Professional Documents
Culture Documents
Kabanata 4 5
Kabanata 4 5
Ipinapakita sa Talahanayan 2 ang mga bilang ng mga datos na makikita sa bawat uri ng barayti
ng wika. Sa Dayalek ay makikita na mayroong dalawampo’t pitong (27) salita na nakalap ang
mga mananaliksik. Sa Sosyolek naman ay makikita na mayroong limampong (50) salita na
nakalap ang mga mananaliksik. At sa Etnolek naman ay makikita na mayroong sampung (10)
salita na nakalap ang mga mananaliksik na may kabuuang pitompo’t pitong (77) salita na
nakalap at nasuri ang mga mananaliksik batay sa kanilang instrumentong nakuha.
Mapapansin na ang nangingibabaw sa Talahanayan 2 ay ang barayti na Sosyolek na mayroong
limampong (50) bilang na sinundan ng Dayalek na may dalawampo’t pitong (27) bilang at ang
panghuli ay ang Etnolek na may sampung (10) bilang na may kabuuang pitompo’t pitong (77)
bilang.
Dahil sa pag-usbong ng teknolohiya ay mas pumaibabaw ang Sosyolek na dahilan ng paglaganap
ng social media at mas nabigyang halaga ang wikang Ingles na isang universal na wika.
Napagtanto ng mga mananaliksik na isa sa mga nakapag impluwensiya ng mga mag-aaral sa
baitang 11 na gumamit ng barayti na Sosyolek ay ang malawakang pag-usbong ng teknolohiya.
Batay sa datos na makikita sa Talahanayan 2 ay nangingibabaw ang barayti na Sosyolek na
mayroong limampong (50) salita na nasuri at nakalap ang mga mananaliksik. Ayon sa libro nina
Santos (2016), et al,. sosyolek ang tawag sa wikang ginagamit ng bawat partikular na grupo ng
tao sa isang lipunan. Maaaring ang grupo ay nagkakaiba ayon sa edad, sa seks, sa uri ng trabaho,
sa istatus ng buhay, sa uri ng edukasyon, at iba pa. Ilan sa mga halimbawa ng Sosyolek ay ang
mga salitang “I choose talaga is diploma”, “So many influencers na ngayon”, Me as strudyante
pa lamang”, “Kung para sa akin pantay lang because a college diploma remains a very very
important”, at iba pa. Mapapansin na kadalasan ito ay ang tinatawag nating conyo o
pinaghalong Tagalog at Ingles na ginagamit ng mga sikat na artista tulad nina Kris Aquino,
Ruffa Mae Quinto, Ann Curtis at iba pang mga tao.
Bilang kabuuan, nangibabaw ang barayti na Sosyolek dahil sa malawakang pag-usbong ng
teknolohiya at social media na nadala o naadapt ng mga kabataan lalo na sa mga Gen Z na
sumasabay at gumagawa ng kakaibang trend kabilang na ang pagbabago o pagdaragdag ng wika.
Binuo ng mga mananaliksik ang banghay aralin na ito upang magsilbeng gabay sa pagtuturo ng
barayti ng wika na magagamit upang ipaliwanag ang barayti ng wikang Filipino.
Makikita sa ibaba ang Masusing Banghay aralin na ginawa ng mananaliksik sa pagtuturo ng
barayti ng wika.
KABANATA 5
Buod ng Natuklasan
May iba’t ibang uri ng barayti ng wika ngunit ang mga barayting makikita lamang sa mga
sulating sanaysay na sinuri ng mananaliksik ay ang Dayalek, Sosyolek t Etnolek.
Rekomendasyon
Batay sa resulta ng pag-aaral, nabubuo ng sumusunod na rekomendasyon:
1. Magsasagawa ng pag-aaral tungkol sa Barayti ng Wika sa mga mag-aaral sa baitang 11.
3. Hikayatin ang mga mag-aaral na bigyang pansin ang mga maliliit na detalye hinggil sa
pag-aaral ng Barayti ng Wikang Filipino.