Professional Documents
Culture Documents
Moon
Moon
पृथ्वीचा उपग्रह
चंद्र पृथ्वीचा एकमात्र नैसर्गिक उपग्रह आहे. चंद्र आकारमानाप्रमाणे सूर्यमालेतील पाचवा मोठा
नैसर्गिक उपग्रह आहे. पृथ्वी व चंद्रामधील अंतर ३,८४,४०० कि.मी. असून, हे अंतर पृथ्वीच्या
व्यासाच्या सुमारे ३० पट आहे. चंद्राचा व्यास हा पृथ्वीच्या व्यासाच्या एक चतुर्थांशाहून थोडासा जास्त
म्हणजे ३,४७६ कि.मी. आहे.[१] याचाच अर्थ असा की चंद्राचे वस्तुमान हे पृथ्वीच्या सुमारे २% आहे
तर चंद्राची गुरुत्वाकर्षण शक्ती ही पृथ्वीच्या गुरुत्वाकर्षण शक्तीच्या सुमारे १७% इतकी आहे. चंद्राला
पृथ्वीभोवती एक प्रदक्षिणा घालण्याकरीता २७.३ दिवसांचा कालावधी लागतो. तसेच चंद्र, सूर्य व
पृथ्वी यांच्यातील भौमितिक स्थानांमुळे दर २९.५ दिवसांनी चंद्राच्या कलांचे एक आवर्तन पूर्ण
होते.चंद्राने बऱ्याच वर्षांपासून पृथ्वीला लघुग्रहांपासून संरक्षण के ले आहे.
हा लेख खगोलशास्त्रातील ग्रहांविषयी आहे याबद्दल आहे. या शब्दाच्या इतर उपयोगांसाठी पाहा, चंद्र (निःसंदिग्धीकरण).
चंद्राच्या कला
चांद्र मास, चांद्र वर्ष चंद्र
नीलचंद्र
जेव्हा एका इंग्रजी महिन्यात दोन पौर्णिमा येतात,
तेव्हा दुसऱ्या पौर्णिमेच्या चंद्राला मास-सीमित
नीलचंद्र (मंथली ब्लू मून) म्हणतात. असा कक्षीय गुणधर्म
नीलचंद्र यापूर्वी ३१ मार्च २०१८ रोजी होता
आणि त्यानंतर ३१ ऑक्टोबर २०२०ला असेल. उपपृथ्वी: ३,६३,१०४
जेव्हा एका त्रैमासिक ऋतूमध्ये तीनच्या जागी कि.मी.
चार पौर्णिमा येतात तेव्हा त्यांच्यापैकी तिसऱ्या
पौर्णिमेच्या चंद्राला ऋतुसीमित
नीलचंद्र(सीझनल ब्लू मून) म्हणतात. २१ मार्च ते
अपपृथ्वी ४,०५,६९६
२१ जून या कालावधीतील सौर वसंत ऋतूत, १८ कि.मी.
मे २०१९ रोजी, वसंत ऋतूंतल्या चार
पौर्णिमांपैकी तिसरी पौर्णिमा होती, त्या
पौर्णिमेच्या चंद्राला नीलचंद्र (ब्लूमून) म्हटले गेले .
यापूर्वीचा (ऋतुसीमित) नीलचंद्र २१ मे २०१६ परिभ्रमण २७.३२१५८२
दिवशी होता, तर यानंतरचा २२ ऑगस्ट २०११ काळ: दिवस
रोजी असेल.
ज्या कॅ लेंडर वर्षात १३ पौर्णिमा असतात, त्यातल्या दुसऱ्या पौर्णिमेला Blue Moon म्हणतात.
चंद्राच्या पृष्ठभागावर उतरणारे पहिले अंतराळयान १९६६ साली सोडलेले लूना ९ होते; नंतरच्या लूना
१०ने चंद्राला सर्वप्रथम प्रदक्षिणा घातल्या.[१] ज्याद्वारे मनुष्याने चंद्रावर पाऊल ठे वले , अशी
अमेरिके ची अपोलो मोहीम ही जगातील आजवरची एकमेव मोहीम आहे
चंद्राचा पृष्ठभाग
पृथ्वीवरून पाहण्याच्या विशिष्ट कोनामुळे चंद्राचा एकू ण ५९% इतका भाग पृथ्वीवरून दिसतो. पण
एकाच ठिकाणाहून जास्तीत जास्त ५०% भागच पाहता येतो.
चंद्राच्या पृथ्वीसन्मुख बाजूपैकी सुमारे ३१% भाग[१] हा मारिया डागांनी व्यापलेला आहे. तर
पृथ्वीविन्मुख बाजूवर फक्त २% एवढाच भाग या डागांनी व्यापलेला आहे.,[२] यामागील शास्त्रीय
कारण म्हणजे चंद्राच्या पृथ्वीसन्मुख बाजूवर असणारे उष्णता निर्माण करणाऱ्या घटकांचे जास्त
प्रमाण होय.[३][४]
चंद्राच्या पृष्ठभागावरील डागांचा भाग सोडला तर इतर भाग हा उंच पर्वतरांगानी व्यापलेला आहे. या
पर्वतरांगा उल्का व धूमके तूंच्या झालेल्या धडकांमुळे तयार झाल्या असाव्यात असे शास्त्रज्ञांना वाटते.
