HOROSCOPE T U L O N G S A P A G-A A R A L

Eli Rueda Guieb III HOROSCOPE

1. Sundan ang salit-salit na
mga kuwento ng kung ilang
tauhan sa loob ng akda ni
Guieb. Ilan bang tauhan
L UNES ang nasasangkot sa loob ng
maikling kuwento? Ano ang
ugnayan nila sa isa’t isa?
Aquarius (Enero 20 – Pebrero 18) 2. Papaano ipinakita ng akda
Hindi mo inaasahan ang kaniyang naging sagot. Alagaang mabuti ang pinasok na relasyon. na maaari ring maglaman
ng kuwento ang isang
Hindi ito madaling pangalagaan. Mag-ingat sa sasabihin ng iba. Humanda rin sa maraming pagsubok. horoscope? Ano ang punto
Ikaw lamang ang makakasagot sa iyong hinahanap na kaligayahan. ng maikling kuwento sa
paggamit ng balangkas ng
horoscope sa paggawa ng
Pisces (Pebrero 19 – Marso 20) naratibo?
3. Tinutuligsa ba o sinasang-
Bagama’t hindi ka pa tiyak kung ikaw ay magiging masaya sa iyong ginawang desisyon, nariyan ayunan ng maikling
ang iyong pamilya na laging handang tumulong sa iyo. Maaaring manibago ka sa iyong bagong buhay, kuwento ang praktis ng
pagkokonsulta ng
pero alam mo ang iyong gagawin dahil noon pa man ay pinag-isipan mo na ito. Makakatulong ang horoscope? Kung pag-
magbiyahe sa malayong lugar. aaralan ang pagkakakilala
ng mga tauhan sa loob ng
maikling kuwento, ano na
Aries (Marso 21 – Abril 19) ang sinasabi ng akda ukol
sa mga aksidenteng
Hindi ka iiwanan ng iyong mahal sa buhay. Maglaan ng oras sa seryosong pag-iisip pero huwag pagkakakilala? Ano ang
kaligtaan ang mga miyembro ng iyong pamilya. Kailangan mo sila sa ganitong panahon, at kailangan sinasabi ng maikling
kuwento ukol sa matandang
rin nila ang lahat ng pagkakataong makapiling ka. kasabihan na ang tadhana
ng tao ay nakasulat sa mga
bituin?
Taurus (Abril 20 – Mayo 20) 4. Paano nakontrol ng
Tulad ng dati, lagi kang lalapitan ng iyong mga kaibigan. Maging sensitibo sa kanilang mga horoscope ang buhay ng
mga tauhan sa loob ng
ikukuwento. Matutong makinig. Nariyan rin sila hindi lang para humingi ng payo sa iyo kundi para maikling kuwento? Papaano
makinig rin sa dapat mong ikuwento sa kanila. Umiyak ka sa kanila kung kinakailangan. kinukuwestiyon ng maikling
kuwento ang bisa ng
horoscope sa pamamagitan
Gemini (Mayo 21 – Hunyo 21) ng pagsusunud-sunod sa
mga ito nang hindi kinikilala
Maaaring nabigla ka sa sinabi ng iyong karelasyon, pero kailangan mo siyang intindihin. ang arawan dapat na
Karapatan niya iyon. Makipag-usap sa isang matalik na kaibigan. Maging sensitibo’t baka may paglabas sa mga
pahayagan?
problema rin ang iyong kaibigan. Unawain ang ibig sabihin ng salitang pang-unawa. 5. Ano ang isinusulong na
konsepto ng kasarian sa
loob ng maikling kuwento?
Cancer (Hunyo 22 – Hulyo 22) Sagutin sa pamamagitan ng
Ngayon ka higit na kailangan ng iyong asawa. Ano’t anuman ang inyong pinagdaanan, ang matagal paglalarawan sa mga
personal na ugnayang
na ninyong pagsasama ay patunay ng inyong wagas na pag-ibig sa isa’t isa. Maglaan ng oras sa seryosong isinasabuhay ng mga
pag-iisip. Huwag kaligtaan ang mga miyembro ng pamilya. Higit mo rin silang kailangan sa mga tauhan sa loob ng maikling
kuwento.
ganitong pagkakataon.

P O S T M O D E R N O 325
Leo (Hulyo 23- Agosto 22)
Huwag magkulong sa kuwarto. Tanggapin ang lahat ng
nangyari. Lumabas ka’t makihalubilo. Malay mo, makatagpo ka
ng isang lumang kakilala.
