Department of Education

National Capital Region

8
SC HOO LS DIVISIO N OFF ICE
MARIK IN A CIT Y

FILIPINO
Ikaapat na Markahan-Modyul 3:
Pag-alaala sa Ama
at Pagtulong ng Gererong Moro

May-akda: Bryan D. Aurelio

Tagaguhit: Paolo N. Tardecilla

City of Good Character

DISCIPLINE • GOOD TASTE • EXCELLENCE
 Alamin
Ang modyul na ito ay binubuo lamang ng isang aralin.
 Aralin – Pag-alaala sa Ama at Pagtulong ng Gererong Moro

Sa pag-aaral ng modyul na ito, inaasahang maisasagawa mo ang

sumusunod:
A. natutukoy ang mahahalagang pangyayari sa aralin;
B. nailalahad/naipaliliwanag ang mahahalagang pangyayari sa aralin;
C. natutukoy ang matatalinhagang ekspresyon;
D. nabibigyang kahulugan ang mga matatalinhagang ekspresyon;
E. natutukoy ang mga tayutay;
F. nabibigyang kahulugan ang mga tayutay;
G. natutukoy ang mga simbolo; at
H. nabibigyang kahulugan ang mga simbolo

Subukin
Bago ka magpatuloy sa ating aralin, subukin ang iyong paunang kaalaman
sa ilang mga tanong kaugnay sa aralin.

A. Piliin sa kahon ang letra ng salitang inilalarawan sa bawat pangungusap.

Isulat sa hiwalay na papel ang iyong sagot.

Sultan Ali-Adab Aladin leon Pinugutan ng ulo Konde Adolfo

Moro Flerida Duke Briseo Laura Gubat

1. Ang ama ni Florante na isa sa kanyang inaalala.

2. Siya ang tumulong kay Florante sa gitna ng panganib.
3. Ang gererong tumulong kay Florante ay isang ______.
4. Sa lugar na ito iniligtas si Florante ng isang gerero.
5. Siya ang itinuturing dahilan ng pagkasawi ng ama ni Florante.
6. Ang babaeng minamahal ni Florante na nakalimot umano sa kaniya.
7. Siya ang ama na umagaw sa babaeng minamahal ng gerero.
8. Ang babaeng inagaw ng ama mula sa gerero.
9. Naging sanhi ng kamatayan ng ama ni Florante.
10.Mababangis na hayop na sisila kay Florante.

B. Magsagawa ng paunang pagbasa sa Florante at Laura sa mga saknong na

84-171. Itala ang mga natukoy na simbolo. Ibigay ang kahulugan ng mga simbolo.
Isulat sa isang hiwalay na papel.

City of Good Character

1
DISCIPLINE • GOOD TASTE • EXCELLENCE
 Pag-alaala sa Ama
Aralin
at Pagtulong ng Gererong Moro

Sa araling ito matutuhan mong matukoy ang mahahalagang pangyayari sa

akda, mga matatalinghagang ekspresyon, simbolismo at pagbibigay ng kahulugan
sa mga ito. Malilinang ito kung maisasagawa mo nang matapat ang mga gawain.

Balikan

Bago ka magtungo sa ating aralin, balikan mo muna ang nakaraang aralin.

Muli mong isa-isahin ang mga hinagpis na binanggit ni Florante habang siya ay
nakatali sa puno. Isa-isahing isulat ang iyong sagot sa loob ng speech balloon.

https://www.youtube.com/watch?v=qmwU_PWSFHs

Tuklasin
A. Panimula
Sa pagsisimula ng aralin, iugnay mo ang iyong pananaw sa pagbasa o pag-
awit ng siping liriko sa ibaba. Maaari mo ring panoorin ang bidyo nito sa link na:
https://youtu.be/Jx8AeaJUH6s?t=33.