पृथ्वीप्रमाणे अंतर्गत हालचालींमुळे तयार झालेल्या पर्वतरांगा चंद्रावर आढळत नाहीत.
१९९४ साली क्लेमेंटाईन अंतराळयानाने घेतलेल्या चंद्राच्या छायाचित्रांमध्ये असे दिसून आले की
चंद्राच्या उत्तरध्रुवावरील ”पियरी विवराच्या” बाजूने असणाऱ्या चार मोठ्या पर्वतरांगांवर पूर्णवेळ
प्रकाश असतो. चंद्राच्या अक्षातील छोट्याशा कलण्याने (१.५ अंश) या ठिकाणी कायम प्रकाश
असतो. चंद्राच्या दक्षिणध्रुवाजवळ असणाऱ्या काही पर्वतरांगांवर दिवसाच्या ८०% वेळ सूर्यप्रकाश
असतो.
चंद्रावरील विवरे
चंद्राच्या पृष्ठभागावर उल्का तसेच धूमके तूंच्या धडके ने तयार झालेली अनेक विवरे दिसतात. यांतील
जवळजवळ पाच लाख विवरांचा व्यास हा प्रत्येकी एका किलोमीटरपेक्षा जास्त आहे.[५] चंद्रावरील
वातावरणाचा अभाव, तिथले हवामान व इतर खगोलीय घटनांमुळे ही विवरे पृथ्वीवरील विवरांपेक्षा
सुस्थितीत आहेत.
चंद्रावरील सर्वांत मोठे विवर म्हणजे दक्षिण ध्रुवाजवळ असणारे एटके न विवर होय. हे विवर संपूब्रिण
सूर्यमालेतील सर्वांत मोठे ज्ञात विवर आहे. हे विवर चंद्राच्या पृथ्वीविन्मुख बाजूवर असून त्याचा व्यास
सुमारे २,२४९ कि.मी. तर खोली सुमारे १३ कि.मी. आहे.[६] पॄथ्वीकडील बाजूवरील मोठी विवरे
म्हणजे इब्रियम, सेरेनिटटिस, क्रिसियम व नेक्टारिस.
रिगॉलिथ
चंद्राच्या पृष्ठभागावर आढळणारी धूळ म्हणजे रिगॉलिथ. चंद्राच्या पृष्ठभागावर झालेल्या विविध
आघातांमुळे ही धूळ तयार झालेली आहे. ही धूळ चंद्राचा संपूर्ण पृष्ठभाग एखाद्या चादरीप्रमाणे
व्यापते. हिची जाडी मारियामध्ये ३-५ मी. तर इतरत्र १०-२० मी. इतकी आहे.[७]
पाण्याचे अस्तित्व
असे मानले जाते की उल्का व धूमके तू जेव्हा चंद्रावर आदळतात तेव्हा ते त्यांच्यातील पाण्याचा अंश
हा चंद्रावर सोडतात. असे पाणी नंतर सूर्यप्रकाशामुळे विघटित होऊन ऑक्सिजन व हायड्रोजन हे वायू
तयार होतात. चंद्राच्या अतिशय कमी गुरुत्वाकर्षणामुळे हे वायू कालांतराने अवकाशात विलीन
होतात. पण चंद्राचा अक्ष किंचित कललेला असल्याने चंद्राच्या ध्रुवप्रदेशावरील काही विवरे अशी
आहेत की ज्यांच्या तळाशी कधीही सूर्यप्रकाश पोचत नाही. या ठिकाणी पाण्याचे रेणू आढळण्याची
शक्यता शास्त्रज्ञांना वाटते.
क्लेमेंटाईन यानाने चंद्राच्या दक्षिण ध्रुवाजवळील विवरांचा नकाशा बनविला असता[८] संगणकाच्या
साहाय्याने के लेल्या आकडेवारीनुसार सुमारे १४,००० चौरस कि.मी. इतक्या प्रदेशात कधीही
सूर्यप्रकाश पोचत नाही असे अनुमान काढण्यात आलेले आहे.[९] क्लेमेण्टाईन यानावरील रडारच्या
साहाय्याने नोन्दविण्यात आलेल्या निरीक्षणांनुसार चंद्राच्या पृष्ठभागावर असलेल्या बर्फापासून तयार
झालेल्या छोट्या छोट्या भागांचे अनुमान निघते. तसेच स्पेक्ट्रोमीटरने नोन्दविलेल्या निरीक्षणांनुसार
चंद्राच्या ध्रुवीय भागांमध्ये हायड्रोजन वायूचे जास्त प्रमाण असल्याचे दिसून येते.[१०] चंद्रावरील एकू ण
बर्फाचे प्रमाण हे सुमारे एक अब्ज घनमीटर (एक घन कि.मी.) असल्याचे अनुमान शास्त्रज्ञांनी
काढलेले आहे.
