Professional Documents
Culture Documents
Palm Sunday of The Lords Passion Readings and Blessing of Palms
Palm Sunday of The Lords Passion Readings and Blessing of Palms
Prusisyon
Padi: Sa ngaran san Ama kag san Anak, kag san Espirito Santo.
Tanan: Amen.
Padi: An grasya san aton Ginoong Jesukristo, an pagkamuot san
Dios kag an pagpausad san Espirito Santo mapa sa iyo tanan.
Tanan: Amen.
Padi:
Mangadye kita
ODios na makagagahom hasta na lang,
pabanala san imo bendisyon + ini na mga lukay,
agod kami na nagasunod kan Kristo na Hade,
na nagalipay,
makaabot man lugod , paagi sa iya
sa wara’n katapusan na Jerusalem.
Siya na nabubuhay kag nagahade
sa mga panahon san mga panahon.
O kaya
Dagdagi an pagtuod san mga nagalaom sa imo,
O Dios,
kag pamati-a na may kaluoy
an mga pangadye san mga nangangamuyo,
agod kami na nagapakita yana san mga lukay
para kan Kristo na nanggana,
magdara lugod sa imo bunga
san mga maayo na himo sa iya.
TUIG B
EBANGHELYO Mc. 11:1-10
Halip-ot na homiliya.
Pag-agda
Padi: Irugon ta, mga namumut-an na kaigmanghudan, an mga
two na nagasiriyak sin pag-omaw kan Jesus, kag magpadayon
kita sa katuninungan.
o kaya:
Padi: Hamos na, maglakat kita sa katuninungan, kag irugon ta an
mga tawo sa Jerusalem na gin-omaw si Jesus bilang Hade kag
Ginoo.
MISA
Pakatapos san prusisyon o san solemne na pagsulod, an padi nagatuna san Misa
sa gintiripon na pangadye:
Ebanghelyo Mc.14:1-15:47
I. Duha ka adlaw antes san Paskwa kag san kapiestahan san Tinapay na
Wara’n Lebadura, naghanap an mga puno na padi kag mga eskriba
sin paagi na lipaton si Jesus para maarestar siya kag ipapatay.
Nagsabi sinda:
S. “Dili dapat sa adlaw san kapiestahan agod wara’n mangyari na kasamukan
sa mga tawo.”
I. Nasa Betania si Jesus sa balay ni Simon na dati leprusuhon. San siya
nasa may lamesa, nag-abot an usad na babaye na may dara na
surudlan na alabastro na puno sin mahal na pahumot na himo hale sa
tunay na nardo. Binuong niya an surudlan kag ginbubo an pahumot
sa ulo ni Jesus. May nagkapira didto na nagkaururit kag nagpasarabi-
sabi:
S. ”Nano kay ginsayang lang an pahumot? Pwede ibaligya ini na pahumot sin
sobra pa sa tresyentos na denaryo, kag ihatag an kwarta sa mga pobre?”
I. Kag nagkaururit sinda sa iya. Nagsabi si Jesus:
J. “Pabay-i lang siya. Nano kay ginapaki-araman niyo siya.
Nagtuman siya sin maayo na himo sa akon. Kaupod pirme
niyo an mga pobre kag pwede niyo sinda himu-an sin maayo
maski san-o na gusto niyo, pero dili niyo ako pirme kaupod.
Ginhimo niya an iya makakaya; ginlahidan na niya sin pahumot
an akon lawas antes ini ilubong. Sa kamatuodan ginasabi ko
sa iyo na maski diin sa bilog na kinab-an na ipahayag an
Homiliya