City of Good Character

2
DISCIPLINE • GOOD TASTE • EXCELLENCE
 Pananagutan
Liriko ni Jaymie Rivera

Walang sinoman ang nabubuhay

Para sa sarili lamang
Walang sinoman and namamatay
Para sa sarili lamang

Tayong lahat ay may pananagutan sa isa't isa

Tayong lahat ay tinipon ng Diyos
Na kapiling n’ya

Sa ating pag mamahalan at panglilingkod

Sa kanino man
Tayo ay magdadala ng balita na kaligtasan
Tayong lahat ay may pananagutan sa isa't isa
Tayong lahat ay tinipon ng Diyos
Na kapiling n’ya

Sabay sabay mag aawitan

Ang mga bansa
Tayo tinuring na panginoon bilang mga anak
Tayong lahat ay may pananagutan sa isa't isa
Tayong lahat ay tinipon ng Diyos na kapiling n’ya
Tayong lahat ay tinipon ng Diyos
Na kapiling n’ya
B. Pagbasa
Sa pagkakataong ito ay matutuklasan mo kung paano ipakikita ang
kaugnayan ng awit na iyong pinakinggan sa katauhan ni Aladin. Basahin at
unaawin mo itong mabuti at sagutin nang pasalita ang mga tanong kasunod nito.

Buod ng Saknong 84-171:

Pag-alaala sa Ama at Pagtulong ng Gererong Moro

Sa pagkakasambit ng gayong hinanakit sa pang-aagaw ng sariling ama kay

Flerida, pinaagos nito ang mga luha na parang sinagot ng pagtangis rin na
kaniyang narinig. Sa narinig na paghibik, hinanap ni Aladin ang pinagmumulan
nito ngunit wala siyang nakita kaya’t hinintay niyang muling magsalita ito. Labis
na nagtataka kung sino ang nananaghoy sa lugar na ito. Muling nagmatyag si
Aladin sa kaniyang paligid saka naman muling narinig ang hibik ng isang binata.
Sa magkatulad na dahilan, ang tinig ay tumatangis rin dahil sa ama. Iniiyak nito
ang kinasapitang kapalaran ng ama sa kamay ni Konde Adolfo. Inilarawan nito ang
kahabag-habag na pagkamatay ng ama.
89 Katawan mo Ama’y parang namamalas
ngayon ang bunso mong lugami sa hirap
pinipisang-pisang at iniwawalat
ng pawa ring lilo’t berdugo ng sukab.

City of Good Character

3
DISCIPLINE • GOOD TASTE • EXCELLENCE
 90 “Ang nagkahiwalay na laman mo’t buto,
kamay at katawang nalayo sa ulo,
ipinaghagisan niyong mga lilo
at walang maaawang maglibing na tao.

Inalala din niya ang ama na hanggang sa huling sandali ay siya ang iniisip
nito at kung paano ito naging mabuti at mapagmahal na ama. Ngunit sa kamay ng
kaaway, namatay itong wala mang lang naglakas ng loob upang kunin ang
bangkay at ilibing.
Nang tumigil si Florante sa kaniyang pagtangis, hindi napigilan ng Moro na
luha ay tumulo dahil sa habag niya dito. Hindi rin naiwasan nitong ihambing ang
ama, at umasam na mapag-ukulan din siya nito ng kaparis na pagmamahal ng
taong nanambitan. Ngunit simula pa noon, ang luhang inuukol niya sa ama ay
hindi dahil sa pag-ibig kundi pagdurusa. Ang tanging palayaw pang naaalala sa
ama ay ang pag-agaw nito sa kasintahan at pagnanais na makitil ang kaniyang
buhay.
104 “May para kong anak na napanganyaya,
ang layaw ng ama’y dusa’t pawang luha
hindi nakalalasap ng kahit munting tuwa
sa masintang inang pagdaka’y nawala!”

Muling napahinto ang Moro nang marinig muli ang tinig at nagwika ng
pamamaalam sa kasintahang si Laura na hanggang sa huli, ay mamahalin niya
hanggang kamatayan.
106 “Lumagi ka nawa sa kaligayahan
sa harap ng di mo esposang katipan
at huwag mong datnin yaring kinaratnan,
ng kasing nilimot at pinagliluhan.

107 “Kung nagbangis ka ma’t nagsukab sa akin,

mahal ka ring luha dini sa panimdim;
at kung mangyayari, hanggang sa malibing
ang mga buto ko, kita’t sisintahin.”

