ACARA KEBAKTIAN PASSION HKBP DUREN SAWIT

(PARNINGOTAN PANAONON NI TUHAN JESUS)

BORNGIN PARJOLO

01. MARENDE BE. 76: 1 – 2 SADA NAMA SANGKAP BL.199

Sada nama sangkap ni rohangku. Di sandok portibi on,
Ndang tagamon na so las rohangku. Molo jumpang au inon:
Naeng ma sai ingoton ni rohangku na binaen ni Jesus tu tondingku,
Uju pinorsanNa i, saluhutna dosangki.
- Ruas Jongjong –
Ingkon sai Ibana ingotonku, uju na tarpajal i,
Tu hau pinarsilang ginantungkon, sai mabaor mudarNa i.
Ai humophop au ditaon uasNa asa dohot au muse upaNa;
Ai ditatap do au on di pandokNa: “Nunga sun!”

02. VOTUM – INTROITUS – TANGIANG

U : Marhitehite Goar ni Debata Ama dohot Goar ni AnakNa Tuhan
Jesus Kristus, dohot Goar ni Tondi Parbadia na tumompa langit
dohot tano on
H : Amen
U : Tabereng ma induk ni haporseaon i jala na paujunghonsa.
R : I ma Jesus na manaonhon parsilangon i.
U : Singkat ni las ni roha tohapNa i hian, so dietong i hailaon.
R : Gabe hundul di siamun ni Debata.
U : Paingotingot hamu ma Ibana na pataontaon paraloan si songon i
dompak Ibana sian angka pardosa.
H : Asa unang loja hamu, unang mandate tondimuna!
U : Martangiang ma hita!
Ale Tuhan Jesus, sasada Ho do Sipangolu jala Sipadomu jolma tu
Debata.
R : Hupuji hami ma GoarMu!
U : Jala hudok hami mauliate tu Ho alani saluhut na binahenMi
patupahon hangoluannami.
R : Sai dongani ma hami marhite asi ni rohaM
U : Asa hupingkiri hami tongtong na tinaonMu dohot hamamateM.
 H : Asa huarsakhon hami dosanamiate tondimuna!
U : Jala asa tubu dihami haporseaon na sintongDebata.
R : Jala asa marroha haholongon hami huhut mandok mauliate tu
Hou!
U : Asa olo hami mangihuthon Ho ro di hamatean. Ale Tuhan, di Ho
ma tama pujipujian, di tongatonga ni saluhut Huria, naung
tinobusMu marhitehite mudarMu na badia i.
R : Olat ni on ro di salelengnilelengna
Sude : Amen
----Ruas hundul----Asa hupingkiri hami tongtong na
tinaonMu dohot hamamateM.
03. MARENDE BE No.152: 1 “JESUS NA MAMORSAN” BL.120
1. Jesus na mamorsan dosa ni portibi on, pangolu hami!
Jesus na mamorsan dosa ni portibi on, sai pasonang hami,
Amen, Amen, Amen
04. TUHAN JESUS BORHAT TU JERUSALEM
U : Jadi diarahon Jesus ma na sampuludua i, jala didok ma tu nasida:
”Nangkok ma hita tu Jerusalem jala tulus ma tu Anak ni jolma i
sasudena na tarsuarat di angka panurirang. Ai pasahatonna ma Ibana
tu angka parbegu, gabe insahanna, leaanna, jala tijuranna ma Ibana,
dungi mulak mangolu di ari patoluhon”. Ai ndang diantusi nasida,
ndang diboto nasida na hinatahonNa i. Dung i dipansang angka
Sintua ni Malim dohot angka Parise ma rapot godang, didok nasida
ma:
H : ”Aha ma bahenonta? Ai lan do tanda dibahen halak i. Molo ita
pasombu Ibana, porsea ma halak saluhutna tu Ibana, gabe ro
ma halak Rom mangarampas tanonta dohot bangsonta”
U : Alai hehe ma sada sian nasida, i ma si Kayafas, Sintua ni Malim di
na sataon i, didok ma tu nasida: ”Na hurang roha do hamu, ndang
dipingkiri rohamuna, denggan do mate sada halak humophop na
torop i, unang laho mago sandok bangso i”. Alai ndang sian rohana
sandiri dihatahon i ala na Sintua ni Malim Ibana di na sataon i
umbahen na di suriranghon na naeng mate ma Jesus humophop
bangso i, alai naeng papunguonNa angka anak ni Debata, angka na
marserak, dope laho pasadahon.
2
 R : Asa olatni na sadari i, martuptup ma nasida laho mamusa
Ibana. Alai didok nasida ma:”Unang ma di pesta i, so tung
guntur na torop i”

05. KOOR

06. MARENDE BE 85: 2+4 “SAI INGOTON NI ROHANGKU” BL.227

2. Na so dung adong salaNa gabe ampe
tu Ibana, Dosa ni portibion.
4. Ingkon Ho sai oloanhu, sipangolu au
Tuhanku, sian nasa rohangkon.

07. TUHAN JESUS BORHAT TU JERUSALEM

U : Dung i, onom ari asa dapot Paskai, sahat ma Jesus tu huta Betania
na ni inganan ni si Lasarus na sinunggul ni Jesus sian na mate. Jadi
dipauli nasida ma disi panganon ujuan di Ibana, si Maria do
manghobasi, si Lasarus ma sada donganNa mangan disi. Gabe
dibuat si Maria ma sahati miak nardus na arga, na so marsaor, di
miahi ma pat ni Jesus, obukna ma dibahen mangalapu. Jadi digohi
uap ni miak i ma bagas i. Jadi sada sian angka siseanNa, i ma si
Judas Iskariot na naeng manjehehon Ibana mandok:

H : Boasa so ginadis miak i arga tolu ratus hupang. Bahen silehon-

lehon tu halak na pogos”. Alai ndada na pogos na sinarihonna
umbahen na nidok Ibana songon i, panangko do ibana tahe,
diusung ibana do asiasi ni halak, ai tu ibana dipasahat puro i.