Virgo (Agosto 23 – Setyembre 22)
Magiging masaya ang iyong buong araw. Isama ang
karelasyon sa isang pagtitipon sa gabi. Muli mong makikita ang
mga dati mong kakilala’t kaibigan.
Libra (Setyembre 23 – Oktubre 23)
Huwag maghanap ng pang-unawa. Hindi mo ito kailangan.
Pero tanggapin mo ang mga pang-unawang ibubuhos sa iyo ng
mga kaibigan. Timbanging mabuti ang mga pang-unawang ito.
May isa ring kaibigang kailangang kausapin.
Scorpio (Oktubre 24 – Nobyembre 21)
Bumubulwak na naman ang iyong testosterone. Mag-ingat
at baka ikaw ay mapahamak sa iyong kapusukan. Pag-aralang
mabuti ang pinasok na relasyon dahil tiyak na pag-uusapan ito
ng maraming tao. Haharap ka rin sa maraming pagsubok.
Sagittarius (Nobyembre 22 – Disyembre 21)
Matutuwa ka’t makikita mong muli ang isang dating
kakilala. Subalit mag-ingat. Baka mauwi sa kalungkutan ang
iyong kagalakan.
Capricorn ( Disyembre 22 – Enero 19)
May taong nasaktan dahil sa ginawa mong desisyon. Pero
kailangan mong ipaglaban ang iyong desisyon. Karapatan mo
rin ito. Pangalagaan ang iyong bagong buhay.
M ARTES
Aquarius (Enero 20 – Pebrero 18)
Alam mong walang mali sa iyo. Ano’ng mali kung lalaki
rin ang iyong inibig? Napasagot mo naman siya, at masayang-
masaya ka. Huwag ka lang lumipad sa ulap dahil bagama’t
326 H U L A G P O S
solidong bagay ang ulap, nagiging ulan din ito.
Pisces (Pebrero 19 – Marso 20)
Alam mong walang mali sa iyo. Ano’ng mali kung ayaw
mong magkaanak? At lalong ano’ng mali kung ayaw mong mag-
asawa? Kausapin mo pa rin ang dati mong karelasyon. Hindi pa
rin niya matanggap na puwede pa ring mabuhay ang tao ng nag-
iisa, na siyang ginusto mo ngayon. Bantayan ang iyong pag-iisa.
Aries (Marso 21 – Abril 19)
Alam mong walang mali sa iyo. Pero maniwala ka sa sinabi
sa iyo ng iyong doktor. Huwag mo ring kalimutan ang sinabi sa
iyo ng iyong asawa: “hindi ka mawawala sa aking puso.” Tandaan
rin ang ipinangako sa iyo ng iyong mga anak: “huwag mo kaming
alalahanin.” Huwag mo nga naman silang alalahanin, may kaniya-
kaniya na silang puso.
Taurus (Abril 20 – Mayo 20)
Alam mong walang mali sa iyo. Pero huwag kang magtaka
kung iniwan ka ng iyong girlfriend. Hindi mo iyon kasalanan.
Hindi rin niya iyon kasalanan. May mga taong mas buo kapag
nag-iisa. May darating pang ibang pag-ibig.
Gemini (Mayo 21 – Hunyo 21)
Alam mong walang mali sa iyo. Lalong wala ring mali sa
dati mong girlfriend. Hindi porke ipinagpalit ka nito sa isa ring
babae ay may problema na ang bawat isa sa inyo. Ang karelasyon
ay hindi kompetisyon ng lalaki’t babae o ng babae’t babae o ng
lalaki’t lalaki.
Cancer (Hunyo 22 – Hulyo 22)
Alam mong walang mali sa iyo. Hindi mo kasalanan kung
bakit ganoon ang iyong mga anak. May kaniya-kaniya silang
puso. Alalahanin mo ang ipinangako mo sa iyong asawa: “hindi
ka mawawala sa aking puso.” Ulit-ulitin mo itong sambitin sa
kanya. Kailangan niya ang iyong katatagan, lalo na sa kaniyang
kalagayan ngayon.
Leo (Hulyo 23 – Agosto 22)
Alam mong walang mali sa iyo. Normal na umibig muli,
kahit sa dati mong estudyante. Hindi masama ang iyong
napanaginipan kagabi.
Virgo (Agosto 23 – Setyembre 22)
Alam mong walang mali sa iyo. Ano’ng mali kung nagka-
crush ka uli sa dati mong teacher na nakita mo kagabi. Hindi
mo rin kasalanan kung mababa ang grades ng iyong boyfriend.
