataong ito, titigan siyang mabuti at isaisip mabuti ang
kaliit-liitang detalye ng mukha at ikumapra ito sa isang bagay.
Ang tatlong salitang aking narinig mula sa paligid ay ang mga salitang "mama, papa, anak."
"Mama"
Lubhang napakahalaga ng salitang ito para sa mga hayop. Sapagkat ayon sa aking nakikita at
naoobserbahan sa mga hayop ang ina ang siya lamang nagpapalaki at nag-aalaga sa kanya mga anak.
Gaya halimbawa sa mga pusa at aso.
"Papa"
Kung ilalarawan ko sa kalikasan ang salitang papa, ito ay ihahalintulad ko sa mga puno, dahil sa dami ng
kanilang mga pinagdadaanan sa buhay ay nananatili silang nakatayo at matatag para sa kanilang mga
pamilya.
"Anak"
Ang anak ay tila ba mga halaman sa paligid, sila ang nagpapaganda at nagbibigay kulay sa buhay ng
bawat pamilya.
e. Amuyin ang tatlong uri ng pabango, masansang man o mahalimuyak. Sa pagsamyo ng mga ito,
ilarawan ang karanasang naaalala kapag nasamyo ang mga ito.
1. Rave - Ito ay isang uri ng pabango na panlalaki, mahalimuyak ang amoy at tuwing nasasamyo o
naaamoy ko ito ay naaalala ko ang aking kapatid at ama, sapagkat ito ang kanilang ginagamit na pabango
2. Red Safari- Ito rin ay mahalimuyak. Sa tuwing naaamoy ko naman ito ay naaalala ko naman ang aking
mga tita at ina. Sapagkat ito naman ang pabangong kanilang ginagamit.
3. Juicy- mahalimuyak para saakin ang pabangong ito, kaya naman ito ang madalas Kong gamitin, bukod
pa rito ito ay abot kaya. Tuwing naaamoy ko ito naaalala ko ang aking mga kaibigan na kung saan sila
ang kasama kong bumibili nito.
2. Ngayong naitala na ang bawat pandamdam. Bumuo ng tula batay sa mga ito. Tiyaking hindi
gagamit ng mga palasak na talinghaga.
PANDAMDAM
Pandinig
Pandama
Pang-amoy
Biswal
Panlasa
3. Magmasid ng kalikasan. Kung ito ay ulap, ano ang itsura nito para sa iyo? Kung ito ay buwan,
ano marahil ang itsura nito kung ang iyong batang sarili ang nakasaksi? Kung ito ay araw, ano ang
itsura nito kung ang nakasaksi ay isang gagamba? Itala ang detalye ng nasaksihang kalikasan.
Gumawa ng tatlong haiku batay rito.
Ulap
Magandang tignan
'Kala mo isang usok
Na nasa langit
Buwan
Animo'y ilaw
Na sumusunod sa'yo
Tanglaw sa dilim
Araw
Animo'y bola
Na napakaliwanag
Magandang tala
4. Ilarawan ang karanasang lubhang nagpasaya sa iyo. Ano ang iyong pakiramdam? Ilarawan ito
nang detalyado at ipadama sa mambabasa nang tila isinasama mo siya sa kasiyahang iyong
nadama.
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay ang mabisang malalahad ng imahen sa isang tula. Natutuhan
ko rin na ang kahalagahan nito. Nalaman ko rin na ang isang mahusay na makata ay may kakayahang
ipadama sa mambabasa ang mga mensahe at mga karanasang inilalahad sa tula.
Mula sa modyul na ito, napagtanto ko bilang isang OLSHConian na tungkulin kong maging
mahusay, hindi lamang sa pagbabahagi ng aking mga naging karanasan kundi upang magbigay aral at
leksyon sa iba.
MODYUL 8: TONO
Narito ang ikawalong modyul na gagabay sa iyo sa iyong lubusang pag-unawa tungkol sa Imahen.
Ito ay magiging sandigan mo upang magkaroon pa nang mas malalim na kaalaman na
makatutulong upang mapagyaman mo ang iyong kakayahan sa mga bagay-bagay na maaari mong
magamit sa iyong sariling pag-unlad.
Ngunit bago tayo dumako sa ating talakayan, sagutin mo muna ang kasunod na tanong nang maikli
subalit makabuluhan.