Hindi pa natatapos ni Florante ang kaniyang pangungusap ng mayroong

dalawang mabangis na leon ang humahangos papalapit sa kaniya. Ngunit natigil
nang nasa harap na ng binata. Parang nawalan ng bangis at naawa sa kahabag-
habag na itsura ng binata. Waring nauunawaan ng mga ito ang sandali ng
pamamalam ng binata.
114 “Paalam, Albanyang pinamamayanan;
ng kasam-a’t lupit, bangis, kaliluhan;
akong tanggulan mo’y kusa mang pinatay,
sa iyo’y Malaki ang panghihinayang.”

City of Good Character

4
DISCIPLINE • GOOD TASTE • EXCELLENCE
Namaalam din ito kay Laura na iniisip pa ring nagtaksil ito at kay Konde Adolfong
taksil.
119 “Yaong aking Laurang hindi mapapaknit
ng kamatayan man sa tapat kong dibdib;
paalam, bayan ko, paalam na ibig,
mandarayang sintang di manaw sa isip.

120 “Bayang walang-loob, sintang alibugha,

Adolfong malupit, Laurang mandaraya,
magdiwang na ngayo’t mang-ingay sa tuwa
at masusunod na sa akin ang nasa.

Hindi na nakatiis ang gerero sa kaniyang pakikinig. Tinunton niya ang boses,
hindi ito tumigil hangga’t hindi ito natatagpuan. Naabutan niya ito kahabag-habag
na nakatali sa puno ng Higera na sa hirap na binata ay nawalan ng malay. Handa
nang sumalakay ang mga leon dahil sa gutom. Kaagad naman kumilos si Aladin
upang makipaglaban. Gamit ang kaniyang matalim na kalis, at husay sa paghawak
ng sandata, napatay niya ang dalawang leon.
Matapos ito, naluluhang kinalagan ni Aladin ang binata. Kinalong ang
binata at pinagmasdang mabuti ang mukha. Hinilingan niyang sana ay
magkamalay na ang binata.
Nang magkamalay ito, si Laura pa rin ang hinahanap. Hindi nagsalita si
Aladin sa takot na baka mabigla ito at tuluyang mapatid ang hininga, kaagad din
nawalan ng muli malay.
Nang muling magkamalay, napaigtad ito nang malamang nasa kamay ng
kaaway.
146 Nang muling mamulat ay nagitlahan,
“Sino? Sa aba ko’t nasa Morong kamay!”
Ibig na iigtad ang lunong katawan,
nang hindi mangyari’y nagngalit na lamang.

Sumagot ang gerero at sinabing huwag siyang mag-alala at ligtas na sa

kapahamakan. Sinabi rin na niya na bagama’t magkaiba ang kanilang bayan at
relihiyon, hindi niya matiis na hindi tulungan ang binata. Anito,
149 Ipinahahayag ng pananamit mo,
taga Albanya ka at ako’y Pers’yano;
ikaw ay kaaway ng baya’t sekta ko,
sa lagay mo ngayo’y magkatoto tayo.

Nang marinig ito ni Florante, napabuntong-hininga ito, sinabi nitong kung

hindi siya dumating ay kinain na ito ng mga leon ngunit payapa na rin naman ang
kaniyang dibdib. Hindi niya hinahangad ang awa, at handa nang mamatay sa
kamay ng kaaway dahil sa dinadalang hirap at sakit ng kalooban. Nang marinig ito
ng Moro, napahiyaw ito sa labis na awa sa binata.
Magdamag na walang malay ang binata. Nang sumikat ang araw ay binuhat
ng Morong gerero ang naghihinang katawan ng binata. Bumalik siya sa unang
lugar na pinuntahan. Inihiga si Florante sa malapad at malinis na bato. Kumuha