U : Dung i ninna Jesus ma: ”Pasombu ma ibana ai diparade do i hira tu

ari hatatanomHi. Ai tongtong do adong na pogos di
tongatongamuna, jala asal ma olo hamu tarpatongon hamu do na
denggan tu nasida. Alai anggo Ahu ndang manongtong di hamuna.
Intap ni na tarbahen do na ni ulana i, na majoloani do Ibana mamiahi
pamatanghu, songon di na mananom. Situtu do hatangkon tu hamu:

H : ”Manang didia di luat portibi on, dijamitahon muse Barita na

Uli on, hatahononna do nang na binahenna ondeng gabe
baritaNa”.

3
08. MARENDE BE No.84: 2 “AUT NA GINORGA” BL.195
2. Sai jalo ma au ale Tuhanku. Baen upa ni na tinaonMi.
Sai naeng ingoton ni rohangku, tung sasude na binaenMi.
Humophop au pardosa godang, dibahen holong ni rohaM.
Hinorhon ni tarbaen au sonang, laho mandapothon banuaM.

U : Dungi torang ni arina i, dibege halak na ro tu pesta i ma na naeng ro

Jesus tu Jerusalem, jadi dibuat nasida ma maremare laho
manomunomu Ibana huhut manjouhon.

H : Hosianna ! Pinasupasu ma na ro marhite goar ni Tuhan i, Raja

ni Israel.

U : Dungi dapot Jesus ma halode sada, i ma di hunduli hombar tu na

tarsurat: ”Unang ho mabiar boru Sion, ida ma Rajam do na ro,
marsihundul di anak ni halode. Jala halak Parise, deba sian na torop
i mandok tu ibana.

H : ”Orai ma antong angka siseanMi Guru!”. Alai ninna ma

mangalusi: ”Hudok ma di hamu, aut ni na mauhom nasida
manjoujou ma angka batu”

U : Alai dibongoti sibolis i do si Judas, na margoar si Iskariot, sahalak

sian na sampuludua i. Gabe laho ma ibana martuptup dohot angka
Sintua ni Malim, raphon angka panungganei manang dia dalanna
pasahathon Ibana tu nasida. Jadi sian las ni roha nasida, marpadan
ma nasida mangalehon hepeng tu ibana. Dioloi si Judas ma i, jadi
dilului ma tingki na une, pasahathon Ibana so sian pamotoan ni na
torop i.

09. MARENDE BE No.171: 1 – 2 “TANDAI MA AU” BL.49

1. Tandai ma au, sungkapi ma dohot rohangku.
Uji ma au, pamanat huhut ma dalanku.
Olo ditanda Ho au Debata.

2. Asi ma rohaM, taringot tu pangalahongku.

Olo tutu, jotjot do na lilu dalanku.
Sesa dosangku, sude Debata.
4
10. TUHAN JESUS PATUPAHON ULAON NA BADIA
U : Alai di ari parhobason parjolo ni Paska i didapothon siseanNa
ma Jesus, angka ninna ma:”Tudia ma patureonnami di Ho
panganon Paska i do dipangido rohaM? Gabe didok
ma:”Laho ma hamu tu huta i manopot si anu dok hamu ma
tu ibana, Tona ni Guru i, na dapot ne nama tingkingKu, di ho
ma Ahu sorang laho mangan Paska i rap dohot siseanhu”.
Jadi saut ma di suru Ibana siseanNa dua halak jala didok ma
tu nasida:
”Molo laho hamu tu huta, pajumpang ma hamu disi dohot
sahalak na mangusung aek sahudon, ibana ma ihuthon hamu,
tu ibana ma dok hamu: di dia do bilut inganan asa di si
hupangan hami Paska i. Jadi patuduhononna ma tu hamu bilut
parginjang sada na lambas, na tipak hinembangan, disi ma
pature hamu di hita!”

H : Jadi borhat ma siseanNa, di bongoti ma huta i, jadi

jumpang ma tutu songon na nidokNa i, gabe dipature ma
Paska i, asa dung bot ari, ro ma Jesus dohot sampuludua
i.

U : Jadi di na mangan i nasida, hehe ma Jesus sian na mangan i,

ditanggal ma ulosNa, dibuat ma basahan, ditapolhon ma tu
Ibana, diusehon ma aek tu sambong, dungi di buri ma pat ni
siseanNa, diapusi ma dohot basahanNa na tinompolhononNa
i. Dung i sahat ma Ibana tu si Simon Petrus, jadi didok ma
mandok Ibana:

H : ”TUNG HO MA ALE TUHAN MAMURI PATHU?”

U : Dungi ninna Jesus ma mangalusi Ibana: ”Ndang diantusi ho

pambahenanHu na tu ho anggo nuaeng, muse pe botoonmu
i”. Dungi didok si Petrus ma tu Ibana:

H : ”MATUA TANO ON NDANG BURIONMU PATHU!”