" Binalewala"
Kaya't humihiling ako Kay bathala, na sanay Hindi na s'ya lumuha pa,
na sanay hindi na s'ya mag-iisa, na sana lang... Ingatan mo s'ya...
Binalewala n'ya ako dahil sayo, nawalan na ng saysay ang pagmamahal,
Na Kay tagal ko ring binubuo... Na Kay tagal ko ring Hindi sinuko...
Binalewala n'ya ako dahil sayo... Dahil sayo...
Ito nang huling awit, na kanyang maririnig, ito ng huling tingin na dati s'yang kinikilig,
Ito nang huling araw ng mga yakap ko't halik, ito na haa.. Ito na...
Sa awitin ito ay may tono ng pagtanggap at pagpaparaya, paninisi at pamamaalam. Nagkaroon ito ng
pagbabago ng tono. Sa unang bahagi makikita rito ang pagtanggap at pagpaparaya ng persona. Sa
pangalawang bahagi naman ay paninisi sa taong kausap, at sa pangatlong bahagi ay pamamaalam.
Bumalik sa pagtanggap, pagpaparaya at paninisi sa huling bahagi
3. Humanap ng paboritong tula. Tingnang mabuti ang diksiyon, ang pagpili ng persona, at ang
talinghagang ginamit. Paano ito nakatutulong sa pagpapatingkad ng tono ng tula?
Adobo
Adobo hindi pwedeng iluto kung wala ang ikaw at ako,
Ako ang iyong suka at ikaw ang aking toyo.
Sa bahaging ito’y, isasagawa mo ang sumusunod upang mas malinang ang iyong pagagiging
malikhain.
1. Magbalik sa kabataan. Alalahanin ang mga bagay na ikinatutuwa noong bata pa na kung pag-
iisipa’y nakapagtatakang hindi na ikinatutuwa ngayon. Gumawa ng tula sa paksang ito. Tiyakin sa
sarili ang tonong gagamitin sa tula.
2. Umisip ng personang kilala sa kasaysayan, halimbawa, isang presidente o isang bayani. Lumikha
ng bagong katauhan niya na hindi nakikilala ng madla. Bumuo ng tula ukol sa kaniya at gumamit
ng tono na hindi karaniwang iuugnay sa pagkatao ng piniling kilalang persona.
Hugoterong Matapang
4. Dugtungan ang kasabihang , pag “binato ka ng bato….” Gumawa ng tulang katawa-tawa ngunit
may pasaring sa mga nagaganap na kabalintunaan sa loob ng lipunan.
Pag binato ka ng bato, ipunin mo, gawin mong palamuti sa hardin mo para magsisi ang bumato sayo.
Binabati kita sa iyong kahusayan! Ipagpatuloy ang patuloy na pagsisikap na maisakatuparan ang
mga nakalaang gawain para sa mga susunod pang modyul.
Tapos na tayo sa modyul na ito. Sa mga kasunod na kahon, ilahad ang iyong natutuhan sa kabuoan
ng aralin at maging ang iyong naging pagninilay.
Sa modyul na ito, ang aking natutuhan ay kahalagahan ng tono sa isang tula, ang tuno ang siyang
nagbibigay ng emosyon sa persona sa isang tula Kaya nararapat lamang na Ito ay matutuhan. Natutuhan
ko rin kung anu-ano ang angkop na tono sa bawat emosyon. Halimbawa kung ang emosyong ipinapakita
ng persona sa tula ay lagit ang angkop na tono na kaniyang gagamitin ay malakas o pahiyaw na tono.
Kung ang emosyon naman ay masaya nararapat lamang na ang tonong gagamitin ay ang tonong
nagpapakita ng tuwa. At ganoon din sa iba pang mga emosyon.
sa modyul na ito, napagtanto ko bilang isang OLSHConian na tungkulin kong mag-isip ng malalim
at suriin ang mga bagay na aking gagawin. Tungkulin ko rin obserbahan ang aking sariling kilos kung
tama o akma ba ang aking mga ginagawa sa inaasahan ng lahat. Gaya sa pag sagot sa mga modyul. Kung
ang mga sagot bang aking tinuran ay angkop ba sa mga katanungan at hinihinging kasagutan.