KARANIWANG PAGKAKAMALI SA GRAMATIKA SA PAGSULAT NG
PANANALKSIK NG MGA ESTUDYANTE NG SENIOR HIGH SCHOOL
Ang pananaliksik ay karaniwang isinasagawa pagtungtong ng senior high school
at tertiarya. Ang pagsasagawa ng pananaliksik ay kadalasang nagbibigay bagong impormasyon at kaalaman sa mga estudyante na may patungkol sa kursong kinukuha. Ang karaniwang pagkakamali na kadalasang namamataan sa isang pananaliksik ay ang pagkakamali sa gramatika. Ang gramatika ay ang tamang pagsulat ng mga pangungusap at tamang paggamit ng mga salita. Mahalaga ito sa pagsulat ng pananaliksik upang malinaw ang gustong ipahiwatig sa mambabasa at upang hindi magkaroon maling pangangalap ng impormasyon. Hindi lamang nakatuon ang pananaliksik sa kung anong metodolohiya ang iyong gagawin, kundi pati na rin sa kung paano mabubo ang isang pananaliksik nang may tamang gramatika. Sa paggawa ng pananaliksik, mahalagang ipa- proof read ang mga naisagawa na upang malaman kung may kailangan pang baguhin at ayusin na mga salita.
Ang pagsulat ay isang produktibong kaalaman na kinakailangan ng bawat isang
estudyante, lalo na at pagdating ng tertiarya ay maraming pananaliksik ang kinakailangan na gawin. Ang gramatikang pagkakamali ay hindi lamang sa maling paggamit ng salita, ang maling paggamit din ng bantas ay isang uri rin ng gramatikang pagkakamali. Gayunpaman, dahil sa patuloy na pagbabago ng ating mga salita at ng paggamit sa mga ito, maaaring ang ginagamit na mga tamang salita ngayon ay isang maling salita sa gramatika noon. Ipinahayag ni Kramer (2023) na ang mga karaniwang pagkakamali sa gramatika ay ang paggamit ng mga maling salita, pagpapaikli ng mga salita at maling paggamit ng mga bantas. Ang mga naihayag na karaniwang pagkakamali ay ang mga karaniwang kinakailangan sa pagsulat ng pananaliksik. Bilang manananaliksik ay nararapat lang na mahusay sa paggamit ng tamang mga salita at bantas upang maging malinaw at direkto ang gustong ipahayag ng isang mananaliksik. Maryhill College, Inc College of Arts, Sciences and Education Lucena City
Ayon sa Rice University (2022) na karaniwan sa mga mananaliksik ay hindi
naguumpisa agad, na nagiging raon upang madaliin ang kanilang pananaliksik at nagdudulot ng paggamit ng mga maling pangungusap, mga paulit-ulit at hindi kinakailangan na mga parirala. Nararapat na umpisahan ang pananaliksik nang mas maaga upang maisagawa ang mga tamang proseso, katulad na lamang ng proofreading at pagbibigay isa ng iyong panananaliksik. Kahit ang pinakamagaling na manunulat ay nagkakaroon din ng pagkakamali sa gramatika ngunit nararapat din na malaman ng bawat mananaliksik na ang pananaliksik ay isang pormal na Gawain. Isa rin ang mekaniks sa dapat tuonan ng pansin upang maging tama ang paggamit ng gramatika. Ang mananaliksik ay dapat may kakayahang gumamit ng wastong pagbabaybay, kapitalisasyon, pagbabantas, pagpapantig ng mga salita at iba pa, dapat isa-isip na ang maayos na pagkakasulat ng isang sulatin ay isang kailanganin na dapat isaalang-alang sa pagsulat. Kinakailangan na lagging tandaan ang wastonh paggamit ng mga baybayin, hindi lamang sa pananaliksik, pati na rin sa ibang sulatin na sa hinaharap ay gagawin. (Misa, 2021)
Sa panahon ngayon, hindi pa rin naiiwasan ang maling paggamit ng gramatika.
Sa larangan ng pananaliksik, importante na maingat tayo sa paggamit ng gramatika dahil ang pananaliksik ay isang pormal na sulatin. Marami ang dahilan kung bakit nagkakamali sa gramatika at isa na rito ang maling pagkakaintindi sa mga salita o terminolohiya, hindi sapat na lawak ng bokabularyo, maling pagbaybay ng salita at maling paggamit ng mga bantas. Ang kakulangan ng kaalaman sa tamang paggamit ng gramatika ay mahalagang bigyan pansin lalo na sa pagsulat ng pananaliksik upang maging makabuluhan at maayos ito. Layunin ng pag-aaral na ito na suriin at unawain ang mga karaniwang pagkakamali sa gramatika sa pagsulat ng pananaliksik sa mga mag-aaral ng Senior High School. Sa pamamagitan ng detalyadong pagsusuri at pagtukoy ng mga pagkakamali, nais malaman mg mananaliksik ang mga sanhi ng pagkakamali sa gramatika at kung paano ito matutulungan sa hinaharap. Sa Maryhill College, Inc College of Arts, Sciences and Education Lucena City
pamamagitan ng pag-unawa sa mga sitwasyong ito, hindi na mahirap na tukuyin ang
mga rekomendasyon at estratehiya upang matulungan ang mga mag-aaral na baguhin ang kanilang paraan ng pagsulat ng mga akademikong teksto at pagsulat ng pananaliksik.
Dahil sa datos ng mga nasabing pananaliksik, nais ng mga mananaliksik na
makabuo ng pag-aaral na tutukuyin ang mga salik sa karaniwang kamalian sa gramatika sa pagsulat ng pananaliksik ng mga mag-aaral na nasa baitang ika-labing isa at ika-labing dalawa ng Maryhill College. Mahalaga na ang suliraning ito ay mabigyan kasagutan dahil ito ay nagiging hadlang sa kanilang pagsulat ng pananaliksik. Bukod pa rito, ang pag-aaral ng karaniwang kamalian sa gramatika sa pagsulat ng pananaliksik ay mahalaga dahil ito ay nagbibigay ng malinaw na pagkaunawa sa mga mag-aaral kung paano gumamit ng tamang gramatika sa kanilang pananaliksik. Sa pamamagitan ng pananaliksik na ito, inaasahan na matutuklasan ang mga karaniwang kamalian sa gramatika na ginagawa ng mga mag-aaral at mabibigyan ng solusyon ang mga ito upang mapabuti ang kanilang pagsulat ng pananaliksik.