5
 U : Dungi ninna Jesus ma mangalusi Ibana: ”Molo so burionHu
ho, ndang partohap ho di Ahu!”. Dungi ninna si Petrus ma:
”Ale Tuhan unang ma holan pathu, dohot ma tangan, dohot
ulungku”. Jadi didok Jesus ma tu ibana: ”Halak naung maridi
i ndang be burion, ai nunga sude ibana ias, naung ias do
anggo hamu, alai ndang luhut hamu!”. Ai ditanda do
sipasahat Ibana umbahen na didok: ”Ndang luhut hamu ias!”.

H : ASA NDUNG DIBURI JESUS PAT NASIDA,

DIPANGKE MA MUSE ULOSNA, HUNDUL MA
IBANA.

U : Didok ma tu nasida ”Ai diantusi hamu do pambahenanHi tu

hamu? Di goari hamu do Ahu Guru dohot Tuhan. Jadi ture do
pandokmuna disi, ai i do Ahu tutu. Asa molo Ahu Tuhan jala
Gurumuna, tama nang hamu masiburian pat, ai sitiruon do
hulehon tu hamu, asa dibahen hamu songon na Hubahen i tu
hamu! Na tutu situtu do na hudok on tu hamu, ndang umbalga
anak somang sian indukna, ndang sumurung suruan sian na
marsuru ibana. Molo diboto hamu i, martua ma hamu
mangulahonsa!”.

11. KOOR

12. MARENDE BE. No.83 : 4 ”NA LAO DO BIRUBIRU I” BL.214

4. Saleleng na mangolu au, naeng ingotonku Jesus.
Sude na binaenMi di au, hataM naeng hupatulus.
Ho naeng haholonganku do , huhut ihuthononku Ho
Di dalan hangoluan tung ingkon Ho, nampuna ahu,
Mangolu manang mate au sai Ho do tioponku.
U : Jadi di na mangan i nasida, ninna Jesus ma: ”Situtu do na
Hudok on tu hamu, sada sian hamu naeng pasahathon Ahu”.
Dungi, marsak situtu ma nasida, gabe dipandok be ma tu
Ibana: ”Nda tung ahu i Tuhan?”.

6
 Alai ninna mangalusi: ”Ia i na rap dohot Ahu manurdukhon
tanganna tu paringkauan, i do na pasahathon Ahu. Tong do
nian ujung ni Anak ni jolma i songon na tarsurat hian, alai
marjea do halak na pasahathon Anak ni jolma i, tagonan
unang sanga tubu ibana tu hasiangan on.
Alai adong sada sian angka sisean i na hundul jumonok tu
Ibana, haholongan ni Jesus i, ima dihilap si Petrus. Jadi ninna
mandok ibana: ”Sungkun ma, ise na nidokNa i”. Jadi
dipajonok ma tu lambung ni Jesus didok ma mandok Ibana:
”TUHAN, ISE I ?”
H : GABE DIALUSI JESUS MA: ”IA TU SI HULEHON NA
SANTOPIK NA HUSORNOPHON ON, I MA IBANA!”
U : Jadi disornophon ma saotik, dilehon ma tu si Judas Iskariot,
anak si Simon. Jadi dung dibondut i, dibongoti sibolis i ma
ibana. Dungi didok Jesus ma tu ibana: ”humatop ma ula
siulaonmu!”. Asa dung dijalo si Judas na santopik i, laho ma
ibana tu balian.

13. MARENDE BE. No.176: 2+4 ”NA MUNGKAP DO SURGO” BL.3

2. Dosam do tinaonNa di Golgota i.
Di si dipasae do sude utangMi
Di si dipasae do sude utangMi.
4. Tar songon hasumba rara dosam i.
Sesaon ni mudar ni Jesus do i
Sesaon ni mudar ni Jesus do i.
Uluan : Jadi di na mangan i nasida, dihindat Jesus ma roti i,
dipasu-pasu ma, diponggoli ma, jala diparlehon ma tu
angka siseanNa huhut ma didok: “Jalo hamu, pangan
hamu dagingHu do on. Dungi dihindat ma panginuman i,
didok ma mauliate, dilehon ma tu nasida huhut ma didok:
“Jalo hamu, sude hamu manginum sian i, mudarHu do
on, mudar parpadanan i, na niusehon humophop torop
halak bahen hasesaan ni dosa”.

7
14. MARENDE BE. No.153 : 1 – 2 ”O JESUS NAUNG SINEAT” BL.126
1. O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi rohaM o Jesus.
2. Pelean na badia, na masuk tu Jahowa.
Singkat ni manisia, na so daulat roha.
Di taon Ho dosanami, so i lao mago hami, Asi rohaM o Jesus.

15. JAMITA:

16. MARENDE BE. 162 : 1...”O DEBATA MANSAI BALGA” BL.27

--- PAPUNGU PELEAN ---
O Debata, mansai balga, huhut dokdok dosangku.
Na so adong di tano on, na tau haporusanku.
Tung sura lao au tu na dao, mangalap hatuaon.
Ndang dapot i di tano i, di nasa hajolmaon.
--- Organ ---
I pe tu Ho nama au ro, sai unang tulak ahu.
Paombun ma o Debata, rimasMu mida ahu.
Ai mudar ni AnakMu i, do gabe pardengganan.
Sae utangki binaenNa i, di hau na pinarsilang.

