LAWS OF CARROM

Approved by the International Carrom Federation

&
Adopted by the All India Carrom Federation
I. Standard Equipment
Standard Equipments tih hian a hnuaia mi hi a kawkin a huam tel bawk ang:
A. Carrom Board
B. Carrommen
C. Striker
D. Stand or Table
E. Stool or Chair
F. Powder
G. Nets
H. Light
A. CARROM BOARD

A.1. Playing Surface

Carrom Board chhuat (playing surface) hi plywood emaw thing dang engpawh ni se mam
rual tak, a chhah zawng 8 mm aia pan lo a ni tur a ni a, a dung leh vang in chenin, a seizawng hi a
tlem berah 73.50 cm, a tam berah 74 cm a ni tur a ni. Striker 15 gms a ritin, a na thei ang bera pen
dan dik pangngaia penin, baseline khat atanga lehlam zawnga penin vawi thum leh a chanve tal a
khawk let thei tur a ni.

1|Page
A.2. Frames
Carrom Board chhuat (playing surface) chu Rosewood emaw thing chang thain a hual
chhuak vek ang a, a chhunglam kil chu a kual raih tur a ni a. A hualtu thing (frame) chhah zawng
chu a tlem berah 1.90 cm niin a tam berah 2.54 cm a ni tur a ni. Frame hlai zawng chu 6.35 cm aia
tlem lo, 7.60 cm aia tam lo tur a ni. Carrom chhuat (playing surface) hnuai hi uluk taka thingdang
hmanga cher ngheh (bracing)-a, a frame nen kilh ngheh thlap tur a ni.

A.3. Pockets
Carrom Board kil pali-a kua (pocket) te chu a chhung lamah chauh a kual tur a ni a, a
laihawla tehin 4.45 cm a sei tur a ni a, hemi aia 0.15 cm aia tam emaw tlem emaw chu pawm theih
a ni. Frame kil inzawmna lai tak, a pocket zawna carrom chhuat chu tan tur a ni.

A.4. Base Lines

a) A chhuat (playing surface) sir paliah, a bang (frame) nen parallel-in line dum pahnih, 47 cm
(0.30 cm a sei emaw tawi emaw chu a pawm theih) a sei ve ve a awm tur a ni. Heng line pahnih
zinga a hnuai zawk (bang hnaih zawk) chu a chhah zawng 0.50 cm leh 0.65 cm inkar a ni ang
a, a bang atanga 10.15 cm a hlaah a awm tur a ni a, a line chung zawk hi base line hnuai zawk
atanga 3.18 cm a hlaah chiah a awm thung ang.
b) Base line te chu a sir tawpah ve ve, circle a lai teh tlanga 3.18 cm-a lian hmanga khuap tur a ni.
He circle chhungah hian, circle dang a lai teh tlanga 2.54 cm-a lian, a chhung rawng sena chei
siam leh tur a ni. Heng circle te hi ‘Base Circles’ tia koh tur a ni. He base circle pawn zawk leh
base line pahnih te hi ngaihruata mawi taka inzawmin an lang tur a ni a,base circle pahnih te
inkar hi 1.27 cm bawr vel a ni tur a ni.

2|Page
A.5. Arrows
Carrom Board kil tinah, a bang hnaih ber pahnih atanga 45 degree-in arrow dum pali, a line
chhah zawng 0.15 cm, base circles pahnih inkar lai takah, a kil pocket lam hawi zawngin a awm
tur a ni a. A pocket tlang atanga arrow hlat zawng hi 5.00 cm tal a ni tur a ni a, arrow hi 26.70 cm
aia sei a ni tur a ni lo. Arrow intanna lamah hian, a chei mawina tur arch, a lai tehtlanga 6.35 cm-
a lian, a tawp pahniha fei kawh (pointer) awm hi dah phal a ni.

A.6. Centre Circle

Carrom Board lai takah hian circle, a lai teh tlanga 3.18 cm- a lian (0.16 cm a sei emaw
tawi emaw chu a pawm theih) a awm tur a ni a, he circle hi a dum a ni tur a ni. He lai hi ‘Centre
circle’ tia koh tur a ni a, a chhung hi rawng sen a chei tur a ni.

A.7. Outer Circle

Carrom Board lai tak center a hmangin, circle a lai tehtlanga 17.00 cm-a lian (0.30 cm a
sei emaw tawi emaw chu a pawm theih), a rawng dum hmanga siam tur a ni. Hei hi ‘Outer Circle’
tia koh a ni ang. He circle chhungah hian a cheimawina design eng pawh dah phal a ni.

