RAMON MAGSAYSAY MEMORIAL COLLEGES-MARBEL INC

Office of the College of Teacher Education

Purok Waling-Waling, Arellano Street, Koronadal City (9506) Telephone/Fax
No. 083-228-2880

____________________________________________________________________

4 A’S BANGHAY ARALIN SA EDUKASYON SA PAGPAPAKATAO 3

PAMANTAYANG PANGNILALAMAN:

- Naipamamalas ang pag-unawa sa kahalagahan ng sariling kakayahan,

pagkakaroon ng tiwala, pangangalaga at pagiingat sa sarili tungo sa
kabutihan at kaayusan ng pamilya at pamayanan.

PAMANTAYAN SA PAGGANAP:
- Naisasabuhay ang iba’t ibang patunay ng pangangalaga at pag-iingat sa
sarili.
Pamantayan sa Pagkatoto:

- Nakagagawa ng mga wastong kilos at gawi sa pangangalaga ng sariling

kalusugan at kaligtasan.

I. Nilalaman
A. Paksa: Nakagagawa ng mga wastong kilos at gawi sa pangangalaga ng sariling
kalusugan at kaligtasan.
B. Code: EsP3PKP-Ie – 1
C. Kagamitan: Power Point, Visual aids, litrato
D. Mabuting Aral: Napahahalagahan ang wastong kilos at gawi sa pangangalaga ng
sariling kalusugan at kaligtasan.

II. Layunin: Pagkatapos ng aralin, ang mga mag-aaral ay inaasahang;

1. Naisa-isa ang wastong kilos at gawi sa pangangalaga ng sarili at kaligtasan,

2. Naisakikilos ang ibat-ibang pamaraan ng pangangalaga ng sariling kalusugan at

kaligtasan sa pamamagitan ng pagsasadula; at,

3. Napahahalagahan ang wastong kilos at gawi sa pangangalaga ng sariling kalusugan

at kaligtasan upang mapangalagaan ang sarili.
III. Pamaraan:
A. Panimulang Gawain:

1. Panalangin
2. Pagbati
3. Pagtala ng Lumiban sa klase
4. Mga Paalala
B. Paghahanda ng Kaalaman:

1. Drill (opsyunal lamang)

2. Pagbabalik-aral
-Pagbabalik-aral tungkol sa kahapong napag-aralan.

C. Pangganyak:

- Pagpapakita ng litrato ng ibat-ibang kilos at gawi sa pangangalaga ng sariling

kalusugan at kaligtasan.
- Pagpapaayos ng ispeling ayon sa litrato.

1.

PAG-PILSIYO

2.

PAG- GASHU NG MAYKA

 3.

PAG- MNOI NG BIGTU

4.

SUSMASIYATAN

5.

PAG- SISYOHERI

Mga katanungan;

1. Ano ang inyong na obserbahan sa litrato?

2. Ano ang ibig pahiwatig ng isang litrato?

3. Sa inyong palagay, bakit mahalaga ang pahiwatig ng bawat litrato?

D. Aktibiti:

- Paghahati ng klase sa apat na pangkat.

 - Pagbibigay ng maliit na papel sa bawat pangkat bilang kanilang gabay sa
Gawain.
- Pagbibigay ng limang minuto upang maghanda.

Pangkat 1- Isasadula ang tamang pagsipilyo

Pangkat 2- Isasadula ang tamang paghugas ng kamay

Pangkat 3- Isasadula ang mga ehersisyo na inyong nalalaman

Pangkat 4- Isasadula ang tamang kilos at gawi para sa sariling kaligtasan.

Rubrik:

Nilalaman- 10

Kagalingan- 10

Cooperasyon ng grupo- 10

Kabuuan- 30

E. Analisis:

Pagtatanong;
1. Ano ang inyong na obserbahan sa inyong dula-dulaan?
2. Alin sa mga nagawa ng ibang grupo ang inyong palaging ginagawa araw-
araw? Bakit?
3. Bakit mahalagang pagtuuanan natin ng pansin ang ating kalusugan?

F. Abstraksyon:

- Ang guro ay magpapakita ng isang bidyow tungkol sa mga wastong kilos at

gawi sa pangangalaga ng sariling kalusugan at kaligtasan.

https://youtu.be/1o7be_i1DCQ

Upang makamtan ang mabuti at maayos na kulusugan, narito ang ilang bagay na dapat
ginagawa ng batang katulad mo.