17. PANUTUP
. TANGIANG PELAN
. TANGIANG ALE AMANAMI (Rap Mandok)
. AMEN, AMEN, AMEN

8
ACARA KEBAKTIAN PASSION HKBP DUREN SAWIT
(PARNINGOTAN PANAONON NI TUHAN JESUS)
BORNGIN PADUAHON

01. MARENDE BE. 83: 1 – 2 NA LAO DO BIRUBIRU I BL.214

1. Na lao do Birubiru i Mamorsan angka dosa
Ni nasa hajolmaon i Di benget ni rohana
Diporsan do sahitta i Di lehon do DiriNa i
Tu tangan ni pamunu Ditaoni do na bernit i
Ro di na tos hosaNa i Didok : Naeng porsanonku.
- Ruas Jongjong -
2. Ianggo Birubiru i, Ima alealengku
Na paluahon tondingki Disuru Debatangku
Didok mandok AnakNa i “Sai topot ma pardosa i
Naung sun tinoruanKu Balga tutu do rimasHi
Alai tarbaen do mombun i Horhonon ni mudarMu

02. VOTUM – INTROITUS – TANGIANG

U : Marhitehite Goar ni Debata Ama dohot Goar ni AnakNa Tuhan
Jesus Kristus, dohot Goar ni Tondi Parbadia na tumompa langit
dohot tano on
H : Amen
U : Balga do holong ni rohaM di ahu ale Tuhan,
R : Ai olo do Ho mamelehon diriM manaon sude, sahat ro di na
mate, humophop ahu pardosa on.
U : Ho do sintua ni Malim na bolon i, na jongjong mandapothon
habangsa parasian i.
R : Mamelehon pangidoan, dohot elekelek mardongan angguk
bolon, dohot iluilu.
U : Ho do Anak ni Debata na badia i, na gok hasangapon dohot
habadiaon.
H : Dipatuduhon Ho do tu hami pangoloion tu Ama i, marhite
sude na tinaonMi.
U : Monang do Ho alani pangoloion dohot habengetonMu manaon
sude na bernit i.

9
 R : Gabe Sipalua Ho tu sude jolma angka na porsea, na
mangoloi Ho.
Sude : (Mangendehon) BE. No.81 : 1 JESUS MUAL NI BL.185
1. Jesus mual ni ngolungku, Sipangolu tondingki
Ai dibunu Ho musungku, ima hamatean i.
Ho manaoni hamagoan, patupahon hangoluan
Alani hupuji Ho, tung marribu hali do.
U : Martangiang ma hita:
Ale Tuhan Debata, Ama ni saluhut parasinirohaon. Nunga di
tatap Ho hami bangsoMon, ai ndang manjua Ho mangalehon
AnakMu na sasada i, Tuhan Jesus Kristus, tu tangan ni pardosa,
asa taononNa haleaon dohot siak ni bagi, ro di hau pinarsilang.
H : Ale Tuhan, sai jalo ma hami, gabe upa ni na tinaonMu.e
tondimuna!
U : Tuhan paloas ma hami marningot sude na tinaonMu, dohot
hamamateM, asa huarsakhon hami dosanami, asa tubu di hami
haporseaon na sintong, asa marroha holong hami, jala
manongtong mangihuthon Ho, ro di hamatean.
H : Amen!
U : Hundul ma.

03. MARENDE BE No.79 : 2, 7 “DI NA PONJOT ROHANGKU” BL.124

2. Tama longang rohangku, mamingkir hata on.
PanghophopMi Tuhanku, Di au pardosa on. Ai hosa ni AnakNa i,
dilehon Debatangku, tumobus tondingki.
7. Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki,
unang tung marpambuat nang marpangansi pe

04. PARJEHEON NI SI JUDAS

U : Ala di boto si Judas i do inganan i, ai jotjot do marpungu disi dohot
angka sisean i. ia si Judas diarahon ma angka soldadu dohot angka
naposo ni sintua Malim, didapothon ma tu si mantat sulusulu,
palito dohot sinjata.
Diboto Jesus do saluhut na naung songgop tu Ibana, jala ruar ma
Ibana didok ma tu nasida:”Ise do na jinalahanmuna?” Gabe ninna
nasida ma mangalusi Ibana:

10
H : “JESUS HALAK NASARET I DO!”
U : Sai dohot do si Judas Parjehei jongjong di lambung nasida. Asa
dung didok nasida:”Ahu do i!”, sumurut ma nasida,
martinggangan ma tu tano. Dungi diulakhon ma manungkun
nasida:”Ise do na niluluanmuna?” Jadi didok nasida ma:
H : “JESUS HALAK NASARET I DO!”
U : Dungi ninna Jesus ma mangalusi ibana: “Nunga Hupaboa tu
hamu, Ahu do i. Asa molo Ahu di lului hamu, loas ma laho angka
on, ai naeng do jumpang na nidokNa i:”Ndang adong Hubahen
mago agia sada na nilehonMi tu Ahu!”
Alai nunga dipabotohon parjehe i hian partinandaan di nasida: “Ia
i huumma, Ibana ma i, i ma tangkup hamu!”. Asa pintor
didapothon ma Jesus, didok ma:”Tabi di Ho Guru!”, laos diumma.
Alai ninna Jesus ma mandok Ibana:
H : “MARHUA HO RO TUSON ANGGIA, O JUDAS,
PANGUMMAON DO HAPE DIBAHEN HO,
PASAHATHON ANAK NI JOLMA I!”
U : Dungi ro ma nasida, dilaluhon ma tangan nasida tu Jesus
manangkup Ibana. Dungi , adong ma sian angka dongan ni Jesus
manglaluhon tanganna, disintak ma podangna, ditampulhon ma tu
naposo ni Malim sahalak, dipisikhon ma pinggolna. Jadi didok
Jesus ma tu ibana:
H : “PASARUNG MA PODANGMI, AI NAMANINTAK
PODANG, MAGO MA BAHENON NI PODANG.
U : Ai na so tarbahen Ahu di roham mangido sian Damang, asa
dipadiri di Ahu saonari sampuludua loksa suruanNa ? Alai asa
saut nanidokni surat i: “ingkon masa songoni?”. Uju i ma didok
Jesus tu na torop i: “Hira na dompak panamun do hamu hehe
marpodang jala marlombutlombut manangkup Ahu. Ariari do
Ahu nian hundul mangajari di Bagasjoro, so adong ditangkup
hamu Ahu. Alai masa do sudena on, asa jumpang hata ni
panurirang i”. Dungi, ditadinghon saluhut sisean i ma Ibana laho
maporus.

