Translation - Almost, Maine 2

Almost, Maine (STW 劇團 2024.02.
16 ver1)
STW 劇團第六次公演
劇本
2024.02.16 ver1
Almost, Maine
編劇:John Cariani
1
Almost, Maine (STW 劇團 2024.02.16 ver1)
Prologue
音樂。(建議用 Julian Fleisher 的原創音樂) 。深冬，一個寒冷的星期五晚，

在緬因州北面有一個細小而神秘的小鎮叫 Almost。潔淨，冰冷，無月──北
面的繁星夜空是整套劇的背景。台燈照在 Pete 和 Ginette 身上。他們坐在
Pete 前院的長櫈上凝望星星。Pete 坐在長櫈上的右面而 Ginette 坐在左面，
兩者相隔一段距離。音樂漸小。兩人望着星空良久， Ginette 不停偷望
Pete。
1. Ginette： Pete，我──（停，準備講「我愛你」）
2. Pete：做咩？
3. Ginette：（開不了口）我只係想講──我好享受哩一刻，Pete。
4. Pete: 我好開心，Ginette。(Pete 同 Ginette 一起享受這一刻，此
刻非話語能形容… 繼續望星)
5. Ginette: (仍然無法說自己想說的話) 同埋 d 星真係──! 我唔知原來你
識哩 d 野! // 過咗咁耐，我都唔知原來你識哩 d 野！
6. Pete: 其實都唔係嘅──…哩 d 野係我老豆教我... (停。已經無話可
說
… 所以繼續望星。停。Ginette 轉身望向 Pete)
7. Ginette: Pete──…
8. Pete: (轉身望向 Ginette) 吓？
9. Ginette: 我愛你。(停。Pete 只凝望着 Ginette。停。Pete 眼神移開。
停。沒有回應。停。 Ginette 因 Pete 的反而而感到氣餒，轉
開，嘗試理解剛剛發生的事。台上二人極不安。 Pete 仍在
消化 Ginette 剛說的話； Ginette 亦在思索着 pete 的反應，
或沒有反應。極長的停頓。最後，Pete 只能坦承：)
10. Pete: 我... 都愛你。
11. Ginette: 噢! (鬆了一口氣! Pete 和 Ginette 感到愉快! Ginette 興奮得在
震抖。)
12. Pete: 你凍呀? // 你想唔想入去?
13. Ginette: 唔洗，唔洗呀。我只係想坐係到，好似咁。靠近。(Pete 和
Ginette 之間有一定距離──但對他們來說，現在的距離已夠
近。 ) 我覺得今晚同你好近。可以同你坐近真係好好，
Pete。( 她再挪動近一點。停 ) 好安全。（再坐近一點。
停。）我鐘意好接近。好似咁。我嘅意思係，我諗到其他...
其他方法同你再接近啲。(例如: 性，和他們全心全意去享
受──Pete 萬萬想不到她會提及這件事，但他亦為此感到非
常高興！) 但唔係話──... 我鍾意哩一刻。哩種接近。係你
身邊。(她再靠近；直接依靠在他身上。停) 你知道嘛，我
諗我地哩個距離已經係最接近（她非常滿足。）
14. Pete: (停。突然發現) 但... 其實唔係。
15. Ginette: 吓?
16. Pete: (真的才剛醒覺) 唔係。我嘅意思係，如果你從另一個方法
去諗，其實你唔係真係好接近我。其實你離我好遠，有咁
遠得咁遠。我嘅意思係，如果你諗真啲，技術上 ──如果你
假設哩個世界係圓嘅，好似個波，（在地上拿起雪弄了一
個雪球作示範。長櫈上有積雪，而雪球則在積雪上，令雪
2
球發揮了它的作用。）好似一個雪球，離一個人最遙遠嘅
距離就係坐係佢隔離嘅時候。你睇，如果我係哩到（指着
雪球上的一點代表他），而你係哩到（指着雪球上另一點
代表她，而那一點其實就在剛剛一點的旁邊，或甚至是同
一點。）跟住... (Pete 現在示範如果你反方向繞地球一周──
在赤道上反方向繞地球一周〔不是兩極〕──那麼他和
Ginette 就其實離大家最遠。短停。) ... 咁其實好遠。
17. Ginette: ( 他到底在說什麼 ?) 係。( 停。她感到失望， Ginette 移開 ──
到
長櫈的另一邊。她覺得自己不再和任何人「近」。)
18. Pete: (理解中: 他獨到的想法令之後整晚的發展變得意料之外。
他接着嘗試力挽狂瀾，滿懷希望： )但係... 你依家近咗。
(因為跟據他的說法，她的確變近了。)
19. Ginette: (困惑) 係。(或者因為覺得受傷，她站起來準備離開。在這
裡還可以怎樣？她才走了一兩步，Pete 就把她叫停。)
20. Pete: 再近啲... (Ginette 停下。她轉身望享 Pete，再轉身離去，但
在她走了一步後， Pete 又繼續打斷她的步伐 ) 又近一啲...
(Ginette 再次停下；望向 Pete；轉身 ... 有踏出一步 ...一步
一步一步又一步。每一步， Pete 都會說，「 ...近啲近啲近
啲又近啲...」她已快要離開， Ginette 停下。她嘗試去理解
發生什麼事，Pete 的話意味着什麼。她望着 Pete；往左離
開；再望；再往左離開；然後一步一步的離開。 Pete 在她
每踏的一步都會叫住她，告訴她，抱有希望的說她「 ...又
近啲近啲近啲近啲...」直到 Ginette 從台左離開，而 Pete 則
在她每一步說着「 ... 近啲，」。可惜，她的每一步象徵着
Ginette 離 Pete 愈來愈遠。這非 Pete 所預期的，他的聲音
慢慢收細。音樂。台燈在傷心、困惑和無助的 Pete 身上漸
暗。他望向雪球。他幹了些什麼？而我們才正要開始...
3
第一幕
場景一，命名為…
她的心
音樂漸細。台燈在一個站在緬因州 Almost 舊農莊前院的女人身上漸亮。她

胸前抱着一個細小、啡色的牛皮紙袋。她舉頭望天。走廊燈亮。我們聽到
一道屏門打開，關上，一名男人隨後進場。他觀察那女人一陣子。他穿着
一件溫暖的大外套，格子睡衣，拖鞋或者沒有綁上鞋帶的長靴。
21. 男人: 哈囉。

22. 女人: (跟他說) 哈囉。(繼續望着天空)
23. 男人: 我以為我見到有人。(小停頓) 我準備上床瞓。跟住我係窗
口望到你... (停) 我可唔可以... 我有咩可以幫到你?
24. 女人: (跟他說) 冇呀，我只係想係到睇北極光。(繼續望着天空)
25. 男人: Ok，ok。只係──依加已經好夜，同埋你係我前院...
26. 女人: 嗯，我希望你唔好介意! 我只係今晚會係到，我想今晚睇到
佢地。啲北極光。跟住我就會走，希望你唔好介意──
27. 男人: (望遠點) 個個係咪你個帳篷? (帳篷只有 east 和 glory 看到，
不
在觀眾視線範圍內。)
28. 女人: 係。
29. 男人: 你扎咗個營... >
30. 女人: 咁我係見到北極光之前... >
31. 男人: 係我個前院裡面...
32. 女人: 係我可以有個地方瞓，希望你唔好介意。
33. 男人: 我唔係話──
34. 女人: 你介意呀?
35. 男人: 我唔知會唔會──
36. 女人: 弊啦，你介意──
37. 男人: 唔係，我唔係介意──
38. 女人: 唔係呀，你介意呀! 你介意! 好對唔住呀，我冇諗過你會。
我冇諗到──，你睇，你地啲小冊子寫住>
39. 男人: 我啲小冊子?
40. 女人: 緬因州啲人唔會介意。哩到寫住(拿出一張緬因州旅遊的小
冊子) 緬因州嘅人係唔一樣，你地過住啲「理想的生活」1
「就好似北歐，北面農村嘅弟兄有一個傳統習俗」，佢地
會比陌生人，就好似越野滑雪嘅人、踩單車嘅、行山嘅，
直接係佢地前院扎營，如果佢地需要，啲緬因州人就會比
佢地咁做，不求回報。我係行山嘅。係咪真?>
41. 男人: 係──
42. 女人: 係佢地會就咁比你瞓係前院如果你真係要? 因為我真係須
要。扎營。因為我係我應該係嘅地方。哩到係我去過最遠
嘅地方──我嚟自一個乜野都係附近嘅地方──我未去過咁北
1
如果你駕車駛過 95 號州際公路到緬因州，你就會看到緬因州旅遊局豎立的標誌，上面寫着
「緬因州: 理想的生活」。
4
面，或者咁東面，你知唔知緬因州係全國唯一一個州淨係
連住一個州!?!
43. 男人: 係──
44. 女人: 係呀!!(浸淫係空曠的環境中) 好似係世界嘅盡頭咁，而我哩
一刻係世界嘅盡頭，我無路可去，所以我指望我可以留係
到，除非哩啲都唔係真嘅，我嘅意思係，係咪真係真架?>
45. 男人: 係──
46. 女人: 你會唔會容許一個行山嘅人免費係到扎營，因為哩到正正
係佢想留低嘅地方?>
47. 男人: 係──
48. 女人: 我嘅意思係，如果一個人真係需要，>
49. 男人: 係──
50. 女人: 真係真係好需要?
51. 男人: 係，如果個個人真係好需要，當然可以，但係──
52. 女人: (如釋重負) 我好開心呀!! 多謝!! (女人往男人去，張向雙臂
，擁抱他。那紙袋在他們擁抱時身體之間壓扁了。男人和
女人不經不閣交換了紙袋，但觀眾不會發現。跟男人擁抱
過後，女人立刻繼續定睛在北極光上。停。然後發現紙袋
不在她身上。) 我要哩個呀!
53. 男人: 哦，比返你。（他把袋還給她。）
54. 女人: 唔該。(女人繼續望着天空。)
55. 男人: 唔洗。(停) Ok──。Ok... (停)所以你只係想搵個地方睇北極
光。
56. 女人: 係呀，淨係今晚。
57. 男人: 你知你今晚可能會睇唔到，因為//你永遠唔知道會－
58. 女人: 唔係，我今晚會睇到。因為我係個啱嘅地方；你哩到嘅方
位好好。而依加哩個時候正係太陽活動十一年嚟嘅頂峯。
所有野都係佢地正確嘅位子。同埋哩到個天空好適合。(享
受在星空下)哩到個天空好廣闊。
59. 男人: 哩到以前係個薯仔農場。
60. 女人: 我啱啱都係想咁講，周圍冇樹擋住。同埋係完全平架! 係一
個大天空嘅最佳位置! (停)所以──你以前係個農夫?
61. 男人: 唔係，哩到以前係農場，但我係做維修。
62. 女人: 哦。
63. 男人: 整返好啲野。
64. 女人: 哦。(笑)
65. 男人: 做咩?
66. 女人: 你唔係個啲龍蝦人。
67. 男人: 唔係...
68. 女人: 我仲以為每個緬因州嘅人都係賣龍蝦，講野啲口音好搞
笑... 好似緬因州嘅口音，但你唔係咁講野。
69. 男人: 唔係，你唔係係東面，我地係北面。北面嘅人好似我地咁
講野，大概係咁。
70. 女人: 哦。
71. 男人: 同埋，我地哩到離海岸差唔多有成百幾里咁遠。如果我係
捉龍蝦每日到要山長水遠咁返工。
72. 女人: (喜歡他)係呀。無論如何，多謝你。多謝你肯比我留低。
5
我哩排已經夠衰，如果連係到都咁黑仔── (男人情不自禁親
吻女人。當他們分開，紙袋在男人手中。二人呆立。)
73. 男人: 喔...
74. 女人: (在思考發生什麼事) um...
75. 男人: 喔...
76. 女人: um...
77. 男人: 喔，哎呀。
78. 女人: um...
79. 男人: 好對唔住。我只係──... 我稔我愛你。
80. 女人: 真係。
81. 男人: (困惑) 係呀。我係窗口見到你跟住... 我愛你。
82. 女人: 係... ──真係好──... 但係我諗你要知道：我唔係為咗哩樣野
而嚟。
83. 男人: 唔係呀，我冇諗過你會為哩樣而嚟。
84. 女人: 我嚟哩到係要拜我老公。
85. 男人: 喔──
86. 女人: 係，我老公，Wes。佢啱啱走咗，我淨係想同佢講再見。
其實就係星期二。同埋啲北極光，你知唔知道──其實係啲
啱啱過世嘅人拎係手上嘅電筒，咁樣佢地就可以搵到去天
堂嘅道路，同埋，一個靈魂要三日先可以搵到路返屋企，
上天堂，今日就係星期五! 今日係第三日，我會見到佢地，
啲北極光，因為啲北極光就係佢：佢會拎住其中一枝電筒
同埋，佢走個時我地關係唔係咁好，所以我淨係希望我可
以嚟到哩到同佢講再見，唔需要有人煩住晒，但你頭先講
個番話，我諗，我覺得好困擾，我唔係為咗哩樣野而嚟，
所以我諗我都係去第到//搵個第個前院──
87. 男人: 唔係呀! 對唔住如果我──... 如果我啱啱嘅行為係唔妥當嘅─
─
88. 女人: (離開) 唔係//，我稔──
89. 男人: 唔係哩，我真係唔知發生咩事。
90. 女人: 我知呀，我知道發生咩事!
91. 男人: 我唔係個啲會做哩種是嘅人。請你唔好走。淨係──做你需
要做嘅事。我唔會騷擾你。或者淨係... 當啱啱我做嘅一切
係一個好溫暖，好緬因州嘅歡迎。
92. 女人: (停下；感動)好啦，好啦。(停)我係──我個名叫 Glory。
93. 男人: 我係 East。全名 Easton 。係一個小鎮嘅名 ── 個邊上少少 ──
我
出世個鎮。張出世紙填錯咗... 「一名兒子，Easton，〔合
適年份〕一月六日於緬因州 Matthew 出生。」... 其實應該
掉返轉...
94. Glory: (被逗樂了) 真係可惜...>
95. East: 邊到係呀。
96. Glory: 咁，(意指地方)Easton，>
97. East: 係──
98. Glory: 係呀! 我啱啱有經過呀，呀係呢，哩到係邊到，我係邊? 我
係地圖上面搵唔到哩個地方。
99. East: um... Almost。
6
100. Glory: 咩話?

