Professional Documents
Culture Documents
Namotan Nin Dios Na Gayo
Namotan Nin Dios Na Gayo
Na di igong calingawan;
Na makasarong totoo
Na maglincod saimo
Na makalikay na gayo
An tawong nangaghehelang
Na sinda manga-omayan;
An simong tirotinapay,
Napahale sa cagabsan
Na malinigon na gayo
Ta huli sa pagtabang mo
Minadulag na totto.
Namotan nin Dios na gayo, Nicolas de Tolentino
Cahadean na totoo
Na guivan sa Purgatorio,
Guiraray pig-aaguihan
An nagdapit pagcagadan
Na namurawayan na gayo
Macacamhan asin daing catapusan na Dios Cagurangnan asin kaalingan nin mga Profetas, ibugtac mo sa
saindang mga kalag an dalisay asin banal na pagtubod asin ipinahayag mo sa sainda an mga hilom na
kasoripotan can saimong pagcamacacamhan, tanganing ipatalastas sa kinaban ang saimong kabotan asin
an casagwean can samong mga camalean, idinodolot niamo an saindang mga caogdan orog na ngani an
saimong dayapot na catood asin mamurawayan niamong pintacasi. San Nicolas de Tolentino, na
pinagkaogdan mo nin bagsic sa pagpa-omay nin daing cabilagnan ng mga naghehelang. Asin sa saimo,
santong mamurawayon, cami nagngangayo-ngayo na saimo caming tabangan sag abos na aldaw nin
samuyang buhay; alagad orog na ngani sa laog caining Novena; asin iabot mo cami can mga caranayan
asin mga balaog na samong hinahangad asin minamawot, cun bago igo sa orog na camurawayan nin
Dios, sa saimong caomawan asin sa carahayan nin Samuyang calag, Awot pa.
Sarong Minatubod, Tolong Ama Niamo asin tolong TaraKagurangnan Maria asin Pag-omawon. Pamibi
sa aroaldaw (Buklit 3) Gozos.
ICATLONG ALDAW
PAMIBI
Mapangyari asing daing casagcoran na Dios asin Cagurangnan Niamo. Burabod nin Cadonongan na
ininoman can mga Apostoles can mga catotoohan na saindang ipinaghulit sa kinaban, ibinalangibog sa
ngaran mo sa cabuhayan can samong mga calag, idinodolot niamo saimo an mga caogdan can mga
Principeng ine, siring man an sa saimong dayupot asin mamomoton na caugay nin boot, si San Nicolas
de Tolentino, huli sa saiyang mga mabansay nag gawe gawe, nagwarac nin macuring bangraw sa kinaban
baga sarong bagong tala sa langit can Santa Iglesia. Nangangayongayo cami saimo na, huli can mga
kaogdan can mamorawayon na ining Santo, magkanigo caming magcamit cadonongan sa pacanoltol sa
dalan pasiring sa langit. Siring man hinahagad niamo sa saimong pagcamaheheracon na macaarog logod
cami sa mamurawayan na ining pintacasi niamo. Asin ika, mapalad na gayong parasarong, saimo kaming
tabangi sa gabos na aldaw nin samuyang buhay; alagad orog na ngani sa laog kaining Novena, asin iabot
mo cami can mga carahayan asin mga balaog na samong hinahangad asin minamawot, cun magcacanigo
sa orog na kamurawayan nin Dios, sa saimong caomawan asin sa carahayan can samuyang calag, Awot
pa.
Sarong Minatubod, Tolong Ama Niamo asin tolong Tara Kagurangnan Maria asin Pag-omawon. Pamibi
sa Aroaldaw (Buklit 3) Gozos.
ICAAPAT NA ALDAW
PAMIBI
Orog cadacula asin Cagurangnan niamong , ilaw na masagana nagtao nin liwanag sa mga Santos
Evangelistas, na ibinugtac mong ontocan can Espiritu Santo, idinoldol niamo saimo an mga kaogdan
caining Evangelista, ni ibinugtac mong onlocan can Espiritu Santo, idinoldol niamo saimo ang mga
kaogdan caining mga Evangelistang langitnon, siring man an sa mamomoton mong katood, si San Nicolas
de Tolentino, na tiniponan mo can saimong mga carahayan. Nagngangayo ngayo cami mamomotan na
Paratubos niamo na tugotan mo kaming macapa-ili sa saimong mga mahal na lugad, na iyo an
ikakatoninong nin tawong makasalanan, na ngunian nasa limpoy can capangyarihan can demonio, asin
ica mamurawayon na San Nicolas de Tolentino, saimo caming tabangi sa gabos na aldaw nin samuyang
buhay; alagad orog na ngani sa laog caining Novena, asin iabot mo cami can mga carahayan asin mga
balaog na samong hinahangad asin minawot, cun magcacanigo sa orog na camurawayan nin Dios, sa
saimong caomawan asin sa carahayan nin samuyang kalag. Awot pa.