11
05. TANGIANG MANOPOTI DOSA
U : Jongjong ma hita saluhutna, martangiang manopoti dosanta!
Ale Tuhan Debata Amanami Parasiroha na sumurung, Amanami
marhitehite tuhan Jesus Kristus! Holan mangasahon asi ni rohaM
do umbahen na talup hami jongjong diadopanMi, ai dohot do
hami manjehehon Ho marhitehite pangalaosionnami di hataM.
H : ASI MA ROHAM DI HAMI TUHAN!
U : Ai jotjot do hupatuduhon hami dibagasan pangalahonnami ngolu
na marsipaula. Sai hira na naung huhaholongi hami do Ho, hape
gok pangansion di hami dibagasan.
H : TUHAN IAS SITUTU MA HAMI BURI SIAN NASA
HAJAHATONNAMI.
U : Jala paias ma hami sian nasa dosanami ai nunga huboto hami
angka pangalaosion nami, jala sai sonson do di jolonami angka
dosa na hula hami i.
H : TUHAN, LEHON MA HABISUHON TU BAGASAN
ROHANAMI !
U : Asa huboto hami pasiding sogo ni rohaM, jala mangulahon lomo
ni rohaM
Sude: MAULIATE MA DI HO TUHAN! AMEN.
Sude: (Mangendehon) BE. 86 : 3 – 4 SILANG NA BADIA BL.67
3. Ro do au nuaeng tu ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.
4. Dosa patundukkon au, ho ma mangondihon au.
Ramun situtu do au, mudarMi mamuri au,
Na pogos, Dangol au on. Ho ma artangki tongtong.
U : Tabege ma bagabaga taringot tu hasesaan ni dosanta.
Ai songon on do hata ni Tuhan Jahowa na badia ni Israel:
marhitehite hamulahon do jumpangan hatuaon hamu,
marhitehite hasabamon dohot marhitehite nalom ni roha maruli
hagogoon hamu!.

12
 Sude : (MANGENDEHON) BE. No.174 : 3 TOROP DOPE BL.184
Pardosa ho didok roham, na so tama be dohot?
Ndang pola ala ni dosam, umbaen na sundat bongot.
Ai nunga sae do dosam i, digarar Tuhan Jesus i
Naung sae, naung sae, naung sae do dosami.
U : Hasangapon ma di Debata na di ginjang!
H : AMEN
U : Hundul ma hamu!

06. KOOR:

07. MARENDE BE. No.415 : 1 – 2 AI NAENG MALUA HO BL.277

1. Ai naeng malua ho sian dosam ? Gogo mudar ni Tuhan ta i.
Tangkup ma i, asa sonang roham, na gogo tutu mudar i.
Mudar i tuk Paluahon Ho, Mudar i, mudar i,
Tung na gogo tung gogo do i, holan mudar ni Jesus i.
2. Naeng ho ias songon hapas, ale ?
Gogo mudar ni Tuhanta i. Nang ramun ho, boi bontor ho muse,
Ai ias dibaen mudar i. Mudar i, mudar i,
Tung na gogo tung gogo do i, holan mudar ni Jesus i.

08. BARITA PANAONON NI TUHAN JESUS (I)

U : Dungi ditangkap soldadu dohot induk nasida, ro di angka naposo
ni Jahudi i ma Jesus jala diihoti. Jadi ditogihon ma Ibana jumolo
tu si Hannas, i ma simatua ni si Kayafas, sintua ni Malim di na
sataon i na mandok tu angka Jahudi:“Dengganan do mate sahalak
humophop bangso i.
Diihuthon si Simon Petrus, dohot sisean na sada nari ma Jesus,
jadi bongot ma ibana rap dohot Jesus tu alaman ni Malim i. Alai
disungkun sintua ni Malim i ma Jesus taringot tu angka siseanNa
i. Jadi dialusi Jesus ma ibana, ninna:

H : “Patar do hatangki dihatoropan, na tongtong do ahu

mangajari diparguruan, nang di Bagasjoro pe, parpunguan ni
saluhut halak Jahudi, ndang adong huhatahon marsibuni,
boasa ahu disungkun ho? Nasida naung umbege hatangki,
ima sungkun, ai diboto nasida do na huhatahon i”
13
 U : Dung didok Jesus songon i, dipastap sada oppas na jongjong di si
ma Ibana, huhut ma didok:”Songoni ma pangalusim tu Sintua ni
Malim?” Dungi ninna Jesus ma mangalusi: “Ia hurang Hudok,
hajongjonghon na hurang i, alai anggo na hona do, boasa
pastaponmu Ahu?”