101. East: 你依加係個無組織區域 2 。13 號鎮，第 17 號村，(Glory 查
看
地圖。) 你唔會係地圖見到，因為哩到唔係一個真嘅鎮。
102. Glory: 咩話//你係指──
103. East: 即係，要成為一個鎮，你要有組織。我地從來都冇真係有
組織過，所以... 我地只係 Almost。
104. Glory: 哦... ( 他們共同享受這一切。停。 Glory 現在要處理的是她
遺
失了紙袋。紙袋方才還在她胸前，現在卻憑空消失。遺失
紙袋令她感到懊惱，甚至令影響了她的呼吸。)噢! 噢!
105. East: 做咩? 發生咩事?
106. Glory: (看似呼吸困難) 我個心!
107. East: 吓? 你冇//事呀嗎?
108. Glory: 我個心! (看見紙袋在他手上，指向紙袋)
109. East: 吓?
110. Glory: 你攞咗我個心!
111. East: 我──?
112. Glory: 係個袋，係個袋裡面!>
113. East: 哦。
114. Glory: 唔該你比返我，//唔該! 係我個心嚟。我需要佢。唔該你
呀!
115. East: ok, ok, ok (把袋還給她)
116. Glory: 唔該你。(呼吸回復正常)
117. East: 唔洗唔該。( 停頓良久， East 仍在理解剛聽到的話 ) 唔好意
思
，你頭先講話... 個袋裡面係你個心?，你頭先係咁講呀嗎?，
話//你個心──...?
118. Glory: 係。
119. East: (思考中) 佢好重。
120. Glory: 係。
121. East: (停) 點解會係個袋裡面?
122. Glory: 我平時係咁樣裝住佢。
123. East: 點解?
124. Glory: 因為佢碎咗。
125. East: 發生咩事。
126. Glory: Wes 整碎咗。
127. East: 你老公?
128. Glory: 係。佢走咗佬。
129. East: 喔。
130. Glory: 同第個人。
131. East: 真係可惜。
132. Glory: 係呀。佢走個時，我以為我個心會碎。而現實就同預期一
樣。佢碎咗: 硬咗，係中間斷開兩份。好痛，我仲要入院，
我去到個時，佢地同我講話要拎咗佢出嚟。當佢地拎出嚟
2
譯者註: 無組織區域指沒有一個正常政府管治的區域，但不等於無政府；該區域亦通常人煙稀
少。
7
個時，佢地跌咗我個心落地，碎開咗十九塊。一片一片咁
（輕輕搖晃紙袋，袋內裝着細小的碎片 [一個人的心與拳頭
般大]──搖晃的時候發出聲響）變咗一片片。（停。她逐望
上天空。）
133. East: (慢慢理解中。停。他唯一的回應是: ) 用嚟做屋頂就啱晒。
(Glory 只望着 East。停。接着 : ) 等陣，你點唞氣? 如果你個
心係個袋裡面，點解你仲生存到?
134. Glory: (指着身內的心臟) 人工...
135. East: 真㗎。
136. Glory: 係。因為我真個個碎咗。
137. East: 咁... 點解你仲要周圍拎住佢?
138. Glory: 因為佢係我個心。
139. East: 但係已經碎咗。
140. Glory: 係呀。
141. East: 因為你老公離開咗你。
142. Glory: 係呀。
143. East: 咁點解佢離開你，你仲要嚟拜佢?
144. Glory: 因為人死咗你就應該咁做，你就會去拜佢地──
145. East: 不過佢揼低咗你，>
146. Glory: 係呀，不過──
147. East: 如果一個男人就咁揼低咗另一個人，聽落就唔值得再受到
尊重。
148. Glory: (猶豫) 係，但係我同佢都唔係好聚散，>
149. East: (繼續問) 你嘅意思係?──
150. Glory: 同埋我要同佢道歉。
151. East: 但係佢揼低咗你!>
152. Glory: 我知呀，但係我──
153. East: 你點解仲要道歉?
154. Glory: 因為!
155. East: 因為點解?!?
156. Glory: 因為我殺咗佢!
157. East: 噢。(East 停止；給 Glory 一點空間。)
158. Glory: 同埋我想同佢道歉。(停，後再開口:)你明唔明，佢係我啱
啱裝咗個人工心臟仲康復緊個時嚟探我──我差唔多好返；
我已經準備返屋企──跟住佢話上同返我一齊。跟住我同佢
講，「Wes，我依㗎個心係新。對唔住... 個心唔想再同你
一齊...」跟住佢就死咗。
159. East: (鬆一口氣) 但係，佢唔係因為哩件事而死，你都冇殺咗佢
──
160. Glory: 我有呀! 因為我個新嘅心唔想再愛佢，佢好傷心，衝咗出醫
院，跟住... 架救護車係急症到出緊嚟見唔到佢就... 撞死咗
佢，如果我係願意再同佢係返埋一齊，>
161. East: Glory──
162. Glory: 佢就唔會咁樣衝咗出去，>
163. East: Glory!
164. Glory: 同埋就咁就撞死，所以我覺得，當係一個結局又好，一件
啱嘅事也好──(East 情不自禁再親吻 Glory。當 Glory 退開，
8
她的心再落在 East 手上。她把心取回。)請你唔好再咁做。

165. East: 點解? 我愛你!
166. Glory: 總知唔好。
167. East: 點解?
168. Glory: 因為我冇辦法愛返你：我淨係得個可以供血比我全身嘅心
，係咁多。做到其他野個個心已經爛咗。佢已經冇用。
(East 深深被 Glory 吸引，刻意吻上 Glory 。 Glory 退開。心
在 East 上，Glory 把搶回來，East 也立刻搶走它。)
169. East: 我想要咗佢。
170. Glory: (拼命取回她的心) 唔得! 係我㗎!
171. East: (留着她的心) 我可以整返佢!
172. Glory: 我唔知我想唔想!
173. East: Glory──!
174. Glory: (嘗試搶心) East，唔該你比返我!
175. East: (守着她的心) 但係佢碎咗。>
176. Glory: 求下你──!
177. East: 個心咁唔好。
178. Glory: 但佢係我個心呀 East!
179. East: 係，佢係。同埋我相信我擁有佢。(Glory 因此停下。停) 我
仲可以整返好佢。( 停) 我做維修。我係修理野嘅。哩啲就
係我平時做嘅事。(停。East 蹲下，將袋輕放地上，打開紙
袋，檢查內裡的物件。音樂。當他打開紙袋，音樂起，北
極光出現 ── 剛巧在 Glory 眼前，頭上，身後的田野。 Glory
看見光束──令人讚嘆的現象。)
180. Glory: Oh! Oh, wow! Oh, wow! Oh, 佢地好靚呀... (想起北極光喻意
先人) oh! Oh! ──Wes! Wes! 再見! 我好對唔住!... 再見，Wes!
( 而北極光──或 Wes──一迅而逝。 Glory 轉向已經把心的碎
片拿出紙袋，正在仔細觀察的每片的 East。音樂收。然後
Glory 在寂靜中說 : ) 哈囉， East 。 ( 音樂再起。 East 望着
Glory，逐開始修理她的心... 台燈漸暗。過場極光。)
9
悲與喜
音樂漸細。台燈漸漸照亮獨自坐着 Jimmy。他躲在緬因州 Almost 小酒吧──

The Moose Paddy── 最隱閉的角落。他在喝着啤酒。 Sandrine 入。她從女廁
出來，愉快地往在酒吧前台的朋友那邊走去。她經過 Jimmy 。 Jimmy 看見
她並把她叫住。
181. Jimmy: Sandrine!

182. Sandine: 吓? (停。尷尬，或者可算是糟透了。之後，弄巧反
拙過度
熱情：)Jimmy!
183. Jimmy: hey!
184. Sandrine: hey!
185. Jimmy: hey!!
186. Sandrine: Hey!!
187. Jimmy/ Sandrine: (Jimmy 擁抱 Sandrine。Sandrine 沒有認真回抱。)
Heyyyy!!!
188. Jimmy: 你點啊?!?
189. Sardine: 幾好呀! 你呢?!?
190. Jimmy: 幾好，幾好呀! 你呢?!?
191. Sandrine: 我好呀，冇咩呀過得好好! 你呢?
192. Jimmy: 好，好到爆! 你呢?
193. Sandrine: 好，//好呀!
194. Jimmy: 咁幾好呀!
195. Sandrine: 係呀!
196. Jimmy: 唔錯呀!
202. Jimmy: 你今晚好靚呀。
203. Sandrine: 多謝。
204. Jimmy: 真㗎，你今晚真係靚。
205. Sandrine: 多謝，Jimmy。
206. Jimmy: 好靚，真係好靚。
207. Sandrine: 多謝。(停)
208. Jimmy: 嚟呀，坐。
209. Sandrine: 唔得呀，Jimmy，我唔得。
210. jimmy: 唔係呀嘛，我好耐冇見你... 差唔多有幾個月...
211. Sandrine: 係呀。
212. Jimmy: ... 幾個月又幾個月又幾個月又幾個月又幾個月又幾
個月
幾個月又幾個月又幾個月又幾個月，點解會咁嘅? 住係同
一個鎮但又見唔到嘅? >
213. Sandrine: 我唔知呀...
214. 女侍應: (入台) 你睇你兩個，匿埋係個角落頭到。好彩搵到
10
你哋!
(其實在跟 Jimmy 兩瓶空啤酒樽說話) 。哩位靚仔同佢個位
靚女，準備叫多輪未?
215. Jimmy/Sandrine: 其實──/唔係!我地唔係一齊。
216. Jimmy/Sandrine: 我地──/我地冇野要喇唔該。
217. Jimmy/Sandrine: 係呀──/我地冇乜野!
218. Jimmy: 係呀。
219. 女侍應: 咁好啦。有咩就大嗌啦。
220. Sandrine: 唔該。
221. 女侍應: 唔係呀你真係要大嗌，前面好忙呀! (出台)
222. Sandrine: ok
223. Jimmy: (試探) 所以... 你同人一齊嚟定係──
224. Sandrine: 係，班女仔。
225. Jimmy: 哦。
226. Sandrine: 我地，係──(找藉口)girls’night 呀! 我地就係前面。其
實我
啱係去廁所，我應該去搵//返佢地。
227. Jimmy: 吓但係我仲未同你聚舊! 你唔係個一兩分鐘佢地又唔
會
嘅! 所以，點呀近排──坐呀(邀請她坐下) ──發生咗啲咩事呀，
攪緊啲咩呀?>
228. Sandrine: (放棄，坐下)冇呀──
229. Jimmy: 你知唔知我接咗我老豆盤生意?
230. Sandrine: 係咩，咁幾好...
231. Jimmy: 我以加自己經營，>
232. Sandrine: 你有講到。
233. Jimmy: 成盤生命呀，
234. Sandrine: 恭>
235. Jimmy: 所有野落手落腳，>
236. Sandrine: 喜你，啱你呀，啱晒你。
237. Jimmy: 係呀所有淋淋嬸嬸野呀，多謝，係呀。我地仲係做
緊冷
氣，>
238. Sandrine: 係咩?
239. Jimmy: 同埋我地撈多瓣，依家我地洗埋地毡。
240. Sandrine: 哦。
241. Jimmy: 好多野做㗎。好多。成日都做: 禮拜，假期，乜到做，
因
你知啦，如果冇暖氣，啲人會死㗎，好大鑊。
243. Jimmy: 係呀，感恩祭，聖誕，因為我想比班手足，好似
East 幫
做維修，都可以有假放去陪下屋企，反正我今年成年都自
己一個。
245. Jimmy: 係呀。(入正題) 我身邊冇晒人，真係。我細佬阿妹
比人
11
咗，所以佢地走晒，同埋>
246. Sandrine: 係──
247. Jimmy: 阿爸阿媽退咗休，去咗南邊。
248. Sandrine: 係，我有聽聞下。
249. Jimmy: Vermont。
251. Jimmy: 係呀，冬天冇咁辛苦。仲有班點死咗...
252. Sandrine: Oh, Jimmy, 我真係唔知...
253. Jimmy: 係呀，佢都老喇，都係時候，佢係條好魚嚟，不過，
就
我所講，我身變已經冇晒人，真係... 不過，所以，欸，我
係到諗──你會唔會想過嚟? 幾好玩㗎! 傾下偈?
254. Sandrine: 噢──
255. 女侍應: (入場) 唔記得同你地講──聽實呀；The Moose Paddy
星期
晚 special: 難過就免費任飲。所以，如果你唔開心，或者你
兩個依依唈唈想嗌多兩支啤酒或者咩都好，就話我知，ok?
256. Sandrine: 唔係，我地只係──
257. Jimmy: ok
258. 女侍應: ok (出台)
259. Sandrine: (對女侍應講) ok
260. Jimmy: 你啱啱想講咩? 過唔過嚟，輕鬆下咁──
261. Sandrine: 唔得呀 Jimmy，我唔得。我唔可以。（準備離開）
我要
join 返班女仔。
262. Jimmy: 咪啦──
263. Sandrine: (強硬但溫柔) 係呀，Jimmy，係呀。我要過返去... 因
為
一路想同你講：有個男人，Jimmy，我同咗另一個男人一齊。
264. Jimmy: (極大打擊，但他堅強)喔。
266. Jimmy: 咁...咁幾好呀。出返嚟。
268. Jimmy: 繼續往前看。
269. Sandrine: 係呀，但其實 Jimmy，我同佢一齊唔係為咗出返嚟
識人同
前看。哩個... 哩個其實係我單身派對。(停。Jimmy 呆了)我
要結婚。
270. Jimmy: (更大打擊) 噢。
272. Jimmy: 嘩。
274. Jimmy: 嘩。
276. Jimmy: 嘩。真係──... 雖然你話過會做哩樣野，結婚。以為
唔適
你，你同我講嘅。（停）咁我諗係因個個係我。（停）所
12
以，邊個... 邊個咁好彩呀?
277. Sandrine: Martin Laferriere. 你識唔識佢，個個────
278. Jimmy: Ashland 護林個個呀嘛。
279. Sandrine: 係呀係呀!
280. Jimmy: 嘩。
282. Jimmy: 佢傳說嚟㗎。我嘅意思係傳奇，即係如果你係緬因
州啲
林盪失路，佢就係個種你想佢出現英雄救美嘅人。
284. Jimmy: 即係呢，如果你係哩個又大又危險嘅北方，Martin
Laferriere 就係你希望會特登嚟搵你拯救你個種男人。
286. Jimmy: 跟住... 佢就真係搵到你。
287. Sandrine: 係呀，我好對唔住，我冇同你講──其實我以為你會
知道
我以為你會聽到返嚟...
288. Jimmy: 我點會聽到?
289. Sandrine: 你知啦... 啲人會講。
290. Jimmy: 唔會講啲明知你唔想聽嘅野，佢地唔會。同埋老老
實實...
哩樣野都唔係我想聽到... (停) 咁... 幾時係你大日子呀?
291. Sandrine: um... 聽日!
292. Jimmy: 真㗎。
294. Jimmy: 咁好啦... (Jimmy 乾掉剩下的啤酒，舉手向女侍應示
意。同
時，沒有扣上的衣袖滑下。他大叫: )嘿!
295. Sandrine: (不希 Jimmy 令他們成為焦點) 你做咩呀?
296. Jimmy: (往前) 嗌個侍應過嚟，佢話要大叫，(向女侍應) 嘿!
(向
Sandrine) 佢叫咩名?
297. Sandrine: 唔知呀，佢新//嚟嘅。
298. Jimmy: (向女侍應) 嘿!
299. Sandrine: 你做乜呀?
300. Jimmy: 我地要慶祝! 你比人搵到! 係你值得㗎! 佢幾好仔㗎!
301. Sandrine: 多謝呀 Jimmy。
302. Jimmy: 大家咁話。
303. Sandrine: (Jimmy 方才的話是他能對女生說最友好的) Jimmy...
304. Jimmy: (抬高手，大叫女侍應)嘿!
305. Sandrine: (抗議) Jimmy! (然後發現 Jimmy 臂上的黑印) Jimmy!
嘩嘩! 咩
嚟㗎?
306. Jimmy: (向 Sandrine) 咩呀?
307. Sandrine: 哩樣。(意指他臂上的黑印)
308. Jimmy: (遮蓋黑印，用另外一隻手示意; 向 Sandrine) 哦，冇
野呀，
13
紋身咋嘛。(向女侍應) 嘿!
309. Sandrine: 咩話?!?
310. Jimmy: (向 Sandrine)紋身。(向女侍應) 嘿!
311. Sandrine: (好奇) 咩──你幾時紋㗎?
312. Jimmy: (向 Sandrine)你走咗之後。(向女侍應) 嘿!
313. Sandrine: (好奇，伸手往臂上)Jimmy! 咁好呀... 點解要紋? 你紋
咗啲
咩?
314. Jimmy: (向 Sandrine)冇野，冇乜特別。(向女侍應) 嘿!嘿!嘿!
(Sandrine 捉着他的臂) 喂唔得呀!
315. Sandrine: (捲起他的衣袖，端詳紋身時稍停，在手臂內側的紋
身大而
顯眼:) 「villian」 (與 Jillian 押韻)
316. Jimmy: villain.
317. Sandrine: 邊個係 Villian?
318. Jimmy: 本身應該係 villain。
319. Sandrine: 咁佢以加唔係「villain」呀嘛，佢寫住「Villian」。
320. Jimmy: 我知，我串錯咗──>
321. Sandrine: 咩話?!?
322. Jimmy: 佢地串錯咗。個紋身的確係「Villian」，但佢應該
「villain
」。
323. Sandrine: 咁點解原本要係「villain」? 點解你要紋個寫住
「villain」嘅
紋身?
324. Jimmy: 因為...
325. Sandrine: 因為咩?
326. Jimmy: 就係因為囉。
327. Sardine: 就係因為因為咩呀?
328. Jimmy: 就係因為... 當一個男人身邊有你哩種女仔... 即係我
諗失去
一個好似你咁嘅女仔，推開好似你咁嘅... >
329. Sandrine: Jimmy，你冇推開我──
330. Jimmy: 係罪嚟。係一條罪。係邪惡嘅事! 係應該受罰! 所以
我懲罰
我自己。我將自己標籤咗做惡棍。咁啲女仔就會遠離我。
咁我就唔需要再經歷多次... 多次我同你一齊嘅時候發生嘅
事。又一次。我可唔可以錫你?
331. Sandrine: (非刻薄) 唔得。(停。她親一親 Jimmy 的臉頰。停，
繼續詢
問他的紋身) 你知你可以抹咗佢，你知㗎。
332. Jimmy: 我知。(停)
333. Sandrine: 我要走。(離開)
334. Jimmy: 好。(接着叫住 Sandrine) 我──。(Sandrine 停下，轉
向 Jimmy
。停)我好高興你比人搵到。
14
335. Sandrine: 多謝，Jimmy。(Sandrine 回到她的單身派對──女生

