Ang kilalang fast-food chain na Jollibee ay naglunsad ng panibagong teknolohiya sa
kanilang branches. Ito ang automated meal-serving robots na tinatawag na Jollibots kung saan unang namataan sa Jollibee SM Seaside City Cebu branch noong Agosto 1, 2022. Sa mga customers ng Jollibee na nais mga dine-in, ang Jollibots na ang magse-serve sa inyo. Mag-order lamang sa cashier at i-claim ang assigned tracker pagkatapos mag bayad. Magahanap ng kakaupuan at ilagay ang tracker kung saan pwedeng ma-scan ng Jollibots at maibigay sa inyo ang order. Ang Jollibots ay kinokonsidera ng kompanya bilang kanilang team’s on-ground assistance. Handang tumulong sa pagbibigay ng order sa customers table. Sa tulong nito, makakapag-pokus na ang ibang crew sa mga mas importanteng gawain. “With the Jollibots, our store teams in select stores are experiencing the benefits of serving their customers even more efficiently. While these Jollibots are welcome additions, we have maintained and will continue to keep the same number of crew in these branches as they remain integral to our day-to-day operations and delivering our ‘Alagang Jollibee’ brand of service.” Ito ang paliwanag ni Jollibee Philippines President Ferns Yu Jr. sa tanong ng karamihan na papalitan ba ang mga crew ng panibagong robot na ito. Magsasakatuparan naman ang kompyana ng mga smart lockers, rider’s area, leveled up dining areas, self-order kiosks at dual lane drive thru sa lahat ng Jollibee branches sa Pilipinas. Sa lalawigan ng Zamboanga del Norte, pinakahihintay na rin ang pagkakaroon ng Jollibots na siguradong ikakasiya ng mga konsumante.