GONA CHISHONA 3

MADIMIKIRA
1. Kupura nyemba nemusana- kugarika zvikuru.

2. Kunwisa mvura- kunaka/kuyevedza.

3. Kuita muonera pamwe chuma chemuzukuru- kubatsirana.

4. Kuve nechinya chiri pahuma segurwe- kuve nehasha zvikuru.

5. Kuzvimbirwa nenyemba dzevabvuwi- kuita pamuviri.

6. Kuita gomo risina ukwiriko- munhu anotyisa kana atsamwa.

7. Kufemera pamusoro sendere- kutsamwa zvakanyanya.

8. Kuitwa kanyama kanyama- kubatsirana kurohwa.

9. Kutsika madziro- kurambisisa zvachose.

10. Kuomesa musoro sedambakura- kurambisisa.

11. Kusiya wapisa musha- kushaya musha wekudzokera kana warambwa nemurume.

12. Kuve netsika dzakananzwa nembwa- kuve nehunhu hwakashata.

13. Kuita mazambukoemadzvinyu nemakwereveshe- vasikana vanongogara nevakomana

vakareruka.

14.Kutevera kwakaenda dzeroora- kudzokera kumusha kwavo varambwa.

15. Kubata mbereko- kuita pamuviri/kuita nhumbu/kuzvarwa mwana.

16. Kuita bonde- kurara kwemunhurume nemunhukadzi.

17.Kuisa musoro pamwe chete- kubatana pakuita chinhu chinounza budiriro.

18. Kuita dzimba dzavo- kuva vakaroorwa/kuva nemusha nemhuri yavo.

19. Kubva zera- kuyaruka/kuva wakura zvokugona kuroorwa.

20. Wafa Wanaka- munhu kana afa haachina mhaka nemunhu.

21. Kurova guva- kuchenura/kudzora mweya womufi mumusha.

22. Kuchenura mufi- kuchenesa mweya womufi kuti ugone kuzochengeta mhuri yawakasiya.

23. Kugara gata- kuenda kun’anga kuti vaone kana guva risina kupiswa.

24. Kubaya vapenyu- kurwarisa vemhuri vapenyu vane ukama nemunhu akafa.

25. Kuozha imba yandakavata- kusvibisa guva.

26. Kupisa guva- kuita bonde kwemunhu akafirwa guva reakafa risina kurohwa.

27. Kupa maraiwa- kuvaudza zvavanofarira kuita kuti upenyu hunake.

28. Kugarwa nhaka- kupiwa murume mumhuri kwemukadzi mushure mekunge wake chaiye afa.

29.Kuita choupombwe- kuita upfambi.

30. Kuita museve waenda neuma- kuenda zvekusadzoka.

31. Kudya mwoto- kupopota zvikuru.

32. Kushamba pakashamba bveni- kuita munyama wakakura.

33.Kufira mudutu sembeva- kuwirwa nedambudziko usingazivi.

34. Kurasa muswe- kufarisa.

35. Kudzipwa neganda remhuru- kupinda mudambudziko nechinhu chidiki diki.

36. Kutema ugariri- kushanda kwemunhurume kwaanatezvara kuti apiwe mukadzi.

37. Kuve zimunzwa riri mundove- kukuvadza mumwe munhu muchihwande asingafungire.

38. Kutema gotsi nezvitsitsinho- kumhanya zvakanyanya.

39. Kutswanya bete neura hwaro- kuita zvinhu nemazvo.

40. Chitsoka ndibereke- kumhanya uchitiza.

41. Midzimu yakarwa imire- kununurwa panjodzi.

42. Kuita gumi rakadya vaviri- kumbundirana nekudonha mose.

43. Kuisa maoko- kukwazisa muchiombera nokutaura chidawo chemunhu wamuri kukwazisa.

44. Kubaira zani- kupa munhu mazano anovaka.

45. Akanwa zino- akafunda zvikuru.

46. Zvagumirana muzhira- zvatadza kupera.

47. Kusvikira rwanditora- ndonyarara chete kana ndafa.

48. Kuparidza vhangeri- kuudza nokushora vanhu vane uori.

49. Kubereka demo- kutiza apo unenge woda kurwiswa.

50. Kuita chisodzimate- kunyepedzera kurwadziwa nedambudziko remumwe.

51. Kumonya muromo- kutuka munhu nechemumwoyo.

52. Kukwenya mhuno nekasiyanwa- kushuvira kuti chaizvo zvaunoda zviitike.

53. Kuseverana mumatama- kutaurirana mashoko muchinyatsonzwanana.

54. Kuita tsika nditsikevo- kugara muchingove mose musingambosiyani.

55. Kupura nyemba nemusana- kuratidza kugarika kwakanyanya.

56. Kutsika mutsvanzva- kuvamba kuve jaya muupenyu.

57. Kupfura shangu- kutandadza.

58. Kubata makuku- kubvuma mhosva yaunopomerwa.

59. Kurimirana kumiganhu- kuvengana zvekusada kuonana.