City of Good Character

5
DISCIPLINE • GOOD TASTE • EXCELLENCE
ng pagkain ang Moro sa baong dala at pilit na pinakain si Florante. Sa buong
magdamag ay hindi natulog ang gerero sa takot na makagat ng hayop na naggagala
sa gubat ang binatang nakahiga. Nang mag-umaga ay nagkaroon ng lakas ang
binata at sa tuwa ng Moro ay niyakap niya ito. Inaliw ng Moro ang binatang taglay
pa rin ang pinagdaanang hirap at sakit. Kaniyang hiniling dito na sana nais niyang
malaman ang mga pasakit nito.
C. Pag-unawa sa Binasa
1. Sino ang gererong tumulong kay Florante sa gitna ng panganib?
Ilarawan.
2. Sino-sino ang mga binanggit ni Florante sa kaniyang pamamaalam?
3. Ano ang kinahinatnan ng pamamalaam ni Florante? Natuloy ba ito?
Bakit?
4. Paano nailigtas ng gererong moro si Florante? Isalaysay.
5. Ano ang hinaing ni Aladin sa kaniyang ama? Bakit ganoon na lamang
ang kaniyang pagkabigo rito?
6. Paano nagkakaiba at nagkakatulad ang dalawang amang binanggit ng
dalawang anak? Ilarawan sila gamit ang Venn Diagram.
DUKE BRISEO

SULTAN ALI-
ADAB

7. Kung babalikan ang katangian ng dalawang ama, kanino mo lubos na

nakikita ang katangian ng iyong sariling ama? Bakit?
8. Sa iyong palagay, may mga ama bang katulad ni Sultan Ali Adab sa
kasalukuyan? Magbigay ng patunay.
9. Paano ipinakita sa binasang buod na hindi hadlang ang pagkakaiba ng
paniniwala upang maging mabuti sa kapuwa? Ipaliwanag.
10.Kung ikaw ang nasa kalagayan ni Aladin, tutulungan mo ba si Florante
kahit na magkaiba kayo ng relihiyon? Bakit?

D. Paglinang sa Talasalitaan
Pagyamanin ang iyong talasalitaan. Hanapin sa HANAY B ang
kasingkahulugan o kasalungat ng mga salitang nakalimbag ng mariin sa
HANAY A.

HANAY A HANAY B

1. Hindi napigilan ng gerero ang A. maputol

pagtangis sa kanyang nararanasang
B. pag-iyak
kalungkutan.

City of Good Character

6
DISCIPLINE • GOOD TASTE • EXCELLENCE
2. Walang sawang nagmatyag ang C. kaawa-awa
binata sa pagdating ng mga
D. mabuhay
mababangis na hayop sa gubat.
E. magmasid
3. Kahabag-habag ang kinasapitan ng
buhay ng ama ni Florante sa kamay F. matanggal
ni Konde Adolfo.
4. Walang ibang hangad si Florante
kundi ang makitil ang kanyang mga
magulang.
5. Sumigaw siya nang sumigaw
hanggang sa mapatid ang kanyang
hininga.

Ang mga siniping saknong mula sa binasang buod ay kakikitaan ng mga

matatalinghagang pahayag o tayutay at simbolismo. Mahalaga ang pagtukoy nito
sa bawat saknong o mahalagang pangyayari upang mas maging malinaw ang mga
kahulugang nakapaloob dito. Nakatutulong din ito upang mapanatili ang
kasiningan ng akda. Sa ilang mga pag-aaral, sinasabing kakikitaan ng iba’t ibang
tayutay ang obrang ito ni Francisco Balagtas. Kaya naman sa araling ito ay iisa-
isahin mo ang mga tayutay na ito.

Ang tayutay/ ta•yú•tay ayon sa UP Diksiyonaryong Filipino ay pahayag na

gumagamit ng mga salita sa isang di pangkaraniwan o hindi literal na paraan
upang mapaigting ang bisa ng kahulugan.

Ang Florante at Laura ay gumamit ng mga tayutay at mga simbolo upang

itago mula sa mga Espanyol ang kahulugan ng mga bahagi ng kaniyang akda.
Isang paraan din ito upang makalusot sa sensura ang akda dahil sa mahigpit na
pagbabantay. Gumamit din si Balagtas ng mga simbolo, matatalinghagang pahayag
upang itago ang mga kahulugang ito.

