Huminale si Jacob sa Beerhsea asin nagduman sa Haran. Nakaabot siya sa
sarong lugar, asin duman siya nagtorog huli ta sulnop na an aldaw. Kuminua siya nin sarong gapo, ibinugtak niya sa saiyang pamayohan asin nagtorog siya sa lugar na ito. Pinangatorogan siya na igwa duman nin sarong hagdanan na nakatindog sad aga alagad an poro naka-abot sa langit; asin an mga angheles nin Dios naghihirilig asin nagsasarakat duman. Asin an Kaguranganan nakatindog sa itaas, na nagsabi sa saiya: “Ako an Kagurangnan, an Dios ni Abraham na saimong ama, asin Dios ni Isaak; an daga na saimong nahihigdaan itatao ko saimo asin sa mga gikan saimo. An saimong kapang-arakian madakul siring sa alpog nin daga, makakalakop sa solnopan asin sa sirangan, sa amihan asin kahabagatan; an gabos na banwaan sa daga bibendisyunan huli saimo asin saimong kaakian. Uya, yaon ako sa kaiba mo; aatamanon taka sain ka man pumaduman, sagkod na daemaotob an isinabi ko saimo.” Dangan nagimata si Jacob asin nagsabi, “Totoo man nanggad na an Kaguranganan uni sa lugar na ini, asin asin dae ako nin paka-aram” Natakot siya asin nagsabi: “Makatatakot an lugar n aini. Bako ining iba kundi an harong nin Dios asin iyo ini ang tata nin langit.” Amay na buminangon si Jacob; kinua an gapo na inolonan niya asin ginigong monumento, dangan inulaan niya nin lana sa ibabaw. Inapod niya an lugar na idto ‘Betel’, minsan ‘Luz’ an datingngaran kaidto. Asin nanuga si Jacob, na nagsabi: “Kun ibanhan ako nin Dios asin pagbantayan ako sa paglakaw kong ini, dangan tawan akong tinapay na kakanun asin gubing na gagamiton, patin toninong na makabalik ako sa harong nin sakuyang ama, an Kagurangnan iyo an magiging sakuyang Dios, asin ining gapo na sakong pinatindog sa harige magigin harong ning Dios.”
IYO INI AN TATARAMON KAN KAGURANGNAN
SALMO RESPONSORO
SIMBAG: SA SAIMO, KAGURANGNAN, NAGSASARIG AKO.
1. Ika na nag-eerok sa lindong nin orog kahalangkaw,
Na nabbuhay sa limpoy kan Makakamhan, Pagsabi sa Kagurangnan: “sakong pa-alawan, Asin sakong kusog: Dios na sakong sinasarigan.” (Simbag)
2. Ililigtas ka niya sa si-od nin paradakop,
Asin nakakagadan na peste; Tatahuban ka kan saiyang mga balukag, Sa saiyang mga pakpak makukua mo an kapahingaloan. (Simbag)
3. Huli ta nangabit siya sako; ililigtas ko siya;
Papalangkawon ko siya huli ta midbid niya an sakong ngaran; Kun mag-arang siya sako, sisimbagon ko, Sa kahorasaan aantabayan ko siya. (Simbag) PAMIBI NIN BANWAAN
An simbag sa lambang pamibi:
“KAGURANGNAN, HINANYOGA AN SAMUNG PAMIBI.”
1. Para sa gabos na mga estudyante na uya sa laog kan santamisang ini,
na lugod giyahan kan saimong banal na espiritu, tanganing padagos kaming maglakaw sa dalan nin katanusan, mamuhay na may takot sa Mahal na Dios, magin makatao, magalang sa samuyang mga magurang, maging mabinino sa pagtaram asin maging ehemplo nin katanusan sa mga kajovenesan.
Mamibi kita sa kagurangnan. “KAGURANGNAN, HINANYOGA AN SAMUNG
PAMIBI.”
2. Para sa gabos na mga magurang, lugod tawan mo sinda nin
maninigong kusog tanganing dae sinda makamati nin panruluya sa padagos na pagsuporta sa saindang mga aki asin maging buhay na ehemplo nin katanusan kan saindang pamilya asin komunidad.
Mamibi kita sa kagurangnan. “KAGURANGNAN, HINANYOGA AN SAMUNG
PAMIBI.”
3. Para sa gabos na mga maestra, maestro asin empleyado kan Pasacao
National High School, lugod tawan mo sinda nin kusog tanganing maipadagos an pagdusay kan saindang mga buhay sa pagtukdo sa mga estudyante bako lang sa laog kang eskwelahan kundi sa mga adal kan buhay.
Mamibi kita sa kagurangnan. “KAGURANGNAN, HINANYOGA AN SAMUNG
PAMIBI.”
4. Para sa gabos na stakeholders kan Pasacao National High School,
lugod papagdayanon mo sa sainda an padagos na pagsuporta asin pagiya tanganing orog na magin magayon an kalidad kan edukasyon na maitatao sa lambang estudyante kan samung eskwelahan.
Mamibi kita sa kagurangnan. “KAGURANGNAN, HINANYOGA AN SAMUNG