Professional Documents
Culture Documents
Tema 6
Tema 6
É evidente, pois, que nos últimos tempos se teñen dado avances cualitativos e
cuantitativos na situación do galego, pero tamén atopamos indicadores sociolingüísticos
negativos que pasamos a analizar.
Con todo, xunto a estes factores encontrámonos con outros que denotan un avance na
recuperación social da lingua. Nin que dicir ten que, en comparación coas fases precedentes
do idioma, o galego incrementou a súa presenza na vida pública. Tampouco podemos
esquecer o salto cualitativo que supuxo, como xa dixemos, a oficialización da lingua, coa
conseguinte entrada do galego no mundo da educación, e o incremento do seu emprego nos
medios de comunicación de masas. Estas e outras causas, entre as que salienta a proliferación
de colectivos que defenden a normalización (Mesa pola Normalización Lingüística., Pais e nais
polo ensino en galego, Asociación de Funcionarios para a Normalización Lingüística., Mocidade
pola Normalización Lingüística, Fundación Galicia-Empresa, AS-PG, etc.), están provocando nos
últimos tempos unha mudanza positiva importante nos códigos de valorización social da
lingua, coas transformacións derivadas no comportamento lingüístico dos galegos e das
galegas. Mais, a pesar de todo, estes factores non conseguen vencer aínda a tendencia
asimilatoria que testemuñan os indicadores negativos anteriormente apuntados.