09. KOOR

10. MARENDE BE. No. 81: 1-2 JESUS MUAL NI NGOLUNGKU BL.185
Jesus mual ni ngolungku, Sipangolu tondingki
Ai dibunu Ho musungku, ima hamatean i.
Ho manaoni hamagoan, patupahon hangoluan
Alani hupuji Ho, tung marribu hali do.

Haleaon, insakhinsak, reherehe, tijur pe

Tali dohot pastappastap, tung ditaonhon Ho sude
Paluahon au na pogos, sian tangan ni sibolis
Alani hupuji Ho, tung marribu hali do.

U : Asa disuru si Hannas ma Ibana, naung tinali i, tu Sintua ni Malim

Kayafas. Disi do marpungu angka sibotosurat, dohot Sintua ni na
torop i. Alai sai mangihut do si Petrus, mandaodao, sahat ro di
alaman ni Sintua ni Malim i. Laos bongot ma ibana tu bagas laho
hundul tu si rap dohot angka naposo marnida ujungna. Angka
Sintua ni Malim ro disandok rapot godang mangalului
panindangion gapgap dompak Jesus na tuk mambahen Ibana
marutang hosa. Alai nang pe hehe torop angka sitindangi na
gapgap, ndang adong jumpangsa. Alai parpudi, ro ma dua halak,
ninna ma: “Didok halak on, tarbahen Ahu do mangalohai
Bagasjoro ni Debata jala pajongjongonNa i dibagasan tolu ari!”.

H : NDANG ALUSANMU NA HINATINDANGHON NASIDA

DOMPAK HO? ALAI SAI HOHOM DO JESUS.

14
11. MARENDE BE. No.78 : 3 – 4 O’ ULU NA SAP MUDAR BL.158
Au on tama o Tuhan, manaon na tinaonMi.
Dosangku di diporsan Ho na tarsilang i
Sai tatap ale Tuhan, au na dijoloMon.
Huhut sai patuduhon, basaM tu rohangkon.
Ai Ho do Siparmahan, au pinarmahanMi.
Sai Ho do haroroan ni hatuaonki
Sai Ho do haolhaolonku, marningot bugangMi
Sai Ho do tioponku, marningot mudarMi.

12. JAMITA:

13. MARENDE BE. No.210 : 1… O TUHAN NA MARASI ROHA BL.109

--- Papungu Pelean ---
1. O Tuhan na marasi roha, na so tardodo jolma i
Torop do halak sipardosa, na rap mamuji goarMi
Dibaen basaM na godang i, marhitehite Jesus i.
2. Dibahen Ho do pardengganan, pasaehon dosa i sude.
I do manghorhon haluaon, di hita na tarjea i
I pe mauliate ma au on di Ho o Debata.
--- Organ ---
3. Naung ro do Tondi Parbadia Tu huriaM sinuruMi
Manunggul roha na porsea Di nasa na pinillitMi
Mamuji Ho do ala ni Rohangku na imbaru i

4. Mauliate ma rohangku, dibaen na pinarbagaMi

Ndang olo asi ni rohaMu mansohot salelengna i
Sai hot do padan binaenMi. Nang pe na sego sasude.

14. PANUTUP
- TANGIANG PELEAN
- TANGIANG ALEAMANAMI (Rap Mandok)
- AMEN, AMEN, AMEN

15
ACARA KEBAKTIAN PASSION HKBP DUREN SAWIT
(PARNINGOTAN PANAONON NI TUHAN JESUS)
BORNGIN PATOLUHON

01. MARENDE BE. 82: 1 – 3 O JESUSKU TU BUGANGMU BL.21

1. O Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.
2. Tung di patMu, o Jesusku, solsolanku rohangki.
Tangisanku na tinaonMu, ala jat ni rohangki.
- Ruas Jongjong –
3. Tu tanganMu ma tondingku, jumpa hamamatengki.
Tu lambungMu, o Tuhanku, alap na tinobusMi.

02. VOTUM – INTROITUS – TANGIANG

U : Marhitehite Goar ni Debata Ama dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on

H : Amen

U : Kristus manaon na porsuk humophop hamu, tumadinghon tiruan di

hamu bogas ni patNa. Ndang adong dosa diula Ibana, ndang jumpang
angkal di bagasan pamanganNa. Ndang manginsahi Ibana di na hona
insak, ndang mangasupi di na manaon na porsuk, alai dipasahat do tu
Panguhum si Tigor roha i.

H : (Mangendehon) BE. No.88 DISURGO DO ALEALENTA BL.106

Jesusku naung manobus ahu sai naeng haholonganku Ho
Tu dolok Golgata Ho laho Nionjar ni holongMu do
Hupuji nasa asiMi Alai gumodang holongMi

16
 U : Martangiang ma hita!
Ale Amanami Parasiroha na sumurung. Debata ni hatuaonnami!
Huingot hami diangka ari on panaonon dohot hamamate ni Tuhan Jesus
Kristus Tuhannami.
H : PAHIBUL MA ROHANAMI, JALA PARBADIAI
MAMINGKIRI SUDE NA TINAONNA I.

U : Patandahon ma tu hami dosanami, asa diarsakhon rohanami, asa

hupompomi hami hisaphisap dohot sangkap ni rohanami.

H : JALA ASA HUPASAUT HAMI LOMO NI ROHA NI NA

MANOBUS HAMI, ASA MARTUA HAMI MARHITE SIAN I
RO DI SALELENGNI LELENGNA.
U : Sai patupa ma i di hami marhitehite Tuhan Jesus Kristus, Anak
haholongan ni rohaM.
Ale Tuhan Jesus, sasada Ho do Sipangolu jala Sipadomu jolma tu
Debata.