們都熱烈
歡迎她。我們和 Jimmy 都聽到。他寂寞，傷心，被逼停留
在此。他可能拿起椅背上的外套。是時候回家，一個人，
一切如常。停)
336. 女侍應: (入台) 嘿! 唔好意思呀! 我見到你揖我㗎，但前面太
忙! 個單
身派對班女! 好彩唔係「你開心就免費任飲」因此個女仔
開心到飛起。有要逼返過嚟搵你，但我過咗嚟呀! 我搵到你
呀! 所以，要咩呀? 有咩幫到你? 要多支啤酒?
337. Jimmy: um... (悲傷，望着 Sandrine 離去的方向。)
338. 女侍應: (望向 Sandrine 的方向... 看見空櫈... 大概猜到發生了
什麼事)
喂兄弟... um... um... 咁，記得呀，我頭先講過啦，Moose
Paddy 優惠: 如果你難過就免費任飲。(停) 講聲就得。話我
知。因為你望落都幾難過。(Jimmy 沒有反應，他很難
過)ok，咁，我叫 Villian，如果你要啲咩嘅話。(給演 Villian
的: 下一句只為作解釋備用。當你認為觀眾沒有意會名字，
或反應遲緩就可以繼續說) 嗌 Villian 就得㗎喇。(她離開)
339. Jimmy: (停。醒覺到之間的巧合，把她叫住) Villian?!?
340. Villian: (停下) 係?
341. Jimmy: hi...
342. Villian: hi...
343. Jimmy: 我唔難過。我淨係想要多支啤酒。
344. Villian: ok 冇問題! (離開)
345. Jimmy: Villian!!
346. villian: (停下) 係?!?
347. Jimmy: 我好高興你搵到我。
348. Villian: aw... (離開，對自己說) 「我好高興你搵到我。」好可愛...
(音樂起。Jimmy 看似會留下。他可能有一點高興。他坐下，
可能望着他的紋身。台燈漸暗。轉場極光)
15
很痛
音樂漸大。台燈落在一個在熨男裝衣服的女人身上。她在緬因州 Almost 的
一間叫 Ma Dudley 的宿舍內的洗衣房。一個男人坐在長櫈上。女人開始接
那件她剛才熨好的男裝裇衫，但卻停下來，想一想，刻意將他弄皺再掉進
洗衣籃。她拿起熨斗，用電線捆綁着，準備把它擺開。但同時卻熨傷了自
己。
349. 女人: 啊! 頂! (男人將此動作記下，在一本印着「會傷害你的東

西」的手工記事薄上寫下「熨斗」。與此同時，女人離開
將熨斗放回原位。她回來繼續整理熨衫板，也必需把它放
回熨斗的旁邊。接好熨衫板後，她轉身離開，意外的用熨
衫板打到男人，他跌到在地上 ) 哎呀! 對唔住! 好對唔住!
我見唔到你，你冇事呀嘛?
350. 男人: (絲毫無損) 冇事。
351. 女人: 你唔係呀你!! 我用個熨衫板兜巴昇咗你一下! 我連望都冇
望! 你有冇受傷?
352. 男人: 冇。
353. 女人: 你肯定有啦! 我刮咗你一下! 我打到你邊到?
354. 男人: 個頭。
355. 女人: 個頭!?! 哎呀! (往他去) 過嚟過嚟，你有冇事呀?
356. 男人: 有冇血?
357. 女人: 冇。
358. 男人: 有冇瘀?
359. 女人: 冇。
360. 男人: 咁我冇事。
361. 女人: 咁我去拎啲冰比你。
362. 男人: 唔洗喇，我感覺唔到佢地。
363. 女人: 佢地啲咩?
364. 男人: 即係好似我比個熨衫板打咗到頭。我唔會受傷。
365. 女人: 咩話?
366. 男人: 我感受唔到痛楚。
367. 女人: 哎呀天呀，我做乜會搞到你咁㗎?>
368. 男人: 冇野──
369. 女人: 你知唔知你自己講緊乜，你聽下你自己，話自己感受唔到
痛楚，實係有幻覺。我打散晒你啲感覺呀!
370. 男人: 唔係，我冇事。
371. 女人: sh.. 聽住: 我原本差啲就係護士，所以我知道: 你受咗傷。
你啱啱比人扑咗個頭一下，咁好嚴重。
372. 男人: 唔嚴重。我唔覺得一塊熨衫板可以傷到我個頭，因為你睇
下(將「會傷害你的東西」推給她)熨衫板唔係我張清單上面。
373. 女人: (望書) 咩嚟──?
374. 男人: 同埋，比你打到個忽都冇血有冇紅腫，所以... >。
375. 女人: 你冇流血冇瘀到都可能有受傷。
376. 男人: 同埋我張清單都幾可靠，因為我阿哥 Paul 幫我整，我可以
證明比你睇: 如果我用個熨衫板咁打你，我咁肯定你唔會受
傷(用熨衫板打她的頭)，你睇?，//冇事呀。
16
377. 女人: 呀!! (掙扎遠離他)

378. 男人: 噢!
379. 女人: 呀! 咩事呀?!//你點解要咁?
380. 男人: 對唔住。//係咪好痛?
381. 女人: 大佬呀!
382. 男人: 原來會痛，係咪呀?
383. 女人: 呀!
384. 男人: 我冇諗過會，因為熨衫板唔係我嘅清單裡面，因為──
385. 女人: 你講緊乜呀?
386. 男人: 我有一張清單列明咗會整傷人嘅野，我阿哥 Paul 幫我手整
，而熨衫板就唔係上面。
387. 女人: 但係頭先我覺得痛。
388. 男人: 係喎。
389. 女人: 所以你應該加入你張清單裡面。
390. 男人: 係嘅。(停。他將熨衫板加入「會傷害你的東西」內，之後
他拿起一本標記着「應該令你感到害怕的東西」。 ) 咁我係
咪應該驚熨衫板?
391. 女人: 如果有人想拎佢嚟打你個頭咁就係...
392. 男人: 咁應該唔係... 我都有一張「應該令你感到害怕的東西」嘅
清單──但係熨衫板都唔係上面。
393. 女人: 咁佢其實應該唔係嘅。
394. 男人: 係咩?
395. 女人: 因為你唔應該驚熨衫板。
396. 男人: 唔應該?
397. 女人: 唔應該。
398. 男人: 但係佢會令人受傷。
399. 女人: 係呀。
400. 男人: 咁我應該怕咗佢。
401. 女人: 唔係。
402. 男人: 所以我係應該唔怕佢。
403. 女人: 係。
404. 男人: 但係佢地會令我受傷。
405. 女人: 咁如果你正確使用佢地就唔會有事。
406. 男人: 哦哦哦! 所以佢地其實類似神嘅相反?
407. 女人: 咩話?
408. 男人: 雖然熨衫板可以令我受傷，但係我唔應該怕佢，而神呢，
就好似我阿哥 Paul 講，神唔會傷害我，但我應該對佢感到
敬畏。
409. 女人: 我諗係啩。
410. 男人: 嘩愈嚟愈複雜嘅。
411. 女人: 乜野?
412. 男人: 要學乜野會令人受傷乜野唔會，要驚乜野唔驚啲乜。
413. 女人: 你肯定你冇事?//你一路都係到重覆緊啲痴線野──
414. 男人: 哦係呀係呀，佢認為我有先天性無痛症。有//啲人──
415. 女人: 咩話?
416. 男人: 先天性無痛症。
417. 女人: 邊個認為?
17
418. 男人: 我阿哥 Paul。有啲人叫佢做第四型遺傳性感覺神經病，但

