Professional Documents
Culture Documents
Resumo Do Imperialismo
Resumo Do Imperialismo
Resumo Do Imperialismo
3. Imperialismo en África
Ata 1870 a preseza europea en África estaba limitaba a factorías costeiras ou pequenos enclaves
coloniais en zonas próximas ao mar. No último terzo do século produciuse unha ocupación total
do territorio.
Francia e Reino Unido foron os que comezaron o proceso colonizador. Francia ocupou Arxelia e
Túnez, e Reino Unido Exipto. Despois, os misioneiros e aventureiros foron penetrando polo resto
do continente africano. Ante as rivalidades poa ocupación do Congo (Francia e Bélxica) e África
central (comerciantes alemáns), o canciller alemán Bismarck impulsou a Conferencia de Berlín
(1884-1885), na que se adoptaron unha serie de acordos que van regular a ocupación de África.
Entre estas medidas podemos destacar:o recoñecemento do “Estado Libre do Congo” como unha
colonia a título persoal do rei de Bélxica ou o principio de ocupación efectiva (ocupación de
verdade de un territorio para consideralo propio).
A finais do XIX Italia tamén se apoderou de Somalia e Eritrea e fracasou en Etiopía. Alemaña
estableceu colonias na costa (Camerún).
Pero a Conferencia de Berlín non evitou graves problemas internacionais polo reparto de África
como:
- a crise de Fachoda, pola rivalidad entre Reino Unido e Francia, ao chocar na expansión de
norte a sur e oeste a este, respectivamente.
- a rivalidad entre os boers (colonos holandeses ou alemáns) e británicos polo control da
África austral.
- a crise marroquí, coa oposición dos alemáns a que potencias como Francia controlasen
ese territorio.
4. Imperialismo en Asia
- Imperio ruso
A construción do ferrocarril transiberiano impulsou a presenza rusa cara a costa pacífica
(Vladivostok).
Ademais, avanzou cara o sur chocando cos intereses británicos (Afganistán).
Chocou con Xapón polo control de Manchuria (foi derrotado na guerra ruso-xaponesa de
1904-1905).
- Imperio británico
A Compañía Inglesa das Indias Orientais xa tiña presenza desde o século XVIII na India,
e co apoio do goberno británico foi ocupando o territorio, cun exército de soldados indios
(sipaios). Non obstante, os sipaios rebeláronse polo desprezo dos oficiais británicos e
tamén por motivos relixiosos. O goberno británico reorganizou a administración da
colonia, pasando a depender directamente da Coroa, sendo gobernada por un virrei.
También se expadirá por Birmania, Malasia e o Pacífico (Oceanía).
- Outros imperios
Francia destacou en Indochina; os alemáns e holandeses nas illas do Pacífico.
- O caso de China
China foi obxectivo de todas as potencias. Logo das “Guerras do Opio” (imperio chinés
contra os británicos e máis tarde tamén Francia), as potencias van obter resultados
favorables (cesión de Hong Kong a Reino Unido, dereitos a comerciantes estranxeiros).
Coa constante penetración das potencias occidentais, comezou a ruína dos comerciantes e
artesáns autóctonos e alteruse a orde social e política. De feito, terá lugar a revolta dos
bóxers (movemento ultranacionalista radical) e a situación pasou a ser moi inestable.
5. Imperialismo xaponés e estadounidense
- Xapón
O Xapón Meixi iniciou unha política expansionista (motivos demográficos, económicos e
nacionalistas coa idea dun “Gran Xapón”). O seu avance vaise producir polas islas do
Pacífico, a Península de Corea e Manchuria.
- Estados Unidos
Considerábanse un pobo superior e a través da doctrina Monroe interpretábase que todo o
continente americano era a súa área de influencia. Máis tarde, coa política do “gran
garrote” (bigstick) defendíase o dereito de Estados Unidos a intervir nos asuntos internos
das repúblicas hispanoamericanas.
Ademais, encargáronse de obter un dominio estratéxico do mar, controlando importantes
bases navais e desenvolvendo unha frota de guerra.
Destacaron as intervencións na guerra que mantiña España coas súas últimas colonias
(Cuba, Porto Rico e Filipinas) ou en Hawai, e Panamá...
6. Consecuencias do imperialismo
- A explotación económica
Os europeos practicaron a economía da pillaxe, é dicir, explotaron co menor custo posible uns
inmensos territorios con abundantes recursos naturais. En moitos casos obtiveron grandes
cantidades de terras para dedicalas a plantacións.
Obrigaron aos indíxenas a traballos forzados e arruinaron as actividades artesanais o que levou a
aumentar a miseria da población sometida.
Aínda que as potencias impulsaron avances como o ferrocarril ou liñas telegráficas nas colonias,
eran para o seu propio interese, para mellorar as comunicacións nos seus negocios.
Ademais, as metrópoles impuxeron as súas moedas e sistemas fiscais...
O impacto social e político
Ao apropiarse das terras desprazaron pola forza aos indíxenas. Tamén se encerraron indígenas en
reservas ou foron masacrados sistemáticamente (Nova Zelanda, Australia). Estas fronteiras
artificiais tamén deron lugar a innumerables conflitos políticos, sociais e étnicos que persisten
hoxe en día.
Ademais houbo un gran impacto nas mentalidades, dando lugar a un fenómeno de aculturación.
Por otra parte, tras a colonización vanse ir difundindo entre as elites da población indíxena as
ideas liberais ou socialistas, que xeraron un crecente nacionalismo, aspirando á independencia.