हा पाण्याचा बर्फ खणून काढून आण्विक जनित्रे अथवा सौर उर्जेवर चालणाऱ्या विद्युत जनित्रांच्या
साहाय्याने ऑक्सिजन व हायड्रोजनमध्ये रूपांतर करणे शक्य झाल्यास भविष्यात चंद्रावर वसाहती
स्थापन करणे शक्य होईल. कारण पृथ्वीवरून पाण्याची वाहतूक करणे अतिशय किचकट व महागडे
काम आहे. तरीसुद्धा सध्याच्या काही संशोधकांच्या म्हणण्याप्रमाणे क्लेमेन्टाईनच्या रडारमध्ये
दिसणारे बर्फाचे भाग हे बर्फ नसून नवीन विवरांमधून निघालेले खडक असण्याची शक्यता आहे.[११]
त्यामुळेच चंद्रावर नक्की किती प्रमाणात पाणी आहे हा प्रश्न सध्या तरी अनुत्तरितच आहे.
भौतिक संरचना
अंतर्गत रचना
सुमारे ४५ अब्ज वर्षांपूर्वी चंद्र निर्माण होताना लाव्हाच्या वेगवेगळ्या वेळी झालेल्या स्फटिकीकरण
क्रियेमुळे चंद्राचा अंतर्भाग तीन हिश्श्यांमध्ये विभागला गेला आहे.
सर्वांत बाहेरचा भाग (क्रस्ट) हा मुख्यत्वे ऑक्सिजन, सिलिकॉन, मॅग्नेशियम, लोह, कॅ ल्शियम व
ॲल्युमिनियम यांच्या विविध संयुगांमुळे तयार झालेला आहे. या भागाची सरासरी जाडी ही ५०
कि.मी. आहे.[१२]
त्याखालील दुसरा भाग (मँटल) हा काही प्रमाणात वितळलेल्या लाव्हामुळे तयार झालेला असून
यातील काही भाग पृष्ठभागावर आल्यामुळे चंद्रावर मारिया (डाग) तयार झालेले आहेत. या बॅसॉल्ट
खडकांचे पृथ:करण के ले असता, मँटल हे मुख्यत्वे ऑलिविन, आर्थोपायरोक्सिन व
क्लिनोपायरोक्सिन यांपासून तयार झालेले असल्याचे आढळते. तसेच पृथ्वीच्या मॅंटलमध्ये
आढळणाऱ्या लोहापेक्षा चंद्राच्या.?
भौगोलिक संरचना
गुरुत्वाकर्षण क्षेत्र
चंद्राच्या गुरुत्वाकर्षणाचे मोजमाप चंद्राच्या भोवती फिरणाऱ्या अंतराळयानाने प्रक्षेपित के लेल्या
रेडियो तरंगांच्या मोजमापाने करण्यात आलेले आहे. चंद्राच्या गुरुत्वाकर्षणामध्ये एक विशेष बाब
म्हणजे विवरांवर असणारे जास्तीचे गुरुत्वाकर्षण.[१३] या जास्तीच्या गुरुत्वाकर्षणामुळे चंद्राभोवती
फिरणाऱ्या अतराळयानाच्या कक्षेवर बराच परिणाम झालेला आढळतो. त्यामुळेच यापुढील
चांद्रमोहिमांपूर्वी चंद्राच्या गुरुत्वाकर्षणाचा अभ्यास हा महत्त्वाचा ठरणार आहे.[१४]
असे मानण्यात आलेले आहे की चंद्रावर असलेल्या विवरांमध्ये गोठलेला लाव्हा हा त्या विशिष्ट
ठिकाणी जास्तीचे गुरुत्वाकर्षण असण्याला कारणीभूत आहे. पण जास्तीच्या गुरुत्वाकर्षणाचे अस्तित्व
हे फक्त लाव्हाच्या प्रवाहाने होत नसून क्रस्टची जाडी कमी होण्यानेपण दिसून आले आहे. लुनार
प्रोस्पेक्टर गुरुत्वाकर्षण अभ्यासामध्ये काही ठिकाणी विवरे नसतानासुद्धा जास्तीचे गुरुत्वाकर्षण
आढळून आले आहे.[१५]
चुंबकीय क्षेत्र
चंद्राचे बाह्य चुबकीय क्षेत्र हे सुमारे १ ते १०० नॅनोटेस्ला इतक्या ताकदीचे आहे. हे पृथ्वीच्या चुंबकीय
क्षेत्रच्या सुमारे १०० पटीनी कमी ताकदवर आहे. दुसरा महत्त्वाचा मुद्दा म्हणजे पृथ्वीप्रमाणे चंद्र हा
दोन ध्रुवांचा चुंबक नाही, तर जे काही चुंबकीय क्षेत्र तयार झालेले आहे ते पूर्णतः क्रस्टमध्ये असणाऱ्या