係... 佢只係代表我感受唔到痛楚。如果你想你可以打我。
419. 女人: 唔好。
420. 男人: 冇所謂。唔會痛㗎。你睇。(他用書拷打自己的頭。作文
簿 3 最合適，因為它們製造出來的撞擊聲較真實但卻不會
痛。)
421. 女人: 好痛!
422. 男人: 你睇? (打自己的頭)
423. 女人: 好痛!
424. 男人: 你睇? (打自己的頭)
425. 女人: 好痛!
426. 男人: 你試吓。(他把書遞給她，邀請她打自己)
427. 女人: 唔好啦!
428. 男人: 嚟啦!
429. 女人: 唔好呢!!
430. 男人: 試吓啦!
431. 女人: 唔係咁好呢!!
432. 男人: 好啦。你其實唔洗打我嘅。大部份人都唔會。打我。佢地
就咁就離開。你都可以走㗎，如果你想。當我同其他人分
享我哩個病嘅時候大部份人都會走。我阿哥 Paul 話我唔應
該講，因為我會嚇親佢地，(打開他那本「應該令你感到害
怕的東西」讓她看) 我近排連自己的列入咗應該怕嘅其中一
樣，但係──(她的好奇心驅使她從男人身後大力用「會傷害
你的東西」打他的頭。)
433. 女人: 哎呀對唔住呀!//大鑊啦我啱啱打你!>
434. 男人: 你打我呀! 大部份人都走但係你打我!
435. 女人: 我想睇下會[發生咩事]! 但係──你冇事呀嘛?
436. 男人: 冇事呀，我唔會//覺得痛!
437. 女人: ... 唔會覺得痛，係喎，咁即係你冇事啦!──但係你係咪肯定
先?
438. 男人: 咁我有冇流血呀?
439. 女人: 冇。
440. 男人: 有冇瘀呀?
441. 女人: 冇。
442. 男人: 咁我冇事。
443. 女人: 咁，老友，你可能只係望落冇受傷。
444. 男人: 但係──
445. 女人: 信我。哩個世界上有啲野可以傷害你令你瘀晒流晒血咁但
亦有都有啲野可以傷害你但係你唔會瘀亦都唔會流血... 佢
地終究都係會令你受傷。(停。然後將「會傷害你的東西」
還給他。) 我叫 Marvalyn。
446. 男人: 我係 Steve。我住係三樓，十一室。
447. Marvalyn: 我同我男朋友 Eric 一齊住。我好愛佢。
448. Steve: 係呀。我見到你地搬入。
3
譯者註: 指美國學生常用的一種黑白封面的筆記簿。
18
449. Marvalyn: 係呀。12 月個時落大雪我地個屋頂冧咗。我地會係

到直至
我地振作可以自己企返起身。
450. Steve: 哦，咁，幾好呀，因為 Ma Dudley 就係比人留係到直至啲
人
振作可以自己企返起身。我阿哥 Paul 話我地成世人都係到
嘗試緊振作可以自己企返起身。
451. Marvalyn: 噢。
452. Steve: 係呀，有啲人需要長啲嘅時間。
453. Marvalyn: 係呀。(停)
454. Steve: 你地都幾大聲。
455. Marvalyn: 吓?
456. Steve: 你同 Eric。你地會大叫會打野。我地就係你下面。
457. Marvalyn: 唔好意思呀。我地哩排比較多嗌圾。咁啱。對唔住。
(停。
然後轉話題:) 其實係點㗎?
458. Steve: 咩係點?
459. Marvalyn: 感受唔到痛楚。
460. Steve: 我唔知呀。我唔知到受傷會係點... 所以我唔知。我冇感
覺。
461. Marvalyn: 係咪... 天生㗎?
462. Steve: 係呀。我啲感覺神經未生好。佢地未成熟，我阿哥 Paul 話/
/
，因為佢地未成熟──
463. Marvalyn: 佢點知㗎?
464. Steve: 因為佢睇書囉。
465. Marvalyn: 但係──
466. Steve: 同埋因為佢地未生好，所以阻礙咗我個人嘅成長，佢話，>
467. Marvalyn: 但係──
468. Steve: 但係佢會教我乜野會令我受傷。
469. Marvalyn: 點解??
470. Steve: 所以我唔會受傷。我要知道乜野會傷害到我，所以我要知
道幾時要覺得害怕。即係我個腦唔識話我知幾時要怕，因
為我唔知痛係點，所以我要記得邊啲野會傷害到我。
471. Marvalyn: ok...
472. Steve: 所以我都要記得我要怕乜野。(讓她看書中清單) 好似熊。
或者槍同刀。仲有火。同埋恐懼──我要驚恐懼佢本身──同
埋靚女...
473. Marvalyn: 靚女?
474. Steve: (認為她漂亮) 係呀。
475. Marvalyn: 點解你要怕靚女。
476. Steve: 因為我阿哥 Paul 話佢地會傷害你，佢地會令到你愛上佢，
呀同埋哩樣我都應該怕嘅──愛──但係 Paul 話我其實好好彩，
因為我應該唔需要去愛，先天無痛症令我有太多缺憾又冇
乜長處。
477. Marvalyn: 等等，你唔需要愛即係咩意思//，點解──
478. Steve: 因為我永遠都唔會感受到愛，Paul 話──
19
479. Marvalyn: 佢又知?

480. Steve: 因為愛會傷害你。
481. Marvalyn: 愛係唔應該傷害你。
482. Steve: 同埋我有太多缺憾又冇乜長處。
483. Marvalyn: 你知唔知，其實好多人都係咁。(她吻他。剛開始只
是
Marvalyn 在親 Steve ，之後 Steve 開始回吻，然後 Marvalyn
退開) 對唔住，對唔住，我好對唔住。你冇事呀嘛?
484. Steve: (不知如何是好，他沒有學過如何反應。他可能觸碰自己的
嘴唇，然後一如既往的問這條問題。)咁，我有冇流血?
485. Marvalyn: 冇...
486. Steve: 有冇紅腫?
487. Marvalyn: 冇。
488. Steve: 咁我冇事。(真的嗎?)
489. Marvalyn: 係，你冇事。(停) 對唔住我啱啱──你好好人。
490. Steve: (在思考剛剛發生什麼事) 但係... 你有男朋友而且你好愛
佢。
491. Marvalyn: ( 開始收拾東西 )係，我係，( 有男友 )同係，我係( 好
愛佢)。
492. Steve: 你頭先啱啱錫我。
493. Marvalyn: 係，我係。
494. Steve: 而今晚係星期五，你係到洗衫。
495. Marvalyn: 係，我係。
496. Steve: 平時啲男女朋友如果係愛大家，佢地唔會去錫其他人唔會
係星期五晚洗衫，我學識咗哩樣野。如果係愛對方嘅，就
會去 The Moose Paddy，或者一齊會去跳舞，或者一齊去溜
冰。跟住佢地會錫對方。佢地唔會錫其他人──你知道嘛?
我唔認為哩啲係愛，//你同你男朋友之間係──
497. Marvalyn: (轉話題，準備離開) 我係到太耐，佢唔鍾意。
498. Steve: 邊個?
499. Marvalyn: 我男朋友。
500. Steve: 你好愛佢。
501. Marvalyn: 係。
502. Steve: 即使你錫我。
503. Marvalyn: 係。
504. Steve: 嘩我要同我阿哥 Paul 講──
505. Marvalyn: 唔好! 唔好同你阿哥 Paul 講! 叫佢唔再教你。
506. Steve: 咩話?
507. Marvalyn: 我唔知佢教緊啲乜，總知叫佢停。佢教緊你嘅野係...
一啲
你唔會想知道嘅野。
508. Steve: 但係我要佢教我──
509. Marvalyn: 聽住，我原本差啲係護士，所以我知: 你要去睇醫生，
而唔
係聽你大佬到噏佢唔知係邊到睇返嚟嘅野。
510. Steve: 但係──
511. Marvalyn: 我要走。
20
512. Steve: (坐在長櫈上) 係。你要走。你──準備走。我知你會。所有

人都會咁。
513. Marvalyn: 唔係呀，我只係要──。我同咗你講，Eric//唔鍾意我
──
514. Steve: 你男朋友?
515. Marvalyn: 係，如果我留係到太耐佢會唔鍾意，而我已經係到
太耐──(
此時，Marvalyn 拿起熨衫板。當她準備要收妥當，她意外
的打到 Steve 的頭，就像開始時。Steve 跌倒在地上。)
516. Steve: 好痛呀!
517. Marvalyn: 我好對唔住!
518. Steve: 好痛!
519. Marvalyn: 好對唔住! 你有冇事! 我又再打到你!
520. Steve: 好痛呀!!
521. Marvalyn: (她想幫他; 卻猛然停下) 等陣──: 你頭先講咩話?
522. Steve: (摸着頭時才覺醒。停。他望向 Marvalyn，直直的跟她說:)
好痛。(音樂。 Marvalyn 和 Steve 對望。不可思議亦匪夷所
思。但同時卻美好。但還是可怕居多，因為誰也不知之後
會發生的事。燈暗。轉場極光。)
21
把它拿回來
音樂漸大。我們聽到有人──Gayle──在猛敲打門。
523. Gayle: Lendall! (繼續敲門) Lendall! (繼續敲門) Lendall! (台燈照在緬

因州 Almost 小屋內的客廳。客廳內有一張舒適的椅子和茶
几。Lendall 被吵醒。可能他原本在床上或椅子上睡。反正
他現在醒了。他打開燈，然後應門。Gayle 繼續敲門。)
524. Lendall: ok! Gayle! Shhhh! 我嚟緊喇行緊嚟!
525. Gayle: Lendall!
526. Lendall: 得喇嚟喇嚟喇! Shh，得喇嚟緊! (Lendall 出台左去應
門。)
527. Gayle: (入台，Lendall 讓她進來)Lendall──
528. Lendall: (回來) 做咩事? 發生咩事? (停。Gayle 還混亂) 做乜?
529. Gayle: (心緒不靈，但還是平靜下來) 我想要返佢。
530. Lendall: 咩話?
531. Gayle: 我想要返佢。
532. Lendall: 要咩野話?
533. Gayle: 所有我比咗你嘅愛?，我想要返佢。
534. Lendall: 吓?
535. Gayle: 依加。
536. Lendall: (稍停) 我唔明──
537. Gayle: 你嗰啲係我架車上面。
538. Lendall: 咩話?
539. Gayle: 所有你比我嘅愛?，佢哋係我架車上面。
540. lendall: 你講緊咩?
541. Gayle: 我唔想再要佢地。
542. Lendall: 點解?
543. Gayle: 我做咗個決定。我地玩完。
544. Lendall: 咩話?! ──
545. Gayle: 我地玩完。我決定咗。所以我將所有你比我嘅愛帶返晒比
你。我應該咁樣做。
546. Lendall: (困惑)um，我──
547. Gayle: 佢地係架車裡面。
548. Lendall: 係你啱啱講咗。(停。定住，想試着理解)
549. Gayle: (在等他會有所行動去把愛拿回來) 我可以幫你連拎，或者...
你可以去拎返佢。
550. Lendall: 但係我唔想要返佢。我唔需要──
551. Gayle: 但係我都唔想要! 我已經唔想要咁多愛，你叫我點處理佢
地?
552. Lendall: 我點知...
553. Gayle: 咁係哩種情况//，我覺得我唔應該留住佢地，所以我應該
比返佢。(她離開)
554. Lendall: 係乜野情況? (把她叫回來)Gayle──乜野── ? 我唔明──
你係到
做乜?
555. Gayle: (在後台) 我話咗你聽。我去拎返你比我嘅愛。
22
556. Lendall: (叫她) 我唔係好想要返佢──whoa! 洗唔洗幫手?

557. Gayle: 唔洗，我 ok。佢地唔重。(她拿着數個裝滿愛的紅色大袋。
袋裡應該裝着衣服或毛巾模擬重量，或者發泡膠和枕頭以
維持形狀和不會發出聲音。她把袋掉到地上。) 比返你。
558. Lendall: (百思不得其解) 哩啲係...?
559. Gayle: (出台)所以你比我嘅愛。
560. Lendall: 嘩。(停)都幾多。
561. Gayle: (回來帶着更多的愛) 係呀。(她離開)
562. Lendall: 好多。
563. Gayle: 係呀。(她回來帶着的愛。Lendall 的客廳現堆滿超多的愛)
564. Lendall: 嘩。我要咁多愛可以做乜野? 我嘅意思係...我冇咁多
位。
565. Gayle: (煩惱) 我肯定你會搵到地方擺好佢 (即另外一個女人) 。...
咁以加我諗你要比返我先公平。(停)所有我比你嘅愛?
566. Lendall: 吓?
567. Gayle: 我想要返佢地。(停) 你仲唔去拎佢哋出嚟?(Lendall 沒有動
作
，大概在想發生什麼事) Lendall 你係到等乜野? (Lendall 不
動)唔該你。(Lendall 仍不動)即刻!!!
568. Lendall: (嚇到，不知所措)ok。(Lendall 離開。Gayle 坐在椅上
等着，
仍然很緊張。靜默良久。Lendall 回來...帶着一個紅色小袋，
把它放在櫈旁邊的茶几上。他們望着他們之間的袋子，
gayle 則在大袋的愛和小袋之間。)
569. Gayle: 咩嚟?
570. Lendall: (明顯是 Gayle 所要的東西) 哩啲係你比我嘅愛。
571. Gayle: 哩──哩 d 唔係──。冇可能──...冇可能係──...(尷尬)哩到就係
我比你嘅愛。
572. Lendall: 我淨係搵到咁多。
573. Gayle: 噢，ok。Ok (然後哭起來)
574. Lendall: Gayle... 做乜野呀?
575. Gayle: 我同你講咗啦，我地玩完喇。
576. Lendall: 點解你要係咁重複?
577. Gayle: 因為──。(難言至忍但必須坦承)因為我問你我地會唔會結
婚──記唔記得我問過嚟? (Lendall 不想記得) 十二月個時...落
緊雪?
578. Lendall: (其實他記得) 係。
579. Gayle: 係呀，我問你個時...跟住你變得好安靜。跟住全世界都話
你咁樣都好明顯。
580. Lendall: 全世界邊個?
581. Gayle: 所有人!
582. Lendall: 邊個?
583. Gayle: ...Marvalyn>
584. Lendall: Marvalyn?!? Marvalyn 講咗你就信佢專家呀?
585. Gayle: 講──係，Marvalyn，係，你唔出聲我就應該知道，佢啱: 你
唔愛我。
586. Lendall: 咩話──? Gayle, 唔係呀嘛?
23
587. Gayle: shh! 我試過去整返啱佢。我比晒我嘅愛你想令你愛我，我