Libra (Setyembre 23 – Oktubre 23)
Alam mong walang mali sa iyo. Hindi porke umibig ka sa
kapwa mo babae ay may problema ka na. Huwag ka rin lang
manakit ng kapwa babae. Huwag ka ring manakit ng sinumang
lalaking maaaring magmahal sa iniibig mong babae.
Scorpio (Oktubre 24 – Nobyembre 21)
Alam mong walang mali sa iyo. Hindi mo kasalanan kung
inibig ka ng isa ring lalaking tulad mo. Huwag mo siyang bigyan
ng mga ulap. Hindi niya iyon kailangan.
Sagittarius (Nobyembre 22 – Disyembre 21)
Alam mong walang mali sa iyo. Hinni mo kasalanan kung
mababa ang iyong mga grades. Sira ulo lang talaga ang mga
teacher mo ngayong sem na ito. Magtiyaga ka na lang.
Malalagpasan mo rin ang semestreng ito.
Capricorn (Disyembre 22 – Enero 19)
Alam mong walang mali sayo. Huwag mong isiping nang-
agaw ka ng babae. Hindi mo siya inagaw. Kusa siyang lumapit
sa iyo. Huwag mo lang kalimutan ang sinabi sa iyo ng iyong
nakababatang kapatid: “Ate, ‘yung allowance ko.”
M IYERKULES
Aquarius (Enero 20 – Pebrero 18)
Huwag magtaka kung magalit sa iyo ang magulang ng iyong
iniibig. Iba ang kanilang panahon. Higit na pag-ukulan ng
panahon ang pagpapayabong ng iyong pagmamahal sa lalaking
pinili mong makatuwang. Lucky number: 6.
Pisces (Pebrero 19 – Marso 20)
Ngayon ang pagkakataong iwanan ang iyong pag-iisa, kahit
ngayon lang araw na ito. Kailangan ka ng iyong ama. Kailangan
niya ng kausap. Yakapin mo siya. Kailangan niya ng ganitong
paniniyak. Lucky number: 1.
Aries (Marso 21 – Abril 19)
Sa iyong pamilya, doon ka makakakuha ng lakas ng
kaluluwa. Mahal ka ng iyong asawa’t mga anak. Manalig ka sa
kanila. Tanggapin ang yakap ng iyong mga anak. Lucky numbers:
6, 1 at 7.
Taurus ( Abril 20 – Mayo 20)
Huwag mong isiping nag-iisa ka. Tawagan mo ang iyong
mga kaibigan at makipag-inuman sa kanila. Noon ka pa rin nila
gustong makausap, lalo na n’ung mabalitaan nilang iniwan ka
ng iyong syota. Malungkot rin ngayon ang dati mong syota. May
isa siyang kapamilyang nanganganib ang buhay. Pero pabayaan
mo siya sa kaniyang pag-iisa. Mas gusto niya iyon. Lucky
number: 0.
Gemini (Mayo 21 – Hunyo 21)
Masyado kang naging abala sa trabaho nitong mga
nagdaang araw. Marahil, dahil nais mong kalimutan ang
girlfriend mong lawyer na natutong umibig sa isa ring lawyer,
na babae rin. Magrelax. Tugunan ang tawag ng isang matalik na
kaibigan sa isang inuman. Lucky number: 5.
Cancer (Hunyo 22 – Hulyo 22)
Magiging masaya ka ngayong araw na ito’t mabubuo ang
iyong pamilya. Bibisitahin kayong mag-asawa ng inyong mga
anak. Magtiwala sa iyong mga anak. Anuman ang kanilang mga
naging desisyon sa buhay, pinag-isipan nila iyon nang matagal.
Huwag kalimutang yakapin ang asawa. Lucky number: 7.
P O S T M O D E R N O 327
Leo (Hulyo 23 – Agosto 22)
Hindi mo maipaliwanag kung ano itong nararamdaman
mo ngayon. Hindi katakataka iyan. Hangga’t tumitibok ang
puso, kaya nitong magmahal. Lucky number: 8.
Virgo (Agosto 23 – Setyembre 22)
Pag-isipang mabuti ang naglalaro sa iyong utak bago mo
ito sabihin sa iyong boyfriend. Delikado na nga ang kaniyang
academics kaya baka hindi niya makayanan kung bibiglain mo
siya. Tutal, hindi ka pa naman tiyak diyan sa nararamdaman
mo. Walang mawawala kung makikiramdam ka pa. Lucky
numbers: 4 at 8.