घटकांमुळे तयार झालेले आहे.[१६] शास्त्रज्ञांचे असे अनुमान आहे की चंद्रावर येऊन धडकलेल्या उल्का
तसेच धूमके तूंमुळे हे चुंबकीय क्षेत्र तयार झाले असावे कारण विवरांजवळ हे क्षेत्र जास्त प्रभावी
आहे.[१७]
वातावरण
चंद्रावर अतिशय विरळ वातावरण आहे. चंद्रावर असलेल्या वातावरणाचे एकू ण घनमान फक्त १०४
कि.ग्रॅ. आहे.[१८] चंद्रावर असणाऱ्या वातावरणाचे प्रमुख स्रोत म्हणजे एक - क्रस्ट आणि मॅँटलमध्ये
होणाऱ्या प्रक्रियांमुळे रेडॉन सारख्या वायूंचे उत्सर्जन. दुसरे म्हणजे छोट्या उल्का, सौरवात तसेच
सूर्यप्रकाशामुळे होणारे विविध पदार्थांचे विघटन. आत्तापर्यंत के ल्या गेलेल्या विविध चाचण्यांमधून
विविध प्रकारे चद्राचे वातावरण हे मुख्यत: सोडियम, पोटॅशियम, रेडॉन, पोलोनियम, आरगॉन, हेलियम,
ऑक्सिजन तसेच मिथेन, नायट्रोजन, कार्बन मोनोक्साईड व कार्बन डायाक्साईड या वायूंचे बनले
असल्याचे सिद्ध झाले आहे.[१९]
पृष्ठभागावरील तापमान
चंद्रावरचे दिवसाचे सरासरी तापमान हे १०७ अंश सेल्शियस तर रात्रीचे सरासरी तापमान हे उणे १५३
अंश सेल्शियस असते.[२०]
उत्पत्ती
राक्षसी धडके च्या वेळी तयार झालेल्या अति उष्णतेमुळे असे मानण्यात येते की चंद्राचा बराचसा भाग
हा सुरुवातीला वितळलेल्या अवस्थेत होता. हा विरघळलेला बाह्य पृष्ठभाग जवळ जवळ ५०० कि.मी.
ते चंद्राच्या गाभ्यापर्यंत खोल होता.[३] यालाच लाव्हाचा समुद्र असे म्हणले जाते.
हा समुद्र जेव्हा थंड होऊन गोठू लागला, तेव्हा वेगवेगळ्या प्रकारे झालेल्या स्फटिकीकरणामुळे क्रस्ट
व मॅँटल वेगवेगळे तयार झाले .[३] यातील कमी घनतेचे पदार्थ पृष्ठभागावर जमा झाले तर जास्त
घनतेचे पदार्थ चंद्राच्या गाभ्यामध्ये (कोअर) जमा झाले .
चंद्रावरील खडक
चंद्रावर मुख्यत्वे दोन प्रकारचे खडक आढळतात. पर्वतरांगांमध्ये सापडणारे अनॉर्थाईट युक्त खडक व
मारिया मध्ये सापडणारे बॅसॉल्ट खडक.[२६][२७] पृथ्वीवरील बॅसाल्ट खडक व चंद्रावरील बॅसॉल्ट
खडक यातील मुख्य फरक म्हणजे चंद्रावरील खडकांमध्ये आढळणारे जास्तीचे लोहाचे प्रमाण.[२८][२९]
चंद्रावर गेलेल्या अंतराळवीरांनी चंद्रारावरील धुळीचे वर्णन बर्फासारखी मऊ व बंदुकीच्या दारूसारखा
वास असणारी असे के ले आहे.[३०] ही धूळ मुख्यत: चंद्रावर धडकलेल्या उल्का व धूमके तूंमुळे तयार
झालेली आहे. या धुळीमध्ये मुख्य घटक म्हणजे सिलिकॉन डायॉक्साईड (SiO2) हा आहे. तसेच
तीमध्ये कॅ ल्शियम व मॅग्नेशियमसुद्धा आढळले .
चंद्र पृथ्वीभोवतीची एक प्रदक्षिणा सुमारे २७.३ दिवसात पूर्ण करतो. पण पृथ्वीसुद्धा सूर्याभोवती
फिरत असल्यामुळे पृथ्वीच्या आकाशात त्याच ठिकाणी यायला चंद्राला जवळजवळ २९.५ दिवस
लागतात.[१] इतर ग्रहांचे उपग्रह त्या त्या ग्रहांच्या विषुववृत्तावरून फिरतात. पण चंद्रर मात्र थोडासा
तिरका फिरतो. चंद्र हा ग्रहाच्या प्रमाणात बघितल्यास सूर्यमालेतील सर्वांत मोठा नैसर्गिक उपग्रह आहे.