B. CARROMMEN
Inkhelhna atana hman tur Carrom lungte hi thing quality tha tak leh a pianzia pawh bial
mawi tak a ni tur a ni. Carrom lung chu a laia tehtlanga 3.18 cm aia lian lo, 3.02 cm aia te lo, a
chhah zawng pawh 0.70 cm aia pan lo leh 0.90 cm aia chhah lo a ni tur a ni. A sirtlang chu tlema
pial deuh (tlang hriam lutuk lo) leh mam tha (design nei lo) a ni tur a ni. Carrom lung pakhat rih

3|Page
zawng chu 5.25 gram aia tlem lo, 5.50 gram aia tam lo tur a ni. Tichuan, Carrom lung var 9, a dum
9 leh a sen pakhat an awm ang a, an inang tlang vek tur a ni. Carrom lungte hi Carrom Board
chhuat (playing surface)-ah striker-in a chhutin mumal takin an tleng thei tur a ni.

C. STRIKER
The Striker shall be smooth and round with a diameter of not more than 4.13 cm and
weighing not more than 15.00 gms. A Striker made of any material other than Ivory and metal,
with the specifications prescribed above, may be used. A Striker, with metal fixed and visible to
the eyes, shall not be allowed. Engraved decent designs on the striker are permissible.
Striker chu mam leh bial mawi tak a ni tur a ni a, a lai tehtlanga 4.13 cm aia lian lo, 15.00
gm aia rit lo a ni tur a ni. Saingho (Ivory) leh thir (metal) tih loh thil dang hmanga siam Striker, a
chunga tarlan anga siam chu hman theih a ni. Striker, a chhunga thir phum (han en a, a thir phum
hmuh mai theih) chu hman phal a ni lovang. Amaherawhchu, striker-ah hian a cheina atana mawi
hnai leh zahawm taka ker chu phal a ni.

D. STAND OR TABLE
Carrom Board khelhna atana a hunna (Stand) emaw dawhkan (Table) chu 63.00 cm aia
hniam lo leh 70.00 cm aia sang lo a ni tur a ni. Carrom Board chu a chunga dah a nih chuan a
rualrem lo emaw, a nghing emaw tur a ni lo. Mahse, Carrom Board leh/ emaw Carrom Board
dahna Stand emaw Table hnuaiah a kamna hmangin, Carrom Board chu a theih ang anga rualrem
leh nghet tha taka siam theih a ni.

4|Page
E. STOOL OR CHAIR
The Stool or Chair on which the player sits for playing shall not be less than 40.00 cm and
not more than 50.00 cm in height. The Chair, if used, shall be armless. Player inkhel turte thutna
Stool emaw Chair emaw chu 40.00 cm aia hniam lo, 50.00 cm aia sang lo a ni tur a ni. Chair, hman
a nih chuan vawnchhan nei lo a ni tur a ni.

F. POWDER
Carrom board chhuat a ro a a nal that theihna turin powder hman tur chu quality tha tak a ni tur a
ni a, powder chu a hnawng tur a ni lo. Powder dahna bawm/bur hmangin carrom board-ah rual thei
anga powder phul thin tur a ni.

5|Page
G. NETS
Pocket zawng zawng te hi hnuailam atangin net in a khuhkim vek tur a ni a, Net pakhat zelah
carrom lung 10 tal a leng tur a ni.

G. LIGHT
Light hi Carrom Board chungah, a khaina remchang (thir hmanga siam hi duhthusam a ni)
hmanga khai a niha, carromboard tlang zawng zawng nen a en kim tura, a remchan dan anga khai
tur a ni a, a khaina chhunglam atan rawng var hi duhthusam a ni. Bulb (a rawng var lam chi ni thei
se) kan hman chu 60 – 100 Watt a ni tur a ni a, light khaina san zawng hi player-ten a mitlawnga
ena bulb an hmuh lohna tura tih danglam an duh chuan thlak danglam an dil thei ang.

II. INTERPRETATION
Heng Dan-ah hian a thupuiin sawi a tum emaw, a thupui emaw nena inmil lo thil a awm
loh chuan a hnuaia thumal pekte hian a hnuaia hrilhfiahnate hi a kawk ang:
1. ‘Dan’ tih hian Carrom-a Dan a kawk ang.
2. a) ‘Proper’ tih hi Dan zawm tihna a ni ang.
b) ‘Improper’ tih hi Dan kalh tihna a ni ang.
3. ‘C/B’ tih hian Carrom Board a kawk ang
4. ‘C/m’ tih hian Carromman/Carrommen/Carrom lung a kawk ang.

