Jezreel Jeanne L.

Caparoso PONDO 12 Lyra

Pera, pinapagulong ng pera ang halos lahat ng bagay sa ating mundo. Sa ating
panahon ngayon, pera ang naging basehan kung gaano kalakas at kalaki ang
impluwensya ng isang tao at isang bansa. Pero saan nga ba nanggaling ang mga
perang ito, ano nga ba ang pondo ng gobyerno na siyang nag didikta kung ano ang
magiging landas ng isang bansa.

Ang pondo ay perang ginagamit ng ating pamahalaan para makapag patupad ng

mga proyekto, insentibo, mga polisiya, at iba pang mga gawaing para sa ikauunlad ng
bawat tao at ng bansa. Nanggaling ang malaking bahagi nito sa mga binabayad na
buwis ng taong bayan at ng mga korporasyon at mga establisyimento, kung kaya’y
madalas nating makikita sa mga nakapaskil na proyekto ang katagang, “This is where
your taxes go”. Pera mo, at pera ng taong bayan ang ginagamit ng gobyerno para
makapag pagawa ng pagbabago, kaya’y ganyan na lang kalaki ang kahalagahan at
responsibilidad nating mga mamamayan sa pagbabayad ng tamang buwis.

Napakalaking bagay ang magkaroon ng kaalaman at pag-unawa kung saan

napupunta ang perang binabayad natin sa gobyerno. Bawat sentimo na ating
nababayad ay pinaghihirapang makuha, hindi araw-araw na makakapulot tayo ng pera
sa daan kaya ay dapat bigyang halaga ang bawat pera.

Sa pagpapalaganap ng kaalaman ukol sa pinagkukunan ng pondo, isa sa mga

mahalagang bahagi ay ang transparency at accountability ng gobyerno. Dapat tayo ay
magkaroon ng mga lider na may integridad at tapat sa kanilang tungkulin upang
siguruhing ang pondo ng bayan ay tamang ginagamit. Diyan pumapasok ang
kahalagahan ng pagpili ng tamang mga tao tuwing eleksyon. Hindi porket sikat ang
isang tao o nagmula sa isang marangyang pamilya ay sigurado nang malaki ang
maitutulong nya sa inyo o ating komunidad. Busisihing maagi kung gaano kagaling ang
taong iboboto, wag magpadala sa nakararami at sa mga taktika ng mga politikong
namimili ng boto o kung tawagin natin dito, “kamang”. Piliin mo kung sino sa tingin mo
ang karapat dapat. Dahil mahirap na kung ang napiling lider ay hindi naman pala
kwalipikado at mayroong mga personal na balak habang nanunungkulan, ika nga nila
nasa huli ang bawat pagsisisi.

Responsibilidad din nating mamamayan ang labanan ang katiwalian. Tayo ay

may karapatan na kwestyonin ang mga "inconsistencies" sa gobyerno at hindi dapat
tayong maging mangmang o magsiwalang-kibo sa mga maling nakikita. Ito ay bahagi
ng pagtupad natin ng ating tungkulin bilang mamamayan.Dapat tayo ay maging
huwaran sa pagbabayad ng buwis, pagsunod sa mga batas, at pagtutol sa anumang uri
ng katiwalian. Ang ating mga aksyon ay may malalim na epekto sa kabuuang kalagayan
ng ating bayan.

Sa huli, ang "PONDO" ay hindi lamang simpleng pera. Ito ay ang pundasyon ng
ating pambansang kaunlaran, katarungan, at kalusugan. Sa ating pagkakaisa at tamang
pamamahala ng pondo, maari nating makamit ang mga pangarap natin para sa mas
maunlad at makatarungan na bayan.

Maraming salamat po, at nawa'y magkaroon tayo ng mas makatarungan at maunlad na

bayan. Sama-sama tayong babangon muli, Mabuhay ang Pilipinas!