依加...我冇晒愛...所以我想要返我比你嘅愛，因為我想帶走
佢地。
588. Lendall: 你想去邊?
589. Gayle: 我要遠離哩一切。
590. Lendall: 乜野──有乜野係哩個鎮你係要避開?
591. Gayle: 有呀!係你呀!
592. Lendall: 我?
593. Gayle: 係! 你就係個樣野，因為我要諗清楚，我想重新嚟過，同埋
我想要返我比你嘅愛。我可能需要佢地。我唔可以比你嘅
愛比人地──哩啲係我嘅所有──如果我將你嘅愛比其打男人
冇人會理我，因為//咁樣唔啱──
594. Lendall: 其他男人? 你有其他男人?
595. Gayle: 唔係，未有住，不過我諗之後會有。
596. Lendall: Gayle──
597. Gayle: sh!!! 所以我諗──。我諗既然我知道你未準備好做一啲一般
情侶一齊咗好耐嘅野(即結婚)，我諗我地玩完㗎喇，>
598. Lendall: 點解? Gayle──!
599. Gayle: 所以，我諗我地哋最好，依家，就係比返啲愛比大家，大
家...(望着那可憐的一小袋裝着她給他的愛和那一大堆他給
她的愛)... 打和。(完全沒有打和)哎呀 Lendall，天呀哩啲係
咪就係所有嘅愛? 我以為──我嘅意思係我點會係咁嘅人比
得咁少你──...唔會...唔唔唔會!(兇狠的)我知道我比得多過哩
到，Lendall，我知㗎! (想清楚，冷靜下來然後又再質問) 你
係咪整唔見咗?
600. Lendall: 咩話?!?//唔係呀，Gayle!
601. Gayle: Lendall 你係咪整唔見咗? 因為我知道一定唔至咁少，我覺
得
你一定係整鬼我囉，依加唔係時候囉!
602. Lendall: 我唔係。整估你。我唔會咁對你...只係──我諗──天
呀...(非
刻薄只是不知所措) 。我諗你拎到你想要嘅野，我地遲啲再
見。(他離開，回到屋內的其他地方)
603. Gayle: (意識到這是他們的結局，小聲的想要把他叫停) Lendall...
604. Lendall: ... (Gayle 不知所措。但這是她想要的結局，她望向
小袋子，
拿起它，準備離開;但好奇心使她打開袋並查看內裡裝了什
麼) Lendall! 咩嚟㗎? 乜鬼野嚟㗎? 哩樣野唔係我比你嘅愛!
你只少都有啲禮貌應該比返── Lendall 咩嚟㗎?
605. Lendall: (場外)係隻戒指 Gayle。
606. Gayle: 咩話?
607. Lendall: (回來)係隻戒指。
608. Gayle: 咩話? 好，點解──?(她把戒指拿出來) 哩樣唔係──，哩樣唔
係──..(意識那是戒指盒)噢 Lendall 係隻戒指! 係咪一隻...戒
指?係咪一隻你想比哩一個你同咗一齊一段時間嘅人想佢地
知道你已經準備好做好似其他人一齊咗一段時間會做嘅
野...?
24
609. Lendall: 係。
610. Gayle: 噢...(她打開盒見到戒指)噢! (停)但係...我比你嘅愛呢? 係邊?
611. Lendall: 係到呀 Gayle(指戒指)。
612. Gayle: 但係──
613. Lendall: 係晒到。
614. Gayle: 但係──
615. Lendall: 係到!就係咁多! 係晒到!好多嘅愛──你哩幾年嚟比好
多我──
616. Gayle: 十一年。
617. Lendall: ──經過十一//年──
618. Gayle: 十一年，係呀。
619. Lendall: ──係呀，你比咗好多我..我唔知點處理佢地。
我要擺
啲去車房，有啲係儲物室。我問我老豆佢有冇建議
點處理佢地，跟住佢話「你買咗戒指未」?我話「冇
呀」跟住佢就話「買隻啦係時候，佢比咗咁多野你
得隻戒指放得落。」(停)佢話會放得落。佢講得啱。
(停。他們望着戒指，然後淡淡的說道)佢其實比你見
到大隻...(停)就係咁。所有你比我嘅愛。只係同你比
我個時...唔同咗樣。
620. Gayle: 係。(停)
621. Lendall: 你仲想唔想要返佢?
622. Gayle: 想。
623. lendall: 好，咁...你拎返佢。
624. Gayle: (她從盒中拿出戒指，然後再望向那一大袋的
愛) 我可唔可以留住哩啲?
625. Lendall: 全部都係你。
626. Gayle: 多謝。(Lendall 拿着戒指，套上 Gayle 的手指上)
Lendall── …你唔洗買隻戒指比我。哩樣唔係我要──
627. Lendall: 都係時候。係我嘅榮幸。
628. Gayle: 係...佢好靚。(停)Lendall──...我好對唔住。只係...今
晚係星期五晚，我自己坐係屋企，我地連街都冇出
，我開始諗咁樣唔對路，同埋──
629. Lendall: sh. (親吻她。然後一個擁抱她良久。Gayle 還
在擁抱
的同時，在 Lendall 不為意的時候，仔細望着那隻戒
指。台燈在仍在擁抱和輕輕搖晃 Lendall 和 Gayle 身
上漸暗。相愛的二人在澔瀚的北面星空下。轉場
燈。)
25
Interlogue
(中場應該在中場休息之後。)
音樂。台燈照在在序幕出現過的 Pete 身上。他仍然在等 Ginette。他的雪球
仍然在長櫈上。他望向 Ginette 離去的台左。他望着雪球，再望出去。冷風
使他踡縮起來。台燈漸暗。
26
第二幕
場景五，命名為...
他們跌倒
音樂漸暗。台燈照在 Randy 和 Chad 身上──百分百男子漢/「佬」，來自阿

魯斯圖克縣的鄉下仔，常在緬因州 Almost 的薯仔田閑逛。他們或許在飲啤
酒，若是 Natural Lite 會更合適。他們在對話中。
630. Chad: 我信你，我嘅意思係──

631. Randy: 真係好弊，chad。好弊。
632. Chad: 我聽到呀，但//係──
633. Randy: 但係你唔明我講乜，//chad: 真係好弊!>
634. Chad: 你夠唔明我講乜，因為>
635. Randy: 勁差...
636. Chad: (比 randy 大聲)我同你講緊我覺得真係好弊!
637. Randy: (了解中) 唔係。冇可能!──
638. Chad: 真係幾弊下，Randy。
639. Randy: 真係?
640. Chad: 真係。
641. Randy: ok...咁你講啦。
642. Chad: (有點可憐) 佢──…佢話佢唔鍾意我陣味。
643. Randy: 吓?
644. Chad: Sally 話佢唔鍾意我陣味。一路都唔鍾意。
645. Randy: (了解中)Sally Dunleavy 話佢唔鍾意//你陣味──?
646. Chad: 係呀。
647. Randy: 幾時
648. Chad: 我接佢個時。佢上咗架貨車──我係佢屋企褪緊車咋嘛──忽
然間佢就開始呼吸困難叫我停車佢就落咗車話對唔住，佢
唔可以同我一齊因為佢唔鍾意我陣味，一路唔鍾意!
649. Randy: 咩話?
650. Chad: 佢話開頭以為可以唔理我陣味，但係原來唔得，跟住佢閂
埋門剩低我自坐係佢屋企條車路。
651. Randy: (了解中)因為佢唔鍾意你陣味?
652. Chad: 係呀。
653. Randy: 咁都幾──…? (停) 我唔覺得你陣味有問題。
654. Chad: 多謝。
655. Randy: 救命。
656. Chad: 真係...(停)都話咗好差。
657. Randy: 仲差過差，係慘。
658. Chad: 係呀(停)。所以我係今晚嘅大贏家。所以...我可以揀聽晚做
咩，我揀保齡。碌齡之後我地就去 Snowmobile Club 食野...
再 The Moose Paddy 飲幾杯...hea 吓咁啦。
659. Randy: (望向 Chad。停)我都冇話你今晚係大贏家，>
660. Chad: 咩話?
661. Randy: 我有話你今晚係大贏家咩?
27
662. Chad: 冇──

663. Randy: 冇呀。我話幾慘，幾弊，但係冇話你贏。
664. Chad: 你咩意思?
665. Randy: 你冇贏。
666. Chad: 就係比人話你臭都夠贏啦。
667. Randy: 係嘅。
668. Chad: 咁...聽埋你啦。
669. Randy: (很難開口分享)我個個塊面爛咗。
670. Chad: 咩話?
671. Randy: 佢塊面爛咗。
672. Chad: 佢──?
673. Randy: 一生人一次機會約哩啲似 Yvonne Lafrance 嘅女仔出
嚟，跟
住佢塊面爛咗。(停)都話咗好差。
674. Chad: 佢塊面點爛?
675. Randy: 我地跳緊舞個時。
676. Chad: 跳舞? (兩個不跳舞的人)
677. Randy: 係呀。
678. Chad: 你點解會跳舞?
679. Randy: 因為佢想拍拖個時跳吓舞。咁我咪帶佢去囉。帶佢
去啲康樂中心跳，比錢上一堂，跟住就可以跳足成晚。佢地教我
地跳一齊跳個啲舞，點樣一齊跳舞，我地學點將啲女仔拋
嚟拋去，跟住 Yvonne── 你知佢幾細粒 … 我又咁大舊。我將
佢拋嚟拋去跟住 … 我拋 … 拋走咗佢。( 停 ) 跟住就笪咗落地。
(停)塊面就爛咗。(停) 要送佢入急症。(頗長的停頓)
680. Chad: 咁都要開幾遠。
681. Randy: 38 哩。
682. Chad: 係呀。(停)
683. Randy: (噁心)跟住仲流馬尿。
684. Chad: 乞人憎。
685. Randy: 喊足全程。(停) 跟住佢叫我打比佢前男友嚟接佢。
686. Chad: 噢。
687. Randy: 佢真係嚟咗。叫我「唔該你走。」( 停 ) 佢同佢一樣
咁細粒。 (一起大笑。停。Chad 笑。)做咩?
688. Chad: 真係幾弊。
689. Randy: 係。
690. Chad: 同可憐。
691. Randy: 係。
692. chad: 咁...我諗你贏咗。
693. randy: 係呀。
694. Chad: 咁我諗你今次贏晒啦!
695. Randy: 係!
696. Chad: 史上最差約會對象!
697. Randy: 係!
698. Chad: 恭喜晒!
699. Randy: 多謝!
700. Chad: 咁你聽日想做咩?
28
701. Randy: 保齡啦，係 Snowmobile Club 食飯，再去 The Moose

Paddy 飲支啤酒，hea 吓啦。
702. Chad: 好。(停。他們飲啤酒，壓扁啤酒罐，將垃圾掉入垃
圾筒或台下的廢棄薯仔筒，大概二人安定好。停。Chad 笑。)
703. Randy: 咩呀?
704. Chad: (坐下) 我唔知呀。只係有時...我唔知點解有時要出街。
我唔鍾意，Randy，好憎。我好憎去哩啲約會。我嘅意思係，點
解我要浪費禮拜五晚同啲女一齊我或者會鍾意，我明明就
可以係禮拜五同啲我知我會鍾意嘅人一齊，好似你，你明
唔明。
705. Randy: 係呀。
706. Chad: 我嘅意思係...今晚真係好難搞。Sally 冇啦啦話唔鍾
意我陣味...真係好唔開心，>
707. Randy: 哎兄弟...
708. Chad: 同埋我淨係諗到哩個世界冇乜野令我覺得好過啲甚
至成個世界都冇意義，搞到我好驚，因為你應該係哩個世界搵到
啲令你快樂或覺得有意義嘅事，如果冇嘅為乜? 但係我又發
現我出門口之前好難過，出咗之後又 ok，因為我明白哩個
世界只少有一樣野令我快樂同埋覺得有意義嘅事，係你。
(世界彷彿停止。Chad 不大確定他該說什麼。Randy 也不確
定剛剛聽到什麼。很長的停頓。)
709. Randy: (逃避尷尬) 我要返去。(他準備離開)>
710. Chad: 係...
711. Randy: (轉話題) 我聽朝都要做野...
712. Chad: 我聽朝淨係工廠睇第一更，所以可以係三點之後隨
時嚟我。
713. Randy: 我唔知呀... Chad，我同 Lendall 聽日好多野做，要趕
住整返 12 月落雪嘅時候壓爛咗嘅屋頂//要整咗 Marvalyn 同 Eric 個
間，同埋──
714. Chad: 咁四點//五點? 六點定七點?
715. Randy: 成日都好忙呀，我唔知幾時做//得完。
716. Chad: 咁你講//要幾點──
717. Randy: 我唔知，我唔知呀!所以>
718. Chad: 咁──
719. Randy: (阻止對話繼續──他想離開 ) 嘿，嘿!!遲啲見啦!(他離
開)
720. Chad: 係，係嘅係嘅係嘅...(Chad 望着 Randy 離開，然後 :)
嘿， Randy!──(Chad 突然跌到在地上，更像是滾到地上。愛總是
讓人腳軟。)
721. Randy: (衝進來，看到 Chad 地上) 嘩 Chad!你冇事呀嘛?
722. Chad: 冇事...
723. Randy: 你做咩──(幫 Chad 站起來)
724. chad: 唔該。Um…
725. Randy: 我諗清楚...
726. Chad: (在想發生什麼) um...我啱啱跌到...
727. Randy: 我諗清楚...
29
728. Chad: 唔係──我啱啱──。(停) 我諗我啱啱愛上咗你[fell in

love]。 ( 停。 Randy 沉默。 Chad 剛說什麼 ? Randy 又剛聽到什麼 ?
Chad 望着 Randy 又突然跌到。)
729. Randy/Chad: Chad!/嘩…
730. Chad: 就好似啱啱咁。( 爬起身 ) 愛上咗你...( 望着 Randy ，
又突然跌倒)
731. Randy: 你係到做乜? 嚟啦企返起身! (Randy 勉強幫 Chad 站
起來)
732. Chad: 哎呀──(Chad 望向 Randy 又再跌倒)
733. Randy: (兇狠的) 你夠未呀?!?
734. Chad: (同樣兇狠的在地上吼回去)我控制唔到呀!! 佢就咁忽
然間發生係我身上!! 我啱啱係到愛上咗你!!
735. Randy: ( 迷茫又害怕。頗長的停頓 ) Chad，我係你世界上最
好嘅朋友...但係我唔係好知你係到做乜或者你想做乜...但係(生氣)
──你發生乜野事?!? 你係到做乜野?!? 大佬呀我係你最好嘅
朋友，>
736. Chad: 係呀──
737. Randy: 同埋──...哩樣野唔係講笑。你係到亂嚟。你唔可以
咁做。 ( 開始離開，但又停下來 ) 因為你明知你係我哩個世界唯一
令我快樂同埋覺得有意義嘅事，跟住你有冇啦啦亂咁嚟(愛
上他 )同我講哩啲( 愛上了他 )。依家完全冇晒意義，我唔覺
得開心。(準備離開，但又停下繼續 )兄弟我地係朋友，朋友
之間係有條線唔可二越過，你過咗! (停。Randy 在台的另一
邊突然跌倒。停。Randy 和 Chad 對望，突然覺醒，同時可
怕卻又美好。二人離大家愈來愈遠，但其實他們只想在大家
身邊;他們爬起來想往大家走去，但又再跌倒。他們極渴望
在兩人身邊，混亂之間有試着爬起來，爬起來，跌倒，爬
起來，跌倒，爬起來，跌倒。當慌亂結束後， Randy 和
Chad 仍停留在原地。對望 ; 一切好像是可怕的未知數，但其實會
變得美好，只是時間未到。台燈暗，過場極光。)
30
它往哪裡去
音樂漸大。台燈在 Phil 和 Marci 身上亮起。他們剛在緬因州 Almost 的回聲湖

