SAINT AUGUSTINE PARISH

The AUGUSTINIAN FRIARS

Cogon-San Ignacio, Gubat, Sorsogon
sanagustingubat@gmail.com
09291549138 or 09456576058

Basic Prayers
Pangurus:
Sa ngaran nin Dios Ama asin nin Dios Aki pati nin Dios
Espiritu Santo. Amen.
Gawe nin Pagsolsol
Dios ko nagsosolsol ako kan gabos kong mga kasalan
asin dai na magkakasala liwat huli ta mamurawayon ka
asin namomot-an taka.
Nagtutubod ako (Apostles Creed)
Nagtutubod ako sa Dios Amang makakamhan,
Kaglalang kan langit asin daga, asin ki Jesu-Cristo,
Aking Bogtong Niya, Kagurangnan ta, ipinangidam huli
kan Espiritu Santo, namundag ki Virgen Maria,
pinasakitan kan panahon ni Pontio Pilato, ipinako sa
krus, nagadan, asin ilinubong, huminilig sa mga gadan,
kan ikatolong aldaw nabuhay liwat hale sa mga gadan,
suminakat sa kalangitan, nagtutukaw sa too kan Dios
Amang makakamhan, hale duman mabalik sa
paghukom sa mga buhay asin mga gadan.
Nagtutubod ako sa Espiritu Santo, sa banal na
Simbahan na Catolico, sa paropakinabang nin mga
Santos, sa pagpatawad nin mga kasalan, sa
pagkabuhay liwat nin laman, asin sa buhay na daing
kasagkoran. Amen.
Ama Niamo
Ama niamo na yaon sa langit
pabanalon an ngaran mo,
mapasamuya an kahadean mo;
mangyari an boot mo
sa daga nin siring sa langit.
An samong kakanon sa aroaldaw itao
mo samuya ngonian,
asin patawadon mo kami
sa samong mga kasalan,
siring na pinapatawad niamo
an mga nagkakasala samuya;
asin hare kami pagdara sa sugot
kundi agawa kami sa maraot. Amen.

Ave Maria
Ave Maria, pano nin grasya, an Kagurangnan yaon
saimo, paladan ka sa kababaihan, asin paladan an
bunga kan saimong poponan, si Jesus. Santa Maria,
Ina kan Dios, ipamibi mo kaming mga parakasala,
ngunyan asin sa oras kan samuyang kagadanan.
Amen.

Kamurawayan (Glory Be)

Kamurawayan sa Ama, asin sa Aki, asin sa Espiritu
Santo, siring sa kapinonan asin ngunyan, magdanay
man, asin sa kapanahonan kan mga panahon. Amen.