6|Page
5. ‘Board’ tih hian board a tan tawh hnu, Umpire-in ‘Play’ a call hnu atanga player tupawhin C/m
hnuhnung ber a luh zawh thlengin a huam ang.
6. ‘Break’ tih hian board khata stroke hmasa ber (board intanna tura chhut) a kawk ang.
7. ‘Finish’ tih hian board zawh a kawk ang.
8. ‘Player’ tih hian Carrom player a kawk ang.
9. ‘Placing’ tih hian Dan angin a phalsak player-in penalty leh/emaw due C/m chu outer circle
chhunga playing surface-a flat position-in a dah tihna a ni. Queen leh/emaw c/m zuang chhuak chu
Dan angin Umpire chauhin Center Circle-ah a dah tur a ni.
10. ‘Pocketing’ tih hian C/m leh/emaw Queen chu pen dan dik/dik lo hmangin a kuaah a lut tihna
a ni ang.
11. ‘Push’ tih hian Striker chu kut zungtang hmanga pen lovin, rang taka player kiu chesawn khawp
a Striker pen lova ‘hnawl’ sawina a ni ang.
12. ‘Queen’ tih hian C/m sen a kawk ang.
13. ‘Due’ tih hian Striker, C/m leh/emaw Queen tel/tel lova, a kua-a luh emaw; player-in penalty
a chawi tur leh/emaw c/m a chawi tur la awm zawng zawng chu a huam ang.
14. ‘Penalty’ tih hian Dan bawhchhiatna vanga hremna a kawk ang.
15. ‘Covering (Tlip)’ tih hian player-in Queen a luh hnu chiah emaw Queen a luh rual chiah a ama
C/m pakhat a pen luh nghal sawina a ni ang.
16. ‘Shot’ tih hian pair emaw cannon emaw a kawk ang.
a) ‘Pair’ tih hian C/m pahnih emaw C/m pakhat leh Queen a kaw lam hawia inchhu lut, an inkara
hmunawl awm si a kawk ang.
b) ‘Cannon’ tih hian C/m pahnih emaw C/m pakhat leh Queen a kaw lam hawia inchhu lut, an
inkara hmunawl awm lova insi a kawk ang.
17. ‘Thumbing’ tih hian kutzungpui hmanga sik tihna a ni ang.
18. ‘Turn’ tih hian player thawh hun/pen hun a kawk ang.
19. ‘Chief Referee’ tih hian match zawng zawng tluang taka a kal theihna tur a enkawltu, thununtu
leh thutlukna pe tura ruat official a kawk ang.
20. ‘Umpire’ tih hian match khat enkawl leh/emaw thunun tura ruat official a kawk ang.
21. a) Single-a ‘Khingpui’ tih hian player, tun dinhmuna turn nei lotu zawk tihna a ni ang.
b) Doubles-a ‘Khingpui’ tih hian turn nei mek player veilam leh/emaw dinglama thu player a
kawk ang.

7|Page
22. ‘Hand (Kut)’ tih hian penna kut, kutzungtang hmawr atanga banrek thleng a kawk ang.
23. ‘Finger (Kut zungtang)’ tih hian kut zungtang tin (nail) awmna lam, a hmawr atanga
kutzungtang, a ruhchuktuah pahnihna (second knuckle) thleng a kawk ang.
24. ‘Imaginary Lines’ tih hian Base Circles inkara arrows-te, ngaihruata rintlang zeal line ziah a
kawk ang.
25. ‘Stroke’ tih hian Striker-in direct emaw indirect emawa C/m a pen fuh sawina a ni ang.
26. a) ‘White Slam’ tih hian a chhut darh hnuah a var C/m 9 leh Queen chu dan ang thlapin turn
khatah a kuaah a lut nghal vek tihna a ni ang. ‘Break to Finish’ tiin a sawi theih bawk.
b) ‘Black Slam’ tih hian a chhu lotu zawkin a turn hmasa berah Queen a la awm emaw awm lo
emaw, a dum C/m la awm zawng zawng chu dan ang thlapin a kuaah turn khatah a lut nghal vek
tihna a ni ang.
NOTE: Thumal, thil pakhat chauh sawina hian pahnih leh a aia tam pawh a huam ang a,
mipa sawina thumal hian hmeichhia pawh a huam ang.

