Department of Education

National Capital Region

SC HOO LS DIVISIO N OFF ICE

8
MARIK IN A CIT Y

FILIPINO
Ikatlong Markahan-Modyul 12:
Pagsusuri sa Programang Pantelebisyon
Ayon sa Pamantayan

May-akda: Bryan D. Aurelio

Tagaguhit: Paolo N. Tardecilla

City of Good Character

DISCIPLINE • GOOD TASTE • EXCELLENCE
 Alamin

Ang modyul na ito ay binubuo lamang ng isang aralin.

 Aralin 1 – Pagsusuri sa Programang Pantelebisyon Ayon sa Pamantayan

Sa pag-aaral ng modyul na ito, inaasahang maisasagawa mo ang

sumusunod:
A. nakikilala ang pagsusuri ng programang pantelebisyon;
B. naiisa-isa ang mga paraan at hakbang sa pagsusuri ng isang
programang pantelebisyon;
C. nakabubuo sa tulong ng guro ng mga pamantayan sa pagsusuri ng
isang programang pantelebisyon; at
D. nakasusuri ng isang programang pantelebisyon ayon sa
nabuo/itinakdang pamantayan

Subukin

Bago ka magpatuloy sa ating aralin, subukin muna natin ang iyong dating
kaalaman sa mga tanong kaugnay sa aralin. Sagutin ang mga tanong at isulat ang
letra ng pinakatamang sagot sa hiwalay na papel.
1. Ito ang ahensyang naniniguro na ang mga programang pantelebisyon ay
dumaan sa mahigpit na sensura bago maipalabas sa mga telebisyon.
A. Movie and Television Review and Classification Board (MTRCB)
B. Organisasyon ng Pilipinong Musikero (OPM)
C. Directors Guild of the Philippines
D. Optical Media Board (OMB)
2. Alin sa mga sumusunod ang TAMA tungkol sa programang pantelebisyon?
A. Ito ay mga programang napapanood sa telebisyon na kapupulutan ng
aral.
B. Isang uri ng sining na naglalayong ituro ang mga kinagisnang kulturang
mayroon sa bansa.
C. Isang programang naglalayong maghatid ng kawilihan, inspirasyon at
komprehensibong napapanahong isyung panlipunan sa mga manonood.
D. Kalipunan ng mga pangyayaring ginaganapan ng mga kilalang
personalidad at iba pa.
3. Alin sa mga sumusunod na programang pantelebisyon ang maituturing na
Magazine Show?

City of Good Character 1

DISCIPLINE • GOOD TASTE • EXCELLENCE
 A. The Bottom Line with Boy Abunda
B. Kapuso Mo, Jessica Soho
C. Wanted sa Radyo
D. Eat Bulaga
4. Ang mga sumusunod ay kilala sa larangan ng dokumentaryong
pantelebisyon MALIBAN kay .
A. Noli De Castro
B. Howie Severino
C. Atom Araullo
D. Abner Mercado
5. Alin sa mga sumusunod ang unang dapat isaalang-alang sa pagsusuri ng
isang programang pantelebisyon?
A. Kaangkupan ng nilalaman at lengguwahe sa edad ng manonood
B. Haba ng oras ng pagpapalabas
C. Kapupulutan ng aral
D. Napapanahon

Pagsusuri sa Programang
Aralin Pantelebisyon Ayon sa Pamantayan

Sa araling ito ay matutuhan mo ang pagsuri sa isang programang

pantelebisyon ayon sa binuong pamantayan. Malilinang ito kung magagawa mo
nang matapat ang mga gawain.

Balikan
Bago mo ituloy ang pag-aaral sa bagong aralin, balikan muna ang
nakaraang aralin sa pamamagitan ng pagsagot sa mga tanong.
 Nalaman ko sa nakaraang aralin na
 Magagamit ko ang natutuhan ko rito sa

City of Good Character

DISCIPLINE • GOOD TASTE • EXCELLENCE 2
 Tuklasin

A. Panimula
Sa pagsisimula ng aralin, ilahad mo ang iyong mga sagot kaugnay sa tanong
na: Anong programang pantelebisyon ang paborito mong panoorin? Ilahad mo ang
iyong sagot sa tulong ng grapikong pantulong sa ibaba.