ILANG URI NG TAYUTAY

1. Pagtutulad o Simile- hindi tuwirang paghahambing sa mga tao, bagay,

pook, pangyayari at iba pa. kadalasang gumagamit ito ng mga salitang gaya,
tulad, kaparis, animo, parang at iba pa.

Halimbawa: Kaparis niya si Adonis o di kaya’y si Narciso dahil sa kaniyang

kakisigang taglay.

2. Pagwawangis o Metaphor- direktang paghahambing sa mga tao, bagay,

pook, pangyayari at iba pa. Hindi na ito ginagamitan ng mga salitang gaya,
paris, tulad parang kundi direkta na ang ginagawang paghahambing

Halimbawa: Siya ang talang nagniningning sa gabing tahimik at payapa.

City of Good Character

7
DISCIPLINE • GOOD TASTE • EXCELLENCE
 3. Pagsasatao o Personification- binibigay ang katangian ng mga tao sa isang
bagay.

Halimbawa: Nakikidalamhati ang kagubatan sa kaniyang mga pagtangis at

panaghoy.

4. Pagmamalabis o Hyperbole- labis na paglalarawan o paglalarawan sa isang

tao o bagay.

Halimbawa: Kaya kong bilangin ang bituin sa kalangitan, kaya kong

sungkitin ang buwan mapasagot ka lamang.

5. Pagtawag o Apostrophe- ito ay tila pakikipag-usap sa karaniwang bagay na

malayo o wala naman.

Halimbawa: Mahiganting Langit! Bangis mo’y nasaan?

Bukod sa tayutay, makikita rin sa mga matatalinghagang ekspresyon ang

mga simbolo. Ang simbolo ay pawang katulad ng pagbibigay ng kahulugan o
interpretasyon sa isang pahayag na hindi literal bagkus ay interpretatibo.

Halimbawa: Saknong 107 at kung mangyayari, hanggang sa malibing

ang mga buto ko, kita’t sisintahin.”
Simbolismo: walang hanggang pagmamahal

Saknong/Mahalagang Uri ng Tayutay Simbolo

Pangyayari/Matalinghagang
Ekspresyon

119 paalam, bayan ko, paalam Apostrophe o Pagtawag Kamatayan

na ibig, mandarayang sintang di
manaw sa isip. Paglubog ng araw

Kadiliman

“Bayang walang-loob, sintang Pagsasatao Kasamaan

alibugha,

Ngayong nalaman mo na ang matatalinghagang ekspresyon katulad ng

tayutay at simbolismo mula sa mga mahahalagang pangayayari mula sa binasang
buod. Isulat sa hiwalay na papel ang iyong sagot.

A. Balikan ang binasang buod. Tukuyin ang mahalagang pangyayaring

inilahad sa buod. Lagyan ng letrang A kung nabanggit ang pangyayari, F naman
kung hindi. Ilagay sa hiwalay na papel ang iyong sagot.

1. Pag-aalaga ni Aladin kay Florante matapos mailigtas sa dalawang leon.

City of Good Character

8
DISCIPLINE • GOOD TASTE • EXCELLENCE
 2. Pagsasalaysay ni Florante sa kinasapitan ng kaniyang amang si Duke Briseo
sa kamay ni Konde Adolfo.
3. Pang-aagaw ni Sultan Ali-Adab kay Flerida na iniibig ng sariling anak na si
Aladin.
4. Pagkagalit ni Florante kay Aladin dahil isa itong kaaway.
5. Tumigil ang dalawang leon sa pagsila kay Florante na tila ba naaawa.

B. Ipaliwanag ang mahalagang pangyayari mula sa binasang buod.

Pangyayari 1: Narinig ni Aladin ang mga panaghoy o saloobin ni Florante.

Paliwanag:

Pangyayari 2: Pagsasalaysay ni Aladin ng mga hinaing niya sa kaniyang sariling

ama.
Paliwanag:

Pangyayari 3: Pamamaalam ni Florante kay Laura at sa bayang Albanya.

Paliwanag:

Pangyayari 4: Pagligtas ni Aladin kay Florante mula sa mababangis na leon.