III. Sitting Position

27. Single-ah chuan player-te chu a inhmachhawn/ep zawngin an thu ang.
28. Double-ah chuan partner-te chu an inhmachhawn/ep zawngin an thu ang, a sir pali an luah kim
thut tur a ni.
29. Player-in a turn a lo thlenin a pen hmain a thutna chu a duhna takah a dahin a her rem thei ang
a, mahse a pen tawh hnuah erawh chuan a thutna chair emaw stool emaw a chawisawnin emaw a
chawi kang thei tawh lo ang.
30. a) ‘Board’ a kal laklawh laiin player taksa peng pakhat mah, a khelhna ban tih loh chuan C/B
emaw, a dahna (stand) emaw table emaw chu a khawih tur a ni lo.
b) Mahse, player-in a la thawh/pen laiin a thawmhnaw hak emaw, zungbun emaw, ngun emaw,
sana a bun emaw a nih chuan hriatthiam theih a ni a,mahse hengte hian C/B chhuat (playing
surface) khawih tur a ni lo.
31. Mahni thutna san zawng tih danglam emaw siamthatna tur thil eng pawh hman phal a ni a,
mahse board a zawh hnuah chauh phal a ni. Chutianga tih danglam a nih chuan thutna san zawng
chu 50 cm aiin a san belh tur a ni lo.
32. Taksa peng eng pawh, player ‘kut’ tih loh chuan arrow line, ngaihruata rin tlang chu a pel tur
a ni lo.

8|Page
IV. How to Strike
33. Striker chu a pena pen tur a ni a, nawr/hnawl loh tur a ni.
34. Striker hi kut zungtanga pen dawnin chu kut zungtang dang thlawpna nei emaw, puihna tel lo
emaw a pen theih a ni.
35. Penna atan hian kut vei lam emaw ding lam emaw, eng zawk zawk pawh hman theih a ni.
36. Pen lai hian ‘hand (kut)’ in C/B chhuat (playing surface) a khawih phal a ni.
37. a) Pen laiin kiu (elbow) chu C/B chhuat (playing surface) chung/chhungah a lut tur a ni lo va,
arrow pawh a pel tur a ni lo.
b) Penna ‘hand (Kut)’ erawh chuan arrow chu a pel thei thung.
38. a) Player-in a pen laiin C/B dahna (Stand) emaw Table emaw, rinchhan a vawn emaw tlawh
phal a ni lo.
b) Mahse, ama taksa rin chhanin a kut a nghat thei a, a ke chu a thutna chair rinchhanin a tlawh
thiang thung.

V. Toss
39. a) Inkhel tan dawn apiangin Umpire-in toss a nei ang. Toss chu coin emaw C/m emaw hmanga
tih tur a ni a, Player/pair emaw, toss-a chak zawk chuan side emaw, chhut hmasak emaw an thlang
thei ang. Toss a chak zawkin side a thlan chuan Umpire hnenah a hrilh ang a, Umpire chuan chak
lo zawk chu ṭhu hmasa turin a hrilh ang.
b) Doubles-ah chuan toss-a chak zawk pair chuan a chunga kan sawi ang hian a thlang thei ang.
c) Mahse, toss-a chak zawkin chhut hmasak a thlang a nih chuan a chak lo zawkin side a thlang
thei ang a, a chak zawk chu a thu hmasa tur a ni.
d) Toss-a chak lo zawkte an ṭhut tawh chuan thuthlukna thalk theih a ni tawh lova, hetianga thutna
indawt dan ang hian match chhung zawng chu thut tawh tur a ni.

VI. Trial Board

40. Trial Board neih phal a ni lovang.

VII. Break
41. a) Break hmain C/m te chu hetiang hian rem tur a ni: C/m te chu a thal zawnga rem tur a ni a,
Queenin Center Circle chu a luah ang a, C/m dang zawng chu a lungsen hualin a tlar hmasa berah

9|Page
a dum leh var C/m inkar thlak a rem tur a ni. Tlar hnihnaah chuan C/m var pathum, a tlar hmasa
ber a lung var pakhat ringin ‘Y’ shape a siam zel ang. A hmunawl la awmah hian a dum leh var
inkarthlaka rem zel tur a ni. Chutianga C/m rem chu, a bit thei ang ber, lung in si kim thei ang
berin Outer circle chhungah rem tur a ni. Player chuan a kut zungtang emaw striker emaw hmangin
C/m a rem thei ang.
b) Board tin zawhah hun hloh tlem thei ang berin C/m te hi rem that tur a ni.
42. Chhut hmasak thlangtu zawk player-in a chhu darh hmasa tur a ni.
43. A chhu darh hmasatuin a lung var a changin, a chhu lotu zawkin a lung dum a chang ang a,
Queen chu an intawm thung ang.
44. Striker-in C/m zinga pakhat tal chu tlemte pawh a khawih chuan chhut darh (Break) a ngaih
tur a ni.
45. a) Striker-in a chet dan pangngaia C/m a khawih loh emaw, a zuang chhuak emaw a nih chuan
chhu darh (Break) anga ngaih a ni lova. Chutiang a thleng a nih chuan a tam berah chance vawi
hnih dang pek belh a ni ang.
b) Chance phal ang zat pek hnuah C/m a la khawih loh chuan chhut darh (Break) theihna a hloh
ang a, a khingpui-in a pen ve thung ang. A khingpui hian C/m dum tho changin C/m erawh a rem
tha thei lo ang a, a chunga kan sawi tak ang khian chhu darh (Break) an awm hma loh chuan
tihnawn tur a ni.
c) Player pakhatin break a tumnaah, pen dan dik loa a pen emaw emaw, c/m pakhat mah khawih
lova a striker a kuaa a pen luh emaw chuan a turn a hloh ang. Amaherawhchu due/penalty erawh
awm lovang.
46. Umpire-in ‘Play’ a tih atanga 10 second a ral hmain chhut darh (Break) hman ngei tur a ni.
Umpire-in ‘Play’ a tih atang khan play hi a intan nia ngaih a ni ang.
47. Umpire-in ‘Play’ a tih hmaa player-in chhu darh a nih chuan a C/m lut zawng zawng (leh
Queen a luh tel chuan) placing tura phawrh leh vek tur a ni a. Foul puan a ni ang a, player chuan a
turn a hloh ang.