Echo Pond 溜冰。現正在脫下溜冰鞋再穿上他們的靴或鞋。 Phil 的是曲棍球溜
冰鞋而 Marci 的則是花式溜冰鞋。 Marci 只穿上了一隻鞋，另一隻是溜冰鞋。
Marci 應穿着雪地鞋，如 L.L. Bean 的打獵鞋，或是絨面的，但不會是一對長
靴。
738. Phil: 覺得你仲嬲緊囉。

739. Marci: (在脫下溜冰鞋) 我冇嬲，//
我只係話我想>
740. Phil: 但你係，你仲係囉，>
741. Marci: 你可以比留心啲。
742. Phil: 你係嬲囉。
743. Marci: 我冇呀! 我頭先好開心，我
以為。我今晚好開心。你唔係咩?
744. Phil: 係。
745. Marci: 好。( 笑，繼續脫下溜冰鞋 ;
突然因某些東西而感到疑惑。停)
746. Phil: (繼而辯解) 我嘅意思係，
Chad 要我返去。我要返工廠。
747. Marci: ( 在找東西 ) 我唔係嬲你呀
Phil，你要做野呀嘛//我知呀。
748. Phil: 我真係返工㗎!
749. Marci: (認真在找東西) Phil 我隻鞋
呢?
750. Phil: 咩話?
751. Marci: 我隻鞋係邊我搵唔到。
752. Phil: 佢實係到㗎。
753. Marci: 佢係邊?!?(他們找她的鞋。
停) 你咪玩啦?
754. Phil: 我冇呀。
755. Marci: 一啲都唔好玩囉。
756. Phil: 我──
757. Marci: 依加咁凍!
758. Phil: 咁係你話要溜冰。
759. Marci: Phil!
760. Phil: (生氣，將近爆炸)搵咪搵囉!
佢實係到!
761. Marci: 我唔係嬲。我一路都冇嬲。
(重新着上溜冰鞋，腳太冷) 我係失望。但係我依家 //冇
野。
762. Phil: Marce──
763. Marci: 我今晚好開心! 溜冰好開心!
我覺得好好玩!>
764. Phil: 之前係囉…
31
765. Marci: 拋低晒所有 … 野。放低啲

細路，好似我地以前咁。我哋去咗溜冰...係一個好似今晚咁
嘅禮拜五，你第一次錫我。你記唔記得? 就係哩到...(碰 Phil，
或許撫摸他的背部) Echo Pond──
766. Phil: (巧妙的或潛意式地躲開
Marci 的手) 我知我地係邊，你隻鞋去咗邊? (去找鞋) 可能──可
能係架車到。你有冇──…你係哩到定車裡面着鞋㗎? ( 聽到
他打開車門和車尾箱)
767. Marci: ( 在意 Phil 避開她 ) 我同你
一齊著鞋㗎。就係到咋嘛。(停。望向天空期待會有答案)
768. Phil: ( 回來 ) 隻鞋//唔係架車到─
─
769. Marci: (看到一顆流星) 噢-噢-噢!!!
流星，流星呀! (閉上眼睛許願)
770. Phil: 咩──// 係邊，係邊!!!(找流
星)
771. Marci: (眼睛閉上) sh!!我許緊願呀!
772. Phil: (仍在找)我錯過咗。
773. Marci: (只望著他) 係。
774. Phil: 咁係咩意思?
775. Marci: (着好溜冰鞋，再站起來找
鞋) 冇野──只係… 並唔意外>
776. Phil: 咩話?
777. Marci: 你睇唔到。
778. Phil: 咩話?
779. Marci: 粒流星。
780. Phil: 點解?
781. Marci: 你唔會留意到呀 Phil。(停)
782. Phil: 我覺得你講哩啲野明顯係
嬲緊囉。
783. Marci: 唔係呀...
784. Phil: Marce──
785. Marci: 我冇嬲，(比失去一隻鞋還
沮喪)我隻鞋係邊?!?! 可能真係係㗎車裡面。(出台往車去想
找另一隻鞋) 我嘅意思係，>
786. Phil: 唔係架車到...
787. Marci: 我着咗一隻鞋。(從後台叫
出來) 我知道我冇係車上面着車，因為我腳上個隻明明係
到。我係到換㗎嘛，係咪? 同你? Phil? (Phil 沒回答，他不懂
他和他太太之間發生什麼事。他感到難過。台後傳來 :)
Phil? 我着咗對溜冰鞋之後擺咗我對鞋係你隔離，但係佢...唔
係到…哩件係我最遇過最奇怪嘅事。( 回來 ) 佢唔係架車裡
面，但係另一隻係到──(看到傷心的 Phil) 做咩事?
788. Phil: ( 扮冇野 ) 吓? 喔。我 …自己
許咗個願，向粒普通星星。
789. Marci: 哦。
790. Phil: 你想唔想同我一齊許願?
32
791. Marci: 好呀。好呀，邊粒?

792. Phil: um... 見唔見到刺猬山
Hedgehog Mountain?
793. Marci: 見到。
794. Phil: 係佢正上面。
795. Marci: 好閃個粒?
796. Phil: 係呀。
797. Marci: 個粒?
799. Marci: 個到?
801. Marci: Phil。
802. phil: 吓?
803. Marci: 個粒係星球。
804. Phil: 吓?
805. marci: 個粒係星球。你向住個行
星許願。
806. Phil: 個粒係──
807. Marci: 係。>
808. Phil: 你又知?
809. Marci: 同埋佢係 ( 她唱歌 ) When
you wish upon a star，唔係 when you wish upon a Planet // 或
者 Saturn──
810. Phil: 我知，我知! 你點知係行星?
811. Marci: 天氣報告講㗎 Phil 。木星
係今個月天空上最光嘅星。佢之後幾個禮拜都會係刺蝟山上
面。天氣報告講咗成個禮拜。如果你向個行星去願係唔會
成真。
812. Phil: 咁──
813. Marci: 你要留心啲呀 Phil。
814. Phil: 點解你係講同樣嘅野?
815. Marci: 吓?
816. Phil: 我要留心啲?
817. Marci: 因為你冇囉。
818. Phil: 你講緊乜?──
819. Marci: Phil，結婚週年快樂。(停)
820. Phil: 吓?
821. Marci: 結婚週年快樂。我一路都
講跟哩樣野。
822. Phil: 我──( 無辦法道歉。停 ) 我
知道你嬲(沒有道歉)。
823. Marci: 我冇嬲呀//Phil!
824. Phil: 你係嬲我呀，跟住好快個
場面就會無啦啦變得好核突。>
825. Marci: Phil 我唔係嬲呀，我──
826. Phil: Marci 我嘅意思係 ─ ─ 對唔
住!! 我知道我唔記得咗啲野，但係我要返工! 我要返兩更因為
33
Chad 要我係工廠! 佢幫跟我──我地，你知唔知呀， //比我

OT 呀!
827. Marci: 我知道，我知道呀──
828. Phil: 唔係，你唔知: 我返工都係
為咗我地，為咗啲細路，有時返咁耐我都會亂!
829. Marci: Phil!我唔係嬲你返工呀! 我
要返工我明呀! 我唔明係點解我覺得好寂寞。我有個老公
有兩個好叻嘅細路。但係我都仲覺得寂寞。(停) 你淨係...你
唔再理身邊嘅事。你就咁走咗去。我唔知你去咗邊，我
淨係知你去咗個令你乜都唔理嘅地方連自己個仔第一次曲
棍球比賽都唔記得//連 Missy 生日都唔記得仲有>
830. Phil: 曲棍球裝備要錢㗎!
831. Marci: 你唔記得咗自己結婚周年!
我帶咗你哩到就係想你記得我地。但係你冇囉。哩樣野
就搞到我好嬲囉我唔知可以再做咩...(停)
832. Phil: 你講大話。
833. Marci: 咩話?
834. Phil: 你講大話好渣。
835. Marci: 咩話?
836. Phil: 你嬲我囉。但係你又唔同
我講──我係咁問完又問──
837. Marci: 因為就算我話咗你聽你都
唔會留意到──
838. Phil: 唔係囉! 因為你唔識點話我
聽你想我點，所以我永遠都唔知我係邊，我嘅位置! 可能我
係因為咁走咗去! 咁我先知我係邊。你知道嘛，我係個到
都好寂寞。係你送咗我去個到。你係好耐之前就走咗。你
之後淨係識講大話 !
Marci: 我唔講大話!
839. Phil: (惱怒) 你有呀! 你話你唔嬲，
但你嬲! 你話你開心，但你冇! 你今晚都唔開心，係唔係
呀?
840. Marci: 係。
841. Phil: 咁你仲話你開心!
842. Marci: 我唔開心呀。我同一齊已
經唔再快樂，Phil。(停) 你有咩?
843. Phil: 冇，我淨係覺得好差。
(停)
844. Marci: 好，咁...(短停) 我地。係到
做咩? 仲等乜? (停。之後 Marci 的另一隻鞋從天而降，落在
Phil 和 Marci 之間。停。Phil 和 Marci 觀測天空，試圖理解發生
什麼事。音樂。Phil 拿起鞋遞給 Marci ，她穿起來。 Marci
站起來，拿出車匙，然後把車開走。 Phil 孤獨一人。一顆
流星劃破星空，Phil 看到。台燈漸暗。轉場極光。)
34
Hope 的故事
音樂漸大。只聽到一輛車靠近，引擎空轉，車門打開，關上，車再駛走。
我們再聽到一對貴鞋踩在雪地靠近，門鐘響起。台燈在一個站在緬因州
Almost 一間小屋前院的女人身上。她拿着一個行李廂和手袋。飾演男人的
演員應是矮細或瘦弱為佳，因為第七場是一個關於失去的故事，高度和體
重等的肉眼可見的「失去」將會是故事的重點。男人失去了太多希望，他
剩下的只有從前一半。當觀眾理解男人失去過的會使場景七意外地奇幻、
讓人心碎但又惹笑。
845. 男人: ( 從台後 ) 嚟緊...( 燈從屋裡

