PANUKALANG SOLUSYON SA KAKULANGAN NG SUPLAY NG TUBIG

SA PAARALAN NG MSUN-IDS

Mula kina
Baludo, Jackie Mae
Mejia, Ashley Jane
Romo, Keannah Louisse
Sabellina, Mary Ann
Satumba, Charlotte Angel

MSUN-IDS, Poblacion, Naawan, Misamis Oriental

Ika - 10 ng Mayo 2024
Haba ng Panahong Gugulin: 5 buwan at kalahati

I. Pagpapahayag ng Suliranin

Kilala sa kanilang mataas na kalidad ng pagtuturo at pagiging huwaran sa

larangan ng pagpapaunlad ng mga estudyante ang paaralan ng MSUN-IDS, o
Mindanao State University at Naawan - Integrated Developmental School. Ang
kanilang pangunahing adhikain ay hindi lamang magbigay ng kaalaman kundi pati na
rin itaguyod ang kabuuang pag-unlad ng mga mag-aaral sa iba't ibang larangan ng
kanilang buhay.
Ang kakulangan ng suplay ng tubig sa paaralan ng MSUN-IDS ay isang
pangunahing suliranin na nakaaapekto sa kapakanan at kaligtasan ng mga mag-aaral
at kawani ng paaralan. Ito ay nagdudulot ng hindi pagkakaroon ng sapat na tubig para
sa pang-araw-araw na pangangailangan tulad ng pag-inom, paghuhugas ng mga
gamit, at paglilinis ng mga pasilidad. Ang kawalan ng regular na suplay ng tubig ay
nagiging hadlang sa maayos na pagpapatupad ng mga gawain sa paaralan at maaaring
magdulot ng mga problemang pangkalusugan. Sa ganitong kalagayan, mahalaga na
tugunan ang suliraning ito upang matiyak ang kaligtasan at kaginhawaan ng lahat ng
mga nasa paaralan ng MSUN-IDS.
Sa pagtugon sa hamon ng kakulangan ng suplay ng tubig sa paaralan ng
MSUN-IDS, mahalaga na tayo'y magkaisa at kumilos ngayon upang tiyakin ang
kaligtasan at kaginhawaan ng mga mag-aaral at guro. Sa pamamagitan ng
pagpapatupad ng panukalang solusyon na ito, maaari nating masiguro ang patuloy na
pag-unlad at pagiging maayos ng edukasyon sa MSUN-IDS, anuman ang hamon na
ating harapin.

II. Layunin

Layunin ng panukalang solusyon na tiyakin ang sapat na suplay ng tubig sa

MSUN-IDS upang matugunan ang pangangailangan ng paaralan at mga mag-aaral sa
araw-araw na gawain at pangangailangan. Layon din nito na mapalakas ang sistema
ng pangangalaga at pamamahala sa tubig upang maiwasan ang mga problema sa
kakulangan nito sa hinaharap.
I. Plano ng Dapat Gawin

1. Pag-aaral ng Kasalukuyang Kalagayan:

 Simulan ang plano sa pamamagitan ng pagsasagawa ng komprehensibong
pagsusuri ng kasalukuyang sistema ng suplay ng tubig sa paaralan. Itala ang mga
sirkumstansiya ng kakulangan at ang mga dahilan kung bakit ito nagaganap.

2. Pakikipag-ugnayan sa Mga Stakeholder:

 Makipag-ugnayan sa mga kinauukulan, kabilang ang pamunuan ng paaralan,
lokal na pamahalaan, mga tagapagbigay ng serbisyo ng tubig, at iba pang mga
ahensya o organisasyon na maaaring magbigay ng suporta sa paglutas ng
problemang ito.

3. Pagpaplano ng Solusyon:
 Pag-aralan ang iba't ibang opsyon para sa pagpapalakas ng suplay ng tubig sa
paaralan. Maaaring isama ang mga sumusunod:
 Pag-install ng karagdagang water tanks o reservoirs.
 Pagpapalakas ng sistema ng pagkolekta ng tubig-ulan.
 Pagtayo ng sariling water filtration system o water treatment facility.
 Pagtataguyod ng kampanya para sa pagtitipid at wastong paggamit ng tubig
sa loob ng paaralan.

4. Pagsasagawa ng Pondo:
 Itakda ang pondo para sa implementasyon ng solusyon. Maaaring makuha ang
pondo mula sa pambansang o lokal na gobyerno, donasyon mula sa pribadong
sektor, o pamamagitan ng fundraising activities.

5. Implementasyon:
 Simulan ang pagpapatupad ng mga napiling solusyon. Siguruhing may sapat na
koordinasyon at suporta mula sa mga kinauukulan upang mapadali ang proseso.

6. Pagsusuri at Pag-evaluate:
 Matapos ang pagpapatupad, isagawa ang regular na pagsusuri at pag-evaluate sa
epekto ng mga solusyon. Alamin kung epektibo ba ito sa paglaban sa kakulangan
ng suplay ng tubig sa paaralan.

7. Edukasyon at Kampanya:
 Isagawa ang edukasyon at kampanya sa paaralan tungkol sa wastong paggamit ng
tubig. Ituro sa mga mag-aaral at kawani ang kahalagahan ng pagtitipid at
pagmamalasakit sa likas na yaman.

8. Regular na Maintenance:
 Siguruhing mayroong regular na maintenance at pag-aalaga sa mga ipinatupad na
solusyon upang mapanatili ang kanilang epektibong pag-andar.
IV. Badyet

Mga Gastusin Halaga

Pagtayo ng water tank 50,000.00

Sweldo ng mga trabahador 25, 000.00

Makinarya at iba pang mga materiales 20,000.00

Koneksyon ng kuryente at tubig 30,000.00

Permit, at regulatory fees mula sa lokal na pamahalaan 20,000.00

Total 145,000.00

V. Benepisyo ng Proyekto at mga Makikinabang nito

Ang proyektong ito ay magdadala ng maraming benepisyo para sa paaralan ng

MSUN-IDS at sa mga mag-aaral nito. Una, magkakaroon ng mas sapat at maayos na
suplay ng tubig sa paaralan, na magbibigay ng malinis at ligtas na inumin para sa mga
mag-aaral at guro. Pangalawa, mababawasan ang oras at pagod ng mga mag-aaral sa
paghahanap ng tubig mula sa labas ng paaralan. Pangatlo, mas mapapalakas ang
kalusugan ng mga mag-aaral dahil sa pagkakaroon ng access sa malinis na tubig.
Ikaapat, mabibigyan ng mas maraming oras ang mga mag-aaral na pag-aralan at
makipag-interact sa kanilang mga guro nang hindi na iniisip ang paghahanap ng tubig.
Panglima, magkakaroon ng positibong epekto sa pagtuturo at pag-aaral dahil sa mas
maayos na kapaligiran sa paaralan. At huli, magbibigay ito ng oportunidad para sa
pagpapakita ng pagkakaisa at pagtutulungan sa komunidad sa pagtugon sa
pangangailangan ng bawat isa.