Professional Documents
Culture Documents
6 As Vangardas Tamén Falan en Feminino
6 As Vangardas Tamén Falan en Feminino
en feminino
Os últimos anos do século XIX e as primeiras décadas do XX
caracterizáronse por grandes cambios sociais e políticos,
importantes avances en ciencia e tecnoloxía, e o nacemento de
novos conceptos filosóficos e artísticos.
As e os artistas figurativos colocáronse á cabeza da modernidade
tomando as rendas dun progreso que crían posible só a través da
expresión da Arte en todas as súas facetas. Propuxeron novas
linguaxes capaces de superar os modelos de representación
tradicionais que consideraban esgotados e parecían insuficientes,
entrando en crises o propio concepto de “Arte”. Era un grupo
comprometido que difundía, mediante manifestos, as súas ideas e
principios, xustificando conceptualmente esas novas propostas e
formas de expresión.
No terreo da Música tamén se experimentou esa inquietude, os
músicos e as músicas sentiron a necesidade de atopar novos
xeitos de expresión, posto que para eles e elas a linguaxe musical
tradicional, a linguaxe tonal, chegara ao seu límite co Romanticismo.
Nesta liña xurdiron novas formas de expresión musical:
atonalidade, dodecafonismo, neoclasicismo, futurismo,
politonalidade, etc.
Neste mundo trepidante vivía a muller artista, e en concreto, a
muller música. O século XX foi comunmente considerado como o
século das mulleres polos numerosos avances logrados. Con todo,
a sociedade da época consideraba que as mulleres tiñan a
obrigación de converterse en boas esposas e nais, que debían
agradar ao marido, e xa que logo só si este dáballes permiso podían
tomar e impartir leccións de música, sempre a un nivel moi
elemental, como “música de adorno”. Malia todo iso, as mulleres
foron conseguindo unha maior visibilidade, co dereito ao voto e o
progresivo acceso ao mundo laboral e aos estudos superiores,
todo o cal contribuíu a unha independencia e liberdade cada vez
maiores.
As compositoras desta época, ademais de nais e esposas,
considerábanse a si mesmas artistas e, sendo conscientes do seu
talento, participaron activamente nas vangardas do seu tempo.
Foron directoras de orquestra, intérpretes virtuosas, e profesoras
en prestixiosas escolas, universidades e conservatorios.
Ademais, estaban comprometidas coa sociedade que lles tocou
vivir, axudando activamente nos campos de batalla como
enfermeiras, dando concertos benéficos, clases en asilos infantís,
e sendo un apoio fundamental para compositoras e compositores
novos que intentaban abrirse camiño no mundo da música.
AMY BEACH (AMY MARCY CHENEY BEACH) (Henniker, 3 de
setembro de 1867 - Nova York, 27 de decembro de 1944)
Amy foi unha rapaza prodixio:
cun ano entoaba melodías
perfectamente afinadas, aos
dous facía segundas voces ás
melodías que cantaba a súa nai,
a cantante e pianista Clara
Imogene Marcy Cheney, aos
catro anos comezou a
compoñer, aos seis recibiu as
primeiras clases de piano, e aos
sete ofreceu o seu primeiro
concerto público. En 1875 a
familia trasladouse a Boston,
onde continuou, en gran parte
de xeito autodidacta, os seus
estudos musicais. Alí traduciu o
tratado de orquestración de
Berlioz e analizou as obras de
Amy Beach
grandes figuras da música.
A súa OBRA:
Cabildo, opus 149 (ópera nun acto, 1932) Amy Beach
Eliende Wolken (aria para contralto e orquestra, 1892)
Sinfonía Gaélica (1893)
Piano concerto (1899)
Romance, opus 23 (para violín e piano, 1893)
Piano quintet, opus 67 (1907)
Tema e variacións, opus 80 (1916)
Cuarteto de corda nun movemento, opus 89, (1929)
Pastoral, opus 90 (1921)
Four sketches, opus 15/1-4 (1892)
Scottish Legend, opus 54/1-2 (1903)
From grandmother’s Garden, opus 97/1-5 (1922)
Suite for two pianos, opus 104 (1924)
Misa en mi menor, opus 5 (1890)
Festival jubilate, opus 17 (1892)
Four Choral Responses, opus 133 (1932)
Three Songs opus 21/1-3 (1893)
Chanson d'amour, Extase, Elle et moi, Three Browning Songs, opus
44/1-3 (1900)
The year's at the spring, Ah, love but a day, I send my heart up to
thee, Mamma's Waltz, (1877)
Menuetto, (1877)
Petite valse (1878)
The Rainy Day (1880)
Mamma’s Waltz,
Amy Beach. 1875
WANDA LANDOWSKA (Varsovia, 5 de xullo de 1879 - Lakeville,
Connecticut, Estados Unidos, 16 de agosto de 1959)
Compositora, clavecinista e profesora polaca, naceu nunha familia
de alto nivel cultural, o seu pai era xurista e afeccionado á música e
a súa nai profesora e tradutora. Wanda comezou desde moi
pequena os seus estudos musicais; con catro anos xa tocaba o
piano. Estudou no Conservatorio de Varsovia, e a partir de 1896,
ampliou a súa formación en Berlín. Recibiu clases de composición e
compuxo algunhas cancións, como Kolysanka para voz e piano.
En 1900 contraeu matrimonio con
Henry Lew, tamén músico, que a
apoiou na súa carreira musical. Neste
tempo trasladouse a París onde
impartiu clases na Schola Cantorum,
especializándose na obra de Bach e
acadando grandes éxitos como
pianista. Comezou a estudar o clave
dos séculos XVII e XVIII, con intención
de recuperar do esquecemento
importantes creacións e profundar
Wanda Landowska na súa correcta interpretación.