Republic of the Philippines

Department of Education
Region I
DIVISION OF PANGASINAN II
Laoac District
LEBUEG ELEMENTARY SCHOOL

MALA-MASUSING BANGHAY ARALIN SA FILIPINO 1

I. LAYUNIN

Sa loob ng limampung (50) minuto, ang mga mag-aaral sa unang baitang ay

inaasahang magagawa ang mga sumusunod na mayroong pitumpu’t limang
porsyentong kahusayan (75% proficiency):

a. Nasasabi ang kahulugan ng salitang “magkasalungat”;

b. Nakakapagbibigay ng mga halimbawa ng salitang magkasalungat;
c. Nakikilala ang mga salitang magkasalungat sa pangungusap;
d. Nailalarawan ang tao, bagay, hayop, at iba pa.

II. PAKSANG ARALIN

A. Paksa: “Mga Salitang Magkasalungat”

B. Sanggunian: Learner’s Material p. 198 & 261
C. Kagamitan: Laptop, PowerPoint
D. Konsepto: Magkasalungat – mga salitang magkaiba o magkabaliktad ang
kahulugan
E. Kasanayan: Cooperative and Collaborative Learning
F. Pagpapahalaga:

III. PAMAMARAAN
A. Panimulang Gawain:

Pagbabalik-aral:

Mga Salitang Magkasingkahulugan.

Hahatiin ng guro ang klase sa dalawang grupo.

1. Mabango - mahalimuyak
2. Madilim - makulimlim
3. Matangkad - mataas, malaki
4. Maganda - marikit
5. Suweldo - kinikita
6. Pera - salapi
7. Isa - solo
8. Negosyo - Pinagkakakitaan

Pagganyak:

Awitin ang kantang “Tatlong Bibe”.

Gabay na tanong:
1. Paano inilarawan ang mga bibe sa kanta?
B. Pagtalakay:

Mula sa PowerPoint Presentation, basahin at talakayin ang konspeto ng

magkasalungat na mga salita.

 Magbasa Tayo!

Si Lito at Lita
Magkapatid sina Lita at Lito.
Si Lita ay maliit.
Si Lito ay malaki.
Ang buhok ni Lita ay mahaba.
Ang buhok ni Lito ay maikli.
Mabagal tumakbo si Lita.
Mabilis naman tumakbo si Lito.

Mga gabay na tanong:

1. Sino ang magkapatid?
2. Ano-ano ang mga katangian ng magkapatid?

 Ilarawan Mo!

1. Malaki, Maliit

2. Mataas, Mababa

3. Malamig, Mainit

4. Sakitin, Malusog
 5. Malungkot, Masaya

 Alamin Mo

Pag-aralan ang mga pangungusap. Ano ang mga salitang may magkaibang
kahulugan sa bawat pangungusap?

1. Ang Pasko ay isa sa mga pinananabikang araw ng lahat maliban kay Josie na
ayaw dumating ang araw na ito.
2. Ang lahat ay may ilaw na makukulay. Ang kanilang bahay lang ang iisa ang
kulay ng ilaw.
3. Madilim sa bahay nina Josie dahil pundido na ang kanilang ilaw. Kaya’t
nagdala si Mang Tony na kaniyang kapitbahay ng umiilaw na pamalit.
4. Napalitan din ng marikit na kasuotan ang kaniyang hindi magandang damit
matapos bigyan ng isa pang mabait na kapitbahay.

C. Paglalapat:

Hanapin sa Hanay B ang kasalungat ng salita na nasa Hanay A. Isulat sa patlang

ang titik ng tamang sagot.

Hanay A Hanay B
___ 1. dagdagan a. lumabas
___ 2. natulog b. mali
___ 3. pumasok c. bawasan
___ 4. kakaunti d. gumising
___ 5. tama e. marami

D. Paglalahat:

Ang mga salitang magkasalungat ay ________________________.

Ang mga salita ay magkasalungat kung ang kanilang mga kahulugan ay

________.

IV. PAGTATAYA

Piliin sa kahon ang kasalungat ng mga salitang may salaungguhit sa bawat

pangungusap.

mabagal maingay tamad malakas magaan

1. Si Lorenzo ay masipag na bata.

2. Nakikipag-usap siya nang may mahinang boses.
3. Tahimik siyang naglalaro habang natutulog ang ibang mga kasama sa bahay.
4. Tinutulungan niyang magbuhat ng mabigat na mga gamit ang kaniyang nanay.
5. Mabilis din niyang sinusunod ang mga utos na ibinibigay sa kaniya.

V. KASUNDUAN

Bilugan ang mga salitang kasalungat sa bawat pangkat.

 1. mali tama di-wasto
2. buo bahagi lahat
3. maliit malaki munti
4. marumi malinis marungis
5. malamig mainit maginaw

Prepared by:

ERLINDA D. EGROS
Teacher III/Adviser

Checked and Verified:

EDNA R. RAMOS, PhD

Master Teacher II

Noted:

MARCOS R. VASAY
Assistant School Principal II
OIC, Office of the Principal

REBECCA T. GONZALES, EdD, JD

Public Schools District Supervisor