Mga Dahilan Kung Bakit

Nagustuhan:
1. _______________________
2. _______________________
Pamagat ng Programang 3. _______________________
Pantelebisyon

B. Pagbasa
Upang lubos mong maunawaan ang mga naunang gawain kaugnay sa paksa,
basahin at unawain mo ang buod ng isang programang pantelebisyong nakalahad
sa ibaba at sagutin nang pasalita an mga tanong.

MMK 29 (Maalaala Mo Kaya) Life Sketch Episode (Bahagi Lamang)

December 13, 2020 - Pagsusuri ni Bryan D. Aurelio

Mga Gumanap:

Joshua Garcia – Arnel “Jinggoy” Amaro, Maro

Nonie Buencamino – Layot Amaro
Shamaine Buencamino – Daylyn Amaro
Direktor: Nuel C. Naval
Sa Panulat nina: Ara Jell Badayos at Jaymar S. Castro
Sipnosis:

Sa isang katanghaliang tirik na araw, habang namamahinga sa barong-

barong sanhi ng karamdaman ay dumating ang kamag-aral ni Maro (Joshua
Garcia) upang iabot sa kanya ang kopya ng mga gawain upang makahabol sa
mga aralin bunga ng matagal na pagkawala sa eskwela sanhi ng kanyang
karamdaman, gayundin ang pangambang hindi na makasabay sa mga
magsisipagtapos. Dali-dali itong nagpaalam at patagong inayos ang mga papel
sa takot na makita ito ng kanyang ama. Maya-maya pa’y dumating ang ama
nitong si Layot (Nonie Buencamino) at naaktuhan siyang binabasa ang mga
aralin. Agad niyang kinuha ang mga papel at labis na lamang ang pagkagalit

City of Good Character 3

DISCIPLINE • GOOD TASTE • EXCELLENCE
nito sa kanyang anak kaya naman tahasan nitong sinabi na kung mas
mahalaga pa ba ang pag-aaral kaysa sa kanyang kalusugan dagdag pa niya na
Ano ang silbi ng pag-aaral ng nito kung papatayin lamang ang kanyang sarili.
Nakiusap naman si Maro (Joshua Garcia) sa kanyang ama at pinilit na
sabihing uulit na naman siya sa susunod na taon kung ‘di niya ipagpapatuloy
ang pag-aaral ngayon, subalit nanindigan naman ang aman nito na kailangang
magpahinga muna ang anak nang higit pa sa anim na buwan dala ng
nararanasang sakit, sabay sumbat nito ng katagang “akala ko matalino ka?”
Hindi naman napigilan ng anak ang labis na nararamdaman galit kaya
naman nagdabog ito na parang paslit sabay kuha ng kanyang notebook at
palayong nagtungo sa dalampasigan kung saan malapit ang kanilang bahay.
Tinangkang sundan ito ng ama at napatayo na lamang habang pinapanood ang
pagpalahaw at pagluha ng anak habang pinupunit ang notebook kung saan
nakasulat ang sketch ng mga pangarap nito para sa pamilya. Lumapit ang ama
at siya ay pinatatahan. Naglabas ng kanyang saloobin ang anak habang
humahagulgol gayundin naman ang ama. Ipinarating ng ama ang kanyang
naging karanasan mula sa pagkalugmok at takot na muling mangarap. Niyakap
nang mahigpit ng ama ang kanyang anak nang may pagpaparamdam na may
katuwang ito sa kanyang nararamdaman.
Nakita ni Daylyn (Shamaine Buencamino) ang paglubha ng karamdaman
ng anak sa pamamagitan ng pag-ubo nito kaya hindi nito napigilang sumbatan
ang anak sa tila pambabalewala umano nito sa mga sakprisyo nilang mag-
asawa para lamang siya ay mapagamot siya kahit na naghihirap. Pumasok
naman sa usapan ang ama at naging simula ng kanilang pagtatalo sa
pangungunsinti umano niya sa kanyang anak kaya naging matigas ang ulo.
Habang nagsasalita ang ina sumabay naman ang lalo pang paglakas ng ubo ng
anak kaya inabutan siya nito ng inumin at saktong nakita ang dugong inilabas
nito mula sa kanyang pag-ubo.
Humingi ng paumanhin si Maro sa kanyang ama sa kabila ng
pagpupumilit nito na magpatuloy ng pag-aaral kahit na may nararamdamang
sakit. Napagpasiyahan niyang sundin ang payo ng ama na magkaroon ng anim
na buwang gamutan at makalipas ang mga buwang ito ay tuluyan nang
gumaling sa TB kasabay ng pag-aaral sa bahay.
Natapos niya ang hayskul at inakalang ito na ang huling beses na siya ay
makasusuot ng togang puti. Labis naman ang galak at saya na kanilang
nadarama kaya nangako ang ina na magtatanong-tanong ito ng mapapasukang
trabaho sa bayan para mabantayan ito samantalang sinabi naman ng ama na
handa itong pag-aralin ng tiyuhin para makapagpatuloy ng kolehiyo.
C. Pag-unawa sa Binasa
1. Ano ang pangunahing suliranin ang inilahad sa pinakinggang teksto?
2. Anong damdmain ang namayani sa kabuoan ng pinakinggang teksto?
3. Sino-sino ang mga karakter na nagsiganap sa teksto? Ilarawan.
4. Paano ipinakita ng karakter ni Joshua Garcia ang realidad sa tipikal na
kalagayan ng mga kabataang Pilipino?
5. Sa iyong palagay, bakit ganoon na lamang ang pagpigil ng ama na
magpatuloy ang anak sa pag-aaral sa kabila ng karamdaman nito?
6. Paano sinasalamin ng bahaging ito ng pinakinggang teksto ang
kalagayan ng mga kabataan pagdating sa edukasyon? Ano-anong
suliraning panlipunan ang maiuugnay mo?

