Pagsuri at Pagbasa ng iba’t ibang teksto tungo sa pananaliksik
G. Archie | Ika-2 Semester
Topic Outline:
● Pananaliksik
PANANALIKSIK
Good (1963)
“Ang pananaliksik ay isang maingat, kritikal, disiplinadong inquiry sa
pamamagitan ng iba’t ibang teknik at paraan batay sa kalikasan at kalagayan ng
natukoy na suliranin tungo sa klaripikasyon at/o resolusyon nito.”
Aquino (1974)
“Ang pananaliksik ay isang sistematikong paghahanap sa mga mahahalagang
impormasyon hinggil sa isang tiyak na paksa o suliranin. Matapos ang maingat at
pertinenteng impormasyon o datos hinggil sa isang tiyak na paksa o suliranin at
matapos suriin at lapatan ng interpretasyon ng mananaliksik ang mga nakalap
niyang datos ay mahaharap pa sa isang esensyal na gawain- ang paghahanda
ng kanyang ulat-pananaliksik.”
MANUEL AT MEDEL (1976)
“Ang pananaliksik ay isang proseso ng pangagalap ng mga datos o
impormasyon upang malutas ang isang partikular na suliranin sa isang
siyentipikong pamamaraan.”
Parel (1966)
“Ang pananaliksik ay isang sistematikong pag-aaral o imbestigasyon ng isang
bagay sa layuning masagot ang mga katanungan ng isang mananaliksik. “
E. Trece at J.W. Trece (1976)
“Ang pananaliksik ay isang pagtatangka upang makakuha ng solusyon sa mga
suliranin, dagdag pa rito ang pangangalap ng mga datos sa isang kontroladong
sitwasyon para sa layunin ng prediksyon at eksplanasyon.”
Calderon at Gonzales (1993)
“Formulated in a more comprehensive form, research may be defined as a
purposive, systematic and scientific process of gathering, analyzing, classifying,
organizing, presenting and interpreting data for the solution of a problem, for
prediction, for invention, for the discovery of truth, for the expansion or
verification of existing knowledge, all for the preservation and improvement of
the quality of human life.”
Layunin
Ang pangunahing layunin ng pananaliksik ay ang preserbasyon at pagpapabuti
ng kalidad ng pamumuhay ng tao.
Good at Scates (1972)
“The purpose of research is to serve man and the goal is the good life.”
MGA TIYAK NA LAYUNIN NG PANANALIKSIK AYON KINA CALDERON AT
GONZALES (1993)
✔ Upang makadiskubre ng mga bagong kaalaman hinggil sa mga batid
nang penomena
✔ Upang makakita ng mga sagot sa mga suliraning hindi pa ganap na
nalulutas ng mga umiiral na metodo at impormasyon
✔ Mapagbuti ang mga umiiral na teknik at makadebelop ng mga
bagong instrumento o produkto
✔ Makatuklas ng hindi pa nakikilalang substances at elemento
✔ Higit na mauunawaan ang kalikasan ng mga dati nang kilalang
substances at elements
✔ Makalikha ng mga batayan ng pagpapasya sa kalakalan, industriya,
edukasyon, pamahalaan, at iba pang larangan
✔ Ma-satisfy ang kuryosidad ng mananaliksik
✔ Mapalawak o ma-verify ang mga umiiral na kaalaman
MGA KATANGIAN NG MABUTING PANANALIKSIK
a) Ang Pananaliksik ay sistematik
May sinusunod itong proseso o magkakasunud-sunod na mga hakbang
tungo sa pagtuklas ng katotohanan, solusyon ng suliranin, o ano pa mang
nilalayon sa pananaliksik.
Halimbawa:Sa pakikipanayam, kailangan muna na gumawa ng liham para
sa iinterbyuhin, gumamit ng tape recorder. Itanskrayb ito bago suriin.
b) Ang Pananaliksik ay kontrolado
Lahat ng mga varyabol na sinusuri ay kailangang mapanatiling konstant.
Sa madaling salita, hindi dapat baguhin.
Halimbawa: Kapag nagsasagawa ng isang survey, hindi maaring baguhin
ang resulta nito dahil hindi na magiging totoo ang pananaliksik kung ang
survey ay kontrolado.
c) Ang pananaliksik ay empirikal.
Kailangang maging katanggap – tanggap ang mga pamamaraang
ginagamit sa pananaliksik maging ang mga datos na nakalap.
Halimbawa: Kung nais matukoy ang mga katangian ng isang mall na
nagiging dahilan para puntahan ito ng tao, pinaka angkop na paraan ang
survey. Hindi gaanong magiging katanggap-tangap ang resulta kung
ibabatay lang ito ng mananaliksik sa mga katangian ng mall na paboritong
puntahan ng mga pamilya.
d) Ang pananaliksik ay Mapanuri
Sa pananaliksik, ang mga datos na nakalap ay kailangang suriin nang
kritikal upang hindi magkamali ang mananaliksik sa paglapat ng
interpretasyon sa mga datos na kanyang nakalap. Kailangan ding gumamit
ng mga navalideyt nang pamamamaraang pang-estaditika sa pagsusuri ng
datos upang masabing analitikal ang pananaliksik.