Paliwanag:

Pangyayari 5: Buong gabing inalagaan ni Aladin si Florante.

Paliwanag:

C. Basahin ang mga siping pangyayari o saknong sa HANAY A. Piliin sa HANAY

B ang kahulugan ng mga siping pangyayari/saknong, HANAY C naman ay ang uri
ng tayutay na ginamit habang sa HANAY D naman ang simbolo.

HANAY A
1 “O pagsintang labis na makapangyarihan, sampung mag-aama’y iyo’y
nasasaklaw”
2. Ang abang uyamin ng dalita’t sakit, ang dalawang mata’y bukal ang kaparis.
3. "Mahiganting langit!, bangis mo'y nasaan?
4. “At ang balang bibig na binubukalan ng sabing magaling at katotohanan”
5. “kahit nakatali kamay, paa’t leeg, Kung di si Narciso’y tunay na Adonis”

KAHULUGAN
A. Pagpigil sa mga taong nagsasabi ng katotohanan dahil kamatayan ang
sasapitin.
B. Nasasaktan si Florante sa mahigpit na paghigpit ng tali.
C. Walang kapantay na pagmamahal, lahat ay handing gawin alang-alang sa
pagmamahal.
D. Patuloy na pagluha sa mga nararanasang sakit.
E. Pagpapakita ng pagiging magandang lalaki ni Florante.
F. Pagtatanong sa Diyos na Lumikha

City of Good Character

9
DISCIPLINE • GOOD TASTE • EXCELLENCE
 TAYUTAY SIMBOLO
G. Pagtutulad L. Puso
H. Pagsasatao M. Luha
I. Pagtawag N. Kamatayan
J. Pagmamalabis O. pagsuko
K. Pagwawangis P. langit
Q. espada

Isaisip

A. Katulad ni Aladin na tumulong kay Florante sa gitna ng panganib

nang walang pag-aalinlangan sa kabila ng kanilang pagkakaiba sa paniniwala.
Paano mo nakikita ang pangyayaring ito sa kasalukuyang panahon? Mahalaga
bang malaman ng kapuwa mo ang pangyayaring ito? Pagnilayan.

B. Ibuod ang tinalakay kaugnay sa mga tayutay at mga simbolo.

Ilapat natin sa tunay na buhay ang natutuhan mo sa ating aralin. Isagawa

ang gawain kaugnay sa aralin. Sundin lamang ang sumusunod na mga hakbang.
1. Pumili ng mahalagang pangyayari sa binasang buod.
2. Iugnay ito sa mga pangayayari sa kasalukuyan.
3. Ipaliwanag ang iyong ginawang pag-uugnay sa pamamagitan ng iba’t ibang
paraan sa ibaba (Pumili lamang ng isa).
Mga Gawain:
Tula-Serye
Pumili ng mahalagang pangyayari sa akdang binasa. Iugnay ito sa kasalukuyang
pangyayari sa kasalukuyan. Ipaliwanag ito sa pamamagitan ng pagsulat ng tula na
may 4 na saknong at gumagamit ng alinman sa uri ng tayutay at simbolo.
Simbolo-Serye
Gumuhit ng isang simbolong nagpapakita ng iyong paliwanag sa kaugnayan sa
kasalukuyan ng iyong napiling pangayayari sa akda.
Awit-Serye
Ipaliwanag ang ginawang pag-uugnay ng napiling pangyayari sa akda sa
kasalukuyan sa pamamagitan ng pagbuo ng liriko ng awitin. Bumuo ka ng liriko
ng isang awitin na ka-tono ng alinman sa mga musikang nagugustuhan mo na
gumagamit ng mga tayutay at simbolo.