Libra (Setyembre 23 – Oktubre 23 )
Naging mabigat para sa iyo itong mga nagdaang araw.
Marami kang kasong hinahawakan sa kasalukuyan. Dagdag pa
rito ang problema mong personal na nalutas mo naman
kamakailan. Maaaring nasaktan mo ang dati mong boyfriend,
pero mas mahirap saktan ang sarili. Ipakita mo sa mundo na
puwedeng mahalin ng babae ang kapwa niya babae. Tugunan
rin ang tawag ng isang problematikong kaibigang gustong
makipag-inuman. Lucky number: 2.
Scorpio (Oktubre 24 –Nobyembre 21)
Huwag mahiyang yumakap sa ama. Matagal na niya itong
hinihintay sa iyo. Lucky number: 6.
Sagittarius (Nobyembre 22 – Disyembre 21)
Mag-aral nang mabuti. Mahal ang tuition. Maawa ka sa
ate mo na nagpapaaral sa iyo’t hinihingan mo ng allowance.
Marami na siyang problema’t huwag mo nang dagdagan pa.
Makinig sa mahalagang sasabihin ng iyong girlfriend. Lucky
number: 4
Capricorn (Disyembre 22 – Enero 19)
Tugunan ang tawag ng isang kaibigang naghahanap ng
kausap. Marami ka ring utang na kuwento sa kaniya, lalo na
itong huling pangyayari sa buhay mo. Lucky number: 2.
328 H U L A G P O S
H UWEBES
Aquarius (Enero 20 – Pebrero 18)
Magtimpi. Kausapin mo muna siya kung bakit hindi siya
sumipot sa usapan ninyo kagabi. Huwag magpabagabag sa
alinlangan. Marami nang ipinalamong takot sa iyo ang mundo.
Sapat na iyon, huwag mo nang dagdagan pa.
Pisces (Pebrero 19 – Marso 20)
Hindi lahat ng tao ay kakayanin ang iyong ginawa. Kung
anuman ang mga bagay na nawala o mawawala sa iyong buhay,
hindi ito nangangahulugang magkakaroon ng kulang sa iyong
sarili. Magdiwang, kahit nag-iisa. Puwedeng masayang
magdiwang ang tao kahit walang kasama.
Aries (Marso 21 – Abril 19)
Magbigay ng panahon sa sarili. Pag-isipang mabuti ang
iyong naging nakaraan. Maaaring naging mapangahas ka noon.
Huwag mong pagsisihan ang mga bagay na iyon. Tawag iyon ng
panahon. Kung hindi mo na kayang sumagupa sa dahas, ipaubaya
mo iyon sa iba na mas may kakayahang gawin iyon ngayon kaysa
sa iyo. Maraming anyo ang panahon. Marami ring paraan ng
pagtutol. Huwag matakot subukan ang ibang paraan.
Siguraduhin lang na naniniwala ka sa paraang iyong pipiliin.
Taurus (Abril 20 – Mayo 20)
Pasalamat ka’t pinaunlakan ng iyong mga kaibigan ang
anyaya mo sa kanilang makipag-inuman sa iyo kagabi bagama’t
hindi dumating ang isang inaasahang kaibigan. Kulang pa ang
pagbabayad mo ng utang mong kuwento sa kanila pero sapat
na iyon sa kasalukuyan. Nagkuwento na rin naman sila sa iyo
ng mga huling pangyayari sa kanilang mga buhay. Marami pang
pagkakataong magkakausap kayo. Huwag mong pabayaan ang
napili mong propesyon. Maaaring sa tingin mo’y malas ka
ngayon sa larangan ng pag-ibig, pero dapat mong isiping hindi
iyan kamalasan. Simula lamang iyan ng pagkamulat sa maraming
direksiyong puwedeng tahakin ng samu’t saring ugnayan.
Gemini (Mayo 21 – Hunyo 21)
Buti’t nakipag-inuman ka sa isang kaibigan mo kahapon.
Kung hindi’y baka hindi ka nalinawan sa komplikasyon ng mga
relasyon ng inyong barkada. Bagama’t inaasahan mong sisipot
ang dati mong girlfriend na may bago nang girlfriend, marami
pang pagkakataon para makapag-usap kayo nang masinsinan
ng kaibigan mong lasenggo. Sadyang may mga bagong anyo ng
relasyong binubuo ang kasalukuyang henerasyon. Kailangang
gawin iyon dahil bilog at umiikot pa rin ang mundo.