Halimbawa: Kung matutuklasan na hindi gaanong pinupuntahan ng mga
turista ang Isla ng Caramoan sa Camarines Sur sa kabila ng ganda nito,
bakit kaya? Ang kamahalan bang bayad sa tour package? Ang kakulangan
ba sa kaalaman na may ganoon palang pook pasyalan?
e) Ang pananaliksik ay obhetibo, lohikal at walang pagkiling.
Lahat ng tuklas o findings at mga kongklusyon ay kailangang lohikal na
nakabatay sa mga empirikal na datos at walang pagtatatangkang ginawa
upang baguhin ang resulta ng pananaliksik. Walang puwang rito ang mga
pansariling pagkiling.
Halimbawa: Kung lalabas sa pananaliksik na ang Mang Inasal ang
siyang fast food chain na pinakamadalas kainin ng mga Bikolano batay sa
sagot ng mga respondent, ito ang dapat sabihin. “Hindi ito maaring
palabasin na ang paboritong fastfood chain na Greenwich ang mas
tinatangkilik ng lahat.”
f) Ang pananaliksik ay gumagamit n mga kwentiteytib o istatistikal
na metodo
Ang mga datos ay dapat mailahad sa pamamaraang numerical at masuri
sa pamamagitan ng istatikal na tritment upang matukoy ang kanilang gamit
at kahalagahan.
Halimbawa: Ang mga datos na makakalap para sa pananaliksik ay
dapat nakatala sa isang maayos at sistematikong paraan sa pamamagitan
ng istatikal na tritment upang matukoy ang kanilang gamit at kahalagahan.
g) Ang pananliksik ay isang orihinal na akda
Maliban sa historikal na pananaliksik, ang mga datos na nakalap ng
mananaliksik ay sarili niyang tuklas at hindi mula sa panulat, tuklas o
lathala ng ibang mananaliksik. Idagdag pa na ang mga datos ay kailangang
nagmula sa mga primaryang sources o mga hanguang first-hand.
Halimbawa: Ang mga datos na nakalap ay dapat na sariling tuklas ng
mananaliksik at hindi kopya mula sa ibang awtor o lathalain.
@Eyang⋐(ల◕ᴗ◕ల)⋑| 1
 h) Ang pananaliksik ay isang akyureyt naa imbestigasyon,
obserbasyon at deskripsyon.
Bawat aktibidad na pampananaliksik ay kailangang maisagawa nang
tumpak o akyureyt nang ang tuklas ay humantong sa pormulasyon ng mga
syentipikong paglalahat.
Halimbawa: Lahat ng kongklusyon na makukuha ng mananaliksik ay
syentipikong nakabatay sa mga aktuwal na ebidensya.
i) Ang pananaliksik ay matiyaga at hindi minamadali.
Upang matiyak ang katumpakan o accuracy ng pananaliksik, kailangang
pagtiyagaan ang bawat hakbang nito. Ang pananaliksik na minadali at
ginawa nang walang pag-iingat ay kadalasang humahantong sa mga hindi
matitibay na kongklusyon at paglalahat.
Halimbawa: Sa bawat pananaliksik na ating ginagawa, dapat ay may
kaakibat itong tiyaga at talino sapagkat hindi magiging akyureyt ang
kalalabasan nito kapag ito ay minadali at gahol sa oras.
j) Ang pananaliksik ay pinagsisikapan
Kailangan itong paglaanan ng panahon, talino at sipag upang maging
matagumpay
Halimbawa: Ang pagkakaroon ng isang matibay na pananaliksik ay
ginagamitan ng talino upang maging matagumpay ang pananaliksik na
isinagawa.
k) Ang pananaliksik ay nangangailangan ng tapang.
Maaaring makaranas siya ng hazards at discomforts sa kanyang
pananaliksik, di- pagsangayon ng publiko at lipunan o di-
pagkakaunawaan.
Halimbawa: Kinakailangan na ang mga mananaliksik ay hindi “balat
sibuyas” o madamdamin sapagkat habang isinasagawa ang pananaliksik
ay maraming tututol sa iyo.
l) Ang pananaliksik ay maingat na pagtatala at pag-uulat.
Lahat ng datos na nakalap ay kailangang maingat na maitala. Ang maliit na
pagkakamali ay maaaring makaapekto sa mga tuklas ng pananaliksik.
Kailangan din itong maiulat sa pasulat na paraan sa anyo ng isang papel-
pampapananaliksik.
Halimbawa: Sa pagtatala at paguulat ng datos, karapat dapat itong
ginagawa ng may matinding pag-iingat sapagkat ang isang maliit na
pagkakamali sa pagtatala ay maaring makapag bigay ng malaking
pagbabago sa resulta ng pananaliksik.
ANG ISYU NG PLAGYARISMO
Atienza, et al., (1996)
▪ Ito ay pangongopya ng datos, mga ideya, mga pangungusap, buod at
balangkas ng isang akda, programa, himig at iba pa ng hindi kinikilala
ang pinagmulan o kinopyahan.
