Taon 37 Blg.
56 Ikalawang Linggo ng Pasko ng Pagkabuhay/ Linggo ng Banal na Awa (B) — Puti
SA KANYANG SUGAT MAKIKILALA
Si Hesus
S a mga pagkakataong nag-
lalakad ako sa paligid ng
aming simbahan, madalas
kong nakakadaupang-palad
ang isang batang lalaki na
laging humihingi ng bigas,
o di naman kaya ng pagkain
o pambaon. Dala ng ha-
bag, hindi ko pinalalampas
ang mga pagkakataon na
makapagbigay kahit kaunti.
Nakatutuwa pa nga dahil
madalas ang batang lala-
king ito ay may iba’t-ibang
kasamang kaibigan na naba-
bahaginan din ng mga hini-
hingi niya sa akin. Hindi siya
madamot. Sa dalas ng aming
pagkikita, isang bagay lang
ang madalas kong nakalili-
mutan—ang tanungin ang
kanyang pangalan at kung
taga-saan siya.
Isang gabi, pagkatapos ng
mga pagdiriwang sa simba-
han, nagkayayaan kami ng
ilang lingkod sa Parokya na
P. Flordelito C. Dador, Jr
kumain ng sorbetes. Nang
nagsasalu-salo na kami sa
mesa sa labas ng tindahan,
lumapit ang batang lalaki
na ito kasama ang isa pa ni-
yang kaibigan at humingi ng
sorbetes. Matapos ang ilang
saglit, umalis na ang batang
lalaki at kanyang kaibigan—
hindi ko na naman naitanong
ang kanyang pangalan.
Kaya’t tinanong ko ang mga
kasama ko, ngunit maging
sila’y hindi nila kilala ang
bata. Napabulalas ako, “Ang
tagal n’yo na rito, at matagal
na ring namamalimos ang
batang ‘yun, pero di pa rin
ninyo kilala?”
Bagaman tuluyan ko rin
namang nalamang Angelo
pala ang pangalan niya, na-
buksan niya ang napakaram-
ing tanong sa aking puso:
Ganito na ba ako kabulag?
Hanggang materyal na tu-
long na lang ba ang kaya
April 7, 2024
kong ibigay sa mga tulad
nilang mahihirap? Sino ba
sila para sa akin?
Taun-taon nating naririnig
ang Mabuting Balita ngayong
araw tuwing Divine Mercy
Sunday. Sa pagdududa ni
Tomas sa muling nabuhay na
Hesus, nasambit niya, “Hindi
ako maniniwala hangga’t di
ko nakikita ang butas ng mga
pako sa kanyang mga kamay,
at naisusuot dito ang aking
daliri, at hangga’t hindi ko
naipapasok ang aking kamay
sa kanyang tagiliran.” Ngunit
nang makita niya ang mga
sugat ni Hesus, nakilala niya
ito, “Panginoon ko at Diyos
ko!”
Araw-araw nating na-
kikita ang sugatang katawan
ni Hesus sa mga dukha at
sa mga kapatid nating may
pinagdaraanang matitinding
pagsubok sa buhay. Kilalanin
natin si Hesus sa kanilang
mga sugatang katawan at
puso. Nakikilakbay sa atin
si Hesus, hindi lang sa anyo
ng mga taong tumutulong
sa atin, kundi pati na rin sa
mga taong nangangailangn
ng ating tulong.
Tinanggap natin ang awa
at pag-ibig ng Diyos nang
buong-buo. Maging mga da-
luyan nawa tayo ng natang-
gap na pag-ibig at awa, sa
pamamagitan ng ating pag-
kilala at pagtulong sa mga
kapatid nating nangangaila-
ngan ng pagliligtas.