याचमुळे मराठीत कोणत्याही नैसर्गिक उपग्रहाला चंद्र हाच शब्द वापरतात. उदा. मंगळाला दोन चंद्र
आहेत.
चंद्राच्या गुरुत्वाकर्षणामुळेच पृथ्वीवर भरती - ओहोटीचे चक्र चालू असते. समुद्रान्तर्गत होणाऱ्या या
घडामोडींमुळे चंद्र व पृथ्वी यांच्यातील सरासरी अंतर दरवर्षी ३.८ सेंटिमीटर या प्रमाणात वाढते
आहे.[३१] कोनीय बलामुळे तसेच या वाढणाऱ्या अंतरामुळे पृथ्वीची स्वतःभोवती फिरण्याची गती
०.००२ सेकं द प्रति दिवस प्रति शतक या प्रमाणात कमी होत आहे.[३२]
चंद्र व पृथ्वी यांच्या जोडीला बरेच जण जोडग्रह मानतात. या मानण्याला चंद्राचा पृथ्वीच्या प्रमाणात
असलेला आकार कारणीभूत आहे. चंद्राचा व्यास पृथ्वीच्या व्यासाच्या एक चतुर्थांश आहे व त्याचे
वस्तुमान पृथ्वीच्या १/८१ पट आहे. तरीसुद्धा काहीजण ही बाब मानत नाहीत कारण चंद्राचा पृष्ठभाग
हा पृथ्वीच्या एक दशांशापेक्षा कमी आहे.
१९९७ मध्ये ३७५३ क्रु ईथने (Cruithne) नावाचा एक लघुग्रह सापडला. या लघुग्रहाची कक्षा ही
पृथ्वीच्या भोवती घोड्याच्या नालाच्या आकारातील होती. तरीसुद्धा खगोलशास्त्रज्ञ या लघुग्रहाला
पृथ्वीचा दुसरा चंद्र मानत नाहीत कारण या लघुग्रहाची कक्षा स्थिर नाही.[३३] या लघुग्रहाप्रमाणेच
फिरणारे (५४५०९) २००० पीएच ५, (८५७७०) १९९८ यूपी१ व २००२ एए२९ हे तीन लघुग्रह
आजपर्यंत शोधण्यात आलेले आहेत.[३४]
चंद्र व पृथ्वी यांचे आकार व त्यांमधील अंतर हे प्रकाशाच्या वेगाच्या हिशोबात इथे दाखविलेले आहे. पृथ्वी व चंद्र यांच्यातील सरासरी
अंतर कापायला प्रकाशाला १.२५५ सेकं द लागतात तर सूर्य व पृथ्वी यांच्यातील सरासरी अंतर कापण्यास प्रकाशाला ८.२८ मिनिटे
लागतात.
भरती व ओहोटी
पृथ्वीवरील समुद्रांमध्ये होणारे भरती - ओहोटीचे चक्र हे चंद्राच्या गुरुत्वाकर्षणामुळे होते. चंद्राच्या
गुरुत्वाकर्षणामुळे पृथ्वीच्या चंद्राडील बाजूवरील पाणी हे इतर भागांपेक्षा चंद्राकडे जास्त ओढले जाते.
पृथ्वीच्या फिरण्यामुळे हे पाणी किनाऱ्यावर येते. एका ठिकाणी भरती आलेली असताना पृथ्वीच्या
चंद्राविरुद्ध बाजूवर ओहोटी आलेली असते.
भरती - ओहोटीच्या चक्राचा चंद्राच्या कक्षेवर सूक्ष्मसा परिणाम होतो. या चक्राच्या परिणामाने चंद्र
हळूहळू पृथ्वीपासून दूर जात आहे. ही गती वर्षाला ३.८ सेमी इतकी सूक्ष्म आहे.[३१] जोपर्यन्त चंद्राच्या
गुरुत्वाकर्षणाचा प्रभाव पृथ्वीवरील समुद्रांवर होत राहील तोपर्यंत चंद्र पृथ्वीपासून दूर जात राहील.
त्यानन्तर चंद्राची कक्षा स्थिर होईल.