City of Good Character

10
DISCIPLINE • GOOD TASTE • EXCELLENCE
Panayam-Serye
Magsagawa ka ng interbyu sa isa sa iyong kasama sa bahay (maaaring
nakatatandang kapatid o magulang). Itanong mo sa kanila ang kaugnayan ng iyong
napiling pangyayari sa akda sa kasalukuyang panahon. Hingan din sila ng
simbolong maibibigay nila rito.
Rubrik sa Pagmamarka:

Pamantayan 10 7 5
Ginalingan! Ginagalingan! Gagalingan pa!
Nilalaman Naipakita sa awtput Hindi gaanong Hindi naipakita sa
ang maayos na pag- naipakita sa awtput awtput ang maayos
uugnay ng mga ang maayos na pag- na pag-uugnay ng
pangyayari sa uugnay ng mga mga pangyayari sa
kasalukuyan. pangyayari sa kasalukuyan.
kasalukuyan.
Paggamit ng Nakagamit ng 3 o higit Nakagamit lamang ng 1 lamang ang
Tayutay pang tayutay sa 2 tayutay sa awtput tayutay na nagamit
awtput nang maayos. nang maayos. sa awtput nang
maayos.
Pagbibigay ng Maayos na Hindi gaanong maayos Hindi maayos ang
Simbolo nakapagbigay ng ang pagbibigay ng pagbibigay ng
simbolo sa napiling simbolo sa napiling simbolo sa napiling
pangyayari. pangyayari. pangyayari.
Malikhain Mahusay na mahusay Mahusay na naipakita May kahusayang
na naipakita ang ang pagiging naipakita ang
pagiging malikhain sa malikhain sa nabuong pagiging malikhain
nabuong awtput. awtput. sa nabuong awtput.
Wastong Gamit Walang maling gamit May 1-2 bahagi ng Higit sa 3 bahagit ng
ng Salita, Bantas ng salita, bantas at awtput ang may awtput ang may
at Baybay baybay sa kabuoan ng maling gamit ng maling gamit ng
awtput. salita, bantas at salita, bantas at
baybay sa kabuoan ng baybay sa kabuoan
awtput. ng awtput.

Tayahin
A. Suriin ang mga tanong. Piliin ang letra ng pinakatamang sagot.
1. Ang buhay nina Aladin at Florante ay punong-puno ng pagsubok at
kalungkutan. Ano ang naging hadlang sa kaligayahan ni Aladin?
A. Ang pagtataksil na ginawa ni Adolfo.
B. Ang pagkatalo niya kay Heneral Osmalik sa digmaan.
C. Ang pag-agaw ni Sultan Ali-Adab sa kanyang kasintahang si Flerida.
D. Ang kasawian niya sa pag-ibig ni Flerida na walang ibang
kadahilanan.
2. Ayon kay Aladin, pinatawad siya ng kanyang ama sa pag-iwan niya sa
kaniyang hukbo sa Albanya kapalit ng .
A. pagpapadala sa kanya sa Atenas

City of Good Character

11
DISCIPLINE • GOOD TASTE • EXCELLENCE
 B. pagpapakasal ni Flerida sa Sultan
C. pagpipiit kay Aladin habang buhay
D. paglayo ni Aladin
3. Sa Florante at Laura, nais ipakita ni Balagtas ang ugnayan ng Kristiyano at
Muslim sa katauhan nina Florante at Aladin. Alin sa sumusunod ang higit
na nagpapaliwanag ng ugnayang ito?
A. magkaiba sila ng mga paniniwala sa buhay
B. nagkaroon ng inggitan sa pagitan nilang dalawa
C. naging magkaagaw sila sa pagmamahal ng isang dalaga
D. nagtulungan ang dalawang binata sa kabila ng kanilang pagkakaiba
4. Sa oras ng pagkakagapos ni Florante, ang naghahari sa kalooban niya kay
Laura ay __________.
A. pagkainis dahil hindi niya kasama si Laura
B. panibugho dahil hindi alam ni Florante kung mahal pa rin siya ni
Laura
C. pagmamakaawa dahil nais niyang suklian ni Laura ang pagmamahal
na iniuukol niya sa kaniya
D. pagmamahal dahil si Laura lamang ang nakapagbibigay ng kasiyahan
kay Florante mula noong mamatay ang kanyang pinakamamahal na
ina
5. Ang pagkakaputol ng mga dawag sa gubat na mapanglaw ay sumisimbolo sa
.
A. pag-asang mailigtas si Florante sa gubat
B. makabalik sa kaniyang amang nagtaksil sa kaniya
C. makaligtas mula sa masalimuot na pagtataksil ng ama
D. makalaya ang pagsintang matagal nang nilipas ng panahon
B. Basahin ang saknong sa ibaba. Isulat ang kaugnay na mahalagang pangyayari
rito at tamang tayutay at simbolo.
Saknong Mahalagang Tayutay Simbolo
Pangyayari
Saknong 128
Anyong pantay-mata ang lagay ng
mga araw,
niyong pagkatungo sa kalulunuran,
siyang pagkataos sa kinalalagyan
nitong nagagapos na kahambal-
hambal