照亮；然後走廊的燈亮起。那個不再是從前自己的男人小
心翼翼。縱究九點已算是半夜，他穿着睡衣和浴袍。入台，
然後突然停下。他認識這女人。)
846. 女人: (怒氣冲冲；太專注在想要
說的話和要做的事，她完全沒有理會男人) 我知咁樣令你好
難做，但係我一個人係哩個世界到，我好驚，因為我依家
腦裡面淨係諗到我係哩個世界裡面係幾微不足道，但我又
忽然間諗起其實有人重視我，就係你呀，所以我特登坐飛
機再搭的士嚟見你，(終於抬頭望他 ) 好彩你──( 男人不是她
以為要見的人) 噢──… 等陣──... 對唔住。你唔係──… 我──…
(確定有否去錯地方) 我有去啱地方 ──… 對唔住 ─ ─ ... Daniel
Harding 係咪住係到? 我想搵 Daniel Harding。
847. 男人: 你//想搵──
848. 女人: 想搵 Daniel Harding。佢住
係到，我以為。但係...(望見男人困惑的模樣才發現 ) 佢唔係，
唔係? 我好對唔住。(女人拿起袋準備離開) 好尷尬。「哩
個女人乜水係到做咩」(停) 我真係以為佢會係到。我一直
以為佢會係到。一直。(停) 你識唔識佢。好大隻，好高大。
打籃球，東緬因州代表隊，中鋒? 好壯嘅? 你識唔識佢? /
/佢仲有打曲棍球。> (約飾演男人的演員偏瘦或身材中等，
不矮，用以下的對白: 你識唔識佢 ? 大隻，好高大。玩博
擊? 舉重? 東緬因州代表隊? 好壯? 你識唔識佢? //有玩曲棍球
㗎。)
849. 男人: 咁... ──
850. 女人: 唔好答我。真係──。我知
道哩條問題好唔應該，以為所有住小鎮嘅人都識晒全世界!
真係唔咁想信我問咗條咁嘅問題。我已經唔再住係到，
個時好憎人以為我識晒所有人因為個鎮夠細。如果佢地問
「...上面有冇暖氣」就仲衰，因為你知唔知小鎮嘅人真係唔
識所有人，同大城市嘅人差唔多。你知道你識邊個唔
識邊個，周圍都係咁㗎啦。(停) 對唔住我騷擾到你。我好肯
定──我聽聞佢父母走個時佢要咗間屋。佢之前住係到。我
以為佢仲係到。佢係個種會留低嘅人。(停) 我冇，我走咗。
851. 男人: 大部份人都會。
852. 女人: 係呀。我以為佢都會。我
冇諗過佢會。我冇同佢再聯絡... 你要留住人地唔係佢地就
35
會流走咗。真係希望有野可以留住啲人，你要佢地就搵得
到。(試圖解釋，開始在手袋裡找他) 噢佢係到，太好喇! (她
笑。男人沒有反應。停。她準備離開，又停下) 嘩真係好凍，
我都唔記得咗。
853. 男人: 係呀。(停)
854. 女人: (又準備離開，再停下)我唔
敢相信──… 我坐的士由 Bangor 嚟。(Bangor 是緬因州第三
大城市，人口約 31,000 人，離 Almost 約 163 里遠) 嚟見
佢。
855. 男人: (停。她坐的士坐了 163 里)
好遠。
856. 女人: 係呀。
857. 男人: 163 里喎。
858. 女人: 係呀。哩到比我記憶中遠
咗啲。
859. 男人: 你點解要咁做。
860. 女人: 因為我係 Bangor 要飛嚟但
係我要即刻搵到佢。
861. 男人: 點解?
862. 女人: 因為我要答佢一個佢問我
嘅問題。
863. 男人: 咩問題?
864. 女人: 我對上一次見佢，佢問咗
我一個好重要嘅問題但係我冇答佢，咁樣唔係好有禮貌。
865. 男人: 咁唔洗對自己咁嚴格嘅，
你唔//覺咩?
866. 女人: 佢叫我嫁比佢。
867. 男人: 哦。(停) 咁你...
868. 女人: 冇答佢。冇呀。(男人吹口
哨) 係呀。所以我先係到。比返個答案佢。(停。之後發現
她應該為自己辯解)我嘅意思係，我冇第一時間答佢因為我
個時比唔到個答案佢。我嘅意思係，我要入大學，跟住...
就係我準備出去闖下做自己想做實現自己嘅夢想之前個晚，
佢問我，「嫁比我好唔好?」。唔係呀嘛我第朝走...你想我
點?
869. 男人: 我唔知呀。
870. 女人: ( 自辯 ) 我嘅意思係，我話
比佢聽我要諗吓，我第日天光之前就會答佢。跟住我就走
咗。就咁留咗佢係到...(正正是男人站着的位子 ) ...係到...跟
住...我冇係天光之前答佢...完全冇。
871. 男人: 哩個就已經係個答案。
872. 女人: 唔係呀! 唔係我嘅答案! 我
只係...出咗去個世界逛下，個個唔係答案，同埋我諗──(短
停)
873. 男人: 咩話?
874. 女人: 我覺得佢會我答應佢。
36
875. 男人: 咁如果個男人問得出後佢

都諗住個女仔會應承。
876. 女人: 我知，同埋──我諗佢會咗
我成晚，以為我會嚟，依家我淨係知道唔可以就咁唔答一
個咁嘅問題，你唔可以對一個人做啲咁嘅野。尤其是對一
個你愛嘅人。
877. 男人: 你愛佢?
878. 女人: 咁──我唔知如果──我嘅意
思係我地仲細。(停下來想才給他一個誠實的答案和真相 )係，
我愛佢。(停) 我覺得我打碎咗佢嘅希望同夢想。
879. 男人: (多是自己的反思而非攻擊
女人，但女人並沒有因此停止自責) 哎呀唔該你啦，你太責
怪你自己。佢仲細。淨係青春哩樣野都已經夠打碎一個人
嘅夢想。所有人都係由細開始...跟住夢想破碎...同埋我唔覺
得你有打碎佢嘅夢想。因為如果你真係打碎咗人地嘅夢想，
雖然係失望，係會受傷但係痛快。如果你拒絕佢嘅話
就真係打碎咗佢嘅夢想。(停) 但係你冇，佢只係冇講野。完
全冇答佢。咁...只係以一種好緩慢好痛苦嘅方法毀滅咗佢嘅
夢想，因為佢一路會抱存希望。就好似你每日比少啲氧氣
一個人呼吸。直到佢地死為至。
880. 女人: 係... (停，不知所措) 係...唔
該晒。
881. 男人: 為咩?
882. 女人: ( 思考；然後誠實的 ) 我唔
知。(她開始離開)
883. 男人: (停了一秒) 再見 Hope。
884. 女人: 再見。(停下) 好對唔住...對
唔住騷擾到你...只係我係哩個世界裡面好渺小，我唔知我
對佢做咗乜，對 Danny，我諗同佢一齊就係我哩個世界嘅意
義──等等，你叫我 Hope。你點知我個名? (男人輕輕地表明
身份，可能脫下眼鏡，然後女人才認得他是 Daniel Harding)
Danny?!?
885. Daniel: 哈囉 Hope。
886. Hope: ( 頭昏腦脹 ) Danny...我唔//
認──>
887. Daniel: 明嘅。
888. Hope: 我唔//認──>
890. Hope: 我唔//認得你!
892. Hope: 你好...
894. Hope: ...細粒。
895. Daniel: 係呀，欸，我，係真係失
去咗希望。你都要負返啲責任。 (長的停頓。他們沒有擁抱。
或者互相問好。糟透了。)
37
896. Hope: Danny，對唔住我//從來冇

──
897. Daniel: sh… 冇野㗎喇。因為你知
道嘛，你其實早咗。
898. Hope: 咩話?
899. Daniel: 你早咗! 你話你天光之前會
返嚟比個答案我，嘩個太陽有排先升起啦! 幾個鐘之前先日
落。你睇下你早咗幾多! 你好有心。(停，因他的寬宏而感
動) 搭的士係 Bangor 上嚟。
900. Hope: 係呀。
901. Daniel: 嚟話我知...? (Hope 準備答
認嫁給他，但被打斷:)
902. Suzette: ( 從後台 ) Honey? Dan?
Honey? 邊個呀?
903. Daniel: (停) 有人...問路。
904. Suzette: 咁夜嚟問路。
905. Daniel: 係呀──Suzette 呀…(停)… 我
陣間就入嚟喇。
906. Suzette: ok… (停)
907. Daniel: 我──…
908. Hope: 做咩?
909. Daniel: ( 淡淡的說 ) 我希望你搵到，
Hope。你係哩個世界嘅意義。 (停) 再見。
910. Hope: 再見 Danny 。 (Danny 回到
房子內。Hope 仍在留連，不知所措。過了那麼多年，她終
於給 Danny 一個答覆。她知道 Danny 不會聽到，就算
聽到也不再重要，但仍回答她:) 好。 ( 音樂。 Hope 離去又回頭。
走廊燈熄滅。台燈暗。轉場極光。)
38
看見那東西
音樂漸大。兩架雪地車開近和停泊的聲音。當車輛靠近時，車頭燈會從後台
照出來。台燈在一間小屋前院亮起，小屋的外圍用透明膠布包着作過冬之用。
小屋雖算是在荒野，但又仍在 Almost 小鎮範圍內。 Rhonda 和 Dave 都是駕駛
雪地車的，二人入台，除下和踢開雪地靴，手中拿着頭盔，身上的冬天衣服
一層又一層。Dave 背後收着一件禮物──一張包起來了畫。停。
911. Rhonda: ( 因 Dave 首次在她家中而

感到不安)ok。就係咁喇。你入咗嚟。你係裡面。
912. Dave: 哩到係個前院。(希望入
屋)
913. Rhonda: 你已經係室內。(不可能讓
他再進內。停) 所以，Dave，你想點!? 你想做咩係要係裡
面做唔可以係出面做?
914. Dave: 我有啲野送比你，你嘅。
(把包好的禮物遞給 Rhonda，做就了「第一個尷尬送禮
deadair」)
915. Rhonda: 咩嚟?
916. Dave: 係係係 (轉話題，粗暴地想
消除二人的不安) 嘩今晚真係快樂呀 Rhonda!
917. Rhonda: 係呀，曾經係囉!
918. Dave: 我嘅意思係，我地開咗 20
里，>
919. Rhonda: 係呀!
920. Dave: 係 Snowmobile Club 食咗腸
同茄汁豆，>
921. Rhonda: 係呀!
922. Dave: 跟住又開返 20 里返去 The
Moose Paddy 飲啤酒!
923. Rhonda: 正啦!
924. Dave: 係呀，同埋，你開新車喎/
/大佬!
925. Rhonda: 係㗎 Polaris 喎 // 大佬 !
(Polaris 是雪地車一牌子)
926. Dave: 我知呀你贏我成條街啦!
927. Rhonda: 係呀! 開 Artic Cat 就係咁㗎
喇(Artic Cat 是另一牌子)贏咗你條街呀!
928. Dave: 我知呀!
929. Rhonda: 贏咗你條街呀!
931. Rhonda: 贏你呀!
933. rhonda: 贏咗你條街呀， Artic Cat
佬!!
934. dave: 我知呀，我知呀，我冇話
你冇喎!
39
935. Rhonda: ( 坐下 ) 好開心。( 停。所有

東西靜止。他們望着禮物。「第二個尷尬送禮 deadair」)
936. Dave: 好咁，咁...我地都...一齊咗
──
937. Rhonda: (嘲笑) 一齊──
938. Dave: 係──
939. Rhonda: 一齊 ?!? 你講緊咩，「一
齊」???
940. Dave: 係呀，我地做咗朋友好幾
年//咁以家就，eh──
941. Rhonda: 所以你以家就想好似啲女
咁 lur 我?
942. Dave: ──shh!── 同埋，同埋，同
埋──... 同埋，喇。(送禮物給她)
943. Rhonda: ( 二人從不送對方禮物 ) 大
佬你做乜野呀?
944. Dave: 打開佢。
945. Rhonda: 「一齊」。唔。我唔係好
肯定。
946. Dave: 打開佢啦。
947. Rhonda: (在前台中心打開禮物，觀
眾不可以看到裡面的內容。 Rhonda 打開之後，將它
靠在箱上，看不懂畫中是什麼) 咩嚟㗎?
948. Dave: 你咩意思，咩嚟? 你...你睇
唔到//畫咩──
949. Rhonda: 係幅畫──
950. Dave: 係呀──
951. Rhonda: 係幅油畫。
952. Dave: 係呀。
953. Rhonda: 你係邊到搵到? 似係自己
畫。
954. Dave: 自己畫係咩意思?
955. Rhonda: 佢似真係人畫。
956. Dave: 咁可能真係有人畫。
957. Rhonda: (覺醒)你畫㗎?
958. Dave: 係呀?
959. Rhonda: 為咗我?
960. Dave: 係。
961. Rhonda: 噢... (完全看不懂在畫什麼
和以什麼畫) 點解?!?
962. Dave: 係因為 … ( 因為她是他的所
有)
963. Rhonda: 我嘅意思係 … 多謝!//多謝，
多謝你呀。
964. Dave: 咁咪係囉，人人都咁講! 唔
洗客氣。
40
965. Rhonda: (坐在台中的櫈上，瞪着畫

看) Dave... 我唔知係你畫。
966. Dave: 係呀。哩樣係──… (將畫放
好──rhonda 放歪了) 我學緊成人畫班。夜晚上堂。 Merle
Haslem 個個中學老師教㗎，教得幾好。哩幅係我嘅「望住佢
直到你見到野為至」個種畫。你有冇見過哩種畫? 以前有
啲畫家會用點點。佢地叫哩啲──… ( 在想名字但想不起
叫”Pointillism”) 個啲… 不過我用一個個色塊，望落淨係得顏色，但
係你行遠啲就會見到成件事，唔係淨係得色塊，係一幅畫。
967. Rhonda: 畫緊咩?
968. Dave: 我唔會話你知，你要自己
領悟。
969. Rhonda: 喂咪咁啦 Dave。
970. Dave: 唔得，係要長啲時間嘅，
可以睇到好忟憎。
971. Rhonda: 咁點解你要比啲令人忟憎
嘅野?!?
972. Dave: 唔係唔係唔係呀，我只係
話你要嘗試唔好去望特定嘅野，咁就會忟憎。你淨係就咁
望住佢，咁佢就會唔知你望佢。
973. Rhonda: 你講跟乜?
974. Dave: 你要厄佢! (示範如何厄佢─
─經過畫時偷望) 厄佢! (再示範) 睇唔睇到! 厄佢! 厄佢! 你唔可
以比佢知。希望你咁會睇到佢係咩。係好平常嘅事，個個
人都知。(Rhonda 嘗試「厄」它數次，像 Dave ，會很好笑 )
就係咁，就係咁喇!
975. Rhonda: ( 放棄 ) 咁好蠢囉。我乜都
睇唔到。
976. Dave: 唔係呀你表現得幾好!
977. Rhonda: Dave!
978. Dave: 好，好，咁你試下咁: 你做
你平時夜晚係屋企會做嘅野，行過佢就扮冇野望下佢。(示
範) 跟住──
979. Rhonda: 我通常飲支 Budweiser 同
你傾電話。
980. Dave: 咁就試下。廚房係邊? ( 開
始入屋) //我拎支啤酒比你咁你可以同我傾偈──
981. Rhonda: ( 停止他 ── 她不想他進內 )
唔唔唔得呀!
982. Dave: 做咩?
983. Rhonda: 我冇晒 Budweiser 得返
Natty Lite。
984. Dave: ( 望向屋內 ) 好嘅，我拎支
Natty Lite 比你，// 咁你可以飲你支啤酒，同我傾偈──
985. Rhonda: (阻止他) 唔唔得呀!
986. Dave: 點解? 喂嚟啦，我地入去
飲支啤酒!>
41
987. Rhonda: 唔得! 我地要厄哩幅畫，係