R : AMEN.
U : Hundul ma hamu !
----Ruas hundul--Asa hupingkiri hami tongtong na tinaonMu
dohot hamamateM.

03. MARENDE BE No.85: 1 – 2 SAI INGOTON NI ROHANGKU BL.227

1. Sai ingoton ni rohangku, hansit naung
di taon Tuhanku, uju i di Golgata.
2. Na so dung adong salaNa, gabe ampe
tu Ibana, dosa ni portibi on.

04. U : Dung i dipanghulingi Sintua ni Malim i ma Ibana: ”Hupatolon ma Ho

tu Debata Sipangolu i, asa dipaboa Ho tu hami manang na tutu Ho
Kristus Anak ni Debata ?”
Dung i didok Jesus ma tu ibana: ”Songon na nidokmi ma tutu. Alai
hudok ma tu hamu, olat ni on ma idaonmuna Anak ni jolma i hundul di
siamun ni hagogoon, jala ro diatas ni ombun ni langit”. Gabe
diribakhon Sintua ni Malim ma paheanna mandok: ”Na mangaleai
Debata do ibana, beha do dirohamu ?

17
 H : JADI DITIJURI NASIDA MA BOHINA, NA DEBA
MANOMPUK NA DEBA MANGALINSINGI, HUHUT
MANDOK:”SURIRANGI HAMI KRISTUS, ISE DO MAMUNU
HO ?”

U : Alai hundul do anggo si Petrus di alaman i jadi didapothon sada

parompuan ma ibana mandok: ”Dohot do ho dongan ni Jesus na sian
Galilea i!”, Alai diporso si Petrus do didok ma: ”Ndang huboto jala
ndang huantusi na nidokmi!”, Laos ruar ma ibana tu alaman jolojolo,
jala martahuak ma manuk. Alai marnida ibana, diulahi naposo
boruboru i ma mandok tu angka na jongjong disi: ”On do sada sian
nasida!” Alai mamorso muse anggo ibana. Jadi dung satongkin nari,
didok angka na jongjong disi ma muse mandok si Petrus: ”Tongon do
dongan nasida ho, ai halak Galilea do ho!”. Gabe dipungka ma
mamburaburahon dirina huhut manolonnolon:

H : ”NDANG HUTANDA NA NIDOKMUNA I !”

U : Dungi martahuak ma manuk i paduahalihon, jadi di ingot si Petrus ma

na nidok ni Jesus tu ibana: ”Tolu hali do soadahononmu Ahu andorang
so martahuak manuk paduahalihon!” Jadi marningot i, tumatangis ma
ibana.

05. TANGIANG MANOPOTI DOSA – BAGABAGA HASESAAN NI DOSA

U : Jongjong ma hita saluhutna manopoti dosanta!
Ale Tuhan Debata, Pargogo na so hatudosan jala Amanami. Hujou
hami do GoarMu na badia i, ala targogot hami marningot dosanami

18
 H : SAI MARASI NI ROHA MA HO MIDA HAMI ON.

U : O Tuhan Jesus Kristus, Anak ni Debata na gabe jolma ala ni hami, na

mate jala na hehe sian na mate! Jotjot do husoadahon hami Ho
marhitehite angka pangalaho dohot hatanami na so ture !

H : ASI ROHAM DI HAMI, SAI PATONGTONG MA ROHANAMI

MANGIHUTHON LAOMO NI ROHAM.
SAI UNANG TULAK, SAI TANGIHON MA HAMI, HO ALE
DEBATA AMA, ANAK, DOHOT TONDI PARBADIA ! AMEN.

Sude: (Mangendehon) BE. 88: 3 DISURGO DO ALEALENTA BL.106

3. Jotjotna i husoadahon Ho, Sipangolu tondingkon
Mabiar lao mangkatindangkon Ho na mangkophop au tongon
Hupuji nasa asiMi Alai gumodang holongMi

U : Tabege ma bagabaga taringot tu hasesaan ni dosanta!

Songon on do hata ni Tuhan Jahowa: Nunga diarsahi ho Ahu marhite
sian angka dosam, jala nunga dilojai ho Ahu marhite sian
hajahatonmu. Ahu tutu, Ahu sandiri manelesai angka pangalaosim ala
ni hadirionHu, jala ndang be hupaingotingot angka dosam.
Hasangapon ma di Debata na di ginjang.

Sude : AMEN.

U : Hundul ma hamu !

06. KOOR:

19
07. U : Jadi dung diida si Judas parjehe i naeng hona uhum nama Jesus,
disolsoli ma rohana, dipaulak ma na tolupulu rupia tu angka Sintua ni
Malim dohot Sintua ni bangso i: ”Sada do ahu, hujehehon do Halak
na so marpipot !” Alai didok nasida ma: ”Ndang ro di hami i, ho do
na sari disi !”
Jadi ditimpalhon ma perak tu bagasan Joro i, laos sumurut sian i laho
maningkot. Alai dibuat Sintua ni Malim ma hepeng i jala didok:
”Ndang jadi padomuon i tu arta ni joro, ai tuhor ni mudar do i!”. Jadi
mardos ni roha ma nasida manuhorhonsa tu ladang ni pande hudon
bahen parbandalan ni halak dagang.