Cancer (Hunyo 22 –Hulyo 22)
Ang maging mabuting asawa, hindi iyon ganoon kadaling
gawin. Lalo’t kung ang buong buhay ng asawa mo ay kaniyang
ginugol sa labas ng bahay. Huwag magkulong sa bahay. Hindi
lang iyan ang iyong mundo, kung paanong hindi mo naman
ikinulong ang iyong sarili sa loob ng bahay kahit noong malakas
pa ang iyong asawa. Marami pang tao sa labas na naghihintay
ng iyong pagkalinga.
Leo (Hulyo 23 – Agosto 22)
Huwag lang sa pagtuturo isubsob ang sarili. Biyudo ka’t
malaki na ang iyong mga anak. May responsibilidad ka rin sa
iyong sarili. Kung saan ka liligaya, pagtuunan mo iyon ng pansin.
Nagkakagusto ka sa isang mas bata sa iyo. Siguro’y naging
estudyante mo ito dati. Walang masama kung ikaw ay
magtatapat. Tiyakin lang na wala kang masasaktan, lalo na ang
estudyanteng karelasyon ng iyong dating estudyante.
Virgo (Agosto 23 – Setyembre 22)
Mahal ka ng iyong boyfriend. Huwag mo iyong
pagdudahan. Problemado lang talaga siya ngayon. May isa ring
nakatatanda sa iyo na nagkakagusto sa iyo. Seryoso siya. Hindi
mo naman siya kailangang ipagtabuyan. Ginusto mo rin naman
siya noon, hindi nga lang puwede noong mga panahong iyon.
Timbanging mabuti ang sinasabi ng puso.
Libra (Setyembre 23 – Oktubre 23)
Huwag magsisi kung hindi ka nakadalo sa isang
mahalagang pagtitipon ng mga kaibigan. May panahon ng pag-
iwas. Pero alam mong alam ng mga kaibigan mong hindi mo
naman sila iniiwasan. May mga panahong kailangang ilaan para
sa sarili, para harapin ang sarili. Marami pang paninimbang sa
sarili ang iyong gagawin. Tiyaking ang katotohanan ng sarili ang
iyong papanigan.
Scorpio (Oktubre 24 – Nobyembre 21)
Huwag mangamba. Maiintindihan niya kung bakit hindi
ka nakasipot kagabi sa inyong usapan. Ipaliwanag mo lang sa
kaniya na mas kailangan ka kagabi ng iyong ama. Kung aatakihin
ka ng kalungkutan, maligo ng maligamgam na tubig at
mahihimasmasan ka rin.
Sagittarius (Nobyembre 22 – Disyembre 21)
May gumagambala sa iyong girlfriend. Huwag kang
magselos. May sapat siyang isip para timbangin ang mga bagay-
bagay. Ngayon mo higit dapat na ipakita sa kaniya ang iyong
pagtitiwala sa kaniya. Kausapin mo rin ang iyong ate, hindi iyong
hingi ka lang nang hingi ng allowance sa kaniya. Malay mo, baka
matulungan mo siya’t taasan pa ang iyong allowance.
Capricorn (Disyembre 22 – Enero 19)
Buti’t pinaunlakan mo ang paanyaya ng isang kaibigan
kahapon. Bukod sa nakumusta mo siya ay nakita mo rin ang isa
pang dumating na kaibigang matagal na ring hindi mo nakikita,
isang kaibigang nasaktan ng mga huling pangyayari sa buhay ng
inyong barkada. Hindi nga lang sumipot ang dati nitong
girlfriend na lover mo ngayon. Babae ka’t maganda ang
tinatakbo ng iyong propesyon at pag-ibig. Hindi mo kailangang
kumbinsihin ang sarili na hindi ka nanakit ng kaibigan. Hindi
ka talaga nananakit ng tao. Hindi mo rin kailangang
kumbinsihin ang iyong kaibigan. Naiintindihan ka niya.
B IYERNES
Aquarius (Enero 20 – Pebrero 18)
May dalang pangamba ang araw na ito para sa iyo. Subalit
P O S T M O D E R N O 329
huwag magduda, lalo na sa iyong mahal sa buhay. Sadyang may
mga bagay na mas mahalaga kaysa sa sarili, sa iyong sarili o sa
kaniyang sarili. Mas marami ang ganoong bagay. Hindi sa sarili
lang pinaiikot ang mundo. Bagama’t masakit magbigay ng sarili,
mas mahirap kung kikipkipin ang sarili sa loob ng sarili.