VIII. Turn of Play

48. Player chuan Dan ang thlapa a C/m emaw Queen a luh chhung chuan a turn a la chhunzawm
zel ang. Chutiang a nih loh chuan a khingpui hnenah turn a kal ang.
49. a) i) Game hmasa berah chuan board hmasa ber chhut darh thlangtu chuan C/m var a chang

10 | P a g e
ang. He game chhung zawng hian a chhutu hi a indawta inthlak zel tur a ni.
ii) Game hnihnaah chuan Game khatna, board hmasa ber chhu darh lotu zawkin a chhu darh (break)
ve thung ang.
iii) Game thumnaah chuan Game khatna, board hmasa ber chhu darhtu zawkin a chhu darh (break)
leh ang.
b) Doubles-ah erawh chuan turn chu a turn neitu player dinglama thu player hnenah a kal zel ang.
50. Player chuan C/m emaw Queen emaw striker a chet tawp hnu emaw, striker chu a khingpuiin
a lak sawn hnu emaw, placing atana hun bituk a ral hnu emaw atanga 10 second ral hmain a pe leh
hman tur a ni.
51. Umpire-in a thunun/dan theih hmaa, player-in a pen hun ni lo (out of turn)-a a pen anih chuan,
a pen hma chiaha a C/m (leh Queen a la awm chuan) la awm zawng zawng chhiarin chumi board
chu a hloh ang. A chunga kan sawite hi Umpire emaw, a khingpui emaw ten an hriatchhuah hma
chuan a pen leh thei ang a, hriatchhuah a nih rualin a chunga dan kan sawi anga chinfel tur a ni
ang.

IX. How to Score

52. a) Player-in a C/m zawng zawng a luh vek chuan chu board-ah chuan a chak zawk ang.
b) Point chhiar dan tur chu hetiang hi a ni:
i) Queen: Point 3 (Point 21 thlengin)
ii) C/m : Point 1 zel.
53. a) C/B-a khingpui C/m la bang zat hi board-a player-in point a hmuh zat a ni ang.
b) Board a chak lovin player ten Queen point an chhiar thei loving.
c) Queen chu player in tlip mah se, board-ah a chak loh chuan a pointah belh theih a ni lo.
54. Player-in Queen tlip mah se, point 22 a score hnuah chuan Queen a tlip vangin point 3 a hmu
thei tawh loving.
55. Board khata point hmuh theih sang ber chu 12 a ni. Due emaw penalty C/m eng pawh awm se,
nuai bo a ni ang.
56. a) Game khat hi point 25 emaw board 8 emaw a ni ang. Board 8-na zawh hma/hnua point 25
hmu hmasa emaw, Board 8-a point hmu hnem zawk chu Game a chak zawk a ni ang.
b) Pre-quarter final round thlengin Game tin chu board 8 hmanga chak zawk zawn tur a ni. Board
8-na a zawh hnua score a inang a nih chuan, board khat dang (extra board) hmangin chak zawk

11 | P a g e
zawn tur a ni. Toss hmangin break tur zawn leh tur a ni.
57. Match zawng zawng hi Best of 3 Game hmanga a chak zawk zawn tur a ni.