H : ALANI I MA UMBAHEN MARGOAR I ”LADANG MUDAR”

08. MARENDE BE 162 : 1 – 2 O DEBATA MANSAI BALGA BL.27

1. O Debata, mansai balga, huhut dokdok dosangku.
Na so adong di tano on, na tau haporusanku.
2. Tung sura lao au tu na dao, mangalap hatuaon.
Ndang dapot i di tano i, di nasa hajolmaon.

09. KOOR :

10. MARENDE BE 199 : 2 + 6 TIBU MA JUMPANG TINGKI BL.132

Sai ingot Jesus, Tuhanmi sitaon godang na bernit
Di hau pinarsilang i, humophop ho parsahit
Ai ho tama manaon sude, na mangonai tu Jesus i, Sai puji ma Ibana
O Jesus tatap ma au on, sondangi ma rohangku
Urupi au di tano on, maniru Ho, Rajangku.
Uhirhon ma tu rohangki. GoarMu na badia i, Pamasuk au tu
surgo.

20
11. U : Alai adong ma tarhurung uju i sada parjahat na sumalin na margoar
Barabbas.
Jadi di na pungu i nasida, ala somal do dipalua sahalak na tarhurung
uju masa Pesta Paska, didok si Latus ma tu nasida: “Ise do dipangido
hamu paluaon si Barabbas do manang Jesus na targoar Kristus ?” Ai
diboto late ni roha nasida do umbahen na dipasahat nasida Ibana. Alai
sai disosoi angka Sintua ni Malim rap dohot Sintua ni bangso i do na
torop i, ai dipangido nasida asa si Barabbas dipalua, anggo Jesus
sipusaon do. Dung i ninna panguhum i ma mandok nasida:

H : ”ISE SIAN NA DUA I DIPANGIDO HAMU PALUAONHU ?”

U : Jadi didok nasida ma: ”Si Barabbas! Dung i didok si Latus ma tu

nasida: ”Antong aha ma bahenonhu tu Jesus na margoar Kristus?”
Gabe saluhut nasida mandok: ”Parsilangkon, parsilangkon ma Ibana!”
Alai ninna panguhum i ma: ”Ai aha na jahat dibahen?” Dung i dialusi
na torop i ma: ”Parsilanghon ma Ibana!”

H : ”I DA MA HUTOGIHON DO IBANA TU JOLOMUNA, ASA

DIBOTO HAMU, NA SO ADONG JUMPANG AHU SALANA!”

U : Laos ruar ma Jesus manjujung sungsang duri jala marbaju dapdap. Jadi
didokkon si Latus ma tu nasida: ”Ida hamu ma jolma i!” Asa dung diida
Sintua ni Malim dohot angka naposo Ibana, dijouhon nasida ma:
”Parsilanghon ma Ibana!”
Dung i didok si Latus ma tu nasida: ”Boan hamu ma Ibana,
parsilanghon hamu ma, ai ndang jumpang ahu salaNa. Gabe di alusi
angka Jahudi i ma Ibana:

H : ”MARGURU TU PATIKNAMI, INGKON MARUTANG HOSA

IBANA, AI DIBAHEN DO DIRINA ANAK NI DEBATA!”

21
12. KOOR

13. MARENDE BE. No.412 : 1 NDI DI DOLOK ADOI BL.214

Ndi, di dolok adui silang ni Tuhan I, Sap mudar, sap tijur do i.
Jesus mate disi asa malum dibaen sude angka gondok roha i.
Dibaen I, tung holong rohangki mida silang di Golgata. I
Hupa solhot diringku tusi. Dompak surgo pardalanan ki.

14. JAMITA:

15. MARENDE BE. No.449 : 1... ”SAI SOLHOT TU SILANGMI” BL.27

--- PAPUNGU PELEAN ---
Sai solhot tu silangMi, Jesus Ingananhu
Mual na mabaor disi, i ma inumonku
SilangMi, Tuhanki i ma pujionku,
paima sogot sahat au, i endehononku.

--- Organ ---

Lao ma au tu silangMi, i haporusanku.

Sai asi ma rohaMi unang tulak ahu.
SilangMi, Tuhanki i ma pujionku,
paima sogot sahat au, i endehononku.

--- Organ ---

Domu ma tu silangMi, i ma tioponku.

Asa unang lilu au, Ho ihuthononku.
SilangMi, Tuhanki i ma pujionku,
paima sogot sahat au, i endehononku.

22
 --- Organ ---

Laos maniop silangMi sai paimaonku,

gokkonMi tu surgo i, tu siteanonku.
SilangMi, Tuhanki i ma pujionku,
paima sogot sahat au, i endehononku.

16. PANUTUP
A. Sosososo
U : Hamu angka dongan sahuria, nunga tapaihut-ihut barita
taringot tu sitaonon ni Tuhan i dipartangiangan passion na
tolu borngin on. Alani i, naeng ma lam tangkas di hita
lapatan ni si taonon ni Tuhanta i, asa dihorhon i haporseaon
na lam tang dibagasan hita mangadopi dohot mandalani
ngolunta on, sahat ro diujungna. Godang do mara
sitagamonta na boi mangela hita manundalhon Debata jala
mangoloi sibolis i. Nunga mate Kristus i humophop hita,
paluahon hita sian nasa dosanta, molo gabe pangoloi hita
di Kristus, jala molo gabe pangoloi hita di Debata,
ditubuhon i do parbue habadiaon na marhapatean tu
hangoluan saleleng ni lelengna. (Roma 6 : 22). Amen.

 TANGIANG PELAN
 TANGIANG ALE AMANAMI (Rap Mandok)
 AMEN, AMEN, AMEN

23
24