PUPUH GINADA

1. Nah cening pianask bapa, anake buka idewa,

Di sekolahan dije pacing cening tuju,
Dong tegarang sambatang apang bapa tatas nawang,
Apang manut ajak nyet/ dedemenan ceninge,
Apang beneh cening milih sekolah,
Apang tusing ngaduang,
Mare masuk suba med.

2. Kacerita mangkin I Odha nepasin,

Ampurayang titiyang bapa,
Beneh pesan buka tutur bapa ne,
Piteket bapa ne lintang tuhu,
Masuk masekolah apang anut ajak dedemen ne,
Apang sida sirdaning don,
Anggon bekel nganti riwekasan.

3. Suba liu anak nawang, sebeten langit se duur tanah,

Liu pesan suba ngelulusan sarjana,
Sekolahe ento medasar baan panca sila,
Panca sila nuntun solah luwih,
Pemekas ne solah imanusa ring jagate,
Sarjana sane sujana,
Tuah ditu di jagat Pura Brata, kaucap jagat Bali.

4. Dasar pamikukuh panca silane,

Tusing je ada len tuwah Tri Hita karana,
Kaucap Prahyanagn sane kaping riin,
Genah muja muji Ida Sany Hyang Widhi Wasa,
Kalanturang Pawongan sane kaping kalih,
Isine ten je wenten tios,

Manusane hidup menyame braya.

5. Sane kaping untak, kaping telu kabaos palemahan,
Nah ring pelemahan niki kadulurin baan I peminpin,
Setotane dadi peminpin apang bias nabdab panjak,
Apang sida I peminpin ajak I panjak adung.
Ngulati ane madan kerta raharja,
Paras paros,
Nemu bagya kerta raharja ring kauripan.

6. Nah cening pianak bapa anake buka idewa,

Nah yen suba kaketo keneh ceninge,
Suba galang baan idewa minehin,
Suba maan sekolah ane demenin cening,
Lautan suba idewa mejalan,
Masuk masekolah,
Nelebang dading sastra apang sida rahayu.
 PUPUH DURMA

74 Kaucap nenep undagan anake sane sampun keni NAPZA,

Suba pastika laksanane kaon,
Nyisep andus anggon nyoba,
Taler presida ngangge suntik obate punika,
Napi malih nyiup obat, mimih jaep pesan punika,
Ngisep, nguntal tales ngusapin,
Sampunang pisan nyobakin indike punika.

75 Sampun koloktah wenten lelimasane mewasta NAPZA,

Sane kapertama kabaos Stimulant,
Sane kaping kalih kabaos Depresan’
Aopi aoid sane kaping tiga,
Halusi no gen kaping papat,
Zat zat tiyosan sane kaping lima,
Sing je ada len ngeranayang idupe sakit.

76 Nah ane jani ngiring pada siaga ajak mekejang,

Napi malih idupe sedeng puber mangkin,
Inggih puber punika patut kaliwatin,
Maciri baan halangan ring angga sarira sane istri,
Sane lanang sebilang sirep mengipi,
Nah ditu tumbuh rasa tresna asih,
Dados kaucap nyalanang tapa brata sane mangkin.

77 Sampun kaloktah ring jagate sane kini kirang langkung 24 diri,

Presida hidup kejati mula,
Yening sampun teleb metamba/maubad,
Pikayunan taler laksane dados becik,
Taler presida mekarya sekadi anak tiyosan,
Yan sampun karusak olih NAPZA punika,
Sinah pacing ngeranjing merika ke krangkeng besi.

78 Ngiring mangkin sareng sami mapidabdab,

Punaspi antuk mangde nenten keni indike punika,
Boyoje wenten tiyos sane mawasta NARKOBA,
Mangda sida hidup ring kauripan nemu bagya,
Ngiring ajegang picayune sareng sami,
Benjang pungkuran mangde ten nyesel’
Ngiring siatin nika sami.

79 Wantah sapunika piteket I Tuan Guru,

Tutur sane tuhu majeng ring sisia sami,
Kacerita mangkin galahe sampun telas,
Tuan Guru raris metilar,
Para sisia ne sami pada makinkin budal,
Sami pada liyang ring kayun nyane,
Di selantang jalan mageguyonan kedek pe kenyung.