ग्रहणे
[[चित्र:Solar_eclipse_1999_4_NR.jpg|thumb|right|१९९९ साली दिसलेले
खग्रास सूर्यग्रहण
[[चित्र:LunarEclipse20070303CRH.JPG|thumb|मार्च ३ २००७ रोजी दिसलेले चंद्रग्रहण]]
जेव्हा चंद्र, पृथ्वी व सूर्य एका रेषेत येतात, तेव्हा एकाची छाया दुसऱ्यावर पडते. यालाच ग्रहण असे
म्हणतात. सूर्यग्रहण अमावास्येच्या आसपास होते जेव्हा चंद्र, पृथ्वी व सूर्याच्या मध्ये येतो. याउलट
चंद्रग्रहण पौर्णिमेच्या आसपास होते जेव्हा पृथ्वी, चंद्र व सूर्य यांच्यामध्ये येते. चंद्राची कक्षा ही
पृथ्वीच्या कक्षेशी जवळजवळ ५ अंशाचा कोन करते. त्यामुळेच प्रत्येक पौर्णिमा अथवा अमावास्येला
ग्रहण होत नाही. ग्रहण होण्यासाठी चंद्र हा पृथ्वी व चंद्राच्या कक्षा जिथे एकमेकांना छेदतात तिथे
असावा लागतो. या छेदनबिन्दूंना भारतीय ज्योतिषशास्त्रात राहू आणि के तू असे म्हणतात. त्यामुळेच
चंद्र किंवा सूर्याला राहू वा के तूने गिळले की ग्रहण होते, अशी कविकल्पना के ली गेली आहे. सामान्य
लोकांना किचकट गणित समजत नाही, त्यांना ही ’गिळण्या’ची कल्पना पटते. [३५]
खगोलशास्त्रज्ञांनी वेगवेगळी गणिते करून असा निष्कर्ष काढला आहे की सूर्यग्रहण अथवा चंद्रग्रहण
हे दर ६,५८५.३ दिवसांनी (१८ वर्षे, ११ दिवस व ८ तास) त्या एकाच तारखेला होते. या कालावधीला
सारोस चक्र असे म्हणतात.[३६]
चंद्र व सूर्याच्या कक्षा (पृथ्वीवरून पाहताना) बऱ्याच ठिकाणी एकमेकांना छेदतात, त्यामुळेच खग्रास
अथवा खंडग्रास सूर्यग्रहणे पहायला मिळतात. खग्रास सूर्यग्रहणात सूर्य पूर्णपणे चंद्राच्या मागे झाकला
जातो व सूर्याभोवती असणारे तेजोवलय (Corona) दृष्टिपथास येते. चंद्र व पृथ्वीमधील अंतर हे सूक्ष्म
गतीने बदलत असल्यामुळे चंद्राचा कोनीय व्यास कमी होत आहे. याचाच अर्थ असा की काही कोटी
वर्षांपूर्वी प्रत्येक ग्रहणात सूर्य पूर्णपणे चंद्रामागे झाकला जात होता. तसेच साधारण ६० कोटी
वर्षांनंतर चंद्र कधीही पूर्णपणे सूर्याला झाकू शकणार नाही व फक्त खंडग्रास सूर्यग्रहण पहायला
मिळेल.
इस्लामी पंचांगात अधिक महिना नसतो व वर्ष चान्द्रमासानुसार चालते, त्यामुळे मुसलमानी सण इसवी
सनाच्या तारखेनुसार पाहिले तर थोडथोडे दिवस अलीकडेअलीकडे येतात.
मुसलमानी महिन्यांची सुरुवात चंद्रदर्शनानंतर होते. प्रतिपदेला किंवा त्यानन्तरच्या दिवशी चंद्रदर्शन
झाले की ईद साजरी होते.
चंद्रावरच्या डागांना त्यांच्या तशा दिसण्यामुळे भारतीय संस्कृ तीत चंद्रावर असलेला ससा किंवा हरीण
असे म्हटले आहे. हे डाग म्हणजे चंद्राला लागलेला कलंक आहे, अशीही कविकल्पना आहे.
असे म्हणतात की श्रीरामाने लहानपणी चंद्रासाठी हट्ट के ला होता. तेव्हा सुमन्तांनी आरशात चंद्राचे
प्रतिबिब दाखवून रामाला खुश के ले होते.
फार पूर्वीपासूनच चंद्र हा कविजनांना खुणावत आलेला आहे. अनेक प्रेमगीतांमधून चंद्राचे उल्लेख
आढळतात. कु ठे चंद्राला प्रेयसीच्या चेहऱ्याची उपमा दिलेली आढळते तर कु ठे चंद्राच्या साक्षीने
प्रेमाच्या आणाभाका घेतलेल्या दिसतात. लहान मुलांच्या गाण्यांमध्येही चंद्राला विशेष स्थान आहे. चंद्र
म्हणजे लहान मुलांचा मामा. त्यांच्या आईचा हा भाऊ असल्याने जर भाऊबीजेला भावाला ओवाळता
आले नाही तर स्त्रिया चंद्राला ओवाळतात. कडवा चौथ या उत्तर भारतीय व्रतात तिथल्या स्त्रिया
नवऱ्याच्या हातून अन्नप्राशन करण्यापूर्वी चंद्राला पीठ चाळायच्या चाळणीमधून पाहतात.
पृथ्वीवरून दिसणाऱ्या चंद्राच्या प्रकाशित भागाला चंद्राची कला म्हणतात. शुक्ल प्रतिपदेपासून चंद्र
दर रात्री कलेकलेने वाढत असलेला दिसतो, आणि पौर्णिमेला पूर्ण वर्तुळाकार होऊन, पुढे
अमावास्येपर्यन्त क्रमाक्रमाने लहान होतो. अमावास्येला चंद्राची अप्रकाशित बाजू आपल्याकडे
आल्याने चंद्र दिसत नाही.