Pisces (Pebrero 19 – Marso 20)
Ituloy mo ngayong weekend ang biyaheng matagal mo
nang pinaplano. Lumangoy sa dagat, ibilad ang sarili sa init ng
araw, huwag kalimutang mag-sunblock. Magsuot ng shades para
hindi masaktan ang mata. Siguraduhin mong hindi mataas ang
coliform level ng dagat. Umiyak ka kung kinakailangan. Matagal
mo nang natanggap ang hahantungan ng iyong ama. Matagal
mo na ring natanggap ang kinahantungan ng iyong relasyon.
Kung iiyak ka, siguraduhin mong luha iyon ng kagalakan sa pag-
iisang matagal mo nang inaasam.
Aries (Marso 21 – Abril 19)
Maaaring nginangatngat na ng uod ang iyong katawan.
Pero huwag malumbay. Ganyan lang talaga ang buhay. Lahat
naman ay diyan din ang punta. Tanggapin ang pagiging tentatibo
ng maraming bagay sa mundo. Isa na ang iyong sarili.
Taurus (Abril 20 – Mayo 20)
Kung anuman ang mga bagay na nawala sa iyong buhay,
hindi ito nangangahulugang magkakaroon ng kulang sa iyong
sarili. Magdiwang, dahil alam mong pinakawalan mo ang mahal
mo sa buhay upang maipagdiwang ang kanyang hinahangad na
pag-iisa. Kung puwede siyang magdiwang nang nag-iisa, puwede
ka ring magdiwang nang nag-iisa. Para sa iyong sarili. Higit sa
lahat, para rin sa kaniya.
Gemini (Mayo 21 – Hunyo 21)
Huwag mong ituloy ang plano mong magpatingin sa isang
psychiatrist. Wala kang problema. Ang nangyari sa iyong pag-
ibig ay usapin lang ng pagkilatis sa mga nagbabagong hugis ng
relasyon, at pagtanggap sa mga bagong realidad ng inog ng
mundo. Matagal ka na kasing hindi nagche-chess. Yayain ang
330 H U L A G P O S
isang kaibigan, at mag-chess kayo. At sana’y maalala mong muli
na pinag-iisipang maigi hindi lang ang mga pag-atake kundi,
higit sa lahat, ang mga pag-atras.
Cancer (Hunyo 22 – Hulyo 22)
Tanggapin ang limitasyon ng mundo. Tanggapin nang
maluwag sa sarili, kahit may hinanakit, ang napipintong
pagkawala ng mahal sa buhay. Hindi diyan nagtatapos ang iyong
mundo. Malawak ang mundo at sinlawak ng mundo ang
pagmamahal na nakaimbak sa iyong puso.
Leo (Hulyo 23 – Agosto 22)
Hindi lang edad ang pamantayan ng pagpapares ng tao.
Bakit ba kung kelan ka tumanda ay saka ka naman pinanghinaan
ng loob? Magsasabi ka lang naman, susubukan mo lang naman,
ano’ng masama roon? Kung puwedeng testingin ang nasa isip,
huwag mag-atubiling eksperimentuhin ang buhay. Alam mo
namang ang buhay ay isang laboratoryo. Pero huwag umasa ng
isang magandang resulta.
Virgo (Agosto 23 –Setyembre 22)
Ipagtapat sa iyong boyfriend ang bumabagabag sa iyong
isip. Hindi manghuhula ang iyong boyfriend. Kung iyong grades
niya ay hindi niya mahokus-pokus, iyan pa kayang isip mo.
Mabuti na iyong nababasa niya ang nasa isip mo kaysa naman
sa pinahuhula mo pa siya sa galaw ng iyong utak.
Libra (Setyembre 23 – Oktubre 23)
Huwag matakot ipaglaban ang iyong paniniwala, kahit
alam mong nag-iisa ka na lang sa mundo. Hindi ka naman nag-
iisa sa sitwasyong iyong sinuong. At kailanman ay hindi ka mag-
iisa. Dahil hindi iisa ang hugis ng pag-ibig.
Scorpio (Oktubre 24 – Nobyembre 21)
Buti’t hindi mo pinalagpas na lumubog ang araw kahapon
nang hindi napag-uusapan ang mga bagay na dapat pag-usapan.