City of Good Character

12
DISCIPLINE • GOOD TASTE • EXCELLENCE
 Bibigyan kita ng karagdagang marka kung maisasagawa mo ang gawaing ito.
Magsaliksik ka tungkol sa ginawang pagbisita ni Pope Francis sa Iraq. Isa-isahin
mo rito ang kanilang mga napag-usapan. Gumawa ka ng isang comics strip tungkol
sa kaugnayan nito sa ginawang pagtulong ni Aladin kay Florante. Gamiting gabay
ang rubrik sa bahaging “Isagawa” ng modyula na ito.

Ginalingan mo sa pag-aaral ng modyul na ito! Hanggang sa muli.

Susi sa Pagwawasto

SUBUKIN PAGYAMANIN TAYAHIN

1. Duke Briseo GAWAIN 1 A.

2. Aladin
3. Moro 1. A 1. C
4. Gubat 2. A 2. D
5. Konde Adolfo 3. A 3. D
6. Laura 4. F 4. A
7. Sultan Ali-Adab 5. A 5. A
8. Flerida
9. Pinugutan ng ulo GAWAIN II B.
10. Leon
1. Naglakad ito at hinanap kung saan Mahalagang Pangyayari:
nagmumula ang mga panaghoy at tinig. Pagligtas ni Aladin kay
PAGLINANG NG TALASALITAAN 2. Isinalaysay niya ang kanyang Florante sa nagbabadyang
panaghoy sa amang umagaw sa panganib.
1. B kanyang minamahal.
2. E 3.Pamamaalam ni Florante sa bayang Tayutay:
3. C pinagmulan sa kabila ng inaasahang
4. D pagkasawi sa pagkakagapos sa puno. Pagmamalabis
5. A 4.Pagligtas ni Aladin kay Florante mula
sa dalawang mabangis na leon. Simbolo:
5. Inalagaan ni Aladin si Florante sa Kalungkutan
gitna ng kawalang malay nito dala ng paghihirap
matagal na pagkakatali sa puno.

GAWAIN III

1. C, I, L 2. D,K, M
3. F,I,P 4. A,J,N 5. B,K,O

Sanggunian

 https://lrmds.deped.gov.ph/detail/7000

 https://youtu.be/Jx8AeaJUH6s?t=33

 https://pdfslide.net/documents/mga-tayutay-sa-florante-at-
laura.html

City of Good Character

13
DISCIPLINE • GOOD TASTE • EXCELLENCE
 Bumubuo sa Pagsulat ng Modyul

Manunulat: Bryan D. Aurelio (Guro, JDPNHS)

Mga Editor: Maru U. Panganiban (Guro, JDPNHS)
Adelwisa P. Mendoza (Guro, CISSL)
Tagasuri Panloob: Galcoso C. Alburo (EPS, Filipino)
Tagasuri Panlabas:
Tagaguhit: Paolo N. Tardecilla (Guro, KNHS)

Tagalapat:
Tagapamahala:
Sheryll T. Gayola
Pangalawang Tagapamanihala
Pinunong Nanunuparan - Tanggapan ng Tagapamanihala

Elisa O. Cerveza
Hepe – Curriculum Implementation Division
Pinunong Nanunuparan - Tanggapan ng Pangalawang
Tagapamanihala

Galcoso C. Alburo
Superbisor sa Filipino
Ivy Coney A. Gamatero
Superbisor sa LRMDS

City of Good Character

DISCIPLINE • GOOD TASTE • EXCELLENCE