X. Change of Sides
58. Singles-ah chuan Game a zawh apiangin player-ten an thutna an inthlak ang.
59. Doubles-ah chuan Game a zawh apiangin player-ten a thutna dinglam chiahah an in sawn ang.
60. a) Pre-quarter final thlengin Game thumna a nih tawh chuan thutna hi board 4-na a zawh
chiahin emaw, player/pair tu pawhin point l3 an hmuh hnuah emaw a ni ang.
b) Quarter-Final atang hian player/pair tu pawhin point 13 an hmuh hnuah chauh thutna thlak tur
a ni.
c) Thutna inthlak hun, Umpire emaw player-ten an lo theihnghilh palh a nih chuan an hriatchhuah
hnuah in thlak tur a ni a, amaherawhchu board an pen laklawh lai chu pen zawh phawt tur a ni ang.
61. Player ten thutna inthlaknan minute 2 aia rei an hmang tur a ni lo.

XI. Foul
62. A tlangpuiin, Dan bawhchhiatna emaw, he Dan-in a bik taka sawi emaw, a sawi tum
(hriatthiam dan tlangpui) kalh zawnga thil tih emaw chu, hetiang hian then tur a ni:
A. TECHNICAL FOUL & B. FOUL
A. TECHNICAL FOUL
63. a) Player-in a turn a lo thlen a, a pen hma si a Dan a bawhchhiatna a neih engpawh hi Technical
Foul tih a ni. Technical Foul-ah chuan a tisualtu player zawk C/m pakhat chu a khingpui-in placing
tura la chhuakin a dahna turah dik takin a dah ang a, a pen zui leh thei ang.
b) Mahni turn a nih loh laia player-in Dan a bawhchhiat chuan Technical Foul anga ngaih a ni
bawk ang. Rule 63 (a)-in a sawi angin hremna pek tur a ni.
B. FOUL
64. a) Player-in a turn a lo thlena a pen hmasa ber lai emaw, a hnua emaw Dan a bawhchhiat chu
Foul anga ngaih a ni. Foul-ah chuan a tisualtu player zawk C/m pakhat chu a khingpui-in placing
tura la chhuakin a dahna turah dik takin a dah ang a, a pen zui thei tawh lo vang.
b) C/m emaw Queen emaw luh ruala Foul a awm chuan C/m emaw Queen a luh zawng zawng
bakah a foul-tu lung dang pakhat phawrh telin a khingpui-in a place ang a, a pen zui thei tawh lo
vang.

12 | P a g e
XI. C/m Overboard
65. a) C/m leh/emaw Queen emaw C/B atanga a thlawk chhuak a nih chuan, a thlawk chhuak C/m
leh/emaw Queen chu Umpire-in Center Circle-ah a dah tur a ni. Centre Circle hi a awl kim lo a
nih chuan, a luah hnem theih dan berin sa/lung thlawk chhuak chu dah mai tur a ni.
b) A ruala Queen leh C/m pakhata thlawk chhuak anih chuan, Queen zawk ngai pawimawhin dah
hmasak tur a ni a, C/m chu a thawk lai (turn nei mektu) hlat lamah Queen siin dah tur a ni.
c) A lung var leh dum a ruala a thlawh chhuah chuan, a thawk lai (turn neitu) zawk lung chuan
Center circle ah dah hmasak tur a ni a, C/m dang chu a lung neitu hlat lamah, Rule 65(b) a sawi
angin ahmaah dah tawh lung si chiaha dah leh tur a ni.
d) C/m pahnih aia tam a ruala a thlawk chhuak anih chuan, lung hmasa 2 chu a chunga Rule 65(b)
leh 65(c) a sawi ang khian dah hmasak tur a ni a, a la bang zawng chu, a hma ami C/m 2 sia dah
zelin, in hlat thei ang ber a dah zel tur a ni.
66. a) C/m leh/emaw Queen emaw, an thlawh chhuah tawh hnua C/B chhuat (playing surface)-a a
lo let leh a nih chuan, te chu an zuang chhuak a, playing surface-ah an tla leh a nih chuan C/m
leh/emaw Queen chu Dan ang thlapin Umpire chuan Center Circle-ah a dah ang a, C/m dang tih
chet a nei anih chuan Umpire chuan a ngaiah theih ang angina leh a duh dana ng thlapin a siam tha
ang.
b) Mahse, C/m leh/emaw Queen emaw a thlawha shade, bulb emaw light fittings emaw an sut
hnua C/B chhuat (playing surface)-ah an tla leh a nih chuan dan pangngai anga thlawk/che-ah
ngaih tur a ni a, C/m dang tih chet a nei a nih pawhin siamthat leh tur a ni lo.
XII. C/m Rolling and Overlapping
67.C/m leh/emaw Queen a inchhawng anih chuan a awm ang angin a tih danglam loh tur a ni.
68. C/m leh/emaw Queen pahnih emaw an in delh thuah chuan tih danglam lohvin an awm tur a
ni.
69. a) Striker chu C/m leh/emaw Queen emaw chungah a innghat a nih chuan Umpire-in C/m
leh/emaw Queen ti che lovin Striker chu a la sawn tur a ni. Tihchet palh a awm a nih chuan a theih
anga C/m leh/emaw Queen awmna hmasa angin, Umpire-in a siam ṭha leh ang.
b) Hetiang hi a kaw (pocket) kamah a thlen a, Striker lak sawn zawnga C/m leh/emaw Queen a
kua-a a tlak luh palh chuan pen luh pangngai anga pawm tur a ni.
70. a) C/m leh/emaw Queen te chu striker chungah an innghat a nih chuan, Striker chu Umpire
chuan C/m leh/emaw Queen te chu chawi kangin, a theih ang angin, an awmna hmun ngaiah a dah