Sarong Minatubod, Tolong Ama Niamo asin tolong TaraKagurangnan Maria asin Pag-omawon. Pamibi
sa aroaldaw (Buklit 3) Gozos.
Madia, Espiritu Santo, panoa an mga puso nin saimong mga binoniagan asin papaglaada sainda an
calayo nin saimong pagcamoot.
V. Padarahan an saimong Espiritu asin malalalang sinda. R. Asin babagohon mo an ibabaw kan kinaban.
MAMIBI KITA
O Dios, na huli sa liwanag can Espiritu Santo, tinocdoan mo an mga puso nin mga binoniagan; magdalita
nganing itogot mo samuya na huli sa liwanag can Espiritu mansanang iyan, mapano cami ning totoong
cadonongan asin magcamit caming dayaday cansaimong pagranga. Huli ki Cristo na Cagurangnan niamo.
Awot pa.
Dios ko, minatubod aco saimo; parigona an sacong pagtubod. Nasa saimo an sacong mga pagsarig
gabos; pangatigui an mga iyan. Namomotan co ica; tocdoi aco na camotan ta ika sa gabos na aldow.
Dios ko, ikinahohoras conin odoc sa puso an sacong mga pagkasala saimo, asin ikinaoogis cong gayo an
sacong mga casalan gabos, uli ta ikinamondo mo nin macuri ang sakong pagcawara can camurawayan,
asin sacong ikinangingirhat an daing catapusan asin maagabaab na calayo sa infierno. Alagad, orog man
na ngani ta an mga iyan sarong mapangahas na pagsumbical saimo. Dios co na lubos na carahayang asin
iyo sanang gayong canigonigo can sacuyang pagkamoot. Pinagsosolsolan ko nin odoc sa puso an sacong
mga pagcasala saimo, asin naghoholaw ako nin totoong pagholaw na, huli sa tabang can saimong mahal
na gracia, ipagcucumpisal ko an sacong mga kasalanan gabos sadang ta dakula, magguibo nin rogaring
na pagpasakit sa hawac, asin mabacle nin pagcabuhay. Awot pa.
ENOT NA ALDAW
PAMIBI
Macacamhan, halangcawon asin daring katapusan na Dios, Caglalang asin Cagrogaring can gabos na mga
dai tibaad, na nakikita asin dai nakikita. Dios ni Abraham. Ni Isaac asin ni Jacob, na guinibo maguin
camagurangan nin pagtubod, idinodolot niamo saimo an gabos na mga kaogdan can mga mamurawayan
na inang Patriarca, asin man an mga cabanalan, tinawan mo nin lubos na cabagsikan sa pagpapaamay,
tinawan mo nin lubos na cabagsikan sa pagpa-omay sa anon a cahelangan; nangangayong cami saimo na
papaglaadon mo an samong mga puso sa pagtubod, pagsarig asin pagcamoot saimo; asin magdalita ka
na itogot mo samuya an mga carahayan na samong hinahangad digdi caining Novena, kin iyan
mapanongod sa saimong orog na camurawayan, sa kaomawan can saimong katood asin paraampon
niamong si San Nicolas, de Tolentino asin sa carahayan nin mga calag niamo. Tinutubod niamo an gabos
na catunayan na pinaghuhuli asin ipinatutubod kan Santa Iglesia huli ta ika an nagpahayag caiyan, na dai
makapagputik asin dai makakapagputik asin dai mapapagputican. Asin ika man, mamurawayan na San
Nicolas de Tolentino, papagkainigoa camo can saimong pagtabang sa gabos na aldaw nin samuyang
buhay alagad urog na ngani sa laog caining Novena; asin iabo mo can samong hinahangad asin
minamawot na mga carahayan asin mga balaog cun baga igo sa orog na camurawayan nin Dios, sa
saimong caomawan asin sa carahayan nin samuyang calag. Awot pa.
Sarong Minatubod, Tolong Ama Niamo asin tolong Tara Kagurangnan Maria asin Pag-omawon,
dangan isonod ining:
PAMI