 Maligo araw-araw at siguraduhin na malinis ang bawat bahagi ng ating katawan.

 Sa pagluluto ng pagkain mahalagang linising mabuti ang pinamiling pagkain bago ito
lutuin para maalis ang mga mikrobyo.
 Maghugas ng kamay bago at pagkatapos kumain at pagpakatapos gumamit ng banyo.
 Magtakip ng bibig kung tayo ay babahing.
 Magsipilyo ng ngipin tatlong beses sa kada araw. Gawin ito
 Gawin ito matapos kumain ng agahan at bago matulog. Marahan ding sipilyohin ang dila
 Sa paglilinis ng kuko kailangan gumamit ng nail cutter. Ang maikling kuko ay mas
madaling linisin at hugasan.
 Kumain ng gulay, prutas at iba pang masustansyang pagkain.
 Uminom ng walong basong tubig
 Mag-ehersisyo araw-araw

Sa kasalukuyan, marami tayong nababalitaan na ibat-ibang sakit sa ating bansa o

komunidad. Upang maging ligtas mula sa sakit gaya ng covid-19 at iba pa, ito ang dapat
gawin ng mga batang katulad mo upang mapangalagaan at maprotekatahan ang sarili
mula sa sakit.

 Maghugas lagi ng kamay

 Magpahid ng alcohol kung kinakailangan
 Magsuot ng facemask o face shield
 Sundin ang social distancing
 Panatlihing maging malinis araw-araw

Iba pang paraan upang maging ligtas araw-araw.

 Umiwas sa mga lugar na hindi ligtas lalo na pag ikaw ay nag-iisa upang ikaw ay hindi
ma-aksidente o mapahamak
 Mag-ingat sa paglalakad at pagtawid sa kalsada
 Huwag lumapit sa taong hindi mo kilala. Manatili sa bahay o sa isang lugar na ikaw ay
ligtas.
 Huwag tumanggap ng kung ano-ano mula sa mga taong hindi kilala at huwag sumama
agad-agad.

G. Aplikasyon:

- Paghahati ng buong klase sa dalawang pangkat.

- Ang bawat pangkat ay may tig-iisang manlalaro sa larong PINOY HENYO.
- Pagbibigay ng Tatlong segundo sa bawat pangkat upang mahulaan ang
Gawain ng isa nilang miyembro.
1. Pag-ehersisyo tatlong beses sa isang lingo.
2. Pag-inom ng walong basong tubig
3. Pagsisipilyo tatlong beses sa isang araw
4. Pagtatakip ng bibig kung magbabahing
5. maghugas ng kamay bago at pagkatpos kumain.

H. Paglalahat:

1. Bakit mahalagang sundin ang tamang kilos at gawi sa pangangalaga ng

sariling kalusugan at kaligtasan?

2. Bilang isang mag-aaral na may kaalaman tungkol sa tamang kilos at gawi sa

pangangalaga ng sariling kalusugan at kaligtasan, Sa anong paraan mo ito
maipahayag sa iyong pamilya o sa ibang tao?
 3. Sa paanong paraan mo maipapakita na ikaw ay may pagpapahalaga sa iyong
sariling kalusugan at kaligtasan?

I. Ebalwasyon:

Panuto: Ilagay sa patlang ang kapag tama ang pahayag. Ilagay naman ang
kapag mali ang pahayag.

__1. Ang mga gulay na nabanggit sa bahay kubo ay mga halimbawa ng

masustansyang pagkain.

__2. Ang pagsuot ng facemask ay masama sa kalusugan.

__3. Ang pagkain ng prutas araw-araw ay nagpapatibay sa ating kalusugan.

__4. Ang tamang pag-ehersisyo ay dapat gawin tuwing mainit na ang panahon.

__5. Ang pag hugas ng kamay ay dapat nagsisimula sa kuko.

IV. Takdang Aralin/Assignment:

Panuto: Sa isang malinis na papel, Magbigay ng limang halimbawa ng wastong

kilos at gawi para sa sariling kaligtasan.

Ipinasa ni: PANGKAT 4

DAFAL, ROSEMARIE
TODI, CAMELLA
LLAMERA, MARGIELYN
BALUNTO, JON DRAKE
LOGONG, OLIVER
OFONG, KEVIN

Ipinasa kay:

BARRY C. OGOD

Instructor