Professional Documents
Culture Documents
Katesismo Sa Flores de Mayo
Katesismo Sa Flores de Mayo
Katesismo Sa Flores de Mayo
KATESISMO
SA
FLORES
DE
MAYO
MAYO 2024
INTRODUKSYON
ENOT NA PARTE
KATEKESIS ASIN AKTIBIDAD NA PAPAGIBUHON SA MGA KAAKIAN
IKA-DUWANG PARTE
IKA-TULONG PARTE
PAGTAO NING MGA ASSIGNMENTS O DAPAT NINDANG GIBUHON SA
HARONG KATAKOD KANG MGA KATEKESIS NA NAUKODAN NINDA
SA ALDAW NA ITO
ENOT NA ALDAW
MAYO 4, 2024
ANG FLORES DE MAYO
OBHETO:
Maitao sa kaakian ang kahulugan kang Flores de Mayo
AKTIBIDAD
Ang mga opisyales kang Holy Rosary Club magpapa-print ning mga picture ning
manlaen-laen na burak na kukulayan kang mga kaakian. Ang mga opisyales
tutukduan asin guiguiyahan ang mga aki sa kung anong kulay ang dapat na
ilalapat sa mga pictures. Makatapos, i-eksplikar kang opisyal na nakatalaga kung
ano ang pakahulugan kang Flores de Mayo – ano ang katuyohan asin ano ang
muya kaining ipabalangibog.
Dae paglingawan na i-apresyar ang ginibo kang mga aki asin pasalamatan sinda
sa pagpartisipar.
Idukot ang mga activity sheet na ginibo kang mga aki sa blackboard.
KATEKESIS
Ang Flores de Mayo o kung sa ibang lugar igdi sa Pilipinas inaapod na Flores de Maria o
kung ipapalis sa Ingles nangangahulugan na Flowers of May. Base sa mga surat, ang Flores de
Mayo nagpoon sa Bulacan. Sa aktibidad na ini, iniaatang ang mga pinudo na mga burak kang
mga aki sa pamitisan kang imahen ni Virgen Maria. Angay sanang iatang ang mga magagayon
asin mahahamot na burak sa pinakamagayon asin pinakamalinig sa gabos na iyo si Virgen Maria.
Ang tradisyon na ini sinasabing minukna kang mga Kastilang prayle sa taon na 1800.
Dakula ang pinag-kaiba kang Flores de Mayo sa Santa Cruzan. Ang Flores de Mayo, iyo ang
pagdebosyon ki Virgen Maria mientras ang Santa Cruzan, iyo ang pagrumdom kang paghanap
asin pagkakua ni Sta. Helena asin Constantino kang tunay na cruz kung saen ang satong
Kagtubos ipinako. Uya man sa mga nag-aayon sa parada ang manlaen-laen na titulo ni Virgen
Maria na nakatala sa Litanya ni Virgen Maria asin manlaen-laen pang titulo na uya sa Biblia asin
kasaysayan. Angay man na ipinagseselebrar niato ang pagtaong galang asin omaw ki Virgen
Maria sa bulan kang Mayo ta digdi man niato ipinagseselebrar asin pigrumdom ang aldaw kang
mga Ina o Mother’s Day.
/afm
IKA-DUWANG ALDAW
MAYO 5, 2024
OBHETO:
Mabasa ang Magnificat sa mga kaakian
Ma-i-eksplikar sa mga kaakian ang importansiya kang pag-visita o pag-dalaw
Maggibo ang aktibidad na katakod kang tapik na ini
AKTIBIDAD
Ang opisyal na nakatalaga sa aldaw na ini, iistorya o pwedeng ipadalan ang istorya kang
pagvisita ni Virgen Santa Maria sa saiyang pinsan na si Santa Isabel.
Ang aldaw o ang tapik na ini nakabase sa ebanghelyo na sinurat ni San Lukas (Lukas
1:39-56)
Tawan agyat ang mga aki na mag-visita sa mga lolo o lola ninda asin tawan ki simpleng
burak o kugos.