चंद्राला संस्कृ तमध्ये इन्दु, कु मुदबान्धव, चंद्रमा, निशाकर, निशापति, मृगांक, रजनीनाथ, रोहिणीकान्त,
शशांक, शशिन्, सुधांशु, सोम, वगैरे नावे आहेत. आकाशातल्या रोहिणी नक्षत्राचा तारा चंद्राच्या
जितक्या जवळ येतो, तितका कोणताच येत नाही, त्यामुळे रोहिणीला चंद्राची पत्नी मानले जाते.
चंद्राच्या प्रकाशाला चान्दणे किंवा कौमुदी म्हणतात.चंद्रप्रकाशात जी कमळे फु लतात त्या कमळाच्या
जातींना चंद्रविकासी कमळे किंवा कु मुदिनी म्हणतात.
या श्लोकाप्रमाणे, दही व शंख यांच्या तुषाराप्रमाणे शोभून दिसणाऱ्या, समुद्रातून उत्पन्न झालेल्या,
भगवान शंकराच्या डोक्यावर दागिन्याप्रमाणे शोभणाऱ्या अशा ससा धारण के लेल्या सोमाला (
चंद्राला) मी नमस्कार करतो. यानुसार चंद्र हा पृथ्वीपासूनच निर्माण झाला आहे, असे म्हणता येईल.
समुद्र मंथन
असे मानण्यात येते की अमृतप्राप्तीसाठी देवांनी व दानवांनी के लेल्या समुद्र मंथनातून चंद्राची निर्मिती
झाली. भगवान शंकराने हलाहल प्यायल्यानंतर त्याच्या घशात निर्माण झालेल्या दाहाला शांत
करण्यासाठी चंद्राचा उपयोग करण्यात आला.
संदर्भ
बाह्य दुवे
सूर्यमाला दालन
चित्र व नकाशे
चंद्र पूर्ण झूम व्हिडिओ
https://www.youtube.com/watch?v=03-
PHrpJ5lg
कॉन्स्टन्टाइन, एम. "अपोलो पॅनोरामाज" (http://m
oonpans.com/missions.htm) . एप्रिल
१२,२००७ रोजी पाहिले . |अॅक्सेसदिनांक= मधील
दिनांक मूल्ये तपासा (सहाय्य)
"क्लेमेन्टाइन ल्यूनर इमेज ब्राउजर १.५" (https://w
eb.archive.org/web/20070407000411/h
ttp://www.cmf.nrl.navy.mil/clementine/c
lib/) . Archived from the original (http://
www.cmf.nrl.navy.mil/clementine/clib/)
on 2007-04-07. एप्रिल १२,२००७ रोजी पाहिले .
|अॅक्सेसदिनांक= मधील दिनांक मूल्ये तपासा
(सहाय्य)
"डिजिटल ल्यूनर ऑर्बायटर फोटोग्राफिक अॅटलास
ऑफ द मून" (http://www.lpi.usra.edu/reso
urces/lunar_orbiter/) . एप्रिल १२ ,२००७
रोजी पाहिले . |अॅक्सेसदिनांक= मधील दिनांक मूल्ये
तपासा (सहाय्य)
"गूगल मून" (http://moon.google.com) .
एप्रिल १२,२००७ रोजी पाहिले . |अॅक्सेसदिनांक=
मधील दिनांक मूल्ये तपासा (सहाय्य)
"ल्यूनर अॅटलासेस" (http://www.lpi.usra.edu/
resources/lunar_atlases/) . एप्रिल
१२,२००७ रोजी पाहिले . |अॅक्सेसदिनांक= मधील
दिनांक मूल्ये तपासा (सहाय्य)
वरील दुव्याची वेबॅक मशिनवरील आवृत्ती (http://w
eb.archive.org/20070508231342/%7B%
7B%7Burl%7D%7D%7D) मे ८, २००७ (वरील
दुव्यात त्रुटी जाणवल्याने वेबॅक मशिन वापरुन ही
आवृत्ती मिळवलेली आहे.)
ॲश्लिमन, आर. "ल्यूनर मॅप्स" (https://web.arch
ive.org/web/20040206052233/http://ral
phaeschliman.com/id26.htm) . प्लॅनेटरी
कार्टोग्राफी ॲन्ड ग्राफिक्स. Archived from the
original (http://ralphaeschliman.com/id2
6.htm) on 2004-02-06. एप्रिल १२ , २००७
रोजी पाहिले . |अॅक्सेसदिनांक= मधील दिनांक मूल्ये
तपासा (सहाय्य)
"ल्यूनर फोटो ऑफ द डे" (http://www.lpod.or
g/) . एप्रिल १२ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
वरील दुव्याची वेबॅक मशिनवरील आवृत्ती (http://w
eb.archive.org/20070509150642/%7B%
7B%7Burl%7D%7D%7D) मे ९, २००७ (वरील
दुव्यात त्रुटी जाणवल्याने वेबॅक मशिन वापरुन ही
आवृत्ती मिळवलेली आहे.)
