PPITP/Final Period

PT # 1: PAGBUO NG KONSEPTONG PAPEL

Panuto: Sa pamamagitan ng mga kaalamang ibinahagi sa talakayan, suplayan ang mga hinihinging
impormasyon upang mabuo ang konseptong papel bilang panimulang plano sa gagawing sulating
pananaliksik. Sa dulo ay ilagay ang screen shot ng online/ meeting o convo na nagpapakita ng
kolaborasyon sa pagbuo ng aktibidad. Ang aktibidad ay ipapasa hanggang Abril 4, 2024 LAMANG.

A. PANGKALAHATANG PAKSA AT ISPESIPIKONG SULIRANIN NG PAG-AARAL

Tumutukoy ito sa pangkalahatang paksa na nais palalimin sa pamamagitan ng isa o dalawang tanong o
suliranin na layong sagutin ng inyong pananaliksik.
Halimbawa:
Pangkalahatang Paksa:
Pananaw ng mga Mag-aaral sa Limited Face-to-face Class: Isang Pag-aaral sa Kahandaan ng Mag-aaral
sa Senior High School.
Ispesipikong Suliranin:
1. Ilang bahagdan ng kabuoang populasyon sa SHS ang bakunado na laban sa COVID-19?
2. Ano ang pangkalahatang pananaw ng mga mag-aaral sa SHS sa nalalapit na F2F?
3. Ano-anong salik ang nakakaimpluwensya sa kanilang pananaw?

B. KALIGIRAN AT RASYONAL NG PAG-AARAL Tinutukoy rito ang lugar at panahon kung

kailan isasagawa ang pananaliksik. Maaari na ring tukuyin kung sino ang pinaplanong maging tagasagot
ng pag-aaral. Sinasagot din sa bahaging ito kung bakit magiging mahalaga ang pananaliksik para sa mga
taong kasangkot o sa komunidad. (Sa bahaging ito ay maaari nang magbigay ng mga impormasyong
galing sa mga kaugnay na literature at pag-aaral)

Halimbawa:
Napakalaki ng epekto na idinulot ng pandemya hindi lamang sa kabuhayan ng tao kundi maging sa
sistema ng edukasyon sa bansa. Ang biglaang pagbabago mula sa nakagisnang paraan ng pagkaklase ay
nagdulot ng malaking suliranin hindi lamang sa paaralan kundi lalo na sa mga mag-aaral. Batay sa
framework na inilabas ng UNESCO, UNICEF, WB, WFP, UNHCR, noong June 2020 tungkol sa
pagbubukas ng paaralan, sinasabi na ang matagalang pagtigil sa pagdaraos ng klase sa paaralan ay
nagdulot ng malalang epekto sa pagkatuto ng mag-aaral. Nagiging lantad din ang mga kabataan sa iba’t
ibang uri ng pang-aabusong sekswal sa paraang online at offline, maagang pagbubuntis at pagpapakasal,
karahasan at iba pang kauri nito. Binigyan diin din ng UNESCO ang kakulangan sa paggabay, pakikipag-
ugnayang sosyal at mga estratehiyang pampagkatuto lalong lalo na sa mga mag-aaaral sa elementarya sa
kasalukuyang paraan ng pag-aaral. Ang mga ganitong problema marahil ang dahilan kaya maigting ang
pagnanais ng DepEd na maituloy na ang face-to-classes. Mas maraming nalalaman o natututuhan ang
mga bata sa harap-harapang pag-aaral. Mas madali silang matuto kung nasa paaralan at nakikipagtagisan
sa kapwa mag-aaral.
Naglabas ang DepEd-DOH ng guidelines sa ligtas na pagpapatupad ng F2F class na inaprubahan ni
Pangulong Rodrigo Duterte. ayon kay Education Secretary Leonor Briones. Ayon kay Education
Secretary Leonor Briones, ito’y isasagawa lamang sa mga lugar na may minimal risk ng COVID-19
infection. Ang mga nasabing lugar ay tutukuyin ng Department of Health at DepEd.
Dahil dito, mahalagang malaman ng mga mananaliksik ang pananaw at kahandaan ng mga mag-aaral sa
Senior High School sa ating pamantasan, New Era University-Pampanga, partikular sa nasa ika-11
baitang sa taong pampanuruan 2021-22 tungkol sa nalalapit na pagbabalik sa face-to-face na klase.
Sanggunian: DepEd-DOH Joint Memorandum Circular No. 01, s. 2021

C. LAYUNIN NG PAG-AARAL Sa bahaging ito ilalagay ang mga pangkalahatan at ispesipikong

layunin na nais makamit ng pag-aaral.
Halimbawa:
Layunin ng Pag-aaral:
Ang pananaliksik na ito ay tungkol sa pangkalahatang pananaw at mga salik na nakakaimpluwensya sa
pananaw at kahandaan ng mga mag-aaral sa pagbabalik sa harapang paraan ng pag-aaral (face-to-face
class).
Layunin ng pananaliksik na:
1. Masagot sa pamamagitan ng pananaliksik ay mabigyan ng tugon ang mga suliraning ipinahayag.
2. Makabuo ng isang mahusay sulating pananaliksik.
3. Makapagbigay ng datos na magiging kapaki-pakinabang sa paaralan sa hinaharap na F2F class.

D. INAASAHANG AWTPUT NG PAG-AARAL Nakasaad dito ang inaasahang awtput sa porma at

nilalaman ng pag-aaral. Ang porma ay tumutukoy sa dami ng pahina, pormat at pisikal na kalalabasan ng
pananaliksik habang ang nilalaman ay nagbibigay ng haypotesis at palagay at kalalabasan ng pag-aaral.
Halimbawa:
Bahagi ng inaprubahang guidelines sa ligtas na pagpapatupad ng face-to-face class ang pagtitiyak na may
consent mula sa local government unit at ng DepEd ang pagbabalik-klase ng mga mag-aaral sa kanilang
lugar. Bukod dito, kailangan ding magbigay ng kanilang permiso ang mga magulang / guardians na
pabalikin na ang kanilang mga anak sa paaralan bagaman hindi ito sapilitan. Kaugnay ng mga
impormasyong ito, inaasahang magiging positibo ang pananaw ng mga mag-aaral sa nalalapit na
pagbubukas ng paaralan.
Paalaala sa pagsulat:
1. Sumulat nang malinaw at malinis.
2. Ang lahat ng mga pahina ng isang manuskrito ay may dalawang puwang (double-spaced). NEVER
SINGLE SPACE. Gumamit ng Times New Roman na font style at 12 ang font size. Gumamit lamang ng
short bond paper (8.5x11 in)
3. I-proofread ang iyong isinulat at iwasto ang baybay (spelling), typing, at gramatikal na kamalian.

PAMANTAYAN SA PAGMAMARKA:

BATAYAN NG GRADO KAUKULANG GRADO

PUNTOS
Mahihinuha sa papel ang lalim ng imbestigasyong ginawa sa
15
mungkahing paksa
Napapanahon at kapakipakinabang ang napiling paksa 10
Sistematisado/Organisado at malinaw ang paglalahad ng mga
15
bahagi ng konseptong papel
Nakaangkop ang sulatin sa mga paalala sa pagsulat 10