咪? 我厄緊佢，厄緊佢! 厄佢，我厄緊佢!
988. Dave: 哩啲係啲識咗好耐嘅人會
做嘅事! 嚟啦! Hey!!! (把她叫停不要再望畫) 停喇!! 我識咗你
幾多年呀，我每個星期五晚老遠嚟到哩到，但係我從來未
入過你間屋飲啤酒?! 咁好唔尋常，唔正常，//Rhonda! 我地
做啲正常嘅野入去飲啤酒──!
989. Rhonda: 我唔理咩係正常，我要厄
佢。Hey! Hey-hey-hey，Dave!! 唔好再講廢話 !! 我要望呀。
（她坐下，瞪着畫，令 Dave 忟憎）
990. Dave: 你做錯咗!
991. Rhonda: shh!
992. Dave: 你要厄佢，厄佢呀──
993. Rhonda: hey-hey-hey! ok ，ok!!我睇
到啲野!
994. Dave: 係?
995. Rhonda: 係! 係呀係呀! 係馬路碌死
咗嘅動物。
996. Dave: 咩話?
997. Rhonda: 馬路碌死咗嘅動物囉。馬
路中間死咗嘅狸貓。
998. Dave: 咩話? 唔係! 唔係囉!──
999. Rhonda: ok，鹿。死咗血淋淋嘅鹿/
/攤咗係馬路中間──
1000. Dave: 唔係呀 Rhonda?!? 唔係一
隻//係馬路中間嘅死咗血淋淋嘅鹿!!!
1001. Rhoda: ok，麋鹿?
1002. Dave: 吓?
1003. Rhoda: 係馬路中間嘅死咗血淋淋
嘅麋鹿。
1004. Dave: RHONDA!!! 唔係呀! 唔係呀
哩樣唔係我要畫嘅野呀!!! // 死麋鹿? 一啲都唔似!
1005. Rhonda: 咁我係睇到哩樣，我唔知
可以係咩，咪嬲啦大佬!
1006. Dave: 你睇唔到係咩?!?
1007. Rhonda: 睇唔到。
1008. Dave: 咁我可唔可以比個提示你?
1009. Rhonda: 好呀! (Dave 吻上她的唇。
那就是提示。她立刻退開，生氣和心慌 ) 你做乜野 ?!? ( 小
停) 你做咩?!? 你做乜野!?!
1010. Dave: 我比提示你──…
1011. Rhonda: 你唔好再咁做! 以後都唔好!
走呀你!!! (她衝離開屋。停)
1012. Dave: ( 收拾東西；自言自語 ) 救
命… (準備離開；停；然後大叫) HEY RHONDA!!
1013. Rhonda: 乜呀?
42
1014. Dave: 你真係同佢地講嘅一模一

樣!!!!!!!!!
1015. Rhonda: 乜野? 邊個佢地?
1016. Dave: 你遲鈍囉，係個啲位!!!!!!!!!
1017. Rhonda: (衝回來) 邊個講?!?
1018. Dave: ( 戴頭盔 ── 她很兇悍 ) 所有
人。
1019. Rhonda: (愈來愈狠) 邊個?!?
1020. Dave: ( 驚 )所有人呀 Rhonda。鎮
裡面啲人係咁講…
1021. Rhonda: 幾時?
1022. Dave: 佢地講野個時! 佢地話你有
啲鈍鈍地，係個啲位，所以我要堅持，係個啲位，佢地話，
佢地啱!
1023. Rhonda: 邊個?
1024. Dave: (難以啟齒因為他們全是好
朋友) Suzette。
1025. Rhonda: Suzette?
1026. Dave: 係呀，同埋 Dan…
1027. Rhonda: ( 難以置信 ) Suzette 同 Dan
Harding 話我有啲遲鈍，係個啲位，同埋你要堅持落去，係
個啲位…???
1028. Dave: 係呀。
1029. Rhonda: 咁仲有邊個?
1030. Dave: Marci…
1031. Rhonda: Marci?!?
1032. Dave: 係呀同埋 Phil，//同埋──>
1033. Rhonda: Marci 同 Phil?!? ──
1034. Dave: ── 係呀 ─ ─ 同埋 Randy 同
Chad，仲有>
1035. Rhonda: Randy 同 Chad?!?!──
1036. Dave: Lendall 同 Gayle，同>
1037. Rhonda: Gayle?──
1038. Dave: Marvalyn 同 Eric，同>
1039. Rhonda: Marvalyn…?
1040. Dave: 同埋 Jimmy ， Sandrine 同
East，同>
1041. Rhonda: East?!
1042. Dave: 我淨係講咗幾個…
1043. Rhonda: ( 深受傷害 ) 點解佢地 ──… ?
我鍾意佢地，我對佢地好好。點解佢地要咁樣話我 ? 咁樣
係講我壞話，好冇禮貌囉。
1044. Dave: 唔係 ── 我唔覺得佢地冇禮
貌，Rhonda。我諗佢哋同我講係想警告我將會卷入個咩嘅
旋渦裡面。因為佢地都鍾意你。同埋我。我地。佢地想我
哋一齊呀 Rhonda。
1045. Rhonda: 邊個想我地一齊?
43
1046. Dave: 所有人 ! East 同 Gayle 同

Lendall 同 Randy 同 Chad──
1047. Rhonda: 咁佢地冇同我講過，佢地
想我地一齊──
1048. Dave: 咁係因為你鈍鈍地，係個
啲位，Rhonda! (停。他喚醒了 Rhonda 內心深處的某東
西) 只係──我好對唔住激嬲你。我唔知我做錯啲咩。我只係錫
咗你一淡。即係… 點解你可以錫返我? 係禮貌嚟，人錫你//
你錫返佢，好公平。只係… 錫返我，Rhonda。
1049. Rhonda: 我唔識呀。
1050. Dave: 你咩意思?
1051. Rhonda: 我唔識呀。我未試過。
1052. Dave: 你未...錫過人?
1053. Rhonda: 我五年班之後每年都係冬
日嘉年華贏拗手瓜，我係 Bushey 個伐木場整合膠板，我唔
係大部份男人…想要。
1054. Dave: 邊個話你聽㗎?
1055. Rhonda: 所有人。
1056. Dave: 咁… 你錯囉，Rhonda，因
為我要話比你聽，有好多男人其實成日𥄫你㗎! (停)嘩… 所
以你從來──你從來… 冇[有過…關係]…?
1057. Rhonda: 冇。
1058. Dave: 嘩天啊。我諗咁幾好呀。
(停) 不如咁，幫我個忙: 試下錫我，睇下會點。我唔會笑你，
我應承…
1059. Rhonda: 唔好… 唔得… 我地繼續(回
到櫈上繼續望畫): 係咪蘋果? 車厘子? 一個大嘅士多啤梨大
黃派── (Dave 親 Rhonda，過好一陣子。Dave 緩緩的退開，檢
查 Rhonda；她還好。看來她還蠻享受。畫應該剛好在
Rhonda 的視線水平，而 Rhonda 終於能在看到 Dave 畫了什麼) 噢
Dave… 我睇到喇! 係個──(從櫈上站起來往畫走去，擋住觀察
的視線) 好靚。好靚呀。畫得好好。你畫得好好! (她將畫
抱在胸前──觀眾仍未看到)
1060. Dave: 真係?
1061. Rhonda: 係呀。
1062. Dave: (吻 Rhonda。畫逼在二人
的身體之間──觀眾仍未看到) 你都好叻…
1063. Rhonda: (用力吻上 Dave，Dave 因
Rhonda 出人意表的功力而喜出望外) 我以為會好難! (又再吻
他，快而狠) 完全都唔難…(又再吻他，快而狠) 完全… (畫
在 Rhonda 的櫈上，對着台的後半部，觀眾仍然看不到) 我覺
得我其實想做哩樣野好耐，但係我又想做其他野… 接住落
嚟嘅野… (Rhonda 急着要知道下一步) 但係我唔知係咩。
1064. Dave: 我知。(音樂。二人都猶豫
不決但又按捺不住。Dave 鼓起勇氣向 Rhonda 示範下一步──
他慢慢拉開她身上 Polaris 雪地車大衣的拉鍊，將它脫下。
然後他在 Rhonda 的協助下脫下 Artic cat 外套。他再脫
44
下靴子，示意 Rhonda 同樣可脫下靴子。Rhonda 照樣做。

Rhonda 和 Dave 開始一層又一層的冬天衣服[愈多愈好笑] ，脫得
愈來愈快，愈來愈有意圖，二人接近發狂。身上只剩下長
袖內衣褲的 Dave 和 Rhonda 面對面 …之間有一大堆冬天衣服。
停。他們慾火焚身!) 你想知道下下一步係咩?
1065. Rhonda: 想。
1066. Dave: 點解我地唔入去... 我話你
知...
1067. Rhonda: 要幾耐?
1068. Dave: 咁... 可能要成晚。可能要
耐啲。
1069. Rhonda: 喂等等先!（音樂漸細）我
地聽朝第一更呀。
1070. Dave: 邊個話? (停。他聳肩，靈
機一動)
1071. Rhonda: (明白) 你嘅意思我地請假?
我地請假?!? (音樂又再漸大， rhonda 非常興奮因為他們
從不請假!) 我地請假!!!! (很興奮) 我地要打比 chad 呀! (超級
興奮) 因為我同你聽朝唔會返第一更，任何一更都唔返。(仍
然非常興奮，Rhonda 開始入屋；停──那是 Rhonda 自己特別
的誘惑) 你自己入去，Mister Arctic Cat，跟住你話比
我知下一步要點做! (橫衝直撞，入屋內。停。Dave 很驚訝──有
點震撼。故事的進展全因他的畫變得非比尋常，他現在拿
起畫，而觀眾仍然看不到。他凝望着畫，抱着它，感謝它!
) Dave!!! (打斷 Dave 的思路，Dave 然後離台去實現夢想，而
他則隨意的把畫靠在椅臂上，觀眾終於看到畫──一顆心。
一顆大紅心。台燈漸暗，唯獨照在心上。突然之間，音樂
完/台燈滅/轉場極光。)
45
Epilogue
音樂。台燈亮起，Pete 仍在同樣在長櫈上，望着台左 Ginette 離開的方向。他的

雪球仍在他左邊。 Pete 站起來，拿起雪球，往台左離開，嘗試會否看到
Ginette。音樂輕輕變大聲，Ginette 有點勞累從台進來。突然開始下雪 ! Pete 感
覺到 Ginette 進來，轉身往她走去──但又停下，只示意雪球暗示她是否繞了地球
一大圈回來，她點頭。她繞了地球一圈然後回來，他們現在終於相近。 Pete 將
雪球掉在身後，Ginette 和 Pete 跑向大家相擁。他們走去長櫈，坐下，然後在音
樂的最後一個音符，逐望向星空。北極光出現。音樂停，台燈暗下。
全劇完
46

Translation - Almost, Maine 2

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Translation - Almost, Maine 2

Uploaded by

Copyright:

Available Formats

Almost, Maine (STW 劇團 2024.02.

音樂。(建議用 Julian Fleisher 的原創音樂) 。深冬，一個寒冷的星期五晚，

音樂漸細。台燈在一個站在緬因州 Almost 舊農莊前院的女人身上漸亮。她

21. 男人: 哈囉。

100. Glory: 咩話?

她的心再落在 East 手上。她把心取回。)請你唔好再咁做。

音樂漸細。台燈漸漸照亮獨自坐着 Jimmy。他躲在緬因州 Almost 小酒吧──

181. Jimmy: Sandrine!

335. Sandrine: 多謝，Jimmy。(Sandrine 回到她的單身派對──女生

349. 女人: 啊! 頂! (男人將此動作記下，在一本印着「會傷害你的東

377. 女人: 呀!! (掙扎遠離他)

418. 男人: 我阿哥 Paul。有啲人叫佢做第四型遺傳性感覺神經病，但

449. Marvalyn: 係呀。12 月個時落大雪我地個屋頂冧咗。我地會係

479. Marvalyn: 佢又知?

512. Steve: (坐在長櫈上) 係。你要走。你──準備走。我知你會。所有

523. Gayle: Lendall! (繼續敲門) Lendall! (繼續敲門) Lendall! (台燈照在緬

556. Lendall: (叫她) 我唔係好想要返佢──whoa! 洗唔洗幫手?

587. Gayle: shh! 我試過去整返啱佢。我比晒我嘅愛你想令你愛我，我

音樂漸暗。台燈照在 Randy 和 Chad 身上──百分百男子漢/「佬」，來自阿

630. Chad: 我信你，我嘅意思係──

662. Chad: 冇──

701. Randy: 保齡啦，係 Snowmobile Club 食飯，再去 The Moose

728. Chad: 唔係──我啱啱──。(停) 我諗我啱啱愛上咗你[fell in

音樂漸大。台燈在 Phil 和 Marci 身上亮起。他們剛在緬因州 Almost 的回聲湖

738. Phil: 覺得你仲嬲緊囉。

765. Marci: 拋低晒所有 … 野。放低啲

791. Marci: 好呀。好呀，邊粒?

Chad 要我係工廠! 佢幫跟我──我 地，你知唔知呀， //比我

845. 男人: ( 從台後 ) 嚟緊...( 燈從屋裡

875. 男人: 咁如果個男人問得出後佢

896. Hope: Danny，對唔住我//從來冇

911. Rhonda: ( 因 Dave 首次在她家中而

935. Rhonda: ( 坐下 ) 好開心。( 停。所有

965. Rhonda: (坐在台中的櫈上，瞪着畫

987. Rhonda: 唔得! 我地要厄哩幅畫，係

1014. Dave: 你真係同佢地講嘅一模一

1046. Dave: 所 有 人 ! East 同 Gayle 同

下靴子，示意 Rhonda 同樣可脫下靴 子。Rhonda 照樣做。

音樂。台燈亮起，Pete 仍在同樣在長櫈上，望着台左 Ginette 離開的方向。他的

You might also like

Chad 要我係工廠! 佢幫跟我──我地，你知唔知呀， //比我

1046. Dave: 所有人 ! East 同 Gayle 同

下靴子，示意 Rhonda 同樣可脫下靴子。Rhonda 照樣做。