▪ Ito ay isang uri ng pagnanakaw at pagsisinungaling dahil inaangkin
mo ang hindi iyo.
▪ Itinuturing ito na napakalaking kasalanan sapagkat sa pananaliksik
ay may sinusunod na etika tulad ng ibang disiplina na may istriktong
code of ethics na ipinatutupad.
▪ Dahil sa kabigatan ng kasalanang ito, napatalsik ang isang dekano
sa isang unibersidad, natanggalan ng digri ang isang nagtapos na ng
doktorado, nawalan ng kredibilidad ang isang tanyag na iskolar,
hinabla sa korte ang prodyuser ng isang programa sa telebisyon.
▪
MGA HALIMBAWA NG PLAGYARISMO (ATIENZA et al., 1996)
a. Kung ginamit ang orihinal na termino o mga salita, hindi ipinaloob sa
panipi o hindi itinala ang pinagkunan.
b. Kung hiniram ang ideya o mga pangungusap at binago ang
pagkapahayag, ngunit hindi kinilala ang pinagmulan.
c. Kung namulot ng mga ideya o mga pangungusap mula sa iba’t ibang
akda at pinagtagni-tagni ang mga ito ngunit hindi kinilala ang mga
pinagkunan.
d. Kung isinalin ang mga termino, ideya, pahayag at dahil nasa ibang
wika ay inangkin na at hindi itinala na salin ang mga ito.
e. Kung ninakaw ang bahagi ng isang disenyo, balangkas, himig at hindi
kinikilala ang pinagkunan ng “inspirasyon”.
f. Kung ginamit ng isang mananaliksik ang mga datos na pinaghirapan
ng iba at pinalabas niyang siya ang nagkalap ng mga datos na ito.
MGA PARUSANG MAARING IPATAW SA ISANG PLAGYARISTA
(ATIENZA et at., 1996)
a. Pinakamagaang parusa na para sa mga estudyante na mabigyan ng
5.0 (lagpak na marka) para sa kurso.
b. Kung mapatunayan na matindi ang pagnanakaw na ginawa,
maaaring patalsikin ang estudyante sa unibersidad.
c. Kahit nakagradweyt na ang estudyante at ilang taon na ang
nakalipas, ngunit natuklasan na ang kanyang pananaliksik ay
kinopya, maaari siyang tanggalan ng digri.
d. Maaari ring ihabla ang sinumang nangongopya batay sa Intellectual
Property Rights Law at maaaring sentensyahan ng multa o
pagkabilanggo.
Atienza, et al., (1996)
“ Walang nagtitiwala sa isang magnanakaw at sinungaling. Kung matuklasan na
ang isang mananaliksik ay nangopya at hindi kumilala sa kanyang pinagkunan,
sapat na ito para mabura ang lahat ng iba pa niyang pinagpaguran. Hindi na
kapani-paniwala ang kanyang saliksik at hindi mapagkakatiwalaan pa ang
kanyang gawain. Parang sinisira na rin niya ang kanyang pangalan at
kinabukasan…
Alalahaning kung madali para sa sinumang estudyante ang mangopya,
magiging madali rin para sa kanya ang gumawa ng korapsyon kung siya ay
nagtatrabaho na.”
MGA KATANGIANG DAPAT TAGLAYIN NG ISANG MANANALIKSIK
1. Masipag. Kailangang maging masipag lalo na sa paghahanap ng
mga datos at pagsiyasat sa lahat ng anggulo ng paksa ng isang
pananaliksik.
2. Matiyaga. Sa pangangalap ng datos, kailangang maging
pasensyoso, dahil kailangang masiyasat niya ang mga tiyak at
kailangang datos para sa kanyang pananaliksik.
3. Maingat. Kailangang tiyak at tumpak ang mga datos na ilalagay sa
isang pananaliksik upang hindi ito magbigay ng pagkalito sa mga
mambabasa.
4. Sistematik. Ang pagsisiyasat ay may sinusunod na proseso sa
pagtuklas ng katotohanan, o ano pang nilalayon sa pananaliksik.
5. Kritikal o mapanuri. Lalo na sa pagi-eksamen ng mga
impormasyon, datos, ideya o opinyon upang mapatunayan na ito ay
totoo o valid, mapagkakatiwalaan, lohikal at mapagbabatayan.
PANANGUTAN NG ISANG MANANALIKSIK
• Kinikilala lahat ng pinagkunan ng datos.
• Ginagawan ng tala ang bawat termino at ideya na kanyang hiniram.
• Hindi nagnanakaw ng ideya ng iba, ito’y sinisipi at binibigyan ng
sapat na pagkilala.
• Mapaninindigan ang lahat ng interpretasyon ng kanyang binuo batay
sa maingat at masinop na pagsusuri .
@Eyang⋐(ల◕ᴗ◕ల)⋑| 2
@Eyang⋐(ల◕ᴗ◕ల)⋑| 3