13 | P a g e
leh ang.
b) Mahse, hetiang hi a kaw (pocket) kamah a thlen a, C/m leh/emaw Queen lak sawn zawnga
Striker a kua-a a tlak luh palh chuan pen luh anga pawm tur a ni a, C/m a chawi ang.
71. C/m chu a kaw kotlangah tla lut mai theia a awm a, eng emaw vanga a tla lut ta anih chuan,
dan ang thlapa lut a pawm tur a ni.

XIII. Dues and/or Penalties

72. a) Pen dan dik taka player-in a Striker chauh a penlut a nih chuan a turn a hloh ang a, a C/m
pakhat chu a khingpuiin ‘penalty’ anga la chhuakin dan dik takin Outer Circle chhungah a dah
(place) ang. Hetiang Penalty C/m hi ‘Due’ tih a ni.
b) Pen dan dik lo a player-in a Striker chauh a penlut a nih chuan a turn a hloh ang a, a C/m pahnih
chu a khingpuiin ‘penalty’ anga la chhuakin dan dik takin Outer Circle chhungah a dah (place)
ang. Hetiang Penalty C/m hi ‘Due and foul’ tih a ni.
c) A chunga sawilan khi mahni C/m engmah la luh hmaa thleng anih chuan bat tur a ni a, a C/m a
luh veleh lakchhuaha dah (place) tur a ni.
73. Player-in dan dik taka Striker leh ama C/m a pen lut anih chuan, ama C/m a luh zawng zawng
leh a chawi (due) C/m pakhat chu a khingpuiin la chhuakin dan dik takin Outer Circle chhungah a
dah (place) ang a, a pen chhunzawm leh thei ang.
74. Player-in dan dik taka Striker leh a khingpui C/m a pen lut anih chuan, a khingpui C/m a luh
sak chu dan dik thlapa lut anga pawm tur a ni. Rule 72(a)-in a sawi angin Due chu a khingpui
placing tura lak chhuah a ni ang a, a pen chhunzawm thei tawh lo ang.
75. Player-in dan dik taka Striker leh a khingpui C/m leh ama C/m a pen lut anih chuan, ama C/m
a luh zawng zawng leh a chawi (due) C/m pakhat chu a khingpuiin la chhuakin dan dik takin Outer
Circle chhungah a dah (place) ang a, a pen chhunzawm leh thei ang.
76. Player-in dan dik loa a khingpui C/m a pen lut anih chuan, a khingpui C/m a luh sak chu dan
dik thlapa lut anga pawm tur a ni. Penalty C/m pakhat chu a khingpui placing tura lak chhuah a ni
ang a, a pen chhunzawm thei tawh lo ang.
77. a) Player-in dan dik loa ama C/m a pen lut anih chuan, ama C/m a luh zawng zawng leh penalty
C/m pakhat chu a khingpuiin la chhuakin dan dik takin Outer Circle chhungah a dah (place) ang
a, a pen chhunzawm thei tawh lo ang.
b) Player-in dan dik loa striker leh ama C/m a pen lut anih chuan, ama C/m a luh zawng zawng leh