Malaki ang naitutulong ng pag-uusap, lalo na sa kaso ng iyong
relasyon. Maging sensitibo ngayong araw na ito dahil may hindi
maipaliwanag na pangambang bumabalot sa iyong karelasyon.
Unawain mo siya. Huwag kang magduda sa iyong sarili. Tiyak
ka sa iyong sarili, alam mo ‘yan.
Sagittarius (Nobyembre 22 – Disyembre 21)
Huwag na huwag lalapit sa isang manghuhula para lang
mabasa ang nasa isip ng iyong girlfriend. Walang maitutulong
ang mga baraha’t bolang kristal. Huwag na huwag mo ring
ipagpakulam ang mga terror mong teacher. Baka bumuwelta
ang kulam at ikaw pa ang mapasama.
Capricorn (Disyembre 22 – Enero 19)
Maglaan ng oras para sa kaniya. Hinuhugisan niya ang anyo
ng inyong pag-ibig. Tulungan mo siyang kortehan ito.
Kailangang kayong dalawa ang bumuo nito. Yayain siyang
manood ng sine. Kailangan ninyo itong dalawa. Kung walang
magandang palabas at kung walang matipuhang magandang
video o laser disc ng isang pelikula, sa bahay na lang kayo’t
makinig ng CD. Kailangang patatagin ang inyong ugnayan.
S ABADO
Aquarius (Enero 20 – Pebrero 18)
Panindigan mo ang iyong naging desisyon. Higit na
mahalaga iyon kaysa anupamang bagay na ginawa mo sa tanang
buhay mo. Magiging maligaya ka kung ipagpapatuloy mo ang
pagliligtas ng sarili at kapwa.
Pisces (Pebrero 19 – Marso 20)
Maaaring malayo ang iyong pinagbabakasyunan ngayon.
At sa iba pang mga araw ng pagbibiyahe, tiyaking sarili mo lang
ang iyong dala-dala, tulad ngayon. At sa marami pang
paglalakbay na iyong gagawin, huwag mo ring kalimutang baunin
ang maraming sarili ng ibang tao na nakaempake sa kaluluwa
ng iyong puso. Isama mo sila sa iyong pagbabakasyon, dahil
iyon ang kabuuan ng iyong pagiging isa, at pag-iisa.
Aries (Marso 21 – Abril 19)
Hindi lang sa uri sinusukat ang tao. Napatunayan mo ito
sa maraming pagkakataon. Marami kang naging pakakamali.
Aminin mo iyon. Pero marami ka ring naging tama. Tanggapin
mo ang mga iyon nang buong pagpapakumbaba. Higit kang
liligaya kung isasama mo sa iyong hantungan ang mga yakap at
pagmamahal ng iyong pamilya. Humanda sa marami pang yakap
at pagmamahal sa bagong buhay na iyong haharapin.
Taurus (Abril 20 – Mayo 20)
Bagama’t iniwan ka ng dati mong girlfriend, isipin mong
nakaempake sa kanyang gunita ang maraming masasaya’t
malulungkot na araw na pinagsamahan ninyong dalawa. Hindi
niya iyon basta-basta maiwawaglit sa anumang paglalakbay na
kaniyang gagawin. Maglakbay ka rin. Malay mo, baka makatagpo
kang muli ng bagong pag-ibig. Tandaan mo, umiikot sa mundo
ang iba’t ibang uri, ang lahat ng uri, ng pag-ibig. Huwag
magmadali, pasasaan ba’t sa altar rin hahantong ang iyong
paghahanap.
Gemini (Mayo 21 – Hunyo 21)
Hindi sinasabi ng iyong planetary system na umatras ka.
Ayon sa galaw ng iyong mga bituin, ang sinasabi nito’y matuto
kang tumanggap ng pag-atras ng ibang tao, ng pagkalas ng ibang
tao mula sa orbit ng iyong mundo. Madaling unawain ang bagay
na ito, lalo na kung naunawaan mo na ang ibig sabihin ng pag-
unawa, hindi pa para sa kaniya kundi para pa sa iyo. Konsultahin
mo ang diksiyonaryo ng iyong puso at makikita mong marami
ring kahulugan ang pang-unawa. Piliin mo kung alin sa mga
depinisyong iyon ang katanggap-tanggap sa iyo at sa kaniya.
Cancer (Hunyo 22 – Hulyo 22)
Ang pagbibigay ng sarili sa iba, lalo sa pamilya, sapat na
iyon sa isang tanang buhay. Yakapin mo rin ang iyong sarili,
kung paanong pinupos mo ng yakap ang isang yumayaong asawa.
