VP Sarah Duterte’s Speech for the Launching

of the Matatag K to 10 Curriculum

Hinigaunon Translation: GERUM O. SALATAN
Head Teacher III
Lanise ES, Division of Misamis Oriental

Voice/Dubbed by: JESSICA S. SIAMAN

Teacher I/ALS Teacher
Claveria Northeast District, Misamis Oriental

Madagway ha aldaw.

Mga bahi daw maama, dinayu ha mga munahu, tinahud ha mga palagnau, kaniw ha kabulig duun ku
pugkinanau, pinalangga ha mga tagkinanau, madagway ha panalahudan ta inyu alan.

Kadagu.

Kadagu diya ta inyu alan ha mig-ila hu panahun, kauyagan, katatau, daw ku kahanas duun hu mga
kayug ku Department of Education ha mapanday sa pinakaayad ha kabag-uhan duun ku pugkinanau
daw mahasa sa katatau hu kaniw ha mga ligsuk.

Sa mga bulig daw panimbang yu laus mahinungdanun duun ku DepEd daw su kandin ha mga kayug
ku kabag-uhan.

Adagi sa kadagu day ha mga taga-DepEd ta huda kay mig-inusara duun hu kanay ha katuyuan.

Sa mga luminabay ha katuigan migpaaha kaniw hu kuna madagway ha ladawan hu katatau daw
kahanas hu mga tagkinanau day duun ku kadakulan ha pugsukud ta nasud daw ku kinatibuk-an.

Iyan hain hinungdan ha nakahiwal su panginsa hu katakus hu K – 10 kurikulum.

Sabuwa duun hu mga natunduk hu kalugun iyan sa bun kadakul ha mga ignau o subjects.

Sa kurikulum nigkinahanglan ha matunlu hu mga magnanau sa tungkay madakul ha mga kanauwan

duun hu atitiyu ha udas hu pugtunlu.

Sa mga palagnau daw tagkinanau nabugatan hu madakul ha hinangunun duma pa hu mga kakayugan
ta nuhanan.

Aman, madaut sa ipiktu duun ku mga tagkinanau labi un gayud su kandin ha katatau ku pugbasa daw
pugkwinta.

Su taina ha kabugatun daw duma hu mga kalugun nig-ila hu kakulangun duun hu pugkinanau.

Aman, ta daw masulbad ta su tauna ha kalugun, kinahanglan ha suli-sulihun taw sa kurrikulum ku k-

10.

Imantu, ugkabaya baya kay igpa-uma inyu sa kapungahan hu kaniw ha pugsuli-suli hu K-10
kurikulum

Tungkay kay nabaybaya ta imantu, laus ta ipahigayun sa K – 10 kurikulum, tagngadanan taw ha

MATATAG curriculum.