"मून" (http://www.worldwindcentral.com/
wiki/Moon) . वर्ल्ड वाइन्ड सेंटर. एप्रिल १२ ,
२००७ रोजी पाहिले . |अॅक्सेसदिनांक= मधील
दिनांक मूल्ये तपासा (सहाय्य)
"द मून : फिफ्टी फॅ न्टॅस्टिक फीचर्स" (http://moo
n.skymania.com/) . सप्टेंबर २९ , २००७ रोजी
पाहिले . |अॅक्सेसदिनांक= मधील दिनांक मूल्ये
तपासा (सहाय्य)
चांद्र मोहिमा
जोन्स, ई.एम. "अपोलो ल्यूनर सरफे स जर्नल" (http
s://web.archive.org/web/201505181129
06/http://www.hq.nasa.gov/office/pao/
History/alsj/) . Archived from the
original (http://www.hq.nasa.gov/office/
pao/History/alsj/) on 2015-05-18. एप्रिल
१२ , २००७ रोजी पाहिले . |अॅक्सेसदिनांक= मधील
दिनांक मूल्ये तपासा (सहाय्य)
"एक्स्प्लोरिंग द मून" (http://www.lpi.usra.ed
u/expmoon/) . एप्रिल १२ , २००७ रोजी पाहिले .
|अॅक्सेसदिनांक= मधील दिनांक मूल्ये तपासा
(सहाय्य)
टीग, के . "द प्रोजेक्ट अपोलो आर्चिव्ह" (http://ww
w.apolloarchive.com/apollo_archive.htm
l) . एप्रिल १२ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
चंद्राच्या कला
"करंट मून फे ज" (http://www.moonphaseinf
o.com/) . एप्रिल १२ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
"नासा'ज स्कायकॅ ल - स्काय इव्हेंट्स कॅ लेंडर" (http
s://web.archive.org/web/200708200751
42/http://sunearth.gsfc.nasa.gov/eclips
e/SKYCAL/SKYCAL.html) . Archived
from the original (http://sunearth.gsfc.n
asa.gov/eclipse/SKYCAL/SKYCAL.htm
l) on 2007-08-20. ऑगस्ट २७ , २००७ रोजी
पाहिले . |अॅक्सेसदिनांक= मधील दिनांक मूल्ये
तपासा (सहाय्य)
"व्हर्चुअल रियॅलिटी मून फे ज पिक्चर्स" (http://tyc
ho.usno.navy.mil/vphase.html) . एप्रिल १२
, २००७ रोजी पाहिले . |अॅक्सेसदिनांक= मधील
दिनांक मूल्ये तपासा (सहाय्य)
इतर
"अवकाशवेध - चंद्र" (https://web.archive.or
g/web/20080222062708/http://www.av
akashvedh.com/suryamala/chandra.ht
m) . Archived from the original (http://w
ww.avakashvedh.com/suryamala/chand
ra.htm) on 2008-02-22. फे ब्रुवारी १८, २००८
रोजी पाहिले .
"ऑल अबाउट द मून" (http://www.space.co
m/moon/) . एप्रिल १२ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
अर्थ्स मून प्रोफाईल (http://solarsystem.nasa.
gov/planets/profile.cfm?Object=Moon)
Archived (https://web.archive.org/web/2
0090909061625/http://solarsystem.nas
a.gov/planets/profile.cfm?Object=Moo
n) 2009-09-09 at the Wayback Machine.
नासा’ज सोलर सिस्टिम एक्स्प्लोरेशन (http://sola
rsystem.nasa.gov)
वरील दुव्याची वेबॅक मशिनवरील आवृत्ती (http://w
eb.archive.org/20070210130337/%7B%
7B%7Burl%7D%7D%7D) फे ब्रुवारी १०, २००७
(वरील दुव्यात त्रुटी जाणवल्याने वेबॅक मशिन वापरुन
ही आवृत्ती मिळवलेली आहे.)
"आर्चिव्ह ऑफ मून आर्टिकल्स" (http://www.psr
d.hawaii.edu/Archive/Archive-Moon.htm
l) . एप्रिल १२ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
विल्यम्स, डी.आर. "मून फॅ क्ट शीट" (http://nssd
c.gsfc.nasa.gov/planetary/factsheet/m
oonfact.html) . एप्रिल १२ , २००७ रोजी पाहिले .
|अॅक्सेसदिनांक= मधील दिनांक मूल्ये तपासा
(सहाय्य)
"मून विकी" (https://web.archive.org/web/2
0190912104554/https://the-moon.wikis
paces.com/) . Archived from the original
(http://the-moon.wikispaces.com/) on
2019-09-12. सप्टेंबर ६ , २००७ रोजी पाहिले . |
अॅक्सेसदिनांक= मधील दिनांक मूल्ये तपासा
(सहाय्य)
"https://mr.wikipedia.org/w/index.php?
title=चंद्र&oldid=2397580" पासून हुडकले