City of Good Character

DISCIPLINE • GOOD TASTE • EXCELLENCE 4
D. Paglinang ng Talasalitaan
Magtala ng tig-tatlong salita o parirala mula sa binasang teksto batay sa
mga ibinigay na paksa. Isulat ito sa kasunod na tsart sa susunod na pahina.
KAHIRAPAN EDUKASYON

1. 1.

2. 2.

3. 3.

Alam mo ba?
Mula noon hanggang sa kasalukuyan ay naging bahagi na ng pang-
araw-araw na pamumuhay ng bawat Pilipino ang telebisyon. Patunay ito na
ang telebisyon ay maituturing bilang isa sa mahalagang midyum sa larangan
ng broadcasting kahit na nagsulputan na ang iba’t ibang digital platform na
maaaring panooran ng mga programang pantelebisyon. Katulad din ng
pelikula ang mga programang pantelebisyon din ay maituturing bilang isang
sining na naghahatid ng aliw at libangan sa bawat manonood kasabay ang
pagpukaw sa damdamin at kamalayan ng bawat manonood nito. Malaking
puwang ang pinupunan ng telebisyon sa bawat manonod sapagkat
naiimpluwensyahan ng mga programang pantelebisyon ang iba’t ibang
aspekto ng katauhan ng isang tao kabilan na ang aspektong moral,
emosyonal, espiritwal, kultural, panlipunan, edukasyon at iba pa.
Sa kasalukuyan, maraming na ang mga programang tinatangkilik ng
mga manonood mula sa mga naglalakihang broadcasting network katulad ng
ABS-CBN, GMA-7, TV5, at iba pa. Lahat ng mga programang pantelebisyon ay
iniaalok ng mga istasyong ito upang maghatid ng aliw at libangan sa mga
manonood. Nagkakaiba-iba ito ayon sa tema o kategorya katulad ng balita,
magazine show, dokumentaryo, talk show, variety show, travel show,
educational, drama, sports, at public affairs.
Makikita sa ibaba ang ilang halimbawa ng mga programang
pantelebisyon ayon sa kategoryang kinabibilangan nito.
Dokumentaryo Magazine Shows Drama

1. I-Witness 1. Kapuso Mo, 1. FPJs: Ang

2. Reporter’s Jessica Soho Probinsyano
Notebook 2. Rated Korina 2. Kambal Karibal
3. Imbestigador

City of Good Character 5

DISCIPLINE • GOOD TASTE • EXCELLENCE
 News Talk show Current Affairs

1. TV Patrol 1. Gandang Gabi Vice 1. Failon Ngayon

2. 24 Oras 2. Magandang Buhay 2. Unang Hirit
Sports Variety Shows Educational Shows