Nakabakat sa iyong katawan ang mga iniwang palatandaan ng
mga yakap ng pagmamahal ng iyong asawa. Haplusin mo ang
mga markang ito ng pagkataong iiwanan sa iyo ng tao at mga
P O S T M O D E R N O 331
taon ng pagsasama. Sasamahan ka, habambuhay, ng mga bakas
na ito ng pagkalinga.
Leo (Hulyo 23 – Agosto 22)
Hindi ka na naman makatulog. Nainlab ka yata talaga. Pero
huwag kang iinom ng sleeping pills. Baka bangungutin ka’t hindi
mo na masilayan ang liwanag ng araw. Iwasan ang pagkakape,
lalo kang hindi makakatulog, pwera na lang kung talagang gusto
mong magpuyat. Huwag ring pakatiyak sa iyong plano.
Maraming bagay sa mundo na sa unang malas ay parang walang
kinalaman sa malalaking bagay na nagaganap sa buhay. Bisitahin
ngayong Linggo ang iyong mga anak. Bisitahin mo rin ang
puntod ng dati mong asawa. Humingi ka sa kaniya ng
kaliwanagan.
Virgo (Agosto 23 – Setyembre 22)
Ipagtapat mo sa iyong boyfriend ang pagtatapat sa iyo ng
dati mong teacher. Karapatan niyang malaman iyon nang sa
gayon ay mapag-isipan rin niya kung ano ang kaniyang gagawin.
Ngayon mo masusubok ang katatagan ng kasalukuyan mong
boyfriend. Pero huwag na huwag mong sinusubok ang
karelasyon. Hindi pagsubok ang relasyon.
Libra (Setyembre 23 – Oktubre 23)
Maiintindihan ka rin ng dati mong boyfriend. Huwag mo
nang masyadong pag-isipan iyon. Marami pang pagkakataon
para makapag-usap kayo nito nang masinsinan. Higit mong
intindihin ang bago mong girlfriend. Mabuway pa ang inyong
relasyon. Kailangan pa itong patatagin. Tulad ng baroque music
na pinakinggan ninyo kagabi sa bago mong CD, maglaan ng
sapat na oras para sa mga tahimik na pagkakataon. Huwag
matakot masaktan. Kung saka-sakaling ikaw ay masasaktan sa
iyong bagong relasyon, hindi niya sinasadyang ikaw ay saktan.
Hindi siya marunong manakit ng tao.
332 H U L A G P O S
Scorpio (Oktubre 24 – Nobyembre 21)
Hindi libog ang nagpapatakbo sa buhay ng tao.
Napatunayan mo ito sa iyong karelasyon. Akala mo kasi’y
nanlalapa ng laman ang mga tulad nila. Maraming pag-aakalang
dapat iwaksi. Tandaan mong maraming namamatay sa maling
akala. Mauunawaan rin ng iyong mga magulang at kapatid ang
sinuong mong sitwasyon. Darating din ang panahong
maitutuwid nila ang ilang maling haka.
Sagittarius (Nobyembre 22 – Disyembre 21)
May ipagtatapat sa iyo ang iyong girlfriend. Kung ikaw ay
mabibigla, huwag na huwag mo siyang sasampalin, huwag na
huwag mo siyang sasaktan. Kung hindi mo kayang tanggapin
ang sasabihin niya sa iyo, huwag matakot maglakbay, lalo na sa
loob ng sarili. Tandaan mong puwedeng maging portable ang
identidad. Bata ka pa at marami ka pang puwedeng gawin, mga
bagay na magpapasariwa sa mga bagay na hindi mo gusto tulad
ng iyong grades.
Capricorn (Disyembre 22 – Enero 19)
Pakatandaan mo ang sinabi niya sa iyo kagabi habang
tumutugtog ang isang payapang musika, na hindi iisa ang hugis
ng pag-ibig. Matalino ka, alam mo ang ibig sabihin niyon, kahit
hindi ka tiyak kung anong hugis ng pag-ibig ang inyong binubuo.
Aasenso ka pa sa iyong propesyon, kaya’t maaari mo na ring
taasan ang allowance na ibinibigay mo sa iyong nakababatang
kapatid, kahit hindi tumataas ang kaniyang mga grades.
L INGGO
[Bawal manghula kapag Linggo. Araw ng Diyos. — Ed.]