KATEKESIS
Lukas 1:40 – Pagdagos niya sa harong ni Zacarias, nagtaong galang siya ki Isabel.
- Nakatadom na satong mga Filipino ang importansiya kang satong mga gurang na
parte kang satong lipunan, asin pinapahiling ta ang pag-galang sa sainda sa paagi
kang pag-bisa, paggamit kang “po” asin “opo” pag kita nakikipag-olay sa sainda asin
kadakol pang iba.
Lukas 1:45 – Paladan ka ta nagtubod kang maootob an sinabi saimo nin Kagurangnan!
- Ang pagsunod sa mga pigsasabi kang satuyang mga magurang asin mga lolo buda
lola, sarong pagpapaheling kang satuya man na pagiging dayupot sa mga katokdoan
kang satuyang Mahal na Dios.
IKA-TULONG ALDAW
MAYO 11, 2024
OBHETO
Mabisto kang mga ka-aki-an ang mga bagay-bagay na kaya nindang gibuhon para kay
Virgen Maria.
Ma-isurat kang mga kaakian sa kada “petals” kang burak ang kaya nindang gibuhon para
kay Virgen Maria
Maipahatod sa mga ka-akian ang katekesis na katakod kang tapik na ini
Maisagibo ang aktibidad na katakod kang tapik na ini
AKTIBIDAD
Ang mga opisyales kang Holy Rosary Club magpreparar ning mga petals ning burak na
susuratan kang mga kaakian. Ang mga opisyales tutukduan asin guiguiyahan ang mga aki
sa kung anong pwede nindang isurat sa kada petals. Makatapos, i-eksplikar kang opisyal
na nakatalaga kung ano ang katekesis na nakatalaan sa aldaw na ini.
Dae paglingawan na i-apresyar ang ginibo kang mga aki asin pasalamatan sinda sa
pagpartisipar.
Idukot ang mga petals na ginibo kang mga aki sa blackboard.
KATEKESIS
Saro sa mga titulo ni Virgen Maria na yaon sa Litanya kang Loreto, iyo ang Rosa Mystica
– ang rosas saro sa mga pigkokonsiderar na magayon na burak. Ang pulang rosas nagsisimbolo
kang pagkamoot – ang pagkamoot ni Virgen Maria sa katawohan. Namoot siya sato kaya siya
nag-uyon sa mga kabotan kang Mahal na Dios. Sa saiyang pag-uyon, pinahiling niya ang saiyang
pagkamoot satuya – bilang saiyang mga aki. Ang rosas naman na puti nagsisimbolo kang
pagiging malinigon asin mabinion ni Virgen Maria, kaya ngane baga satuyang sinasambit ang
mga katagang “Ave Maria Purisima! Sin Pecado concebida.” Dahil ini sa malinigon na
pagpangidam ni Santa Ana kay Virgen Maria. Maririsa man ang paglataw kang rosas kang
magpahiling ang aparisyon ni Virgen Maria sa sarong lalaki na si Juan Diego sa Mexico. Sa
paagi kang milagrosong rosas na ini, nahaman ang imahe kang milagrosang Ina kang Mexico, si
Nuestra Señora de Guadalupe.
Angay na itao ta ki Virgen Maria ang mga magagayon na burak ta dahil man saiya,
naresibe ta ang pinakamagayon asin mahamot na burak, si Jesus na satong kagtubos.
/afm
OBHETO:
Maipahiling sa mga kaakian ang Rosaryo
Turuan ang mga aki kang tamang pagpangadyi kang Santo Rosaryo
Masabi ang TARA, MARIA
Manodan kang mga aki ang pagpangadyi kang Santo Rosaryo
Makagibo ang mga aki ning saindang sadiring rosaryo asin saindang matukoy kung
anong mga pangadyi ang nakatalaga sa mga beads n aini