1. PBA on ABC 1. Eat Bulaga 1. Matanglawin

2. Sports Unlimited 2. It’s Showtime 2. Born to be Wild

Sa larangan ng pagbabalita nariyan ang mga batiking mamamahayag

katulad nina Kabayan Noli De Castro, Mike Enriquez, Luchi-Cruz Valdez,
Bernadette Sembrano, Mel Changco, Jessica Soho, Korina Sanchez at iba pa.
Sandra Aguinaldo, Howie Severino, Kara David, Abner Mercado, Atom Araullo
at iba pa. Ang lahat ng programang ipinapalabas ay sumasailalim sa
mahigpit at masusing pagsusuri, pamamahala at regulasyon ng Movie and
Television Review and Classification Board o MTRCB bilang ahensya ng
pamahalaan na nangangasiwa sa pagrerebyu ng nilalaman at tema. ng mga
programang pantelebisyon bago i-broadcast sa ere.
Ang pagsusuri ng mga programang pantelebisyon ay naglalayong
maisa-isa at makita ang mahahalagang aspekto ng isang napapanood na
programa katulad ng paksa o nilalaman, layunin, anyo at kapupulutan ng
aral. Layunin din nitong makita ang halaga o katuturan ng isang programang
ipinapalabas. Narito ang ilang mungkahing hakbang at gabay sa pagsusuri ng
programang pantelebisyon.
Mga Mungkahing Gabay sa Pagsusuri ng Programang Pantelebisyon
1. Isa-isahin ang mga detalye ng susuriing programa katulad ng pamagat,
tema, pinagmulan, direktor, mga gumaganap na atrista o karakter,
isyung tinatalakay.
2. Isaalang-alang ang tema at kaangkupan sa edad ng mga manonood
ang susuriing programang pantelebisyon. Ilapat ang mga nakalap na
detalye sa inihandang pamantayan sa pagsusuri ng programang
pantelebisyon.
3. Sikaping maging patas sa pagsusuri ng programang pantelebisyon.
Tandan na dapat labas rito ang iyong personal na kagustuhan o pag-
ayaw sa mga ideya, mensahe o paksang nais itinampok.
4. Itala ang mga mahahalagang detalyeng nakuha sa sinusuring
programa gaya ng paksa, mahahalagang salita o ideyang nais iparating
nito.

City of Good Character

DISCIPLINE • GOOD TASTE • EXCELLENCE 6
 Pagyamanin

Ngayon naman ay pagyamanin natin ang iyong natutuhan sa pagsusuri ng

programang pantelebisyon ayon sa pamantayan. Isagawa ang mga gawaing
nakalahad sa ibaba. Gamitin mong gabay ang rubrik na makikita sa ibaba.
GAWAIN I: Balikan ang pinakinggang teksto at suriin ito sa pamamagitan ng
itinakdang pamantayan at checklist. Sundin ang kasunod na pormat sa ibaba.

Pamagat ng Programang Pantelebisyon:

PAMANTAYAN Oo Hindi Paliwanag sa Naging Tugon

1. Nagpapakita ng
makatotohanang pangyayaring
masasalamin sa kasalukuyang
panahon.

2. Nakauugnay sa mga
inilahad na pangyayari o
karanasan sa pinanood na
programa.

3. Angkop ang tema ng

pinanood na programa sa edad
at interes ng mga manonood.

4. Nagpapakita ng mga
pangyayaring maaaring
kapulutan ng mga aral ng
buhay?

5. Mahusay na inilahad ang

pangunahing isyu sa pinanood
na programang pantelebisyon.

GAWAIN 2: Bumuo ka ng iyong sariling pamantayan sa pagsusuri ng programang

pantelebisyon mula sa halimbawang ibinigay ng iyong guro sa letrang A. gamiting
gabay ang halimbawang inilaan para sa iyo. Isulat ang iyong mabubuong
pamantayan sa susunod na pahina.

City of Good Character 7

DISCIPLINE • GOOD TASTE • EXCELLENCE
 Pamantayan sa Pagsusuri ng Programang Pantelebisyon

Halimbawa: Kawili-wili at nakapupukaw ng isipa’t damdamin ng manonood

ang mga pangyayaring itinampok sa programa.

1.

2.

3.

4.

5.

Narito ang rubrik para gabayan ka sa pagsasagawa ng gawain.

Pamantayan 25 15 10
Ginalingan! Ginagalingan! Gagalingan pa!
Pagsunod sa Ang lahat ng May 1 mekaniks Higit sa 2 ang
Mekaniks mekaniks na ang hindi nasunod mekaniks na
inilahad para sa mula sa nabuong hindi nasunod
nabuong awtput ay awtput. mula sa nabuong
nasunod. awtput.