14 | P a g e
ama C/m pahnih, pakhat zawk due atan leh pakhat chu penalty angin, a khingpuiin la chhuakin
dan dik takin Outer Circle chhungah a dah (place) ang a, a pen chhunzawm thei tawh lo ang.
78. a) Due emaw penalty reng reng chu chawi tur a awm veleh/chuan lakchhuah nghal tur a ni a,
mahse C/m emaw striker a la chet lai chuan lakchhuah tur a ni lo.
b) i) Doubles-ah chuan a thawk/pen lai dinglam chiaha thuin placing turin, C/m lakchhuah tur a
awm hunah due/penalty a la chhuak tur a ni.
ii) Mahse, player-in a pen/thawh laia a khingpui C/m (ama C/m a lut tel emaw tel lo emaw) a
luhsak chuan, a thawk/pen lai mekin due/penalty C/m chu placing turin a la chhuak thei ang.
79. a) Due emaw penalty C/m dah tur lung awm mahse dahna tur hmun awl a awm remchang lo
anih chuan, C/m dah tur hmun a awm veleh dah (place) nghal phalsak a ni ang.
b) Doubles-ah erawh chuan Due emaw penalty C/m dah theih laia a dah theih lova a partner hnenah
chance a kal tawh a nih chuan partner chauhvin C/m chu la chhuakin a dah (place) thei ang.
80. Due emaw penalty C/m dahna tur hmun a awm laia, foul a hlauh vanga player-in a dah ngam
lo a nih chuan a khingpui te due emaw penalty C/m chawitirna hun tha chu a chanin a hloh ang.
81. Player-in a thawh/pen laia due emaw penalty C/m dahna tur hmunawl a awm a nih chuan a
dah (place) nghal tur a ni.
82. a) Due emaw penalty C/m dah lai hian player-in ama C/m a dah palh a, umpire emaw a
khingpui emaw-in a dik lo tih an lo tarlan chuan tih dik nghal tur a ni. Dan angin Foul pek nghal
tur a ni ang.
b) Umpire leh a khingpuiten an lo hriat bik lohva pen chunzawm hman tawh a nih erawh chuan, a
dah ang hian dika pawm zui tur a ni.
83. Due emaw penalty C/m pakhat aia tam dah tur a nihin C/m awm zat chu dah hmasak phawt tur
a ni a, phawrh turin a daih loh erawh chuan, a awm veleh dah nghal tur a ni. A awm hnua
phawrh/chawi leh tur Umpire leh khingpuiten an lo hriat loh vanga pen chhunzawm hman a nih
chuan, chawi lung dahtu tur chuan a chanah ngaih tur a ni.
84. a) Outer Circle chhunga dah a nih chuan, due emaw penalty C/m chu a dahtuin vawi khat a
thlah zeuh tawh chuan dah zo tawh a ngaih a ni.
b) Due emaw penalty C/m dah laiin lung dang emaw, Striker emaw vawn/chelh phal a ni lo.
85. Player-in Due emaw penalty C/m chu Outer Circle pawna a dah chuan Outer Circle chhungah
C/m dah tura hriattir tur a ni. A dik lova dahtu chu Foul pek tur a ni.
86. Due emaw penalty C/m a dah laiin player-in C/m dang emaw Queen emaw a tiche tur a ni lo.

15 | P a g e
Chutianga C/m a tihchet chuan chuan Umpire-in a awmdan hmasa ang thei berin a rem tha leh ang
a, Dan angin a tisualtu chu Foul pek tur a ni ang.
87. a) Playerin a duh chuan due emaw penalty C/m pakhat aia tam chu phawrh turin a daih loh a,
a daih hunah a hlawma dah a thlang zawk ani tih Umpire hnenah 10 second ral hmain a hriattir
ang a, hriattir lova engmah chawi lunga dah bawk si lo anih erawh chuan chawi lung dahtu tur
chuan avaiin a chanah ngaih tur a ni.
b) Board zawh tawh hnua point pek belh theih thilah, a diltu duhthlanna angin a vai emaw/a then
emaw pek theih a ni.
88. a) Due emaw penalty C/m chu Umpire-in a sawi atanga second 10 chhungin dah hman ngei
tur a ni.
b) Due emaw penalty C/m hi huntiam chhunga dah fel hman a nih loh chuan, due emaw penalty
dah tawh sa pawh lak kir leh ur a ni a, a bawhpelhtu chungah Foul puan tur a ni.
89. a) Due emaw penalty C/m te hi in chherchhuan zawnga dah phal a ni lo.
b) Due emaw penalty C/m hi Centre Circle chhungah a pumin emaw, a then lai emawah pawh dah
phal a ni lo. Dah a nih chuan dan dika dah tura hriattirin tisualtu chungah Foul puan tur a ni.
90. Doubles-ah chuan player-ten an partner tan penalty emaw Due C/m a lak chhuah sak tur a ni
lo (a dahtu tur a nih loh chuan). Player-in ama lam kuaa C/m phawrh tur zat a hmuh loh chuan
Umpire hnenah C/m rawng leh a mamawh zat hriattirin pe turin a ngen ang.
91. Khelh laiin, eng vang pawha, mahni thawh hunah emaw, lehlam pen hunah emaw pawh ni se,
player-in a thutna a thawhsan chuan chu board chu a hloh anga, a sa la awm zawng zawng (leh a
sen a la awm chuan) chu lehlam tan chhiar tur a ni. Lehlam chuan Point 22 a hmuh tlin tawh chuan
a C/m bang chauh chu a chhiar ang.

16 | P a g e