Noong unang panahon, may isang babaeng mangangalakal na nakipag-isang
dibdib sa isang manlalakbay. Dahil dito,palagi siyang naiiwan ng kaniyang asawa. Makalipas angmatagal na 'di pag-uwi nito, siya ay nalungkot at umibig ng lalaking mas bata sa kaniya. Isang araw,isang lalaki ang nag reklamo laban sa kanyang minamahal, at siya'y ipinakulong.Maya-maya paay pumunta siya sa hepe ng pulisya at nagmamakaawa na pakawalan ang lalaki. Narinig siya ng isang pulis at napaibig sa kaniya nang siya'y makita. Sinabihan siya ng pulis na kaya niyang palayain ang lalaki, kung susundin niya ang gusto niyang gawin sa kaniya.Pagkataposnito, lumapit pa siya sa tatlong lalaki, sa cadi, sa vizier, at sa hari.Samantala, lahat ng lalaking ito ay hinihinging kapalit ang katawan ng babae. Kaya naman may planong nagawa ang babae. Pumayag siya sa hinihiling ng mga lalaki at pinapunta sila sa kanyang bahay sa pare-parehong araw at oras.Sumunoday pumunta naman siya sa karpintero upang magpagawa ng isang malaking kabinet. Nagpalagay siya ng apat na compartment na may pintuan, isa para sa bawat lalaki. Pumayag ang karpintero, ngunit katulad ng apat na lalaki, hiningi niyang kapalit ang katawan ng babae. Pumayag ang babae sa kanyang hiling pero pinagawa na niyang lima ang compartment ng kabinet. Pinapunta niya ang karpintero sa kanyang bahay sa parehong araw at oras na binigay niya sa apat na lalaki. Nang siya'y makauwi, naghanda siya ng mga damit, pagkain, inumin, prutas, bulaklak at pabango. Dumating na ang araw na napagkasunduan, at naghihintay ang babae sa kanyang bahay sa pagdating ng mga lalaki.Hindi nagtagal, una nang dumating si cadi. Pinasuot muna siya ng roba at bonnet ng babae, nang biglang may kumatok. Nagtanong ang lalaki kung sino iyon at sinabi ng babaeng asawa niya ito, kaya naman siya ay pinatago sa loob ng kabinet at sinaraduhan ng pinto. Tinignan ng babae kung sino ang kumatok at nakita niya ang pulis. Pinapasok niya ito at pinasuot din ng roba at bonnet. Alinsunod sa kanilang pinag usapan, pinagawa muna niya ng kasulatan ng pagpapalaya ang pulis para sa kanyang iniibig na lalaki. Pagkatapos nito ay may kumatok na naman sa pintuan. Pinatago niya ang pulis sa pangalawang compartment at sinaraduhan. Ganito rin ang ginawa niya noong dumating ang vizier at ang hari. Huli nang dumating ang karpintero. Pagpasok nito, tinanong siya ng babae kung bakit makipot ang loob ng kabinet. Pinapasok niya ang karpintero upang ipakita ang kaniyang sinasabe. Nang pumasok ang karpintero, sinaraduhan niya ito. Nang bandang huli,agaran naman pumunta sa hepe ng pulisya ang babae para palayain ang lalaking iniibig niya. Sa wakas, napalaya na ng babae ang iniibig na lalaki. Sila'y nagpasiyang lumayo sa syudad upang makaiwas sa mga suliranin. Samantala, nanatili sa kabinet ang mga lalaki ng tatlong araw hanggang sa sila'y matagpuan ng ilang tao sa bahay ng babae.