Orihinalidad Ang nabuong May 1-2 Higit sa 3

awtput ay orihinal impormasyon mula impormasyon
at hindi nakitaan sa nabuong awtput mula sa nabuong
ng magkatulad na ang magkatulad. awtput ang
kasagutan. magkatulad.
Wastong Gamit Ang nabuong May 1-2 ang Higit sa 3 ang
ng Salita awtput ay malaya maling maling
sa anomang pagkakagamit at pagkakagamit at
pagkakamali sa baybay sa mga baybay sa mga
pagkakagamit at salita, parirala at salita, parirala at
baybay sa mga pangungusap. pangungusap.
salita, parirala at
pangungusap.

City of Good Character

DISCIPLINE • GOOD TASTE • EXCELLENCE 8
 Isaisip

Tandan na sa pagsusuri ng isang programang pantelebisyon,

mahalaga nag pagkakaroon ng mga pamantayan na magsisilbing gabay sa
isasagawang gawain. Hindi magiging ganap ang pagsusuri kung hindi rin
lubos na nauunawaan ang layon at hangarin ng programang iyong
pinanood.

Pumili ng isang gawaing naaayon sa iyong interes at kakayahan. Gamitin

ang rubrik na makikita sa bahaging pagymanin. Ipasa ito sa platform na itatakda
ng iyong guro.

GAWAIN I: Magtungo sa link na:

https://www.youtube.com/watch?v=b8B6xoFmOhA mula sa Youtube at suriin
ito gamit ang grapikong pantulong sa ibaba. Kung ikaw ay walang internet, basahin
ang sipi sa ibaba.

Hindi Paiiwan
GMA News TV : I-Witness
Dokumentaryo ni Sandra Aguinaldo
September 18, 2020

Sa isang kinakalawang na bubong ng isang bahay sa Baseco, may isang

binatang nangahas mangarap na makawala sa masikip na mundong kinalakhan
niya. Gamit ang hinuhulug-hulugang cellphone sinisikap ni John John Silos,
isang engineering student, na mairaos ang online classes niya sa patingi-tinging
wifi. Kailangan niyang tumuntong sa bubungan ng kanilang barong-barong. Dito
lang kasi malakas ang signal. Aminado siyang mas mahirap matuto sa ganitong
sitwasyon pero sa panahon ng pandemya, kailangan niyang tiisin ang lahat ng
hirap dahil ayaw niyang matigil sa pag-aaral.
Sa Batangas, isa pang engineering student ang natutong maging
mapamaraan pagdating sa online class. Gamit ang ilang pirasong kahoy, lumang
kumot, at cellphone holder na gawa ng kawayan, nagtatayo ng “virtual classroom”
si Mark Joseph Andal sa isang mala-gubat na espasyo makasagap lang ng maayos
na signal para sa klase. Tulad ni John John, cellphone lang din ang gamit niya, at
50 pesos naman kada 3 araw ang inilalaan niyang budget para sa internet.
Desidido raw siyang mag-aral kahit hirap. Siya lang kasi ang inaasahan ng pamilya
lalo pa ngayong may sakit na ang tatay niya.

City of Good Character 9

DISCIPLINE • GOOD TASTE • EXCELLENCE
 Kung dati nang mahirap abutin ang pangarap na makapagtapos para sa
maraming naghihikahos na Pilipino, tila lalo pang nagpabigat ang mga hamong
dala ng online learning. Ang “digital divide” o hindi patas na access sa internet at
gadget ay isa sa pinakamalaking balakid na kailangang malampasan ng maraming
estudyante ngayon.

PAGSUSURI NG PROGRAMANG PANTELEBISYON

Pamagat ng Programa:
Pinagmulang Istasyon:
Petsa ng Pagkakaere:
Mga Isyung Tinalakay:
Pangunahing Mensahe o Kaisipang
Nakuha sa Programa:

Tayahin
Basahin at unawain ang mga tanong at isulat ang letra ng pinakatamang
sagot sa hiwalay na papel.
1. Alin sa mga sumusunod ang angkop na pamantayan sa pagsusuri ng
programang pantelebisyon?
A. Kinakitaan ng mga mabubuti at masasamang pangyayari sa mga
eksenang itinampok sa programa.
B. Epektibo at mahusay ang pagbibitiw ng mga linya o diyalogo ng mga
karakter sa programa.
C. Dumaan sa mahigpit na sensura ang mga maseselang eksena sa
programa.
D. Angkop ang tema at nilalaman ng mga eksenang ipinakita sa programa.
2. Kung ang programang pang telebisyon ay kinakitaan ng mga maseselang
eksena katulad ng droga, seksuwal at horror, ano ang nararapat na maging
rating nito batay sa gatnubay ng MTRCB?
A. Rated G
B. Rated PG
C. Rated SPG
D. Restricted 18
3. Ang mga sumusunod ay mga programang pantelebisyon na nasa kategorya
ng variety shows maliban sa .
A. ASAP Natin ‘To
B. Eat Bulaga

City of Good Character

DISCIPLINE • GOOD TASTE • EXCELLENCE 10
 C. It’s Showtime
D. Failon Ngayon
4. Kung nais mong masuri ang kaugnayan ng mga pangyayari o eksena mula
sa programa sa mga kasalukuyang usaping panlipunan, ano dapat ang
maging pamantayan mo?
A. Nagpapakita ng makatotohanang pangyayaring masasalamin sa
kasalukuyang panahon.
B. Mahusay na inilahad ang pangunahing isyu sa pinanood na programang
pantelebisyon.
C. Epektibo at mahusay ang pagbibitiw ng mga linya o diyalogo ng mga
karakter sa programa.
D. Dumaan sa mahigpit na sensura ang mga maseselang eksena sa
programa.
5. Alin sa sumusunod ang tama tungkol sa pagsusuri ng programang
pantelebisyon?
A. Pamamaraan upang makita ang kalakasan at kahinaan ng isang
programa.
B. Pag-iisa-isa sa mga mahahalagang detalye at impormasyon tungkol sa
mga napapanood.
C. Ito ay isang kasanayang naglalayong maisa-isa ang mahahalagang
detalye na magagamit para masuri ang kabuoan ng programa.
D. Pagtukoy sa mahahalagang impormasyong magagamit upang
maihambing sa iba pang mga programa.

Sa puntong ito, ikaw ay bibigyan ko ng karagdagang marka kung maisagawa

mo ang gawaing ito. Gamitin mo ang rubrik na nasa bahaging “Pagyamanin” ng
modyul na ito para gabayan ka sa gawain.

Manood ka ng iba pang programang pantelebisyon at bumuo ka ng isang

pagsusuri at sariling pamantayan na gagamitin mo sa pagsusuri nito. Ang
pamantayang iyong bubuoin ay bago at walang anomang pagkakatulad sa mga
nabanggit sa modyul na ito.

Kapuri-puri ang ipinakita mong kahusayan sa pag-aaral, ipagpatuloy. Binabati kita!

Hanggang sa susunod na aralin!

City of Good Character 11

DISCIPLINE • GOOD TASTE • EXCELLENCE
 Susi sa Pagwawasto

Sanggunian

https://www.youtube.com/watch?v=b8B6xoFmOhA
https://midas.mtrcb.gov.ph/site/#!classification
https://www.scribd.com/doc/151312114/Pasimula-Sa-Araling-Pantelebisyon
https://www.youtube.com/watch?v=CZnH59qzsxs

City of Good Character

DISCIPLINE • GOOD TASTE • EXCELLENCE 12
 Bumubuo sa Pagsulat ng Modyul

Manunulat: Bryan D. Aurelio (Guro, JDPNHS)

Mga Editor: Maru U. Panganiban (Guro, JDPNHS)
Adelwisa P. Mendoza (Guro, CISSL)
Tagasuri Panloob: Galcoso C. Alburo (EPS, Filipino)
Tagasuri Panlabas:
Tagaguhit: Paolo N. Tardecilla (Guro, KNHS)

Tagalapat:
Tagapamahala:
Sheryll T. Gayola
Pangalawang Tagapamanihala
Pinunong Nanunuparan - Tanggapan ng Tagapamanihala

Elisa O. Cerveza
Hepe – Curriculum Implementation Division
Pinunong Nanunuparan - Tanggapan ng Pangalawang
Tagapamanihala

Galcoso C. Alburo
Superbisor sa Filipino
Ivy Coney A. Gamatero
Superbisor sa LRMDS

City of Good Character

DISCIPLINE • GOOD TASTE • EXCELLENCE